DUNGWVNC 29:45 - ASII LAKDAP Bible (BSI)

⁴⁵ Ngi ka Israilnok phong na misi damha. Kiimaq Ngi ka tsangshiq Shiikeawe ma mirha.

Hawa Naga Bible 2001

⁴⁵ Ngaz kuex Israel miqsaz rulc vdvmz httax vtueq, tsuingshiq Tishox muex yaungx taungx.

DUNGWVNC 29:45 Referencias Cruzadas

RAPHA HIQWA LAK 17:8

Ngi raq ümniima kiimaq ümlai ümla thun ma, arhiq ara ümchaü ümniika wanwe sitlaü ara mikuqha. Kanan mung kunli ka pattup pat-sa miitu ümlai ümla phan rii she miraq. Kiimaq Ngi ka tsangshiq Shiikeawe she mirha.”

1 HOKHVMX 6:13

Ngi ka isenginok Israilnok rai ara ümniiraq ahai haü Shomjam mong na misi damha. Krai mren Ngi raq tsangshiq ka ümtiikii jiimin miimbaiq mang she mirha.”

2 KAÜWA WERAÜ 6:18

“Shatmaq O Shiikeawe lei, ümniika ngohea shaq shaq mangjong hiq na maiqse phong na maiqwe re nai jechakre phong niika misilot haü dea sha? Ramungtan jonglu tlaq kra santla, aranse, kiijaq ümkhum ka siim mak. Ikhiijiika ara ngi raq ahaiha Shomjam se armong niika ümkhiim ka jamkho misüm?

Tvtsvmc 114:2

Juda phan ka Tati asii senginok maja wanto, Israilnok ka asengi shaq ma jawanto.

Tvtsvmc 68:18

Apaiq ka pum diiluhea ba kiina, apaiq rai shumwikong pahea tsuq wan raüta wawanto; apaiq raq akiq khiitibi maiq pahea jaq wa kongphiq thun jaütlo. Tati Shiikeawe ka kiijaq misi wan.

DUNGWVNC 15:17

Ümniiraq tsangshiq ka tsuq wanlaü, laüta üm pum thaq na tsangshiq ka shong laü, hiq bashi ümniiraq, Tatiwe lei, üm jam miitu tsea laü, Shomjam ümjaq maq hai laü.

DUNGWVNC 25:8

Mungmaiqse raq Ngi miitu asii tombutiip ashi hai ratlo. Kriika Ngi tsangshiq rai sidam miitu.

DUNGWVNC 29:44

Ngi raq Tombutiip nai berong-wacha ka asii ma mitiijaha. Kiimaq Ngi raq Aron nai asetiim ka Ngi shiikumpan miitu ramwe ma pong na atsea lata mithüha.

DUNGWVNC 6:7

Ngi raq namshiq ka isenginok shaq miishe mitiija wanha. Lata Ngi ka namshiq Shiikeawe miishe mija wanha. Kiimaq namshiq raq Ngi ka Tatiwe namshiq Shiikeawe nguta misap han. Arka ümtiikiiwa Ngi raq namshiq ka Ejip mung na dikong ma jatlan kriiwa dokda wan tiikang akhing niishe misap wan han.

JEREMIA 14:9

Jam nguto ümniika maiqwe ashi tiihanghiiq maq atiihangrat ikha jam nguto jaki laü? phenla weshi ningkun ahü maiq khrum kuqlot mak ikha jam nguto jaki laü? Tengteng, Tatiwe lei, ümniika naishiq rai asi! Naishiq ka ümsenginok; naishiq ka naqbaiqthükiq.’”

EJEKIEL 34:24

Ngi, Tatiwe ka tsangshiq Shiikeawe ma mijaha. Kiimaq ijaqshise Dawit ikha hokham weshi raq tsangshiq ka mipeng wan. Arka, Ngi raq ngutiikang.

EJEKIEL 43:7

“Maiqse lei, Ngi hokham ngacho ka arjaq. Ngi ka arjaq Israilnok rai misiha. Lata tsangshiq ka pattup pat-sa miitu she mipeng wanha. Israilnok mungmaiqse raq kiimaq tsangshiq hokhambi raq jiimin, i mangchong asii arka ahin phra thun shomnoq raüta riimakla, tsang hokhambi maa thun ka lap raüta tiishe shi mak she miraq.

EJEKIEL 43:9

Ümchaü tsangshiq raq ahin phra thun ka shomnoq mai mak she kiimaq tsang hokhambi maa thun ka arwa lambaiq raa dongdii. Tsangshiq raq kra klo raüla, Ngi ka tsangshiq rai pattup pat-sa adam na misi wan damha.”

DANIEL 2:11

Chaü lei, ümniiraq jamlai bom wa waitlaü kriika tsinhea, maiqse raq khon lot chang ka riimak. Arka phra kong riili michongkuqlot. Tsangshiq ka maiqse rai simak.”

LEWI 26:11

Ngi ka namshiq rai Ngi asii tombutiip na misiha. Lata Ngi raq namshiq ka ümtiikiimin baiqthü mang she mirha.

LEWI 26:12

Ngi ka namshiq rai nong nong misiha. Ngi ka namshiq Shiikeawe ma mijaha. Kiimaq namshiq ka isenginok ma mija han.

HAGAI 2:5

Man na namshiq Ejip mung wa laüwan lan akhing na, ngi ka namshiq rai pattup pat-sa adam siwanruq mirkang nguta kiqkham raü khakuq kang. Krai mren, ngi ka ümchaü min namshiq rai nongshnongli. Arningkhan namshiq naqhai rongkiq.

JEKERIA 2:10

Tatiwe raq nguto, “Jerusalem chelati lei, chochi ma shinge rong laq! Ngi ka namshiq rai adam sikai kitiikang!”

JEKERIA 8:3

Arningkhan ngi ka Jajon na hali mijangki nongha. Lata asii Jerusalem na misiki nong ha. Kra chela ka tsapkapkap chela nguta mingu. Kiimaq Tati Ningkun Ajong Pinthumwe asii pum nguta mimang wan.

WEAWEA 16:3

Tsangshiq ka adam na Mosheq nai Aron khaki na thungto. Raüta tsangnai ma akha nguto, “Namnai ka chan hea she tiichan ne kilan! Israilnok mungmaiqse kunli ka Tatiwe sengi siisaq. Kiimaq Tatiwe ka naishiq tarü rai adam na asi. Kra taü maq, Mosheq ümniika Tatiwe sengi mungmaiqse thaq na ajong nguta jam nguto tiitsaki tlaü?”

WEAWEA 35:34

Namshiq sitlan hiqshong ka naq tiishe rongkiq. Jamkhano ngukla Ngi ka Tatiwe. Kiimaq kra Israilnok mungmaiqse rai sitiikang.”

WEAWEA 5:3

Ara tsangshiq khum na apii ashe phan asi maiq kong thun ka wiita chiiphai na tiikibaiq ronglaq. Kra riihantiq tsangshiq raq Ngi isenginok rai sidam tiikang piitiip ka tiisheshi mak miraq.”

John 14:17

Apaiq raq maiqse ka Shiikeawe rai sham triichhike wanti Asii Wenyi. Apaiq raq Shiikeawe tiima tsantsii ka maiqse ma tiichhi kuqtlo. Mangjong maiqse raq apaiq ka tsangshiq tsan mong na tao mak. Ara jamkhano tao mak ngukla, tsangshiq raq apaiq sham ka chhi mak. Kiimaq mang min riisap mak. Shatmaq, namshiq raq apaiq ka asap han. Ara jamkhano chongtiikang ngukla, apaiq ka namshiq rai adam sitlo. Kiimaq, apaiq ka namshiq mongjii na sitlo.

John 14:20

Kra ngi dong wan ranaiq akhing she saü wa raütiq, namshiq raq ngi arka i We rai pumshi hanshi dea sitiikang, kiimaq ngi ka namshiq rai jamkho pumshi hanshi maq sitiikang, kiikhiisii hali namshiq min, ngi rai pumshi hanshi miidea sitlan ngutiishe misap han.”

John 14:23

Kiijiishe, Jesuq raq apaiq bom ka treto, “Jurwa ngi lungwii tlaq, kriiti ka i wokhong na, i bom chong ka phaqchii nichii maq tai raüta misi. I We raq apaiq ka kai milungwii. Kiimaq, i We nainai ka kilaita, apaiq rai adam na misi hai.

2 Corinthians 6:16

Shiikeawe asii shomjam ka thawe makchuk jam rai apong dam chang lamlu min asi sha? Nashiq ka atra Shiikeawe sichang shomjam ahata! Shiikeawe raq akha chongto: “Ngi raq I jamjong ka I sengi rai mihai ha, Lata tsangshiq rai misiha, ngi ka tsangshiq Shiikeawe ma mijaha; kiimaq tsangshiq ka I sengi miraq.”

Ephesians 2:22

Riita, ümchaü sanha, namshiq ka, apaiq rai pumshi hanshi she siwan lan krai mren, namshiq kiimin nanok ahinti wiitarü sitlaq kra rai, adam na rom raüta, Shiikeawe apaiq si miitu, jamjong kaü ashi she hai tlo. Apaiq ka namshiq rai, Asii Wenyi lümaq sitlo.

TRI CHONGKE 12:11

Tatiwe raq apaiq shomnoq chang hiq ka bashi tiitsang dada she mitsea. Raüta mithü wan. Kra hiqba kiijiili apaiq ka namshiq raq shomnoq chang. Kiimaq ngi raq namshiq ma aming kuq kang kra phan phan, wiita namshiq raq lam wan lanta, kiijaq apaiq ma kewa ratlo: Namshiq raq wa na chaqtlii chang honglu kuqtlan kra kiimaq laihin honglu kuqtlan thun kra, namshiq raq aroq khu wa honglu kuqtlan thun kra, kiimaq namshiq raq Tatiwe ma akhek atiitsang kongphiq mikuqha nguta kiqkham kuqlan thun kra mikuq wan han.

TRI CHONGKE 7:21

Kra ningkhan arnok miitu namshiq naqhai rongkiq. Tatiwe namshiq Shiikeawe ka namshiq rai. Apaiq ka ajong Shiikeawe kiimaq apaiq miika ahai chang akhek sitlo.

Revelation 21:3

Ngi raq hokham ngachang ngacho maq tiihong raüta abom, maiq bom ashi akha taikang, “Ümchaü Shiikeawe jam ka maiqse rai she! Apaiq ka tsangshiq raishe misi. Kiimaq tsangshiq ka apaiq sengi she miraq. Shiikeawe apaiq ka tsangshiq rai nong nong she misi wan dam. Kiimaq apaiq ka tsangshiq Shiikeawe miraq.