Isaías 7:14 - Kaxinawá Bíblia (BR)

¹⁴ Mĩ haska shinãbiaya Senhor Deus kayabitũ hawẽ unãmati hatũ matu uĩmashanikiki. Txipash tsuã txutariama anua huni bake nanetã kaĩshanikiki. Ibuã hawẽ kena kenakinã, Emanuel washanikiki.

Isaías 7:14 Referencias Cruzadas

Gênesis 29:32

Hanushũ Léiã bake bia tuya huni bake kaĩshũ yuikĩ: “Ẽ benẽ ea danã duakabia ẽ punu nuka Senhor Deusũ ea uĩkiki. Haskakẽ ẽ bakewẽ taeshũ ẽ benẽ ea betxipaishanikiki. Haskawẽ taea ẽ bakẽ kenarã, Rúbenki”, akima

Gênesis 30:6

Raquelĩ datxukĩ yuikĩ: “Deusũ ea uĩkĩ ea unãkĩ ẽ shinã pewẽ taeshũ ẽ yukai hãtxa ea nĩkaimashũ ikis ẽ huni bake ea inãshuki. Haskawẽ taea na bake kenarã, Dãki”, aka

Gênesis 30:8

Raquelĩ ana datxukĩ yuikĩ: “Ẽ betsa maemanũ ika ẽ habe ha imis ẽ ma binuaiĩ. Haskawẽ taea ha bakeishtã kenarã, Naftaliki”, hatu wanikiaki.

Gênesis 4:25

Ana Adão hawẽ aĩ Eva txutakĩ bakewaima ana huni bake kaiãyã kenakĩ: “Seteki”, iwanã, shinãkĩ yuikĩ: “Caimnẽ Abel debu waimawẽ taeshũ Deusũ huni bake betsa ea inãshuki”, inikiaki.

Salmos 46:8

Senhor Deusũ hawẽ kushipawẽ na mai anushũ nawabu hatu dateakeakeimarã, neri beshũ uĩ bekãwẽ.

Isaías 8:10

Mã nukukiri yubakabia mã akama ishanaii. Haska betxipaikĩ mã katushũ yuibia mã nuku akama iriashanaii, Deus nukube nashui itã nuku mekeawẽ taearã.”

Isaías 8:8

Judá mai pakea hari binubaĩ hari kesuismabia kẽku tsakashanikiki. Isa hawẽ pei pexa dakamis keskakĩ, Emanuelĩ, mai hirabi mĩ atxi keyushanaii.

Isaías 9:6

Hamẽ betsarã, Deusũ hawẽ kushipawẽ dasibi betsa wakĩ bakeishta nuku inãshanikiki. Ha bake nuku anu yunua kaĩshanikiki. Hatũ kushipa bitã shanẽ ibuhairashanikiki. Hawẽ kena tibi inãkinã, eska washanikiki: Hawẽ yubakani nũ haskashanai unãmanika pehairaki. Deus kushipahaira tsuã binutirumaki. Epa hiweibi hiweaki. Hawẽ taea Deusbe unanuma hiwetiki.

Jeremias 23:6

Ha shanẽ ibu kaĩkĩ hatu yunukubainaya Judá enabu unanuma pe mekeaibũ ha dikabi Israelĩ enabu unanuma hiwekubaĩshãkanikiki. Ha shanẽ ibu kenakinã, ‘Nukũ Shanẽ Ibu Kushipa Maemanikaki’, akubaĩshãkanikiki”, itã

Miquéias 5:2

Haskabiaibũ mã Belém Efrata anu hiweabuũ, na hãtxa nĩkakãwẽ. Judá enabũ mai pakea anu mĩ mae peshepishtabiakẽ mia anua shanẽ ibu tashnitã Israelĩ enabu dasibi yununika kushipa ishanikiki, bawakĩ Deusũ taewariama hiwenirã.

Lucas 1:35

hawẽ nuikĩ nai tsumã ana yuikĩ: —Kuxipa hatu binuatũ hawẽ kuxipawẽ hawẽ Yushĩ Pepa yunua mikia dami naneima kaĩmashũ hatũ Deus txibãyã: “Harã, meribi Deusũ bakeki”, ishũ kenakubaĩshãkanikiki.

Lucas 2:12

Hanu benabaũkĩ ina hiwe anu yabushũ burro pimati hi shãtu wanibuki datãbu mã betxi katiruki. Haska betxitã ẽ hãtxa kayabi mã unãshanaii— hatu waya

Lucas 20:44

“Messias ẽ shanẽ ibuki”, Davĩ abianikẽ haskatã hawẽ shanẽ ibu hanubi hawẽ baba itirumẽ? Ea yuikãwẽ— hatu wa hawa yuiabumakẽ

João 1:14

Hanua hawẽ Xinaĩ Hãtxati yura kayabi hayanũ ika aĩbu meranu naneima kaĩyã Deusũ bake bestitxai ewatã nuku anua yumetã ewani hiwea hawẽ Epa Deus itsa kuxipa duapahaira nũ uĩpauniki, nuikipa haya inũ txani txakatima hãtxa hayarã.

Romanos 9:5

Habiari nukũ shenipabu Israelbu anua Messias Cristo yura kayabitã tashniniki. Nukũ mekenika Deusũ dasibibu mekei shanẽ ibuhairamisrã, kẽwãkĩ heneyamakubainãkãwẽ. Haskakirã.

1 Timóteo 3:16

Dasibi Jesus Cristo nũ ikũwaĩwẽ Deusũ nuku duawai nũ unã keyutirumabia txanima shabakabi haska wani haska xinaĩ tsuabura haskakiri yui nũ hawẽ ha itirubumaki. Hakia hawẽ bake ikũwãkĩ Deus nũ benimawatiruki. Eskaki, mia yuinũ nĩkawe: Cristo huirã, hunĩ yura bitã tashniniki. Cristorã, hawa txakabu hayama pepa bestiki, iwanã, Deusũ Yushĩ Pepatũ hawẽ hiweakiri yuiniki. Bestẽkaina Deusũ nai tsumabũri uĩriakubainibuki. Ha inũ, nawa betsa betsapa anushũ Jesusũ tsumabũ kakape hakiri yusĩkubaunaibũ itxapabũ ikũwaĩbũ Deusũ nai anu ana hawẽri ainitã shanẽ ibu wani nũ unaiĩ.

Juízes 6:36

hanushũ Deuskiri shinãbiai date duakabikĩ Gideãonẽ Deus yuikĩ: —Haska mĩ ea txanima yunukĩ Israelĩ enabu merabewamakĩ mekemaimẽkaĩ mĩ ea yunushina keska akatsi

1 Samuel 1:20

merabewaya Anã ma bake bi tuyaima ewatã huni bake kaiã Senhor Deus ma yukakĩ ea akimawẽ taeshũ kenakĩ: “Samuelki”, anikiaki.

1 Samuel 4:21

hawenabũ yuikĩ: “Hawẽ yubakani hãtxa aruni bau ma nuku mebĩkãshuwẽ taea Israelĩ enabu ana tsuã nuku kẽwãkĩ nukukiri pe shinãtirubumaki. Nũ ma babuabuki. Haskawẽ taea ha bakeishta kenakinã: ‘Icabô washunãwẽ’ ”, anibukiaki. Haska shinãkĩ ha bakeishta dabikinã, Deus hatube yubakani ma hatu mebĩkãshu inũ hawẽ kuka inũ hawẽ bene mawashu shinãkĩ haska washunibukiaki.