Números 23:21 - Kaxinawá Bíblia (BR)

²¹ Jacó enabu anua tsua parã hãtxa hayamaki. Israelĩ enabu anushũ txakabuaibu tsuã uĩsbumaki. Hatũ mekenika Senhor Deus hatube ikũkaĩmiski. Hatũ mae anushũ Senhor Deus kẽwãkĩ: ‘Nukũ Shanẽ Ibuhairaki’, akĩ ha yurabũ kẽwãmisbuki.

Números 23:21 Referencias Cruzadas

Salmos 23:4

Hawara bika tenei napãpa meshuhaira keska merã ẽ nibiakainaya mĩ ebe kaiwẽ taea hawa mesei ẽ dateismaki. Mĩ ẽ mekenã ebe kakĩ mĩ mestẽti inũ mĩ txashuwã hawẽ atxikĩ betãti tsumabaĩkĩ ea benimawakĩ mĩ ea shinã txakawãmiski.

Salmos 32:2

Tsuara Senhor Deusũ hawẽ txakabuwẽ taeshũ ana hawẽ txiteamawẽ taea ha huni ana shinã txakai bika teneamawẽ taea benimakũkaĩmiski.

Salmos 32:5

Hakia haska tenekubaĩkĩ ẽ txakabu ana hunekatsi ikama shinã pewatã dasibi ẽ txakabu betsa ẽ miki txani keyuniki. Haska nĩkatã Senhor Deusuũ, mianã, mĩ ea bua keyushuniki.

Salmos 46:11

Ha nukũ Senhor Deus dasibi kushipa binu keyua na habia nukubeki. Jacó Deusũnã, nuku keshekĩ nuku arua tsuã nuku metirumaki!

Salmos 46:7

Ha nukũ Senhor Deus dasibi kushipa binu keyua na habia nukubeki. Jacó Deusũnã, nuku keshekĩ nuku arua tsuã nuku metirumaki!

Êxodo 3:12

Senhor Deusũ ana kemakĩ: —Ibubis mĩ hawaumabiakẽ mia merabewakĩ mia putama ẽ mibe ikũkaĩshanaii. Egito anua enabu iwei nenu na mati meribi anu mĩ ana hushũ minabubetã mĩ ea kẽwãyã parãma ẽ mia yunuima mĩ uĩshanaii— aka

Êxodo 34:9

yuikĩ: —Senhor Deusuũ, miarã, Senhor Deus Mimebi mĩ Hiweaki! Ẽ mia benimawamiswẽ taea txanima nukube kashãwẽ. Ha enabu huĩti kushibuki. Haskabiakẽ nukũ txakabu nuku buashũtã ana minabu nuku wariwe— aka

Isaías 1:18

Senhor Deusũ ana matu yuiai nĩkakãwẽ: “Matube hãtxakĩ matũ hiwea ẽ matu pewakatsis ikai nenu ea anu bekãwẽ. Matũ txakabu huni dama tenã himi shana biri ikai keskabiakẽ matu txuka pewakĩ matũ txakabu matu buashũkĩ hushupa keska ẽ matu henekatsis ikaii. Mã txakabumis atimapahairabiakẽ matu txuka pewakĩ matũ txakabu matu buashũkĩ hushupa keska ẽ matu henekatsis ikaii.

Isaías 33:21

Hanu Senhor Deus hawẽrua kushipa pepa nukube hiweshũ nuku uĩmashanikiki. Ha maewã anu hene hashpa habai kushipai hayashanikiki. Hanu matuki sinataibu habũ matu detenũ ika hatũ shashuwã tueĩ mapuabu kushipabu ha henewẽ ana hikitã mapuama ishãkanikiki.

Isaías 33:22

Ha shashuwã natxãkãki hawẽ dispi tibiki ha tari haki pũtea niwe bekĩ ana pũtes wamawẽ taea ha tari pea pea itiruma ishanikiki. Hatũ shashuwã ana harakiri katirumakẽ haki inatã habu nukuki sinatamisbũ mabu pepa dasibi mapematã mabu nũ pashkaibũ bekũbu inũ tekeyabũri habuna bishãkanikiki. Ha haskaibutianã, Senhor Deusrã, nukũ Shanẽ Ibu inũ, nukũ unãtinanika inũ, nukũ hãtxa pewatã txibãmanika ishanaiwẽ taea hatũ nuku piskumashanikiki.

Isaías 41:10

Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.

Isaías 8:10

Mã nukukiri yubakabia mã akama ishanaii. Haska betxipaikĩ mã katushũ yuibia mã nuku akama iriashanaii, Deus nukube nashui itã nuku mekeawẽ taearã.”

Joel 2:27

Ea ẽ matũ Mekenika Senhor Deus ẽ matuberã, mã Israelbũ hanu mã ana ea unã taewabaĩshanaii. Ea besti ẽ matũ Deus kayabi betsa hayama mã unãshanaii. Haskawẽ taea mã enaburã, ana taska matũ dake pae mã teneama ikũkaĩshanaii”, itã,

Números 14:19

Haskawẽ taeshũ mĩ nui pae ewapa hatu uĩmakĩ hatũ txakabu hatu buashũwẽ, ana shinãmarã. Egito anua hĩ hĩ ikama hatu iwekubirãkĩ na mae anushũ mĩ hatu mekekubainaii— aka

Números 9:22

Hanu haki nukuti tari dĩtu meribihaira mamaki nai kuĩ bashikuyui shaba dabe kasmai, ushe bestitxai kasmai, ano bestitxai niti iki haskaitiã Israelĩ enaburi hawẽ taea teai bashikutã hiwei niti iyuabũ hakia nai kuĩ benitã kaya ana txibãkubainaibũ

Romanos 6:14

Mã Cristo ikũwãyã Deusũ matu pepawaiwẽ taeshũ txakabũ matu ana beshetã tsumatirumaki. Haska inũ, Deus duawanũ, iwanã, hawẽ yunuti inũ hawẽ nemati Deusũ Moisés yusĩniwẽ matu ana mekeamaki. Hakia Deus duapatũ matu ma mekeikiki, mã hawẽ daya akaiburã.

Romanos 8:1

Haskakẽ natiã nũ habu hiweshũ Jesus Cristo ikũwaĩbu nũ ma haki dasiabũ nukũ txakabuwẽ taeshũ Deusũ nuku dasibi kupiama ishanikiki, nũ ma hawenabukenã.

2 Coríntios 2:14

Hakia Cristoki nũ dasia nũ hawenabukẽ hamapai bika Deusũ nuku habetã binumakubaĩmiski. Ha inũ, nukuwẽ hawẽ kakape yurabu Cristokiri mae tibi anua yusĩmakĩ nuku hatu unãmamiski. Nukuburã, nũ nis hawẽrua keskabuki. Haskawẽ taeshũ Epa Deus kẽwanãkãwẽ.

2 Coríntios 5:19

Na habias Deusũ xinãni ẽ matu ana yuiai ea nĩkakãwẽ. Cristowẽ yurabũ txakabu ana xinãtimawani Cristobe Deus dayakĩ yura dasibibu hatu haibuwakatsis ikĩ habũ Cristo unãtã ikũwaĩ hau unãnuma hiwekubaĩshanũbũ na txanima hãtxa nũ hatu yusĩkubainũ nuku yununiki.

2 Coríntios 6:16

Hanushũ Deus kẽwãti Templorã, hanushũ yushĩ dami betsa ha merãshũ kẽwãtirubumaki. Nukũ yurarã, hanushũ Deus hiwea kẽwãti Templo keskaki. Haska Deusũ hamebi ibubiskiri yuini nĩkakãwẽ: “Habu anu hiwei hatube nikũkaini ea ẽ hatũ mekenika Deus ikaya, haburã, enabu ishãkanikiki”,

Juízes 6:13

Gideãonẽ kemakĩ yuikĩ: —Shanẽ ibũ, eki sinatayamawe. Hakia earã, ẽ haskamaki. Senhor Deusũ nuku merabewaya haskakĩ nuku itxakawakanimẽkaĩ, Egito anua Senhor Deusũ nukũ shenipabu pashawabirani nuku yuimisbu inũ hawẽ kushipa unãmati dami betsa betsapa uĩkubiranishũ nuku yuikĩ hãtxa wamisburã, ikis hanimẽ? Senhor Deusũ nuku ma henebainimashũ Midiã nawabu nuku yunuima nuku itxakawakanikiki— aka