DUNGWVNC 29:46 - ASII LAKDAP Bible (BSI)

⁴⁶ Kiimaq tsangshiq raq Ngi ardea tsangshiq Tatiwe, tsangshiq Shiikeawe, tsangshiq rai sidam miitu tsangshiq ka Ejip mung wa shea wantiwe nguta misap wan. Ngi ka Tatiwe tsangshiq Shiikeawe.

Hawa Naga Bible 2001

⁴⁶ Ngaz kuex Ejip mungx wawc tsuingshiq tvdungc shvlc wvnc jix tsuingshiq Yehowa Tishox rvtauk lvmz kuex, tsuinghez rueq tuiuz wvnc shuex ningkhvnc nuex ngaz kuex tsuingshiq rulc httax taungx. Ngaz kuex tsuingshiq Yehowa Tishox rvtauk.

DUNGWVNC 29:46 Referencias Cruzadas

2 KAÜWA WERAÜ 6:18

“Shatmaq O Shiikeawe lei, ümniika ngohea shaq shaq mangjong hiq na maiqse phong na maiqwe re nai jechakre phong niika misilot haü dea sha? Ramungtan jonglu tlaq kra santla, aranse, kiijaq ümkhum ka siim mak. Ikhiijiika ara ngi raq ahaiha Shomjam se armong niika ümkhiim ka jamkho misüm?

Tvtsvmc 114:2

Juda phan ka Tati asii senginok maja wanto, Israilnok ka asengi shaq ma jawanto.

DUNGWVNC 20:2

“Ngi ka Tatiwe üm Shiikeawe ümniika Ejip mung na maiqdi asihaü wa shea wanti.

DUNGWVNC 25:8

Mungmaiqse raq Ngi miitu asii tombutiip ashi hai ratlo. Kriika Ngi tsangshiq rai sidam miitu.

DUNGWVNC 6:7

Ngi raq namshiq ka isenginok shaq miishe mitiija wanha. Lata Ngi ka namshiq Shiikeawe miishe mija wanha. Kiimaq namshiq raq Ngi ka Tatiwe namshiq Shiikeawe nguta misap han. Arka ümtiikiiwa Ngi raq namshiq ka Ejip mung na dikong ma jatlan kriiwa dokda wan tiikang akhing niishe misap wan han.

JEREMIA 14:9

Jam nguto ümniika maiqwe ashi tiihanghiiq maq atiihangrat ikha jam nguto jaki laü? phenla weshi ningkun ahü maiq khrum kuqlot mak ikha jam nguto jaki laü? Tengteng, Tatiwe lei, ümniika naishiq rai asi! Naishiq ka ümsenginok; naishiq ka naqbaiqthükiq.’”

JEREMIA 31:33

Ngi raq Israilnok rai tongshong anye shong tiikang kriika, akhiishe miraq: Ngi raq itri raütu ka tsangshiq khum niishe mithüha kiimaq tsangshiq mongjii na miwaiq kuqha. Ngi ka tsangshiq Shiikeawe miraq. Kiimaq tsangshiq ka isengi miraq.

EJEKIEL 20:5

Ngi raq jamlai wa chongtiikang ara tsangshiq ma chongkuqlaq. Ümtiikiiwa Ngi raq Israilnok ka tsea kang, Ngi raq tsangshiq ma kiqkham raüpot khakuq kang. Ngi raq pumsii maq tsangshiq rai Ejip mung na kilata isham tiichhikuqki kang. Lata tsangshiq ma akha chongkuq kang: Ngi ka namshiq Tatiwe namshiq Shiikeawe.

EJEKIEL 34:24

Ngi, Tatiwe ka tsangshiq Shiikeawe ma mijaha. Kiimaq ijaqshise Dawit ikha hokham weshi raq tsangshiq ka mipeng wan. Arka, Ngi raq ngutiikang.

LEWI 11:44

Ngi ka Tatiwe namshiq Shiikeawe. Krai mren namshiq raq maiqmii khum ka asii thü raa dongdii. Jamkhano ngukla Ngi ka asii.

LEWI 18:30

Kiimaq Tatiwe raq nguto, “Ngi raq aming thun kuq kang kra lang rong laq. Kra mung na namshiq ma kongkhu na shong wantinok raq jamlai wa klo wantaq kra klo wan maimak. Kiimaq namshiq raq arthun ashe jaqsham thun awa phanshi ra ka sham wan lanta, namkhum ka ashe ma naq tiijabaiq rongkiq. Ngi ka Tatiwe namshiq Shiikeawe.”

LEWI 19:2

Israilnok ma akha chonglaq, “Namshiq ka asii sironglaq. Jamkhano ngukla Ngi ka Tatiwe, namshiq Shiikeawe ka asii.

LEWI 26:11

Ngi ka namshiq rai Ngi asii tombutiip na misiha. Lata Ngi raq namshiq ka ümtiikiimin baiqthü mang she mirha.

LEWI 26:12

Ngi ka namshiq rai nong nong misiha. Ngi ka namshiq Shiikeawe ma mijaha. Kiimaq namshiq ka isenginok ma mija han.

HAGAI 2:5

Man na namshiq Ejip mung wa laüwan lan akhing na, ngi ka namshiq rai pattup pat-sa adam siwanruq mirkang nguta kiqkham raü khakuq kang. Krai mren, ngi ka ümchaü min namshiq rai nongshnongli. Arningkhan namshiq naqhai rongkiq.

WEAWEA 16:3

Tsangshiq ka adam na Mosheq nai Aron khaki na thungto. Raüta tsangnai ma akha nguto, “Namnai ka chan hea she tiichan ne kilan! Israilnok mungmaiqse kunli ka Tatiwe sengi siisaq. Kiimaq Tatiwe ka naishiq tarü rai adam na asi. Kra taü maq, Mosheq ümniika Tatiwe sengi mungmaiqse thaq na ajong nguta jam nguto tiitsaki tlaü?”

1 SAMUEL 10:18

Raüta, tsangshiq ma akha nguto, “Tatiwe, Israilnok Shiikeawe raq ngutlo, ‘Ngi ra namshiq ka Ejip mung wa tsuq wankang lata Ejip mungti nai maiq mung ahinti thun raq namshiq tiichamchao tlaq kriiwa tiichhiikuq wan kang.