DUNGWVNC 20:3 - Hawa Naga Bible 2001

³ “Ngaz maq lvy vtueq vganc tishox kuex nauk nawk palx.

ASII LAKDAP Bible (BSI)

³ “Ngi tlea laüta ahin phra shomnoq maimak.

DUNGWVNC 20:3 Referencias Cruzadas

1 HOKHVMX 11:4

piq rullungx nyuiuz waz wvnc tueq nuex pungmungx tishox htenc kuex nawk palx lvmz nuex tsuingshiq rueq piq muex lvmx tvyaq wvnc tueq. Piq kuex vwaz Dawid ikhoc Yehowa piq Tishox nuex tvmtuing httax muq.

Tvtsvmc 29:2

Ngauz vngax mvrc yaq Yehowa muingc kuex tvtsvmc wuez shuinz; Vsawc Waz httuiuc kaz ruiux yuq vpiq khaungkac nuex bumx vtueq nawk wuez shuinz.

Tvtsvmc 73:25

Ngvy tvkoc mnoz maq lvy vtueq raungmungx nuex ukhaq lac httax yaq nguinx? Mnoz kuex ngaz nuex httax ruiux yuq ghaq htauk vwawc ngaz rueq yvmx lac roc yek shaungx?

Tvtsvmc 81:10

Ngaz kuex Yehowa nuimshiq Tishox rvtauk, Ejip mungx wawc nuimshiq shvlc tvdungc wvnc jix waz rvtauk. Nuimshiq nuix kuex tvkac wuez shuinz, ngaz rueq nuimshiq muex tv-phauk saq phaungx.

Tvtsvmc 81:9

Nuimshiq rueq vganc tishox kuex mkaq muinz nawk palx mvy muq.

DUNGWVNC 15:11

“Yehowa lex, mnoz kvkhoc tishox htenc kuex ukhaq lac? Sawc hvlc vwangc juing mnoz kvkhoc ukhaq lac httax yaq nguinx? Mnoz rueq ikhoc vwangc juing nuiyc vkawc yawc juing yauk shuimc kuex uraq lac shuimx lot shuinx?

DUNGWVNC 20:23

Nuimshiq rueq ngaz maq lvy vtueq kuimphox, rvmuq ngoz ruiux kuimshawx maq tishox htenc yac kuex tvhungx mvy muq, nuimshiq rueq ngaz vruex dvyx nawk palx rax.

DUNGWVNC 22:19

“Nyvmx saz tvjuik jix waz ukhaq yuq muinz vthueyc tvrvhumc rax.

DUNGWVNC 23:24

Tsuingshiq tishox htenc kuex bumx vtueq nauk nawk palx kaz, tsuingshiq htungx vlayx kuex nauk phvnx kaz. Tsuingshiq vsawc lunghtung htenc nuiyc tsuingshiq tishox htenc kuex tvbac tv-ngawk gay shuinz.

DUNGWVNC 32:8

Tsuingshiq kuex ngaz rueq nvr tauk lvmx kvwawc rv-phvlc wvnc wuez vtuex; tsuingshiq rueq kuimshawx tvyuimx vtueq vlauz manx yac kuex guirx tvhungx ruiux, kvruex mac shomc nawk kuy shomc kuq vtueq nawk palx wuez yaq. Tsuingshiq rueq ngoc vruex kuex Ejip mungx wawc naungshiq tvdungc shvlc lvy jix tishox rvtueq, ngoz tueq ngoz wuez yaq.

DUNGWVNC 34:14

“Ngaz, Yehowa rulc rvlongx palx kuex nanx shaungx rvmuq ningkhvnc nuex vganc tishox kuex nauk nawk palx kaz.

ISAIA 26:4

Yehowa muex pattup tvluimc wuez shuinz; vpiq rueq naungshiq kuex mkaq muinz tvkhup wungx shuex.

ISAIA 42:8

“Ngaz vshiz dvyx Yehowa m-Tishox rvtauk. Ngvy ngauz vngax kuex vganc mruex tishox rueq muinz lvp shuex rvmuq; Ngaz rueq ngaz kuex yac yuimx htenc rulc vdvmz nuex tvtsvmc kvmc vkhangx kuex kuq shaungx rvmuq.

ISAIA 43:10

“Israel miqsaz lex, nuimshiq kuex ngvy hakhix hez rvtuit; ngvy nvrc waz muex yaungc tvkoc mnoz kuex ngaz rueq thvl wvnc phaungx, kvkaq ngaz dvyx Tishox rvtauk kuex mnoz rueq tuiuz wvnc vtueq ngaz muex kvmluimx ruiux tuiuz tay wvnc shuiux. Ngaz maq lvy vtueq vganc tishox vguez; kvruex kuex mvnnuex pat nuex muinz, httuiuc wvnc yaq pat nuex muinz mkaq muinz httax tuex rvmuq.

ISAIA 44:8

Ngvy miqsaz htenc lex, nauk hiz kaz! Mvnnuex pat maq raz tueq majuiuc nuex httuiuc laz wawc lvmz kuex mnoz rueq tuiuz yaq, ngaz rueq yvmx lac yaungx wvnc tvnx lvmz kuex tvluz nuex jungx wvnc tauk, nuimshiq kuex ngvy hakhix hez rvtuit. Vganc tishox httax yaq haz? Ngaz rueq mkaq muinz tay mauk shauk luimc vkawc yunghvlc tishox vhttax haz?”

ISAIA 46:9

Mvnnuex jauz yaungx wvnc tueq lvmz kuex rvwvl wuez shuinz; ngaz vshiz dvyx Tishox rvtauk kvmuinz ngaz rulc rv-ngvlc jix vguez kvmuinz kvjungc wuez kuinz.

JEREMIA 25:6

Tsuingshiq rueq mnoz muex vganc tishox htenc nawk palx muq tvkoc nuiyc mnoz rueq tvhungx shuiux phara yac yuimx htenc nawk palx vtueq Yehowa tvkhaq muq tvkoc jungx wvnc tueq. Mkhoc shoc maq mnoz rueq Yehowa kvjaz kuex phvnx ruiux yuq, piq rueq mnoz muex murx tvgurc muq.

JEREMIA 35:15

Ngaz rueq nuimshiq kox nuex ngvy nvrc waz hez shvmmax bix lotlaz kuex tvhttoarc vtueq tvkaz vphaungx, tsuingshiq rueq nuimshiq miqmac layx vbac htenc kuex gay iruiux tsuingrux yauk shuimc wvnc tvkoc jungx kv-phuinx. Tsuingshiq rueq nuimshiq muex vganc tishox htenc kuex nawk palx muit tvkoc honc tvsvmz kuq tueq, kvkhoc rvtueq ngaz rueq nuimshiq nuiyc nuimshiq jix vwaz tamx muex vkuq mungtan nuex nuimshiq httax ruq httaz tvkoc tvmaung tauk. Yuq muinz nuimshiq rueq ngvy kvjaz tay muit nuiyc wvlc guez tvyaungc vshuinx.

JEREMIA 7:9

Nuimshiq kuex vguiuq vrot, miq thvy, miq juik muex yaq, kvtuemc vtueq rot kaq jungphvnx, Bala muex shomc nawk kuq ruiux, kungkhux nuex tuiuz muit tishox htenc muex nawk palx wuez tuit.

DANIEL 3:18

Yuq muinz mkhoc shoc maq vpiq rueq palc muq ngoz ruiux muinz, Taungjix hokhvmx waz mtishox kuex nuiyhez rueq nawk palx shix rvmuq, mnoz rueq vtv-ngaungc kuimshawx yac muex muinz tuk nguk bumx miq,” ngoz tueq tvralc tueq.

Hosea 13:4

Yehowa rueq, “Ngaz kuex Ejip mungx wawc nuimshiq tvdungc shvlc wvnc jix Yehowa nuimshiq Tishox rvtauk. Ngaz maq lvy vtueq nuimshiq nuex Tishox vguez. Ngaz dvyx nuimshiq palc jix waz rvtauk.

Matthew 4:10

Kvkaq Yesu rueq, “Satan lex, kaz wvnc kuiuz! Rumvrc luik nuex, ‘Taungjix m-Tishox muex dvyx nawk palx lvp shuiux nuiyc vpiq muex shomc kuy rax!’ ngoz tueq juex wuiyq shec tvnx,” ngoz tueq tvralc tueq.

1 Corinthians 8:4

Kvkhoc rvtueq yac yuimx muex shomc kuq yaq phuiuz vsvy nuex seng vtueq jungx ix ngoz ruiux yuq, yac yuimx kuex vsuing thuiuzthuic tvraungx kvmoay kvshay lvmz vguez, yvmx muinz rvmuq dvyx lvmz muinz, vshiz dvyx httax yaq Tishox maq lvy vtueq vganc vguez kuex naungshiq rueq tuiuz vshix.

1 Corinthians 8:6

yuq muinz naungshiq tvkoc kuex vwaz ngoz yaq Tishox vshiz dvyx httax yaq, vpiq kuex phvnx ruip saz lotlaz tvdungc sungc jix waz nuiyc vpiq tvkoc naungshiq rullungx tvraungx vtix. Yesu Christu ngoz yaq Taungjix muinz washiz dvyx httax yaq, vpiq ningkhvnc nuex lotlaz yaungx wvnc vtueq vpiq ningkhvnc nuex naungshiq rullungx tvraungx lvp vtix.

Ephesians 5:5

Sahtok sapawx yaungc jix, vshuy vshac jix, kvkax wax jix lotlaz kuex Christu nuiyc Tishox Mungtan nuex nyuip lvp tuex rvmuq lvmx nuimshiq rueq tuiuz vshuinx. (Yvmx khoc lac ngoz ruiux lec kvkax wax lvmx kuex yac yuimx nawk lvmx phvnx shiz rvtueq.)

TRI CHONGKE 5:7

“‘Ngaz maq lvy vtueq vganc tishox muex nawk palx mvy muq.

TRI CHONGKE 6:14

Vganc tishox htenc muex nauk nawk palx kaz, nuimshiq phic vphaungx nuex httax yaq miqphvnx tsuingshiq tishox htenc kuex nauk nawk palx kaz.

TRI CHONGKE 6:5

Yehowa m-Tishox muex thuinz vmungx lotlaz maq, thuiuzthuic lotlaz maq, hungc vlaungc lotlaz maq lungwawx shuiuz.

Philippians 3:19

Tsuingshiq kuex ngarvyx nuex lvmx suip wuez tuex, yvmx khoc lac ngoz ruiux lec tsuingshiq tishox kuex tsuingshiq wuk ngoz yaq gvnngvmx rvnphvnx lvmx yaungx yaq. Tsuingshiq kuex yvlc svy lvmx nuex kvsomc parc juing muex tvyaungc ruiux, vruex mungkawx wawc hup vsvmx muex dvyx rvwvl wuez yaq.

Colossians 2:18

Tsuingmuq ruxmuq thuinz tv-nyenc lvmx, raungkamx bix muex nawk kuy lvmx kuex vthuiuz duingduingc jungx ruiux, miqmac rueq khiz wvnc tueq tvkhic romzyac htenc kuex tvkhic vtueq, miqmac dvyx vganc jix htauk nuex vshauk ngoz tueq jungx yaq jix htenc rueq nuimshiq kuex yomnamc muq mruez shueq. Yvmx khoc lac ngoz ruiux lec tsuingshiq kuex miqsaz rueq tvmaung thuinz maq tvmaung ruiux khuec guez lvmx guez nuex thuinz tvyungc vtueq;

Revelation 19:10

Kvkaq ngaz rueq piq yaz phaungx nuex bumx vtueq nawk palx dvnc tauk, yuq muinz raungkamx waz rueq, “Kvkhoc nauk nawk kaz! Ngaz kuex mnoz nuiyc mphuz mnox hez maq phaungc vtueq, Yesu rueq jungphvnx wvnc tueq tsuingrux lvmx phvnc jix htenc rulc shuimc shiz kayshiz jix nvrc waz dvyx rvtauk. Tishox muex dvyx nawk palx shuiuz!” ngoz phuex. Yvmx khoc lac ngoz ruiux lec Yesu rueq jungphvnx tueq tsuingrux bomjungc maq jix shvmmax bix muex rawshvmx tvwaung kuq yaq.

Revelation 22:9

Yuq muinz piq rueq ngaz muex, “Kvkhoc kuex nauk nawk vkueq! Ngaz kuex mnoz rulc shuimc shiz kayshiz jix nvrc waz dvyx rvtauk, mphuz mnox shvmmax bix nuiyc vruex luik vwawc bomjungc kuex phvnc jix htenc tsuingshiq rulc shuimc shiz kayshiz jix muinz rvtauk. Tishox muex dvyx nawk palx shuiuz!” ngoz tueq jungx phuex.

PHOWEBI 6:10

Ngaz kuex Yehowa nuimshiq Tishox rvtauk, majuiuc nuimshiq httax vtuinx mungx wawc Amori miqsaz tishox htenc kuex nuimshiq rueq nawk palx lvp shuinx rvmuq. Yuq muinz nuimshiq rueq ngvy kvjaz tay muit ngoz tueq ngaz rueq jungx vphaungx.”