DUNGWVNC 20:3 - ASII LAKDAP Bible (BSI)

³ “Ngi tlea laüta ahin phra shomnoq maimak.

Hawa Naga Bible 2001

³ “Ngaz maq lvy vtueq vganc tishox kuex nauk nawk palx.

DUNGWVNC 20:3 Referencias Cruzadas

1 HOKHVMX 11:4

Krai mren ümtiikiiwa apaiq ka tikiishe jawantaq, tsangshiq raq apaiq ka pongmungti phra thun kriishe tiishomnoq wanto. Apaiq ka awe Dawit raq jamkho tsapkapkap maq Tatiwe apaiq Shiikeawe shomnoq wantaq kiikha shomnoq mak she riito.

Tvtsvmc 29:2

Tatiwe chhainyiihea mang kra tiitsam ronglaq; Asii We raq ümtiikiiwa asham tiichhikitlaq akhaki na bum ronglaq.

Tvtsvmc 73:25

Riita ngi ma ramungtan niika juwa, ümpha na siwali she kata? Riita ümniiri ngi rai asi, ngi ma mangjong hiq maq laihin jamlai she wa ratla?

Tvtsvmc 81:10

Ngi ahata namshiq Tati Shiikeawe, namshiq ka Ejip mung wa sheawanti. Namnübok ka ajong maq tiiki ronglaq, raüla ngi raq namshiq ka wok phetak midungha.

Tvtsvmc 81:9

Namshiq raq laihin phra noq wan maimak.

DUNGWVNC 15:11

“Tatiwe lei, ümnaq khan phra phong na asi sha? Ümnaq khan, asii pinthum asi sha? Ümniiraq shamtlaü khan awang chang nai ningkun aheng jaqshamti asi sha?

DUNGWVNC 20:23

Namshiq Ngi tiitsuq ma shomnoq wan miitu phra thun ka kampho maq riimakla chaq maq naq klo rongkiq.

DUNGWVNC 22:19

“Maiqwe re weshi ra raq, nyamse rai hainga raüla, apaiq ka atsea baiq ratlo.

DUNGWVNC 23:24

Tsangshiqnok phra kong khaki na naq bumkiq. Riimakla kriithun ka naq noqkiq. Kiimaq tsangshiqnok miikam miisham thunglai ka naq lang kiq. Tsangshiq phra kong ka wiita tiithenbaiqlaq. Laüta tsangshiq raq asii longkham thun ashong ka wiita tiibun baiqlaq.

DUNGWVNC 32:8

Ngi raq tsangshiq ma aming kuq lata lamphan tiichhikuq kang kriika phan mak she miimbaiqto. Tsangshiq raq chaq maq saüla pongse ashi loto, raüta kriishe shomnoq hoto. Raüta kriima honglu thun takuqto. Tsangshiq raq arka tsangshiq phra kaü, tsangshiq ka Ejip mungwa shea wanti nguta ngutlo.

DUNGWVNC 34:14

“Namshiq raq laihin phra naq shomnoq rongkiq. Jamkhano ngukla, Ngi, Tatiwe raq Ngi rai riilongtibi ka ninlot mang.

ISAIA 26:4

Tatiwe ma pattup kam ronglaq; apaiq raq nashiq wranaiqshe mitiiwongkuq.

ISAIA 42:8

“Ngi lamlamli üm Tatiwe üm Shiikeawe. Ngi khushü ka tisho ahinti ma riishake maimak; Ngi raq sumla phra thun ma Ngi shomra ka pheakuq mang.

ISAIA 43:10

“Israilnok lei, namshiq ka isaqse kong; Ngi raq ümniika ijaqshi miitu tsea wan kang, ümniiraq Ngi sap wan miitu kiimaq ngi makam wan miitu. Laüta Ngi arlishe dea Shiikeawe nguta sap wan miitu. Ngi tlea raüta ahin shiikea ka ahü she; man niimin ahü dongdii, kiimaq jai miimin ahü dongdii miraq.

ISAIA 44:8

Naqhai rongkiq, isenginok lei! Namshiq raq asaphan kata, richüpat maq riitea ümchaü na saüli, Ngi raq ümchu hongtha wan chang wa kra tiithai wan kang. Kiimaq namshiq ka isaqsekong sitlan. Riita tisho ahin ka asi shea? Ngi raq jangshi ra min taimang shaq tisho ka asi shea?”

ISAIA 46:9

Tiitsang ronglaq rathup na jamlai mra wa pinta; Ngi ara lamlamli Shiikeawe nguta kholam kholiiq sironglaq, kiimaq Ngi rai thapthi chang ka jumin ahü she.

JEREMIA 25:6

Tsangshiq raq namshiq ma sumla phra thun ka naq shomnoq rongkiq, kiimaq laihin tisho thun ka naq shiililii rongkiq kiimaq namshiq maiqmii jaq maq aklo han sumla phra thun ka shomnoq lanta Tatiwe tsan ka naq tiikhiq rongkiq nguta chongkuqto. Namshiq raq apaiq aming kra lang wan hanjiika, apaiq raq namshiq ma mo ka tiihomak chang wa.

JEREMIA 35:15

Ngi raq namshiq phana ijaqshisetiim shammibi thun ka tiiki ruqruq tiikikang. Kiimaq tsangshiq raq namshiq ma, namshiq raq abi lam phan thun ka thaq baiqtlo ronglaq, lanta jaqsham ahea awa phan kra sham ronglaq nguta chongkuqto. Tsangshiq raq namshiq ma ahin phra thun ka naq shomnoq rongkiq kiimaq naq shiililii rongkiq nguta hon lam bom chongkuqto. Kriika Ngi raq namshiq ma nai namtitiim akuqha hiqshong rahai thun kiijaq hansang maq shongnga wan miitu honlam tsii chongkuqto. Shatmaq namshiq raq ibom chong ka taiman tlea wan lan. Kiimaq ibomtsi ka namtsan mong na akhiismin rüm wan man riilan.

JEREMIA 7:9

Namshiq ka ahuk jatlan, maiq tsat lantea matwe ma jatlan, maiqchak rai sraki tlan, rung maq atiitum lantea arot chongtlan, Baal phra ma nyamse honglu takuqtlan, kiimaq namshiq raq man na sap wan man phra thun kra shomnoqtlan.

DANIEL 3:18

Shatmaq, apaiq raq naishiq ka tiichhiikuq mak li jiimin, Chaü lei, naishiq raq ümphrakaü ka shomnoq mai. Kiimaq naishiq ka hiq na bum laita, ümniiraq chaq sumla shong laü kra khaki na bum laitiika noqmai.”

Hosea 13:4

Tatiwe raq ngutlo, “Ngi ka namshiq Shiikeawe. Namshiq ka Ejip mung wa sheawan kang. Namshiq Chhiiwanti Shiikeawe ka ngi arli. Ngi tlea raüta ahin Shiikeawe ahü.

Matthew 4:10

Kiijiishe Jesuq raq treto, “Thawe ümniika tiibin tlo laq! Asii bomtsi na, ‘Tati Shiikeawe kli shomnoq laq, kiimaq apaiq kli shreng laq!’ nguta chongtlo.”

1 Corinthians 8:4

Riita ara chongtiikai arai mren, thatsang maiqse raq sumla phra thun kra noq ma nguta ataa kuq thatsang ngam ka Phungmaiqse raq phaqsea mimai sha, maimak wa nguta bom tiiwai lan irshe chongkuq pha: Nashiq raq asap i, sumla phra nguta maiqse raq shomnoq tlaq kriika, riikhaqli miika kiikha phra ka ahü. Nashiq raq asap i, Shiikeawe ka ashi li.

1 Corinthians 8:6

Riikaq nang li jiimin, nashiq miika Shiikeawe ka Ashili, Shiikeawe Awejong sitlaq kriili. Apaiq ka phanrap sitlaq thun kra Tiiqloti we. Kiimaq, nashiq ka apaiq miituli sitiikai. Kiimaq Ttatiwe kiimin ashi li. Tati Jesuq Khristo sitlaq kli. Apaiq lümaq ra nai hiq ka tiiqto. Kiimaq apaiq lü miili nashiq ara atra sitiikai.

Ephesians 5:5

Namshiq raq ara bomtsi arka asap han ahiq, jurwa sethoq sepii ja tlaq, ashe ashi klo raüta sitlaq, lo, asii aram wali sitlaqti (sükha tsii ka sumla noq ngarai) riika, Khristo nai Shiikeawe Mungtan wa achu shiiman ka lap wan lot mak.

TRI CHONGKE 5:7

“‘Laihin phra naq shomnoqkiq. Shatmaq Ngi arli shomnoqlaq.

TRI CHONGKE 6:14

Laihin phra thun ka naq shomnoq rongkiq. Namshiq tro na shongti maiqnok phra thun ka naq shomnoq rongkiq.

TRI CHONGKE 6:5

Tatiwe ka üm Shiikeawe ka tsan nai mongjii wiita kuq laüta, üm tsaiji wiita kuq laüta, kiimaq üm ningkun wiita kuq laüta lungwiilaq.

Philippians 3:19

Tsangshiq ka wamungtan na mide wan. Ara jamkhano chongtiikang ngukla, tsangshiq shiikeawe ka tsangshiq han-ngam ramho. Tsangshiq ma shiikeawe ka, han-ngam ramho dunghiqtlaq kriili. Tsangshiq raq jamlai wa kiimung tlaq kra miitu, tsangshiq ka jeasi raq tsai chang riiwe khoti, tsangshiq ka kra ajiq jaqsham wantlaq kra miitu, tiishom mra lishe, srarai hotaq ahata. Kiimaq tsangshiq riika, phiija wa raq jamlai phan wa rotlaq, kriili shamtlo.

Colossians 2:18

Namshiq ka, maiq arot akiq shrabi ma, naq tlao rongkiq. Tsangshiq riika, rasetiim ka riisham mak maq chhi tiikai. Krai mren, tsangshiq ka nanok shammibi ahinti thaq na shammi jong sitiikai nguta tiishomra tlo. Tsangshiq ka arot, rakhütsiri na nanok thaq na kechu lin sitiikai nguta achu jaü tiichhi siq tlo. Kiimaq rasetiim kriimin shomnoq chang nguta shiichut tlo. Akhnok maiq arka, atiishomra rai chang min riimak chang niili, tiishomra siq tlo. Apaiq riika, mangjong han-ngam tri miili shin tlo.

Revelation 19:10

Kiijiishe ngi ka ajichong na bumsaq, apaiq noqla nguta bumkang. Kra riikangta apaiq raq ngi ma chongto, “Ngi ka naq noqkiq! Ngi ka namshiq Phungmaiqse phong wa ümchu riiwa Jesuq wokhong na sitlan, kriiti thun tlotli kongti Jesuq jaqshi sii. Kra ningkhan, Shiikeawe kli shomnoq laq!” Jamkhano ngukla, Jesuq raq achongkuq tengteng bomtsi raq shammibi ma tsütsa chongke wan miitu ningkun kuq tlo.

Revelation 22:9

Shatmaq, apaiq raq ngi ma chongto, “Ngi ka naq noqkiq. Ngi ka ümniinai, ümphu ümno shammibi kongti. Kiimaq ümchu riiwa ara lakdap na awaiq thü bomtsi ara lang tlaq, kriiti thun kongti. Shiikeawe kli shomnoq laq!”

PHOWEBI 6:10

Ngi raq namshiq ma Ngi ka namshiq Tatiwe, namshiq Shiikeawe nguta chongkuq kang. Arkha na namshiq raq, ümchaü namshiq riishe jiiwan lan arjaq siti, Amoraiqnok phra thun ka shomnoq maimak nguta chongkuq kang. Shatmaq namshiq raq ibom taiman tlea lan.”