PHOWEBI 6:10 - ASII LAKDAP Bible (BSI)

¹⁰ Ngi raq namshiq ma Ngi ka namshiq Tatiwe, namshiq Shiikeawe nguta chongkuq kang. Arkha na namshiq raq, ümchaü namshiq riishe jiiwan lan arjaq siti, Amoraiqnok phra thun ka shomnoq maimak nguta chongkuq kang. Shatmaq namshiq raq ibom taiman tlea lan.”

Hawa Naga Bible 2001

¹⁰ Ngaz kuex Yehowa nuimshiq Tishox rvtauk, majuiuc nuimshiq httax vtuinx mungx wawc Amori miqsaz tishox htenc kuex nuimshiq rueq nawk palx lvp shuinx rvmuq. Yuq muinz nuimshiq rueq ngvy kvjaz tay muit ngoz tueq ngaz rueq jungx vphaungx.”

PHOWEBI 6:10 Referencias Cruzadas

2 HOKHVMX 17:13

Tatiwe raq akiimwetiim nai ashammibi thun tiiki raüta Israil mungti nai Juda mungti ma honlam tsütsa akha tiichonghoto: “Namshiq raq ajiq lam phan tlan kra miimbaiq ronglaq. Lanta ngi raq akuqha aming thun kra lang rong laq. Kriithun ka ngi raq namtitiim ma Thungtri lakdap kuqkang kriijaq asi kiimaq kriika ngi raq namshiq ma ijaqshisetiim shammibi lümaq kuq wan kang.”

2 HOKHVMX 17:33

Akha tsangshiq raq Tatiwe ka shomnoq wanto. Kiimaq tsangshiqnok sumla phra kong thun kriimin tsangshiq kitaq kra mung na jamkho shomnoq tlaq kra phan phan maiqmiimii mung thungtri maq shomnoq wanto.

2 HOKHVMX 17:7

Samaria chela re jaq na dea wantaq kriika Israilnok raq Tatiwe tsangshiq Shiikeawe tsangshiq ka Ejip mung hokhamwe jaq khon mong wa tiichhii wantiwe, raüta tsangshiq ka Ejip mung wa tsuq wantiwe man na ngarai tang kha na thento. Tsangshiq raq laihin phra thun shomnoqto.

NEHEMIA 9:29

Ümniiraq tsangshiq ma phaqthak nithak, ümtri khong na, siwan ronglaq nguta ümtin khan wa, trantsii wan laü. Shatmaq tsangshiq shiikong tsantsii asi kha maq, ümniiraq akuq haü thungtri, rilung tsitsü raü kra, lang mak maq shipoq wanto. Tsangshiq ka nilan, tsangtsantsii ka wan shak shak. Tsangshiq raq ümbomtsi ka, lang wan mak riito.

DUNGWVNC 34:12

Namshiq raq jiiwantlan maiq mung thunti rai wehea riija tong naqshong rongkiq. Akhla riihan jiila, namshiq khlaq wan chang hiqbi thiikho bok ma mijaki.

DUNGWVNC 34:14

“Namshiq raq laihin phra naq shomnoq rongkiq. Jamkhano ngukla, Ngi, Tatiwe raq Ngi rai riilongtibi ka ninlot mang.

TAKSU LAK 5:13

Shrabi bomchong taiwan mang riikang; Itsantsii kuq wan mang riikang.

JEREMIA 10:2

Apaiq raq ngutlo, “Maiq mung ahinti thun rilung lamphan kra naq phan rongkiq; ra na maiq wang chang tiijishitlaq thun kriima naq wangthang rongkiq, maiq mung ahin thun phiip raq tsai raümin.

JEREMIA 17:23

Tsangtitiim raq ibom taimak riito. Kiimaq tsantsii kuq mak riito. Ibom taiwan rii na, tsangshiq ka nilan kong ma jawanto. Kiimaq ngi raq ashrinkuqha ka tlang wan mak riito.

JEREMIA 3:13

Ümniika shutkang dea nguta mra ka tiidiilaq. Kiimaq üm Tatiwe, üm Shiikeawe kiq ka khii laü dea nguta mra ka tumlaq. Laüta pechong tong aweatek na ümniiraq üm lungwii tsü ka pongmungti phra kong ma kuq wan laü nguta tum wan laq. Kiimaq ümniiraq ngi raq akuqha aming thun ka jin wan laü dea nguta tak wan laq. Arka Ngi Tatiwe raq ngutiikang.

JEREMIA 3:25

Nashiq ka hiq na bum laita jeasitsi ma, na jea ngaü tiikai homa kriimaq tiipang laitli she sichang. Nashiq pat wa nai natitiim pat wa maiq thun raq nashiq Tatiwe, nashiq Shiikeawe man na rilung wiilü ngarai tangphaq laitli siwankai. Nashiq raq apaiq aming thun ka lang wan maidea riikai.”

JEREMIA 42:21

Krai mren ümchaü ngi raq namshiq ma chongkang she. Shatmaq namshiq raq ümchaü ka Tatiwe nashiq Shiikeawe raq ngi lümaq namshiq ma bom tiichongtaq kra wiita she jinbaiq wan lan.

JEREMIA 43:4

Kra ningkhan she, Johanan riimin kiimaq phenlabi ajong alabi riimin kiimaq mungmaiqse riimin jurmin Tatiwe raq Juda mung niili sironglaq nguta aming kuqtaq kriika langmak riito.

JEREMIA 43:7

Tsangshiq raq Tatiwe aming ka jinto. Raüta Ejip mung na laühoto. Raüta Ejip mung na luhea na Tahphanhes chela kiina saüli laü hoto.

JEREMIA 9:13

Kiijiishe Tatiwe raq treto, “Arthun thenjen wantaq arka isenginok raq ngi raq tsangshiq ma jamlai tri lamphan wa shrinkuq kang kra lang wan mak miimbaiq kha na thento. Tsangshiq raq ibom taimak tlea wanto. Kiimaq ngi raq jamlai jaqsham ronglaq ngutiiwa chongkang kra sham wan mak riito.

JEPHANIA 3:2

Chelati raq Tatiwe bom, taimak tleato. Kiimaq apaiq tsii chong sintsang min, taimak riito. Apaiq raq Tatiwe ma kammak riito, kiimaq apaiq khrum min jaümak riito.

Romans 10:16

Shatmaq, ara chong wan tiikai, Tsütsa Ahea chongkuq wantaq arma, tsangshiq wiitarü raq kamwan mak dea riito. Tsangshiq wiitarü raq kamwan mak dea riito nguta arka, Shammi Isaia raq hali, “Tatiwe, naishiq raq chongkuq wankai tsütsa ahea kiima maiq ümchuro kamwan ta?” nguta waitlaq arwa sap tiikai.

Hebrews 5:9

Apaiq raq ajaqsham wan chang ümchuwa sitlaq kra, kunkun tiinyi sham wan kha maq, apaiq ka minhap maiqse ashi miishe jawanto. Krai mren apaiq ma kamwantibi ma apaiq ka tiichhiiwan tsitsü raüchong miishe jawanto.

JOSHUA 24:15

Kiimaq namshiq raq apaiq ka shomnoq man ngochang jiila, ümchaü ranaiq namshiq raq thapthi ronglaq, ju wa mishomnoq han. Namtitiim raq Mesapotamia mung maq shomnoqtaq phra thun kriisha mishomnoq han, shea namshiq sitlan hiqshong wa Amoraiqnok phra thun kriiwa mishomnoq han. Shatmaq ijamtitiim nai ngi raq kla, Tatiwe kriili mishomnoq hai.”

PHOWEBI 2:2

Krai mren, namshiq raq armung na sitinok rai tongshong wan maimak. Namshiq raq tsangshiq berong-wacha thun ka wiita shiithen baiq wan ratlo.’ Shatmaq ngi raq namshiq ma jamlai bom wa chongkang kra namshiq raq klowan man dea riilan. Namshiq raq jaqsham ka angan nü na khoti sham wan lan!

PHOWEBI 6:9

Ngi raq namshiq ka Ejip mungti jaqkhon mong wa kiimaq ara Kanan mung na sitinok raq namshiq khattlaq kiiwa tiichhii kuqkang. Namshiq raq jamkho Kanan mungti khat wan lan, kra phan phan ngi raq tsangshiq ka jobaiqkang lata tsang mung ka namshiq ma kuqkang.