PHOWEBI 2:2 - ASII LAKDAP Bible (BSI)

² Krai mren, namshiq raq armung na sitinok rai tongshong wan maimak. Namshiq raq tsangshiq berong-wacha thun ka wiita shiithen baiq wan ratlo.’ Shatmaq ngi raq namshiq ma jamlai bom wa chongkang kra namshiq raq klowan man dea riilan. Namshiq raq jaqsham ka angan nü na khoti sham wan lan!

Hawa Naga Bible 2001

² Nuimshiq rueq vruex mungx nuex httax yaq miqsaz rulc yvmx dvyx ruezruez bomkhvrc tvy mvy muq. Nuimshiq rueq tsuingshiq shomrawx htenc kuex httak gay rax,’ ngoz tueq jungx tueq. Yuq muinz nuimshiq rueq ngvy kvjaz tay muit, yvmx ngoz tueq lac kvkhoc ruez vshuinx!

PHOWEBI 2:2 Referencias Cruzadas

RAPHA HIQWA LAK 12:18

Kiijiishe hokhamwe raq Abram ka tiiheakito. Raüta apaiq ma akhiishe waito, “Ümniiraq ngi ma ara jamlai wa riilaü? Ümniiraq ngi ma apaiq ka ümjamti-nyung nguta jam nguto chongmaü riilaü?

RAPHA HIQWA LAK 4:10

Kiijiishe Tatiwe raq nguto, “Ümniiraq atinkhan tiibitaq abi ka jam nguto klolaü? Ümno tiijai ka hiq mong maq ngi ma maiq raq aphuk lam kuqlaq nguta hoqtlaq ikha hoqtlo.

DUNGWVNC 32:21

Raüta apaiq raq Aron ma nguto, “Arnok raq jamlai riikaq phaüto, ümniiraq tsangshiq ma atinkhan pinthum ashut ngarai ka tiitang laü?”

JEREMIA 2:18

Ejip mung na kilaüta jamlai liip wa milap haü? Nail rai kham nyangkai ngutiisha? Asiria mung na walaüta jamlai liip wa milap haü? Euphretis rai wa kham nyangwa ngutiisha?

JEREMIA 2:36

Namshiq ka maiq mung ahinti thun phra kong jaiphan wan lantea, namshiq maiqmii miinu kra thiinin miishe tiijabaiqlan. Asiria mungti raq namshiq tsiim tiijübaiqto, kiikhiisii hali Ejip mungti riimin mitiijübaiq.

JEREMIA 2:5

Tatiwe raq akha ngutlo: “Namtitiim raq ngi tiishutphit chang mra jamlai wa humta? Tsangshiq ka iwokhong wa jam nguto juhota? Tsangshiq raq thiihü sumla phra thun noqto; raüta tsangshiq kiimin thiihü ma jakito.

TRI CHONGKE 7:16

Tatiwe namshiq Shiikeawe raq namshiq jaqkhon na maiq mung kiinong kuq wantlaq kra aweatek miqchup tiithen baiq ronglaq. Kiimaq tsangshiq ma tiihang mangchan tiichhike wan maimak. Tsangshiq phra thun ka naq shomnoq rongkiq. Kra riihanla namshiq mea wan chang thiikho miraq.

2 Thessalonians 1:8

Tati Jesuq ka, kra akhing na, walüli rai tlaq ikha misaüho. Raüta apaiq raq Shiikeawe bomtsi shisheti thun nai nashiq Tati Jesuq bomtsi, Tsütsa Ahea kra lang makti thun ka, wiita mitiichamchao wan.

JOSHUA 9:7

Shatmaq Israilnok raq, “Naishiq raq namshiq rai wehea riija tong ka shongmai. Jursap namshiq ka arbinjü na aje na siti wa riila?” nguta chongto.

1 Peter 4:17

Phangthum Khapho ranaiq saüho miika ajeli she. Shiikeawe raq asengi kha ka kongkhu mipho phaho. Shiikeawe raq nashiq kha ka kongkhu mipho. Ikhiijiika, Shiikeawe raq atiichongki Tsütsa Ahea ma kam wan makti ka Shiikeawe raq ümtinkhan she wa tiichamchao jiiq riila! Kra chamchao ngutlaq kriika, achonglot mai phiiptsi chang!

PHOWEBI 2:20

Kiijiishe, Tatiwe ka Israilnok ma pinthum atsan khiqtlo kiimaq akha ngutlo, “Armungti raq, ngi raq tsangtitiim ma tongshong kiqkham ka thürong laq nguta aming akuqha kra, wiita she jin wanto. Jamkhano ngukla tsangshiq raq ibomchong ka taimak tleatlo.

PHOWEBI 6:10

Ngi raq namshiq ma Ngi ka namshiq Tatiwe, namshiq Shiikeawe nguta chongkuq kang. Arkha na namshiq raq, ümchaü namshiq riishe jiiwan lan arjaq siti, Amoraiqnok phra thun ka shomnoq maimak nguta chongkuq kang. Shatmaq namshiq raq ibom taiman tlea lan.”

PHOWEBI 6:8

Kra riikiitiishe, Tatiwe raq tsangshiq phana shammi weshi tiikito. Apaiq raq tsangshiq ma Tatiwe, Israilnok Shiikeawe tsütsa ka akha lamhoto: “Ngi raq namshiq ka Ejip mung na maiqdikong asi han wa tsuq wan kang.

PHOWEBI 8:27

Kriithun chaq maq Gideon raq sumla phra ashi loto. Raüta apaiq sichang Orphra chela na kra sumla ka thüto. Krai mren, Israilnok tlotli raq Shiikeawe ka amiimshe riibaiqto. Raüta sumla phra kra shomnoq kaishe riidunghoto. Riita arka Gideon nai ajamtitiim ma tsangshiq dea wa chang thiikho miishe jakito.