1 КАРЫНФЯНАЎ 13:12 - Кнігі Святога Пісання - Біблія - Біблія — пераклад Чарняўскага (выданне 2017 года)

¹² Цяпер мы бачым быццам праз мутнае шкло, не выразна, а тады тварам у твар. Цяпер пазнаю часткова, а тады пазнаю так, як я сам пазнаны.

Біблія (пераклад А.Бокуна)

¹² Бо цяпер мы бачым праз [мутнае] шкло, невыразна; а тады — абліччам да аблічча; цяпер я разумею часткова, а тады пазнаю [гэтаксама], як я сам пазнаны.

Біблія (пераклад В. Сёмухі)

¹² Бо цяпер мы бачым як празь цьмянае шкло, наўздогадзь, а тады твар да твару; цяпер я ведаю часткова, тады ж спазнаю так, як і я спазнаны.

1 КАРЫНФЯНАЎ 13:12 Крыжаваныя спасылкі

1 ЯНА 3:2

Улюбёныя, мы цяпер дзеці Божыя, але яшчэ не выявілася, кім мы будзем. Ведаем, што, калі гэта выявіцца, мы будзем падобныя да Яго, бо ўбачым Яго такім, якім Ён ёсць.

2 КАРЫНФЯНАЎ 3:18

Мы ж усе з адкрытым тварам аглядаем славу Госпадаву, быццам у люстэрку, і перамяняемся ў Яго вобраз з яснасці ў яснасць, так, як ад Госпадава Духа.

ПІЛІПЯНАЎ 3:12

Не кажу так, што я ўжо дасягнуў або ўжо стаўся дасканалым; але імкнуся, каб здабыць, як здабыў мяне Хрыстос Ісус.

АДКРЫЦЦЁ 22:4

і ўбачаць аблічча Яго, і імя Яго на чолах сваіх.

ЯКАВА 1:23

Бо калі хто толькі слухае слова, а не выконвае яго, ён падобны да чалавека, які аглядае прыроджанае аблічча сваё ў люстэрку;

2 КАРЫНФЯНАЎ 5:7

бо ходзім вераю, а не бачаннем.

МАЦЬВЕЯ 5:8

Шчасныя чыстыя сэрцам, бо яны Бога ўбачаць.

1 КАРЫНФЯНАЎ 8:3

А калі хто любіць Бога, той вядомы Яму.

РЫМЛЯНАЎ 8:18

Бо мяркую, што цяперашніх цярпенняў нельга параўнаць з будучай славай, якая мае аб’явіцца ў нас.

ЛІКІ 12:8

Бо вуснамі ў вусны кажу яму, і адкрыта, а не праз згадкі і ўяўленні бачыць ён Госпада! Дык чаму асмеліліся вы дакараць паслугача Майго Майсея?»

БЫЦЦЁ 32:30

І Якуб назваў тое месца імем Пэнуэль, кажучы: «Бачыў я Бога тварам у твар, і збераглася душа мая».

МАЦЬВЕЯ 18:10

Глядзіце, не пагарджайце ні адным з малых гэтых. Бо кажу вам, што анёлы іх у небе бачаць заўсёды аблічча Айца Майго, Які ёсць у небе.

ЯНА 10:15

як ведае Мяне Айцец, а Я ведаю Айца; і жыццё Маё аддаю за авечак.

ВЫХАД 33:11

І гаварыў Госпад з Майсеем твар у твар, як звычайна гаворыць чалавек з сябрам сваім. І, калі Майсей вяртаўся ў лагер, слуга яго, Ешуа, сын Нуна, юнак, не выходзіў з сярэдзіны палаткі.

ЕЗЭКІІЛЯ 17:2

«Сын чалавечы, прыдумай загадку і раскажы прыпавесць дому Ізраэльскаму

ЁВА 19:26

і пасля таго, як сцягнуць з мяне гэтую скуру, з цела свайго ўбачу я Бога.

ЁВА 36:26

Вось жа, Бог вялікі і пераўзыходзіць веданне наша; лік гадоў Яго невызначальны.

1 КАРЫНФЯНАЎ 13:11

Калі я быў дзіцём, гаварыў па-дзіцячаму, разумеў па-дзіцячаму, думаў па-дзіцячаму, а як стаў мужам, пазбыўся таго, што дзіцячае.