DUNGWVNC 29:45 - Hawa Naga Bible 2001

⁴⁵ Ngaz kuex Israel miqsaz rulc vdvmz httax vtueq, tsuingshiq Tishox muex yaungx taungx.

ASII LAKDAP Bible (BSI)

⁴⁵ Ngi ka Israilnok phong na misi damha. Kiimaq Ngi ka tsangshiq Shiikeawe ma mirha.

DUNGWVNC 29:45 Referencias Cruzadas

RAPHA HIQWA LAK 17:8

Majuiuc mnoz wuinshaung waz ikhoc httax vtuiux mungx vruex kuex mnoz nuiyc msuiuz msaz hez muex kuq phaungx. Kanaan mungx lotlaz kuex msuiuz msaz htenc muex kuy tvlanc kuq phaungx, ngaz muinz tsuingshiq Tishox muex yaungx taungx,” ngoz tueq jungx tueq.

1 HOKHVMX 6:13

Mnoz rueq guirx vshuiux Shomc Yuimx vyuq ngvy miqsaz Israel rulc vdvmz nuex httax taungx, tsuingshiq kuex mkaq muinz ngaz rueq httvr gay shaungx rvmuq,” ngoz tueq jungx tueq.

2 KAÜWA WERAÜ 6:18

“Yuq muinz O Tishox lex, mnoz kuex miqsaz htenc rulc vsuing ghaq htauk vyuq httax lot tuiux haz? Raungmungx dvmx lotlaz doc muinz mnoz httax lot laz juing yungx muq rvyruiux, ngaz rueq guirx tauk Shomc Yuimx kuex yvmx khoc lac yungx lot tvnx?

Tvtsvmc 114:2

Yuda kuex Yehowa muex vsawc miqsaz htenc muex yaungx wvnc tueq, Israel kuex vpiq rueq guimz yaq miqsaz muex yaungx wvnc tueq.

Tvtsvmc 68:18

Vthuq vruez laq miqsaz paunghvlc rulc vdvmz johvlc kanx nuex vpiq duiz wvnc yaq, vpiq rueq khawc lvlc jix kox wawc yauk noalc paunghvlc lvp wvnc tueq. Yehowa Tishox kuex kvruex baung kvyuq httax tuex.

DUNGWVNC 15:17

Yehowa lex, mnoz rueq tsuinghez kuex gvl wvnc vtueq, mnoz httaz tvkoc thvl taq shec toq, mnoz rueq Shomc Yuimx guirx toq kanx kvyuq tvhttax shuiuz.

DUNGWVNC 25:8

Miq htenc rueq ngvy tvkoc vsawc tap kuex m-guirx wuez shueq, kvkhoc ngoz ruiux ngaz kuex tsuingshiq rulc httax taungx.

DUNGWVNC 29:44

Ngaz rueq Tap nuiyc shomrawx kuex tvsawc nawc ruiux, Arun nac sahez kuex ngvy yauk shuimc tvkoc shomc waz muex thvl taq shaungx.

DUNGWVNC 6:7

Ngaz rueq nuimshiq kuex ngvy miqsaz muex thvl wvnc phaungx, ngaz kuex nuimshiq Tishox muex yaungx taungx. Nuimshiq kuex dax muex tvyaungc jix Ejip yauk wawc ngaz rueq tvdung wvnc ruiux yuq, ngaz kuex nuimshiq Yehowa Tishox rvtauk kuex nuimshiq rueq tuiuz wvnc wuez shuinz.

JEREMIA 14:9

Mnoz kuex yvmx ngoz tueq lac kvtawx ngawx kaz vtueq, romc kuy tvkoc hungc vlaungc vnulx nolaungx waz ikhoc yaungx kaz tuiux? Vsuing, mnoz kuex nuiyshiq rulc vdvmz httax vtuiux! Nuiyshiq kuex mmiqsaz rvtiq; nuiyshiq kuex nauk tuip gay vkueq,’ ” ngoz tueq ramc jungx tueq.

EJEKIEL 34:24

Ngaz, Yehowa kuex tsuingshiq Tishox muex yaungx vtueq, ngvy nvrc waz Dawid rulc rv-ngvlc yaq hokhvmx waz kuex tsuingshiq guimz lawc jix vyungx yaungx tuex. Ngaz rueq jungx vshaungx.

EJEKIEL 43:7

“Vthueyc rvyaq miq lex, vruex kuex ngvy hoc daungraungc rvtueq. Vruex yuq Israel miqsaz rulc vdvmz httax vtueq tsuingshiq kuex pattup pat-sac guimz shaungx. Israel miqsaz htenc nuiyc tsuingshiq hokhvmx bix rueq vganc tishox htenc kuex nawk palx vtueq muinz, tsuingshiq hokhvmx bix maungx htenc vyuq luip vtueq muinz ngvy vsawc muingc kuex shummarc yek shuex rvmuq shex.

EJEKIEL 43:9

Majuiuc tishox htenc nawk palx yaq kuex tsuingshiq rueq httvr gay ruiux tsuingshiq hokhvmx bix maungx htenc kuex tvhttot gay wuez shuex. Tsuingshiq rueq kvkhoc shuimx ruiux yuq, ngaz kuex tsuingshiq nuex pattup httax taungx,” ngoz tueq jungx tueq.

DANIEL 2:11

Taungjix hokhvmx waz rueq wiz vshuiux lvmz kuex gvrc hvlc ningkhvnc nuex tishox htenc maq lvy vtueq vshiz rueq muinz jungx lot shuex rvmuq, tishox htenc kuex miqsaz rulc vdvmz httax yaq rvmuq,” ngoz tueq tvralc tueq.

LEWI 26:11

Ngaz kuex nuimshiq hvlwvl wawc ngvy vsawc tap nuex httax vtueq, nuimshiq kox wawc mkaq muinz kvwek wvnc taungx rvmuq.

LEWI 26:12

Ngaz kuex nuimshiq rulc vdvmz; ngaz kuex nuimshiq Tishox rvtauk, nuimshiq muinz ngvy miqsaz htenc yaungx wuez tuinx.

HAGAI 2:5

Nuimshiq Ejip mungx maq dung kaz wvnc tuit nuex, ngaz kuex nuimshiq rulc mkaq muinz vdvmz httax taungx ngoz tueq bomkhvmc taq tauk. Ngaz kuex nuimshiq rulc vdvmz httax hvt dvyx, kvkhoc rvtueq nauk hiz kaz.

JEKERIA 2:10

Yehowa rueq, “Yerusalem ghaq wuinz lex, vkoz vkez maq shix ngoyx wuez kuinz! Nuimshiq vmungx baung kvyuq httaz tvkoc ngaz kaz vraungx!” ngoz tueq jungx tueq.

JEKERIA 8:3

Ngvy vsawc ghaqyungx Yerusalem nuex yek waung vtueq kvyuq httax taungx. Kvruex ghaqyungx kuex tvmtuing vhttax ghaq muex yaungx wvnc vtueq Tvphaungc Tvsuip Yehowa ghaqluimx kuex vsawc ghaqluimx ngoz tueq ngoz shuex.

WEAWEA 16:3

Kvruex hez htenc kuex Moshe nuiyc Arun khaungkac nuex rvtuimx kaz vtueq, “Nuimshiq honc vyaungc kuex jvnc hvlc! Israel miqsaz htenc kuex Yehowa rueq thvl wvnc vtueq, Yehowa kuex naungshiq lotlaz rulc vdvmz httax yaq. Kvkhoc rvyruiux Moshe kuex yvmx rvtueq lac Yehowa miqsaz phungc nuex mshauk pumz kuex kvsomc parc kaz tuiux?” ngoz tueq ngoz tueq.

WEAWEA 35:34

Ngaz kuex Yehowa rvtauk, ngaz kuex Israel miqsaz rulc httax vtaungx ningkhvnc nuex nuimshiq httax tuinx mungtan kuex tvshuy shac mvy muq,” ngoz tueq jungx tueq.

WEAWEA 5:3

Ngvy phvnx miq rulc vdvmz ngaz httax vtaungx jerak kuex shuy shac muq tvkoc nawk palx htungx maq sawc muq jix miq htenc kuex jerak phic nuex yurc gay rax,” ngoz tueq jungx tueq.

John 14:17

Vpiq kuex Tishox nuex seng yaq tsuingrux lvmx tvkhic kuy jix Siyac rvtueq. Mungkawx rueq vpiq kuex khiz muq, tuiuz muq ningkhvnc nuex lvp wvnc wuez muq. Yuq muinz vpiq kuex nuimshiq rueq tuiuz vshuinx, yvmx khoc lac ngoz ruiux lec vpiq kuex nuimshiq rulc roc nuex httax vtueq, nuimshiq thuinz vmungx nuex httax yaq.

John 14:20

Ngaz kuex Iwaz rulc httax vtaungx kvmuinz, nuimshiq kuex ngaz rulc httax vtueq, ngaz muinz nuimshiq rulc httax taungx kvmuinz kvruex raungnuiyq jix nuimshiq rueq tuiuz shuinx.

John 14:23

Yesu rueq, “Ngvy lungwawc jix waz ngoz ruiux kuex ngaz rueq tvluing kuq shaungx vruex phvnx shuex. Iwaz rueq piq kuex lungwawx shuex. Iwaz nvnueyc kuex piq kox kvyuq kaz vtueq piq rulc vdvmz nuex httax naungx tix.

2 Corinthians 6:16

Tishox shomc yuimx kuex yac yuimx rulc yvmx khoc lac thuinz rungx raz naungx lot tvnx? Yvmx khoc lac ngoz ruiux lec naungshiq kuex vtvraungx httax yaq Tishox shomc yuimx rvtiq! Tishox rueq, “Ngaz kuex ngvy miqsaz htenc nuex ngvy yuimx tvyaungc vtueq, tsuingshiq nuex httax taungx; Ngaz kuex tsuingshiq Tishox rvtauk, tsuingshiq muinz ngvy miqsaz htenc yaungx tuex,” ngoz tueq jungx tueq.

Ephesians 2:22

Nuimshiq muinz Christu rulc vshiz dvyx yaungx vtueq, vganc jix rulc vdvmz nuex kvguirc naungc rvhumc ruiux vpiq Siyac maq Tishox httaz juing baung muex yaungx wvnc wuez tuit.

TRI CHONGKE 12:11

Yehowa rueq vpiq muex nawk palx juing baungshiz nuex dvyx thvl taq shec tueq; kvruex baung kvyuq ngaz rueq nvr phaungx rulc rv-ngvlc nuimshiq rueq wvr maq jauk shomc nawk kuy juing nuiyc vganc maq shomc nawk kuy juing htenc, nuimshiq mvnz rokshiz wawc mvnshiz nuiyc shomc kuy juing htenc, Yehowa muex vkhvmc kuq yauk noalc htep htenc kuex lvmc lvy rax.

TRI CHONGKE 7:21

Kvkhoc rvtueq kvruex phvnx miq kvmac nauk hiz kaz. Yehowa nuimshiq Tishox kuex nuimshiq rulc vdvmz httax yaq; vpiq kuex ngauz vngax yunghvlc vhiz juing Tishox rvtueq.

Revelation 21:3

Ngaz rueq hoc daungraungc maq jungx yaq kvjaz yunghvlc vshiz tay tauk kuex: “Majuiuc Tishox kuex miqsaz rulc vdvmz nuex httax yaq! Vpiq kuex tsuingshiq rulc vdvmz nuex httax tuex, tsuingshiq kuex vpiq miqsaz muex yaungx wuez tuex. Tishox vpiq shauk pumz kuex tsuingshiq rulc vdvmz nuex httax vtueq vpiq kuex tsuingshiq Tishox muex yaungx tuex.