ПІЛІПЯНАЎ 3:12 - Кнігі Святога Пісання - Біблія - Біблія — пераклад Чарняўскага (выданне 2017 года)

Не кажу так, што я ўжо дасягнуў або ўжо стаўся дасканалым; але імкнуся, каб здабыць, як здабыў мяне Хрыстос Ісус.

Біблія (пераклад А.Бокуна)

Не таму, што я ўжо атрымаў ці ўжо споўніў [усё], але імкнуся, ці не дасягну і я таго, як мяне дасягнуў Хрыстос Ісус.

Біблія (пераклад В. Сёмухі)

Ня тое, каб я ўжо дасягнуў мэты, альбо ўдасканаліўся; але прагну, а ці не дасягну і я, як дасягнуў мяне Хрыстос Ісус.

ПІЛІПЯНАЎ 3:12 Крыжаваныя спасылкі

ЁВА 17:9

І справядлівы будзе трымацца дарогі сваёй, а чысты дадасць моцы рукам.

ПСАЛТЫР 119:5

О, каб трывалымі былі мае дарогі для захавання сведчанняў Тваіх.

ПСАЛТЫР 138:8

Госпад зробіць за мяне. Госпадзе, міласэрнасць Твая вечная: не пагарджай творамі рук Тваіх.

ПСАЛТЫР 42:1

Кіраўніку хору. Маскіль. Сыноў Корэ.

ПСАЛТЫР 63:8

бо Ты — Успаможца мой, і пад покрывам крылаў Тваіх я радуюся.

ПСАЛТЫР 84:2

Якія ж мілыя паселішчы Твае, Госпадзе магуццяў!

ПСАЛТЫР 94:15

Бо суд вернецца да справядлівасці, і пойдуць за ёю ўсе, хто праўдзівага сэрца.

ВЫСЛОЎІ 4:18

А сцежка справядлівых — быццам святло ззяючае ўзыходзіць і расце аж да поўнага дня.

ІСАІ 51:1

Слухайце Мяне вы, якія ідзяце следам за справядлівасцю, якія шукаеце Госпада. Зважце на скалу, з якой вы высечаны, і на бяздонне ямы, з якой вы выцягнуты.

АСІІ 6:3

Пазнавайма, парупімся пазнаць Госпада. Быццам зараніца, прыгатаваны прыход Яго, і прыйдзе Ён, як дождж своечасовы да нас, як дождж позні, што абвадняе зямлю».

МАЦЬВЕЯ 5:48

Дык будзьце ж вы дасканалыя, як і Айцец ваш, Які ёсць у небе, дасканалы.

ДЗЕІ 9:15

Але Госпад сказаў яму: «Ідзі, бо Я выбраў гэтага [чалавека] як пасудзіну, каб занесці імя Маё паганам і царам і сынам Ізраэля;

РЫМЛЯНАЎ 8:39

ані вышыня, ані глыбіня, ані якое-колечы стварэнне не зможа нас адлучыць ад любові Бога, якая ў Хрысце Ісусе, Госпадзе нашым.

1 КАРЫНФЯНАЎ 13:10

Калі ж надыдзе дасканалае, тады знікне тое, што частковае.

1 КАРЫНФЯНАЎ 13:12

Цяпер мы бачым быццам праз мутнае шкло, не выразна, а тады тварам у твар. Цяпер пазнаю часткова, а тады пазнаю так, як я сам пазнаны.

1 КАРЫНФЯНАЎ 9:24

Няўжо вы не ведаеце, што бягучыя на стадыёне ўсе бягуць, аднак адзін атрымлівае ўзнагароду? Дык бяжыце так, каб атрымаць.

2 КАРЫНФЯНАЎ 13:9

Бо мы цешымся, калі мы слабыя, а вы дужыя; аб гэтым жа і молімся – аб вашай дасканаласці.

2 КАРЫНФЯНАЎ 7:1

Дык маючы такія абяцанні, умілаваныя, ачысцім сябе ад усякага бруду цела і духа, у страху Божым дасягаючы святасці.

ГАЛЯТАЎ 5:17

Цела бо цягне супраць духа, а дух – супраць цела; яны супрацівяцца адно аднаму, каб не тое, што хочаце, вы рабілі.

ЭФЭСЯНАЎ 1:4

Бо выбраў нас у Ім перад заснаваннем свету, каб быць нам святымі і беззаганнымі перад Ім у любові;

ЭФЭСЯНАЎ 4:12

на ўдасканаленне святых, на патрэбы служэння, на збудаванне Цела Хрыстова,

ПІЛІПЯНАЎ 1:1

Паўла і Цімафей, рабы Хрыста Ісуса, усім святым у Хрысце Ісусе, якія ёсць у Піліпах разам з епіскапам? і дыяканамі:

ПІЛІПЯНАЎ 3:16

аднак чаго мы дасягнулі, так і будзем думаць і паводле гэтага жыць.

ПІЛІПЯНАЎ 3:3

Бо мы ёсць абрэзаныя, якія духам служым Богу і хвалімся Ісусам Хрыстом, і не ў целе маем надзею,

ПІЛІПЯНАЎ 3:8

Ды сапраўды ўсё лічу за марнасць дзеля вышэйшага пазнання Ісуса Хрыста, Госпада майго, дзеля Якога я ўсё страціў і лічу за смецце, каб Хрыста здабыць

1 ФЕСАЛОНІКІЙЦАЎ 5:15

Глядзіце, каб нікому ліхам за ліха не адгаджаць, але імкніцеся заўсёды да дабра, як адзін для аднаго, так і для ўсіх.

2 ФЕСАЛОНІКІЙЦАЎ 2:13

Нам жа належыць заўжды дзякаваць Богу за вас, умілаваныя Госпадам браты, бо ад пачатку, праз асвячэнне Духа і веру праўды Бог вас выбраў на збаўленне,

1 ЦІМАФЕЯ 5:10

выпрабаваную ў добрых справах, гэта значыць, што добра выгадавала дзяцей, што яна гасцінная, што святым ногі абмывала, што пакутуючых у горы суцяшала, што рупілася пра добрыя справы.

1 ЦІМАФЕЯ 6:19

збіралі сабе скарб, як падмурак на будучае, каб атрымаць жыццё вечнае.

ГАБРЭЯЎ 12:14

Імкніцеся да міру з усімі і ўсвячайцеся, бо без гэтага ніхто не ўбачыць Бога.

ГАБРЭЯЎ 12:23

і да Царквы першародных, якія запісаны ў небе, і да Бога, Суддзі ўсіх, і да духаў справядлівых, што дасягнулі дасканаласці,

ГАБРЭЯЎ 13:21

хай удасканаліць вас ва ўсякай справе добрай, каб спаўнялі вы Яго волю, выконваючы ў нас, што Яму падабаецца, праз Ісуса Хрыста, Якому слава на векі вечныя. Амін.

ЯКАВА 3:2

Бо ўсе мы шмат у чым грашым. Калі хто словам не грашыць, той дасканалы чалавек, які можа таксама ўтаймаваць усё цела сваё.

1 ПЯТРА 5:10

А Бог усякае ласкі, Які вас паклікаў да вечнай славы Сваёй у Хрысце Ісусе, пасля нядоўгага цярпення [вашага] Сам вас удасканаліць, зробіць непарушнымі, угрунтуе, падмацуе.

2 ПЯТРА 3:18

Дык узрастайце ў ласцы і пазнанні Госпада нашага і Збаўцы Ісуса Хрыста. Яму хвала і цяпер, і ў дзень вечнасці. Амін.