Êxodo 3:13 - Kaxinawá Bíblia (BR)

¹³ datekĩ Moisĩ ana yuikĩ: —Mĩ ea haska wa Israelĩ enabu anu kashũ eã hatu yuikĩ: “Hatũ nukũ shenipabu mekekĩ duawapauni Deusũ matu anu ea yunushinaki”, ẽ hatu wabia ea yukakĩ: “Harakiri kenamẽ?” ea akabu Harakiri hatu yuishãpa?— aka

Êxodo 3:13 Referencias Cruzadas

Gênesis 32:29

hanushũ Jacó yukakĩ: —Miarã, harakiri mĩ kenamẽ? Ea yuiwe— aka —Haskai ẽ kena mĩ yuka ikaii?— iwanã, hawẽ kena yuiama hanushũ Jacó hawẽ kushipawẽ pepawa bestitã kaya

Êxodo 15:3

Senhor Deus kushipahairatũ yurabu kushipabu hatu binumiski. Hawẽ kenarã, Senhor Deus hamebi hiweaki.

Êxodo 3:12

Senhor Deusũ ana kemakĩ: —Ibubis mĩ hawaumabiakẽ mia merabewakĩ mia putama ẽ mibe ikũkaĩshanaii. Egito anua enabu iwei nenu na mati meribi anu mĩ ana hushũ minabubetã mĩ ea kẽwãyã parãma ẽ mia yunuima mĩ uĩshanaii— aka

Êxodo 3:14

Deusũ ana yuikĩ: —Earã, Ẽmebi Ẽ Hiwearã, Ẽ Eaki. Hari Israelbu mĩ hatu yuitiruki: “Hamebi Hiweatũ matu anu ea yunushinaki”, akinã— iwanã,

Êxodo 3:15

ana Moisés yuikĩ: —Eskakiri hatu yuikinã: “Matũ shenipabu Abraão inũ, Isaque inũ, Jacó hatũ habu mekekĩ duawapaunirã, Senhor Deusũ matu anu ea yunushinaki”, akĩ hatu yuitãshãwẽ. Na kena ‘Senhor Deus’ habias ikũkaĩshanikiki, ẽ kena hawa betsa maeamarã. Na ẽ kena Senhor Deus dasibitũ ea shinãtiruburã, henenakamaki— iwanã

Êxodo 7:16

Mã hari ka aki nukutã Faraóne ea yuishũkĩ: —Hebreubu mekenika Senhor Deusũ mianu ea yunushuki. Mia yuikĩ: “Hanu tsua hiweabuma anushũ enabũ ea kẽwaĩ hau bunũbũ ana hatu nemayamawe. Ẽ mia yuibia mĩ ea nĩkariamaki.

Isaías 52:6

Hatiãra enabu merabewai ẽ ana huaya habũ ea unãshãkanikiki, haska ea Senhor Deus ẽ hãtxani hatu anua ẽ tashnimayarã”, ikaya

Isaías 7:14

Mĩ haska shinãbiaya Senhor Deus kayabitũ hawẽ unãmati hatũ matu uĩmashanikiki. Txipash tsuã txutariama anua huni bake nanetã kaĩshanikiki. Ibuã hawẽ kena kenakinã, Emanuel washanikiki.

Isaías 9:6

Hamẽ betsarã, Deusũ hawẽ kushipawẽ dasibi betsa wakĩ bakeishta nuku inãshanikiki. Ha bake nuku anu yunua kaĩshanikiki. Hatũ kushipa bitã shanẽ ibuhairashanikiki. Hawẽ kena tibi inãkinã, eska washanikiki: Hawẽ yubakani nũ haskashanai unãmanika pehairaki. Deus kushipahaira tsuã binutirumaki. Epa hiweibi hiweaki. Hawẽ taea Deusbe unanuma hiwetiki.

Jeremias 23:6

Ha shanẽ ibu kaĩkĩ hatu yunukubainaya Judá enabu unanuma pe mekeaibũ ha dikabi Israelĩ enabu unanuma hiwekubaĩshãkanikiki. Ha shanẽ ibu kenakinã, ‘Nukũ Shanẽ Ibu Kushipa Maemanikaki’, akubaĩshãkanikiki”, itã

Mateus 1:21

Ha huni bake kaĩtã ewatã hawenabu Deuski petxia txakabumisbu hau hatũ ana Deus txibanũbũ hatu merabewashanaiwẽ taeshũ kenakĩ: ‘Jesus’, washãwẽ”, aka Josẽ haska nĩkatã xinãnikiaki.

Hechos 3:13

Nũ haskamaki. Matu yuinũ nĩkakãwẽ. Habias nukũ shenipabu Abraão inũ, Isaque inũ, Jacõ Deus kẽwãpaunibũ na huni ma shushawashuki. Ha inũ, hawẽ bake abuhairakĩ Deusũ nukuwẽ taeshũ kẽhairawabiamiskẽ danãkĩ matubu haki sinatakĩ atxishũ nawa shanẽ ibuhaira anu mã iyua hanushũ Pilatõs xinã pewatã tenãkatsi ikama nitxĩpanã mã nemaimaki.

Juízes 13:17

hanushũ Manoá ana nai tsuma kushipa yukakĩ yuikĩ: —Haska mĩ nuku yuishina keska nukũ bake ma kaiãyã hawẽ taeshũ nũ mia kẽwãshanũ mĩ kena besti nuku yuiwe— aka

Juízes 13:6

haska wawana aĩbu kashũ hawẽ bene yuikĩ: “Deus anua huni betsa ẽ nia anu tashnitushikĩ ea datea ẽ hushuki. Senhor Deusũ nai tsuma kushipa daki ẽ uĩshuki. Yukakĩ: ‘Mĩ tsuamẽ?’ akĩ ẽ yukama ishuki. Hatũri ea haskari ea yukama iriashuki.