Biblia Todo Logo
La Biblia Online
- Anuncios -




DUNGWVNC 20:2 - Hawa Naga Bible 2001

2 “Ngaz kuex Yehowa nuimshiq Tishox rvtauk, nuimshiq Ejip mungx nuex dax muex yaungx vtuinx wawc tvdungc shvlc wvnc jix rvtauk.

Ver Capítulo Copiar

ASII LAKDAP Bible (BSI)

2 “Ngi ka Tatiwe üm Shiikeawe ümniika Ejip mung na maiqdi asihaü wa shea wanti.

Ver Capítulo Copiar




DUNGWVNC 20:2
50 Referencias Cruzadas  

Kvkhoc yaungx wvnc tueq kuex miq htenc rueq khiz vtueq, ghaq nuex bumx wuez vtueq: Yehowa kuex Tishox rvtueq; Yehowa vshiz dvyx Tishox rvtueq! ngoz tueq guyc wuez tueq.


tsuingshiq rueq yac yuimx nawk palx muq tvkoc Yehowa rueq nvr tueq kvjaz kuex phvnx wuez muq rvtueq.


Israel miqsaz htenc kuex Ejip hokhvmx waz kox wawc palc wvnc tueq nuiyc Ejip mungx wawc tsuingshiq shvlx wvnc jix Yehowa tsuingshiq Tishox muex mvrax yaq gay tueq ningkhvnc nuex Samaria ghaq kuex sumx tueq. Tsuingshiq rueq vganc tishox htenc muex nawk palx wvnc vtueq,


Hokhvmx Ahaza rueq mvrax yaq ningkhvnc nuex Yehowa piq Tishox rueq Siria hokhvmx waz muex tvkhvt tvtaungx gay ruiux Yuda miqsaz paunghvlc kuex lvp vtueq Damasku nuex thuq wvnc tueq. Yehowa rueq Remalia saz Israel hokhvmx Peka muex Ahaza kuex tvtaungx gay vtueq raungnuiyq shiz nuex dvyx Yuda nolaungx bix khvmc hvlc jix 120,000 kuex thvt gay tueq. Yehowa tsuingshiq jix vwaz tamx Tishox rueq kvkhoc tvyaungc kuq tueq, yvmx khoc lac ngoz ruiux lec Yuda miqsaz rueq vpiq kuex tuip gay ningkhvnc nuex rvtueq.


“Ngvy miqsaz htenc lex tay shuinz, ngaz rueq kvjaz jungx vshaungx; Israel lex, ngaz rueq mnoz muex mvrax tvkhic hakhix tvkhic phaungx. Ngaz kuex Tishox, m-Tishox rvtauk.


Ngaz kuex Yehowa nuimshiq Tishox rvtauk, Ejip mungx wawc nuimshiq shvlc tvdungc wvnc jix waz rvtauk. Nuimshiq nuix kuex tvkac wuez shuinz, ngaz rueq nuimshiq muex tv-phauk saq phaungx.


“Yuq muinz ngvy miqsaz htenc rueq ngvy kvjaz kuex tay wuez muq; Israel rueq ngvy kvjaz phvnx wuez muq.


Nuimshiq kuilc daz rvhumc tuit nuex, ngaz gvl phuinx tueq, ngaz rueq nuimshiq kuex palc wvnc phaungx. Raunghtiq raungguil mungx nuex ngaz kvhttuiyq yaq baung maq, ngaz rueq nuimshiq muex tvralc phaungx. Meriba yuix ruilx maq ngaz rueq nuimshiq muex taruiyx phaungx.


Yimaq msaz rueq, yvmx ngoz tueq lac vkhoc ruez vshix ngoz tueq wiz ruiux yuq, mnoz rueq piq muex, ‘Yehowa luimc vkawc yunghvlc maq naungshiq kuex dax muex yaungx tiq Ejip mungx kvwawc tvdung shvlx wvnc phuex.


Moshe rueq mungx miqsaz htenc muex ngoc, “Vruex raungnuiyq kuex nauk lauk kaz; nuimshiq Ejip mungx maq dax wawc dungc wvnc raungnuiyq rvtueq. Vruex raungnuiyq kuex Yehowa piq luimc vkawc yunghvlc maq nuimshiq tvdung wvnc tueq. Wisiz lomx yaq wanx kuex phuiuz mvy muq.


Mbomkhvmc tvmtuing rvtueq rulc rv-ngvlc, mnoz rueq vpalc wvnc miq htenc kuex shvlx wvnc toq; Vsawc mmungtan kuex mhungc vlaungc maq mnoz rueq tsuinghez kuex shvlx toq.


Kvruex hez kuex tawgawz vtueq hisungx wuez yaq. O Yehowa lex, tsuingshiq rueq mhungc vlaungc kuex khiz vtueq, dax yaungx yaq wawc mnoz rueq tvdung wvnc toq, mmiqsaz htenc lvy wvnc yaq nuex tsuingshiq kuex hiyaz vtueq kuiyqshuik dvyx httax tueq.


Vpiq rueq, “Mkhoc shoc maq nuimshiq rueq ngaz rueq nvr shaungx htenc nuiyc ngvy tvrac kuex tvkhvlc muit maq phvnx ruiux yuq, ngaz rueq Ejip miqsaz htauk nuex tvhttuiuc kuq tauk thuimkux kuex nuimshiq htauk nuex tvhttuiuc mauk rvshaungx. Ngaz kuex nuimshiq tvhvlc jix Yehowa rvtauk,” ngoz tueq jungx tueq.


Tishox rueq vpiq kvjaz htenc jungx tueq kuex,


Ngaz kuex Ejip mungx wawc tsuingshiq tvdungc shvlc wvnc jix tsuingshiq Yehowa Tishox rvtauk lvmz kuex, tsuinghez rueq tuiuz wvnc shuex ningkhvnc nuex ngaz kuex tsuingshiq rulc httax taungx. Ngaz kuex tsuingshiq Yehowa Tishox rvtauk.


Kvkhoc rvtueq Israel miqsaz muex vkhoc jungx kuq shuiuz, ‘Ngaz kuex Yehowa rvtauk; Ejip miqsaz kox nuex dax muex yaungx vtuinx kvwawc ngaz rueq nuimshiq kuex tvdung wvnc phaungx. Ngvy yauk phumz hungc vlaungc tvlanc vtueq, tsuingshiq htauk nuex vhiz juing murx tvgurc ruiux, nuimshiq kuex palc wvnc phaungx.


Ngaz kuex Yehowa m-Tishox, Israel muex vsawc Tishox, mnoz palc wvnc jix waz rvtueq. Kvkhoc rvtueq mnoz kuex tvdungc wvnc tvkoc Ejip mungx kvmuinz; Ethiopi mungx nuiyc Seba mungx kvmuinz ngaz rueq kuq phaungx.


Yehowa rueq, “Ejip mungx wawc tvdungc shvlc wvnc jix vtvraungx Tishox rueq ngaz muex Israel miqsaz htenc mkaq muinz kvtuemc muq vkhing httuiuc wvnc tuex.


Ngaz rueq tsuingshiq kuex Ejip mungx wawc daungc wvnc vtueq, yaruix tvnx wvlex, kumtsvy tvnx htenc, ghaqkhurx htenc paung yaq mungx, htuiz rawk vtueq kvhiz juing paung yaq mungx, miq vshiz muinz vguez miq vshiz muinz khuemx shamx muq mungx kuex tvyanz wvnc vtueq, shvlx wvnc koq muinz tsuingshiq rueq ngaz muex wvlc guez tvyaungc yaq.


Yehowa rueq, “Ngaz kuex Israel miqsaz phvnx htenc lotlaz muex Tishox yaungx vtueq, tsuingshiq kuex ngvy miqsaz muex yaungc vkhing httuiuc wvnc yaq.


Israel miqsaz rulc taq shaungx bomkhvrc vnyalx kuex vkhoc rvtueq: Ngaz rueq tsuingshiq nyuing nuex ngvy tvrac kuex taq vtueq kvruex tsuingshiq thuinz vmungx nuex wuiyq taq shec shaungx. Ngaz kuex tsuingshiq Tishox muex yaungx ruiux tsuingshiq kuex ngvy miqsaz muex yaungx tuex.


Israel Tishox rueq, miq htenc muex jungc kuy tvkoc ngaz muex vkhoc jungx phuex: “Ngaz rueq tsuingshiq kuex Ejip mungx wawc daungc wvnc tauk nuiyc dax muex yaungx yaq wawc tsuingshiq tvdung wvnc tauk nuex, mjix m-waz tamx rulc ngaz rueq bomkhvrc taq tauk. Ngaz rueq tsuingshiq muex


Ngaz kuex Yehowa nuimshiq Tishox rvtauk. Ngvy tvrac htenc nuiyc ngaz rueq nvr phaungx kuex phvnx shuinz.


Ngaz rueq yvmx lac jungx vshaungx tsuinghez muex jungx shuiuz. Ngaz rueq Israel thvl wvnc tauk nuex, tsuingshiq muex bomkhvmc taq tauk. Ngaz rueq Ejip mungx maq tsuingshiq muex ngvy shauk pumz tvkhic vtueq: ngaz kuex tsuingshiq Yehowa Tishox rvtauk lvmz tsuingshiq muex jungx wvnc tauk.


Ngaz kuex tsuingshiq Yehowa Tishox rvtauk ningkhvnc nuex tsuingshiq rueq lungwawx yaq miqsuirc vsac yac yuimx htenc kuex tuip gay ruiux, sawc muq vrot vkaq Ejip tishox htenc nuex tsuingshiq shauk pumz tvshuy shac muq tvkoc ngaz rueq tsuingshiq muex jungx tauk.


“Ngaz rueq shvmmax bix muex kvjaz jungx tauk, tsuinghez muex romzyac tvkhic muinz paunghvlc kuq tauk, ngaz rueq shvmmax bix maq raz tueq ngvy miqsaz htenc muex honc tvsvmz kuq tauk.


Yehowa rueq, “Ngaz kuex Ejip mungx wawc nuimshiq tvdungc shvlc wvnc jix Yehowa nuimshiq Tishox rvtauk. Ngaz maq lvy vtueq nuimshiq nuex Tishox vguez. Ngaz dvyx nuimshiq palc jix waz rvtauk.


Ngaz kuex Yehowa rvtauk, Ejip mungx wawc nuimshiq tvdungc shvlc wvnc jix nuimshiq Tishox rvtauk. Nuimshiq vsawc yaungc rax, yvmx khoc lac ngoz ruiux lec ngaz kuex vsawc rvtauk.


Vhtaz juing, vshenc juing nuiyc vhtvp juing rvkhauk kuex shuimx shuinz, Ngaz kuex Yehowa nuimshiq Tishox rvtauk, ngaz rueq nuimshiq kuex Ejip mungx wawc tvdungc shvlc wvnc phaungx.


kvkhoc rvtueq tsuingshiq kuex Ejip mungx maq shvlx wvnc tueq nuex, Israel miqsaz htenc kuex bulax tap htenc kvyuq Yehowa rueq tvhttax tueq lvmz kuex nuimshiq suiuz vsaz htenc rueq tuiuz wvnc shuex. Vpiq kuex Yehowa nuimshiq Tishox rvtueq.


Nuimshiq muex Kanaan mungx kuex kuq ruiux, nuimshiq Tishox yaungc tvkoc nuimshiq kuex Ejip mungx wawc tvdungc shvlc wvnc jix Yehowa nuimshiq Tishox rvtauk.


Israel miqsaz htenc kuex Yehowa dax hez ningkhvnc nuex vpiq rueq tsuingshiq kuex Ejip mungx wawc tvdung shvlx wvnc tueq; kvkhoc rvtueq tsuingshiq kuex dax ikhoc shaungc mvy muq.


Israel miqsaz kuex pattup miq dax muex yaungc mvy muq, yvmx khoc lac ngoz ruiux lec Israel miqsaz kuex Yehowa vpiq dax hez ningkhvnc nuex rvtueq. Vpiq rueq tsuingshiq kuex Ejip mungx wawc tvdung shvlx wvnc tueq; vpiq kuex Yehowa tsuingshiq Tishox rvtueq.


Yehowa rueq, “Nuimshiq rueq yac yuimx htenc, lunghtung htenc, lung yac yuimx htenc kuex guirx vtueq nauk nawk palx kaz. Ngaz kuex Yehowa nuimshiq Tishox rvtauk.


Nuimshiq kuex dax muex yaungx vtuinx Ejip mungx wawc tvdungc shvlc wvnc jix waz Ngaz, Yehowa nuimshiq Tishox rvtauk. Ngaz rueq nuimshiq kandaungc kuex tv-ngawk gay ruiux, nuimshiq kuex lanx juit tvkhuemc vphaungx,” ngoz tueq jungx tueq.


Ngaz kuex nuimshiq kuex Ejip mungx wawc shvlx wvnc vtueq, kumtsvy tvnx nuex wawc rok bvlic tup shvlx wvnc phaungx. Nuimshiq rueq Amori miqsaz ghaqphux lvp laz juing ngaz rueq kuq phaungx.


Yuda miqsaz nuiyc Pungnuk miqsaz ngoz tueq thvlc httauk juing vguez maq Tishox kuex miq lotlaz htauk nuex Taungjix rvtueq nuiyc vpiq gvlc jix lotlaz muex ruimrix kejux phungc yungx rungc yungx kuq tueq.


Tishox kuex Yuda miqsaz Tishox dvyx haz rvtvnx? Pungnuk miqsaz htenc Tishox muinz rvtueq rvmuq haz? Rvtueq, vpiq kuex rvtueq.


Piq kuex lung maq tuip vtueq thvy gay rax! Nuimshiq Ejip mungx nuex dax muex yaungx tuit wawc palc tvdungc wvnc jix Yehowa nuimshiq Tishox kuex tvdux gay tvkoc piq rueq tvshonx ronx yaq.


Nuimshiq kuex Ejip mungx nuex dax muex yaungx tuit wawc Yehowa nuimshiq Tishox rueq nuimshiq tvdung wvnc tueq kuex rvwvl wuez shuinz; kvkhoc rvtueq vruex nvrc kvjaz kuex majuiuc ngaz rueq nuimshiq muex kuq vphaungx.


“Nuimshiq rueq ralx kuex lung ruiux yuq, nuimshiq htauk nuex muinz paunghvlc renc maq, mvre maq, yaz sawx maq khvt jix ralx daungx rulc rvhumc tuinx nuex nauk hiz wuez kaz. Nuimshiq kuex Ejip mungx wawc palc wvnc jix Yehowa nuimshiq Tishox kuex nuimshiq rulc vdvmz nuex httax tuex.


Nuimshiq kuex Ejip mungx nuex dax muex yaungx wvnc tuit nuex Ngaz, Yehowa nuimshiq Tishox rueq luimc vkawc httaz hvlc maq nuimshiq tvdung shvlx wvnc phaungx kuex rvwvl wuez shuinz. Kvkhoc rvtueq Vguilc Raungnuiyq kuex phvnc tvhungx tvkoc ngaz rueq nuimshiq muex nvr vphaungx.


‘Ngaz kuex nuimshiq Ejip mungx nuex dax muex yaungx tuit wawc tvdungc shvlc wvnc jix waz Yehowa nuimshiq Tishox rvtauk.


Yuq muinz Yehowa rueq nuimshiq lungwawx vtueq nuimshiq jix vwaz tamx muex bomkhvmc vkuq kuex tv-phaungx ngaungx roc ningkhvnc nuex Ejip hokhvmx waz dax muex yaungx yaq wawc vpiq hungc vlaungc maq nuimshiq kuex tvdung wvnc tueq.


Yehowa raungkamx waz kuex Gilgal maq Bochim nuex kaz vtueq Israel miqsaz muex ngoc, “Ngaz rueq nuimshiq kuex Ejip mungx wawc shvlx wvnc vtueq, nuimshiq jix vwaz tamx muex bomkhvmc kuq tauk mungx nuex shvlx wvnc phaungx. Ngaz rueq, ‘Nuimshiq rulc vtaq ngvy bomkhvrc kuex mkaq muinz bac kaz tuex rvmuq.


Ngaz kuex Yehowa nuimshiq Tishox rvtauk, majuiuc nuimshiq httax vtuinx mungx wawc Amori miqsaz tishox htenc kuex nuimshiq rueq nawk palx lvp shuinx rvmuq. Yuq muinz nuimshiq rueq ngvy kvjaz tay muit ngoz tueq ngaz rueq jungx vphaungx.”


Síguenos en:

Anuncios


Anuncios


¡Síguenos en WhatsApp! Síguenos