PHOWEBI 2:1 - ASII LAKDAP Bible (BSI)

¹ Tatiwe rase ka Gilgal chela maq Bochim chela na wawanto. Raüta Israilnok ma nguto, “Ngi raq namshiq ka Ejip mung wa tsuq wan kang. Lata ngi raq namtitiim ma mung ashi mikuq kang nguta kiq khamkuq kang mung na shea wan kang. Ngi raq ngukang, ‘Ngi raq namshiq rai tongshong tri khakuq kang kra ümtiikii jiimin diibaiq mang she.

Hawa Naga Bible 2001

¹ Yehowa raungkamx waz kuex Gilgal maq Bochim nuex kaz vtueq Israel miqsaz muex ngoc, “Ngaz rueq nuimshiq kuex Ejip mungx wawc shvlx wvnc vtueq, nuimshiq jix vwaz tamx muex bomkhvmc kuq tauk mungx nuex shvlx wvnc phaungx. Ngaz rueq, ‘Nuimshiq rulc vtaq ngvy bomkhvrc kuex mkaq muinz bac kaz tuex rvmuq.

PHOWEBI 2:1 Referencias Cruzadas

RAPHA HIQWA LAK 12:7

Tatiwe ka Abram phana dongkito. Raüta apaiq ma akha nguto, “Armung ara Ngi raq ümsaü ümsetiim miishe mikuqha.” Kiijiishe Abram raq Tatiwe apaiq phana dongkitaq kriiba kiijaq berong-wacha ashi haito.

RAPHA HIQWA LAK 16:13

Kiijiishe Hagar raq apaiq nai apaiq she riibomto, “Riita ngi raq Shiikeawe rai ngohea shaq shaq dea sha riihum kang? Kra taü maq ngi ka kra chongke ma atrali shea sitiikang?” Kra ningkhan apaiq raq Tatiwe apaiq rai riibomti ka “Shiikeawe ka Maiq Chhitiwe,” nguta nguto.

RAPHA HIQWA LAK 48:16

Ngi phanrap chamchao mong wa khupwongke wanti rase raq tsangnai ka mishman kuq laq! Imang chong nai iwe Abraham kiimaq Isak mang chong ka ara nono nai ara lümaq siruq misi wan laq! Tsangnai setiim nai asaütiim ka pahea mipuchi wan laq!”

Tvtsvmc 89:3

Ümniiraq ngulaü, “Ngi raq tsea kangwe rai Ngi raq tongshong kang; Ngi raq ijaqshise Dawit maq kiqkham kuqkang.

Tvtsvmc 89:34

Ngi raq apaiq rai tongshongkang kra siiqbaiq mang riimakla ngi raq apaiq ma kiqkham raüpot ümchuwa khakuqkang kriiwa pot shi dongdii min tiikhoibaiq mang mirha.

DUNGWVNC 14:14

Tatiwe raq namshiq rii na re mikhat, kiimaq namshiq raq sham chang jam min ahü.”

DUNGWVNC 14:19

Kiimaq Shiikeawe rase Israilnok phenlabi kong khaki na watlaq kriika, kiho raüta Israilnok jai nü niishe tiijakito. Kiimaq phum kham chong kriimin tiisot ho raüta,

DUNGWVNC 20:2

“Ngi ka Tatiwe üm Shiikeawe ümniika Ejip mung na maiqdi asihaü wa shea wanti.

DUNGWVNC 23:20

“Ngi raq rase ashi ümniima sinkhu na mitiiwaliha, ümnaq laü wan tlaü na lam maq tiikhup wongke wan miitu. Kiimaq Ngi raq ümniika ümnaq miitu hiqshong tiijekang kiijaq mishea wanha.

DUNGWVNC 33:14

Kiijiishe Tatiwe raq nguto, “Ngi ka ümniirai miwa dam kang. Kiimaq Ngi raq ümniima rekhat ka mitiitang kuq kang.”

ISAIA 63:9

Tsangshiq chamchao tlotli wa tiichhiito. Kriika rase raq riimak. Shatmaq Tatiwe apaiq raq tsangshiq ka tiichhiikuqto. Apaiq lungwii tsii maq kiimaq mangchan tsihea maq tsangshiq ka dokda wanto. Apaiq raq tsangshiq ka man na pat niiphü wranaiqshe khebom shat maq dunghiq wanto.

JEREMIA 14:21

Ümkiqkham bomtsi thun ka tiitsanglaq, laüta naishiq ka naqsaisikiq; Jerusalem ma jea naq tiingaükiq, ümhokham achhai anyii ngacho thüchang hiq, Ümniiraq naishiq rai tongshong laü kra naq jinkiq.

LEWI 26:42

Ngi raq Jakob rai kiimaq Isak rai kiimaq Abraham rai i tongshong wan kang bomkham kra itsan na mitiitsang wanha. Lata Ngi raq ikiq kham bomtsi isenginok ma mungtan ashi mikuq kang nguta kiqkham kuq kang kra anye ma mitiija wan nongha.

LEWI 26:44

Shatmaq, kiitinkhan taü miili jiimin, tsangshiq ka tsang jaqtinok mung na sishon na, Ngi raq tsangshiq ka klang maq baiqtlii lang lang kla tiishaübaiq mang. Riimakla tiithumpak kla tiithenbaiq mang. Kra riiha jiika Ngi raq tsangshiq rai i tongshong wan kang ka athum she mirki. Kiimaq Ngi ka Tatiwe tsangshiq Shiikeawe.

JEKERIA 11:10

Kra latiishe, ngi raq nyeakii, “Akhrumti” ngutlaq kriishe lamkang. Lata nyeakii ka angoqshe riibaiq kang. Lata Tatiwe raq maiq phan pahea rai tongshong wantaq tri raükha kriishe diibaiq kang.

MALAKI 3:1

Tati Ningkun Ajong Pinthumwe raq tretlo, “Ngi raq itsasoqtiwe, ngi kai ma lamtanho, sinkhu na mitiikiha. Krai mren, namshiq raq ümchaü thenge liitlan Tatiwe ka tiihanghiiq miili apaiq Shomjam mong na misaüho. Ümchaü namshiq raq maklii khamthii khetlan kra misaüho. Raüta itongshong bomtsi kra chiiriim raüta michongkuq.”

WEAWEA 14:34

Namshiq ka namshiq maiqmii ngarai kra ningkhan rawii roqblai michamchao wan han. Kanan mung sisin wa raroqblai kriiwa ranaiq shi la na rawii shishi she michamchao wan han. Namshiq raq Ngi ka namshiq ngengtiwe ma tiija wan ka akhiidea shea ngutiishe misap wan han!

TRI CHONGKE 1:8

Armung thun ara tiina Ngi Tatiwe raq, namtitiim Abraham, Isak, kiimaq Jakob ma kiimaq tsangsaütiim ma mikuqha nguta kiq kham kang kra. Warong laq. Lanta khat lanta jiiwan ronglaq.’”

TRI CHONGKE 4:34

Tatiwe namshiq Shiikeawe raq apaiq ka Ejip mung na kiraüta namshiq ka asengi ma tiija wan miitu shea wantaq kiikha, phra ashi ra raq maiq mung mungshi ra na kiraüta, maiq phan phanshi ra ka asengi ma tiija wan miitu tsuq wan ka kham tiisha? Namshiq makki na apaiq raq apaiq ningkun jonghea kiimaq apaiq hong ala jonghea kra lang wanto. Apaiq raq thabi pahea tiisaüto. Kiimaq re tiidongto. Kiimaq awang chang jaqsham pahea shamto. Kiimaq amao chang jaqsham pahea kloto. Raüta phiiptsi chang jaqsham pahea shamto.

TRI CHONGKE 7:9

Tsan na tiitsang ronglaq Tatiwe namshiq Shiikeawe kli Shiikeawe. Kiimaq apaiq ka pinthum tsapkapkap we. Apaiq raq tongshong ramram kiqkham kuqtaq kra riikhaqli mitiihong kuq wan. Kiimaq apaiq lungwiitibi ma kiimaq apaiq aming wokhong na siwantibi ma, apaiq lungwii tsantsii ka tiipit mak phan maq, maiq pat ahing amun na saüli mitiitsing kuq wan.

JOSHUA 3:10

Namshiq ka jamkho Kanan mung na nyap wan wan, milong wan han, Tatiwe apaiq raq, Kanannok, Hitaiqnok, Hiwaiqnok, Perijaiqnok, Girgashaiqnok, Amoraiqnok, kiimaq Jebusaiqnok thun kra wiita thumthum mijobaiq. Raüta, namshiq raq atra Shiikeawe ka namshiq rai nguta misap wan han.

PHOWEBI 11:24

Riita, ümniiriika hiqshong thun ka nyeahola ngutiisha tankhan tlaü? Ümphra kaü Kemosh raq ümniima ümtinkhan wa hiq kuqtaq kriili thü liina. Shatmaq naishiq riika, Tatiwe naishiq Shiikeawe raq hiqshong rahai ümchuwa kuqtaq kra wiita kunkun mithühai.

PHOWEBI 13:2

Kra akhing na Jora chela na siti maiq weshi amang ka Manoa nguta asi riito. Apaiq ka Dan phan wa riito. Tsangnyung ka sehü, khanghü rahü nyung riito.

PHOWEBI 13:3

Tatiwe rase ka apaiq phana kito. Raüta akha nguto, “Ümniika ümsetiim min hum maü miili siwan laü. Shatmaq ümniika jaqlo miili she wiihan mirhaü. Laüta ümse maiqwese mihum haü.

PHOWEBI 2:5

Kriikha na tiina, kra chela mang ka Bochim nguta ngutlo. Kiijaq tsangshiq raq Tatiwe honglu thun takuqto.

PHOWEBI 6:8

Kra riikiitiishe, Tatiwe raq tsangshiq phana shammi weshi tiikito. Apaiq raq tsangshiq ma Tatiwe, Israilnok Shiikeawe tsütsa ka akha lamhoto: “Ngi raq namshiq ka Ejip mung na maiqdikong asi han wa tsuq wan kang.