Riita mungmaiqse raq kriithun ka chhi raütiishe tsangshiq tarü ka hiq na bumrang raüta akhiishe siitranghoto, “Tatiwe kiidea Shiikeawe. Tatiwe kli dea Shiikeawe ka!”
DUNGWVNC 20:2 - ASII LAKDAP Bible (BSI) “Ngi ka Tatiwe üm Shiikeawe ümniika Ejip mung na maiqdi asihaü wa shea wanti. Hawa Naga Bible 2001 “Ngaz kuex Yehowa nuimshiq Tishox rvtauk, nuimshiq Ejip mungx nuex dax muex yaungx vtuinx wawc tvdungc shvlc wvnc jix rvtauk. |
Riita mungmaiqse raq kriithun ka chhi raütiishe tsangshiq tarü ka hiq na bumrang raüta akhiishe siitranghoto, “Tatiwe kiidea Shiikeawe. Tatiwe kli dea Shiikeawe ka!”
Kiimaq Tatiwe raq sumla phra thun naq noq rongkiq nguta aming akuq kra wiita jinbaiq wanto.
Samaria chela re jaq na dea wantaq kriika Israilnok raq Tatiwe tsangshiq Shiikeawe tsangshiq ka Ejip mung hokhamwe jaq khon mong wa tiichhii wantiwe, raüta tsangshiq ka Ejip mung wa tsuq wantiwe man na ngarai tang kha na thento. Tsangshiq raq laihin phra thun shomnoqto.
Hokhamwe Ahaj raq ngarai tang kha na, Tatiwe apaiq Shiikeawe raq Siria mung hokhamwe ma tiikhat raüta apaiq ka tiitangto. Raüta Juda mungti maiq pahea shumwi kong ma Damaskas chela na tiitsuq wanto. Kiimaq Tatiwe raq Israil mung hokhamwe Remalia se Peka ma tiikhat raüta Ahaj ka tiitangto. Raüta Juda mungti maiq 120,000 srea nola jongbi siisaq re ma ranaiqshi niili tiijiip baiqto. Tatiwe tsangtitiim Shiikeawe raq arthun mungthen wan ara tiisaüto. Jamkhano ngukla Juda mungti raq Tatiwe ka miim baiqto.
“Tairong laq, i senginok lei, ngi chongpha; ngi raq namshiq ma kha nyan tiikang, Israilnok lei. Ngi ka Shiikeawe, namshiq Shiikeawe.
Ngi ahata namshiq Tati Shiikeawe, namshiq ka Ejip mung wa sheawanti. Namnübok ka ajong maq tiiki ronglaq, raüla ngi raq namshiq ka wok phetak midungha.
Namshiq ma chamchao akhing na, namshiq raq ngi ma chonglan, kiimaq ngi raq namshiq tiichhiikang. Rathaiq mong na ngi tiipaü chang maq, ngi raq namshiq achujaü trekang, Ngi raq Meriba hiq jüserai tsiim ba maq namshiq maitaikang.
Rawiichii pat na ümse maiqwese raq ara poi lang tiikai arka jamlai liichum wiinya nguta wai raüla, ümniiraq apaiq ma akha bom ka mitre haü, ‘Tatiwe raq apaiq ningkun jonghea wokhong maq, nashiq ka Ejip mung na maiq dikong sikai kriiwa ana tsuq wanto.
Mosheq raq mungmaiqse ma nguto, “Ümchaü ranaiq ara tsan na tiitsang ronglaq. Namshiq ka Ejip mung wa laü wan lan ranaiq kra. Namshiq ka maiq dikong ma jalanta silan mung kra. Ara ümchaü ranaiq akhing na Tatiwe raq apaiq ningkun jonghea wokhong maq namshiq ka tsuq wanto. Ümchaü ranaiq akhing na Pi maq shoje winsii phaq maimak.
Ümkiq kham bomtsi tsapkapkap thülaü, ümniiraq atiichhii haü mungmaiqse ümniiraq shea wan laü; ümningkun maq tsangshiq ka ümmungtan asii mung na tsuq wan laü.
Aphiip ajiip kiinyii wanto. Tsangshiq raq ümningkun jong chhito, Tatiwe lei, raüta haisitsi ma tsaihü jihü ngatlo ümsenginok milea wan shaq wiiwii, ümniiraq dikong wa adokda wan nok kra.
Apaiq raq nguto, “Namshiq raq ibom ka kunli phaqchii nichii maq tai hanla, lanta Ngi raq jamlaiwa riikhaqli nguta thapthi tiikang kra klo hanla, kiimaq Ngi raq akuqha aming thun ka wiita lang hanla, Ngi raq namshiq ma mo ka tiiho mang mirha, Ejip mung khuthaq na thadong tiisaü kaü thun ka, namshiq khuthaq na ashi ra dongdii min tiisaü mang mirha. Ngi ka Tatiwe, namshiq thatsi tiiheaketi.”
Kiimaq tsangshiq raq Ngi ardea tsangshiq Tatiwe, tsangshiq Shiikeawe, tsangshiq rai sidam miitu tsangshiq ka Ejip mung wa shea wantiwe nguta misap wan. Ngi ka Tatiwe tsangshiq Shiikeawe.
Kra ningkhan Israilnok ma Ngi raq tsangshiq ma akha chongtiikang nguta chongkuqlaq, ‘Ngi ka Tatiwe; Ngi raq namshiq ka midok dawanha. Lata namshiq ka Ejipnok dikong sitlan kiiwa wasetiim miishe mitiija wanha. Ngi raq ijaq phum aheng honghea pinthum ara tsangshiq khuthaq niishe midoha. Lata phiiptsi chang chamchao mo ka tsangshiq ma mitiihoha. Lata Ngi raq namshiq ka mitiichhii kuqha.
Ngi ka Tatiwe üm Shiikeawe, asii Israilnok Shiikeawe, ümnaq chhiitiwe. Ngi raq Ejip mung ka ümkhum dokda miitu mikuqbaiqha; Ngi raq Sudan mung nai Seba mung mikuqbaiqha.
Tatiwe raq ngutlo, “Akhing ashi misaü wan mungmaiqse raq ngi mang chong raüta ngi ka atra Shiikeawe tsangshiq ka Ejip mung wa shea wantiwe ngutiika tiitum mak she miraq.
Tsangshiq raq ngi bro riimak, ngi raq tsangshiq ka Ejip mung wa chhii wan kang, lata tsangshiq ka rumnyangkhi binjü maq shea wan kang: bintang jüngi nai kumtsaiphii phong lam maq, shinriiqriiq kiimaq maiqhai asi bin lam maq, kiijaq maiq jumin silot mak, kiimaq maiq jumin khumki mak lam maq.
Tatiwe raq ngutlo, “Jai na akhing misaü wan, Ngi ka Israilnok maiq phan tlotli thaq na Shiikeawe mijaha. Kiimaq tsangshiq ka isenginok miraq.
Ngi raq Israilnok rai tongshong anye shong tiikang kriika, akhiishe miraq: Ngi raq itri raütu ka tsangshiq khum niishe mithüha kiimaq tsangshiq mongjii na miwaiq kuqha. Ngi ka tsangshiq Shiikeawe miraq. Kiimaq tsangshiq ka isengi miraq.
Israilnok Shiikeawe raq, ngi nangnga mungmaiqse ma akha chonglaq nguta thaüto: “Ngi raq ümtiikiiwa namtitiim ka Ejip mung wa dokda wan kang, lata wasetiim ma tiija wan kang akhing na, tsangshiq rai itongshong wan kang. Ngi raq tsangshiq ma akha chongkuq kang.
Ngi ka Tatiwe namshiq Shiikeawe. Ngi raq akuqha thungtri raütu kra lang ronglaq. Kiimaq Ngi raq akuqha aming raütu thun kra lang ronglaq.
Ngi raq jamlai wa chongtiikang ara tsangshiq ma chongkuqlaq. Ümtiikiiwa Ngi raq Israilnok ka tsea kang, Ngi raq tsangshiq ma kiqkham raüpot khakuq kang. Ngi raq pumsii maq tsangshiq rai Ejip mung na kilata isham tiichhikuqki kang. Lata tsangshiq ma akha chongkuq kang: Ngi ka namshiq Tatiwe namshiq Shiikeawe.
Ngi raq tsangshiq ma tsangshiq raq lungwii raüta shomnoqtlaq maiqphai asi sumla phra thun ka wiita tiikübaiq ronglaq. Kiimaq Ejip mungti arot akiq sumla phra thun kriimaq tsangshiq khum ka tiisheshi raamak nguta chongkuq kang. Jamkhano ngukla Ngi ka tsangshiq Tatiwe tsangshiq Shiikeawe.
“Ngi raq shammibi ma phanrap tiichhikuq wan kang. Tsangshiq raq Israilnok ma tiithai tiimai, honlam tsii pahea chongkuq wanto. Shatmaq tsangshiq raq tai wan mak.
Tatiwe raq ngutlo, “Ngi ka namshiq Shiikeawe. Namshiq ka Ejip mung wa sheawan kang. Namshiq Chhiiwanti Shiikeawe ka ngi arli. Ngi tlea raüta ahin Shiikeawe ahü.
Ngi ka Tatiwe namshiq ka Ejip mung wa shea wanti. Kriika Ngi ka namshiq Shiikeawe ma ja miitu shea wan kang. Namshiq ka asii siraa dongdii. Jamkhano ngukla Ngi ka asii.
Alu na tingting raülo maq shinchang, tengteng tok maq shin chang, kiimaq tingting khap maq shin chang. Ngi ka Tatiwe namshiq Shiikeawe. Kiimaq Ngi raq namshiq ka Ejip mung wa tsuq wan kang.
Arka namsaü namsetiim raq Tatiwe raq Israilnok ka Ejip mung wa tsuq wan raüta laü wantaq akhing na lam na joli tiip na jap wan raüta laü wanto nguta tsangshiq raq misap laq. Apaiq ka Tatiwe namshiq Shiikeawe.
Arka Tatiwe nam Shiikeawe raq akuq aming. Apaiq raq namshiq ka Ejip mung wa tsuq wanto. Raüta namshiq ma Kanan mung ka kuqto. Kiimaq apaiq ka namshiq Shiikeawe she.
Israilnok ka Tatiwe disekong. Kiimaq apaiq raq tsangshiq ka Ejip mungwa tsuq wanto. Tsangshiq ka dise kong ma shabaiq maimak.
Israilnok phan ka pattup pat-sa miitu maiqdise ma tiija lot mak. Jamkhano ngukla Israilnok ka Tatiwe dikong. Apaiq raq tsangshiq ka Ejip mung wa tiidong tsuq wanto. Apaiq kli Tatiwe tsangshiq Shiikeawe.
Tatiwe raq nguto, “Sumla thun naqhaihun rongkiq. Riimakla sumla phra thun ka naq tiinga rongkiq, kiimaq longkham thun ka naq shong rongkiq, riimakla longkaü thun na sumla soqhai lanta naq noq rongkiq. Ngi ka Tatiwe namshiq Shiikeawe.
Ngi, Tatiwe, namshiq Shiikeawe raq namshiq ka Ejip mung wa shun shea wan kang. Kriika namshiq ka ümtiikiimin dikong ma jaki man chang miitu tsuq wan kang. Ngi raq namshiq khachang kharü ka chumbaiq wan kang. Lata Ngi raq namshiq ka wase miishe tiija wan kang. Krai mren namshiq ka namtok ra na dolan tiishe khumtlan.”
Kriima kongkhuji na, ngi raq namshiq ka Ejip mung wa tsuq wan kang. Lata ngi raq namshiq ka bintang jüngi lam maq, iwokhong maq wiiroqblai shunshea wan kang. Lata ngi raq namshiq ma, Ammoraiqnok mung kra jiikuq wan kang.”
Arka wiitarü miitu she. Shiikeawe raq Jehudinok nai Pongnok phan maiqse kriika, lamphan ashi miili she tiichhii kuq wantlo. Shiikeawe ka maiqse angu tarü miitu Tatiwe. Kiimaq apaiq puk na nyap wanti, maiqse angu tarü ma, apaiq raq, mren mra chhaq siisaq, tümlüm tümli, kaütak rishi maq, achu shiiman kuq tlo.
Riita, shea Shiikeawe ka Jehudinok miituli nguta wa sitla? Apaiq ka Pongnok phan maiqse miitu min riimak sha? Riikhaqli, apaiq ka Pongnok phan maiqse miitu min sitlo.
Apaiq ka long maq tiinamtok tiiqbaiq ronglaq! Apaiq raq ümniika Ejip mung na maiqdise kong asi han wa dokda wanti Tatiwe namshiq Shiikeawe wokhong mong wa lamjiq na kiholaq nguta tiishonho danto.
Ümtsan na tiitsang laq, man na namshiq ka Ejip mung na maiqdi ma jalanta silan. Kiiwa Tatiwe üm Shiikeawe raq namshiq ka dokda wanto. Raüta wase ma tiija wanto. Kra ningkhan, ümchaü Ngi raq ümniima ara aming kuq tiikang ara.
Mosheq raq Israilnok ma nguto, “Ümtiikiiwa namshiq ka rekhat kai kitlan, kiimaq renok kumrang leng phong nai kumrang kong phong ka michhihan kiimaq namshiq thaq na rewe phenlabi ka pahea michhi han, namshiq ka naq hai rongkiq. Tatiwe namshiq Shiikeawe namshiq ka Ejip mungwa tiichhii kewanti ka namshiq rai kongshi miraq.
Üm tsan na tiitsang laq, man na ümniika Ejip mung na di ma jalaüta silaü. Kiimaq Ngi, Tatiwe üm Shiikeawe raq iningkun henghea maq nai ihong ila maq ümniika tiichhii wan kang. Kra ningkhan Ngi raq ümniima Asii Niitiitsak Ranaiq ka langlaq nguta ümniima aming kuq tiikang.
‘Ngi ka Tatiwe üm Shiikeawe. Namshiq ka Ejip mung na dikong asi han wa daa chhii wankang.
Shatmaq Tatiwe raq namshiq ka lungwii wanto. Kiimaq apaiq raq namtitiim ma kiqkham kuqtaq kra tiiku wan rotlo. Kra ningkhan tiina apaiq raq namshiq ka Ejip mung hokhamwe jaqkhon mong na dikong asi han wa apaiq ningkun jonghea kriimaq namshiq ka dokda wan raüta wasetiim ma tiija wanto.
Tatiwe rase ka Gilgal chela maq Bochim chela na wawanto. Raüta Israilnok ma nguto, “Ngi raq namshiq ka Ejip mung wa tsuq wan kang. Lata ngi raq namtitiim ma mung ashi mikuq kang nguta kiq khamkuq kang mung na shea wan kang. Ngi raq ngukang, ‘Ngi raq namshiq rai tongshong tri khakuq kang kra ümtiikii jiimin diibaiq mang she.
Ngi raq namshiq ma Ngi ka namshiq Tatiwe, namshiq Shiikeawe nguta chongkuq kang. Arkha na namshiq raq, ümchaü namshiq riishe jiiwan lan arjaq siti, Amoraiqnok phra thun ka shomnoq maimak nguta chongkuq kang. Shatmaq namshiq raq ibom taiman tlea lan.”