Marcos 16:20 - Kaxinawá Bíblia (BR)

²⁰ hanua Jesusũ tsumabu kaĩbaini bukĩ mae tibi anu yusĩkubaunaibũ nukũ Shanẽ Ibu Jesusũ hatu merabewakĩ hawẽ kuxipawẽ hawara unãti dami atimaska ikũ hatu uĩmakubainibukiaki. Marcos

Kashinawa : Diosun Jesúswen taexun yuba bena yiniki

²⁰ janua Jesúsun tsumabu kainbaini bukin mae tibi anu yusinkubaunaibun nukun Xanen Ibu Jesúsun jatu medabewakin jawen kushipawen jawada unanti dami atimaska chanima jatu uinmakubainibukiaki. Marcos

Marcos 16:20 Referencias Cruzadas

Marcos 16:19

Shanẽ Ibu Jesus hatube hãtxai meneaya hanushũ Deusũ nai anu ainitã hawẽ yusiuri tsaumaya

Lucas 1:1

Shanẽ ibu Teófiloõ, ẽ mia kene bumai uĩwẽ. Haska Jesusũ yusĩkĩ taewani anua hawẽ tsuma kayabibũ uĩakeakenibu inũ Jesusũ hawara hatũ berubi uĩkubainima Deusũ hatu katua habũ hawẽ kuxipayabu hau txanikubaĩshanũbũ habũ nuku yusĩabu huni betsabũ habiaskari bebũkiri unãkĩ pewatã nuku keneshunimabuki. Hakia hawẽ tsumabũ yusĩmiskiri miãri mĩ nĩkaima: “Txanimaki”, eãri habiaskari xinãkĩ ẽ mia keneshunai mĩ unãkubaĩshanũ haskani Jesuskiri dasibi yuka iki nati itã eãri nĩkakĩ pewatã ẽ mia kene bumaii.

Hechos 14:3

hatu haska wabiabu Jesusũ kuxipayabu Paulo inũ Barnabé habube shaba itxapa hiweyushũ nukũ Shanẽ Ibuki txiti itã hawa dateama Jesuskiri txani txakama hawẽ hãtxawẽ hatu ashũkĩ haska Deus nuikipakiri txanikĩ hatu unãmaya, hanushũ Deusũ hatu merabewakĩ kuxipa wakĩ dami atimaska betsa betsapa hatu ashũkĩ uĩmaya

Hechos 4:30

Mĩ kuxipa paewẽ isĩ teneaibu shushawakĩ dami atimaska tsuã atiruma mĩ tsuma meribi Jesus mĩ waniwẽ hawẽ kuxipawẽ nuku amakĩ nuku hatu uĩmakubaĩwẽ— akĩ

Hechos 5:12

Deusũ hawẽ kuxipa hatu yunua Jesusũ kuxipayabũ yurã kaiã merabewakĩ dami atimaska haikaimas betsa betsapa akaibũ hatu bana nĩkatã hatube itxai bebirã bebiranaibũ hanu Templo hemaĩtĩ anu hanu bari kuaya utamisbu hawẽ kena Salomão anu ikũwaĩbu betsabu hatuki dasi itxakubainibukiaki.

Romanos 15:19

Deusũ Yushĩ Pepatũ kuxipawẽ hawara atimaska yurabũ atirubuma dami betsa betsapa haskabiamawakĩ ea wama ẽ akeakeaya hawẽ taea kuxipakĩ kakape Jesus Cristokiri hatu yusĩkinã, haska Israelbuma betsa betsapaburi ẽ hatu txibãmakubainima besti ẽ matu yuiaii. Hanushũ taewakinã, Jerusalém mae anushũ ẽ taewaxina mae tibi iake iaketãkaini hari mai pakea betsa Ilírico anu ẽ txĩtũtãyamaki.

2 Coríntios 6:1

Ha dikabi yura tibi Deusũ yuikĩ: “Ẽ tsuara nĩkakatsis ikaya mĩ ea kenaya mĩ hãtxa nĩkatã ha shaba ikaitiã ẽ mia mekekĩ merabewashanaii”, ikaya nĩkatã Isaíasĩ keneniki. Haska shabakabi ẽ matu xinãmai nĩkakãwẽ. Natianã, Deusũ matu nĩkakatsis ikikiki. Ha inũ, natiã matu mekekatsis iriaikiki. Haskakẽ mã Deusbe dayakĩ ashũmis matu yununũ nĩkakãwẽ. Hamẽmẽs Deusbe haibunamei beparameama ikũ kayabi Deusũ hawẽ pepa ma matu uĩmaki. Danãyamakãwẽ. Haskawẽ taea nukurã, nũ Deusũ daya ashũkĩ merabewai dayashunikabuki.

Hebreus 2:3

Uĩwẽ. Ha dukũ nukũ Shanẽ Ibũ hamebi hawẽ pashati hakiri ibubis bebũkiri txani taeniki. Hanushũ nuku yubakĩ tsuabũra hakiri nĩkai txanima Deusũ hãtxa nũ unãkubainibuki. Nukuburã, hawẽ pashati ewapa txanima hubianikẽ mekei peama hiwe kayabikatsi ikamarã, haskatã ibubis nũ pashatirubumaki.

Hebreus 2:4

Ha inũ, hawẽ Yushĩ Pepawẽ hawẽ e imakĩ unãmati damiwamakĩ na yuba bena Jesusũ tsumabubetã Epa Deusũ hatu mestẽwãmaniki. Haska wanishũ hawẽ xinãnẽ nuku tibi hawẽ daya betsa betsapa nuku inãmiski, haska xinaĩ keska nuku tibi inãkinã.