LEWI 26:1 - ASII LAKDAP Bible (BSI)

¹ Tatiwe raq nguto, “Sumla thun naqhaihun rongkiq. Riimakla sumla phra thun ka naq tiinga rongkiq, kiimaq longkham thun ka naq shong rongkiq, riimakla longkaü thun na sumla soqhai lanta naq noq rongkiq. Ngi ka Tatiwe namshiq Shiikeawe.

Hawa Naga Bible 2001

¹ Yehowa rueq, “Nuimshiq rueq yac yuimx htenc, lunghtung htenc, lung yac yuimx htenc kuex guirx vtueq nauk nawk palx kaz. Ngaz kuex Yehowa nuimshiq Tishox rvtauk.

LEWI 26:1 Referencias Cruzadas

2 HOKHVMX 17:10

Kinthun ümchuwa sitlaq kiijaq kiimaq pechong atsung asisi angu thun takiq kriijaq thatsang chang longkaü kham thun shongto. Kiimaq Ashera phrakaü jechak nyung sumla kra tiinga shongto.

2 HOKHVMX 17:16

Tsangshiq raq tsangshiq Tatiwe tsangshiq Shiikeawe thungtri thun ka wiita jinbaiq wanto. Raüta tsangshiq raq minsaü pongwenai anai sumla ka miiki ngam maq ashomnoq ma nguta loto. Kriithaq niimin tsangshiq raq jechak nyung phra kaü Ashera sumla kra tiiqto. Kiimaq ra wa raiqsaiq thun kra shomnoq wanto. Kiimaq Baal phrakaü ka shomnoq wanto.

2 HOKHVMX 17:8

Kiimaq asenginok raq kra mung jiiwantlaq kra phan phan Tatiwe raq maiqmung thun kra jobaiq wantaq, kriinok thung nai lai thun kra tsangshiq raq lang wanto. Kiimaq Israilnok hokhambi raq kra pongnok phan thung alai thun ka Israilnok riimin lang wan raa nguta mungmaiqse ma shrinkuq wanto.

Tvtsvmc 78:58

Tsangshiq raq apaiq ka tsangshiq thatsang hiqba thun haiwan raüta atsan tiikhiqto, kiimaq tsangshiq raq sumla phra thun noq raüta apaiq tsan ka walü wa ikha tiinyai chaqto.

Tvtsvmc 97:7

Sumla thun noqtibi loweatek ma jea tiingaütlo; tlotli tisho thun raq Tatiwe khaki na bum raüta noqtlo.

DUNGWVNC 20:2

“Ngi ka Tatiwe üm Shiikeawe ümniika Ejip mung na maiqdi asihaü wa shea wanti.

DUNGWVNC 20:23

Namshiq Ngi tiitsuq ma shomnoq wan miitu phra thun ka kampho maq riimakla chaq maq naq klo rongkiq.

DUNGWVNC 23:24

Tsangshiqnok phra kong khaki na naq bumkiq. Riimakla kriithun ka naq noqkiq. Kiimaq tsangshiqnok miikam miisham thunglai ka naq lang kiq. Tsangshiq phra kong ka wiita tiithenbaiqlaq. Laüta tsangshiq raq asii longkham thun ashong ka wiita tiibun baiqlaq.

DUNGWVNC 34:17

“Jin maq phra sumla thun naqhai rongkiq kiimaq naq shomnoq rongkiq.

ISAIA 2:20

Ümtiikiiwa kra ranaiq akhing she saüwa jiiq, tsangshiq raq chaq nai kampho maq atiiq sumla phra phong ka rum niishe mibaiqki. Raüta kriithun ka juk kong nai phaqsaiq kong miishe mikiinong kuqbaiq.

LEWI 19:4

“Ngi ka naq baiqthü rongkiq. Kiimaq sumla phra thun ka naq shomnoq rongkiq. Ja ajin maq sumla thun naq lo rongkiq. Lanta tsangshiq ka naq shomnoq rongkiq. Ngi ka Tatiwe namshiq Shiikeawe.

LEWI 25:55

Israilnok phan ka pattup pat-sa miitu maiqdise ma tiija lot mak. Jamkhano ngukla Israilnok ka Tatiwe dikong. Apaiq raq tsangshiq ka Ejip mung wa tiidong tsuq wanto. Apaiq kli Tatiwe tsangshiq Shiikeawe.

LEWI 7:33

Arka ramwe rintii-honglu ngam tiijai nai ngampü thun kra honglu na ketiwe jaqshamti kriima kechang.

WEAWEA 33:52

namshiq raq kra mungti maiq thun ka wiita jobaiq ratlo. Tsangshiq long shong thun kiimaq jin maq aklo sumla phra thun kiimaq tsangshiq noqku chang ba thun kra kun kun tiithen baiq ratlo.

Acts 17:29

Riita ija, nashiq ka Shiikeawe setiim she kha maq, nashiq raq Shiikeawe rong arai ka tsiimwe khiiqwe bi raq nai tiiqwebi raq, jaq maq chaq ngam wa, kampho ngam wa, kiimaq long maq sumla phra haihun tlaq kiikha sham nguta tiima ka raa mak she.

TRI CHONGKE 27:15

“‘Jurwa long maq, kiimaq pe maq, riimakla jin maq sumla phra ashi haitlaq, raüta ahuk se maq shomnoqtlaq, kriiti ma Shiikeawe manson minilaq. Tatiwe raq sumla noq ka saisitlo.’ “Kiimaq mung maiqse kunli raq mitre, ‘Amen!’

TRI CHONGKE 5:6

‘Ngi ka Tatiwe üm Shiikeawe. Namshiq ka Ejip mung na dikong asi han wa daa chhii wankang.

Revelation 22:15

Shatmaq chela phai na ashang baiq wanti maiqse thun kriika, ajok aliiq kiimaq maiqwuq maiqlongti, sethoq sepii jati, kiimaq showe lumwe ma jati, sumla phra noqtibi kiimaq abom asa na kiimaq jaqsham kaiwa na arot akiq wanti bi thun ka miraq.

PHOWEBI 18:30

Kiimaq Dan phan raq phra sumla ka ashom noq miitu thüto. Kiimaq Gershom se Jonathan, Mosheq ma asaü ka Dan phan ma ramwe jaqshamke miitu ramwe shongto. Kiimaq apaiq ma asaü asetiim pat niimin, mungmaiqse ka pong mung na munglu shumwi ma tsuq wantaq akhing na saüli ramwe jaqsham kuqto.