DUNGWVNC 15:26 - ASII LAKDAP Bible (BSI)

²⁶ Apaiq raq nguto, “Namshiq raq ibom ka kunli phaqchii nichii maq tai hanla, lanta Ngi raq jamlaiwa riikhaqli nguta thapthi tiikang kra klo hanla, kiimaq Ngi raq akuqha aming thun ka wiita lang hanla, Ngi raq namshiq ma mo ka tiiho mang mirha, Ejip mung khuthaq na thadong tiisaü kaü thun ka, namshiq khuthaq na ashi ra dongdii min tiisaü mang mirha. Ngi ka Tatiwe, namshiq thatsi tiiheaketi.”

Hawa Naga Bible 2001

²⁶ Vpiq rueq, “Mkhoc shoc maq nuimshiq rueq ngaz rueq nvr shaungx htenc nuiyc ngvy tvrac kuex tvkhvlc muit maq phvnx ruiux yuq, ngaz rueq Ejip miqsaz htauk nuex tvhttuiuc kuq tauk thuimkux kuex nuimshiq htauk nuex tvhttuiuc mauk rvshaungx. Ngaz kuex nuimshiq tvhvlc jix Yehowa rvtauk,” ngoz tueq jungx tueq.

DUNGWVNC 15:26 Referencias Cruzadas

1 HOKHVMX 11:33

Ngi raq akha klo wantiikang arka, Solomon raq Ngi ka shishe baiq wanto. Raüta pongmungti phrakong kra shomnoq wanto kriikha arthun ara klo wantiikang. Apaiq raq Sidon mungwa jechak phrakaü Astarte; Mob mung wa phrakaü Kemosh; Ammon mung wa phrakaü Molekh thun kra shomnoqto. Kiimaq Solomon raq ikiq khü wanto. Raüta ashut klo wanto. Raüta awe Dawit raq ngi tri raütu thun nai aming thun jamkho lang wantaq kiikha apaiq raq lang wan mak riito.

1 HOKHVMX 11:38

Kiimaq ümniiraq Ngi tri raütu thun nai aming thun ka phaqchii nichii maq tai laüta, kunkun lang wan laüta siwan haüla, laüta ijaqshise Dawit raq Ngi raq achongchong kra phan phan jaq shamwantaq kiikha sham wan haüla, Ngi ka wranaiqshe ümniirai adam misiha. Ngi raq ümniika Israil mung thaq na hokham ma mithü wanha. Kiimaq ngi raq ümlai ümla phan ka ümnaq tsai jai niimin mung peng wan miitu hokham ma mishong wanha. Arka Ngi raq ijaqshise Dawit ma jamkho kuq wan kang kiikha mikuq wanha.

2 HOKHVMX 2:21

Kiimaq apaiq ka kra lamho raüta khamraise kiina kihoto. Raüta shum ka khamraise kiijaq wanto. Raüta nguto, “Tatiwe raq akha ngutlo: ‘Ngi raq ara kham ka atiisü she riikang. Kra ningkhan ara kham nyangti ka tsaimak she miraq. Kiimaq maase min baiqmak she miraq.’”

2 HOKHVMX 20:5

Hejekia, Tatiwe sengi pengti phana walaq, laüta apaiq ma akha chongwakiq nguta tiiwato, “Ngi, Tatiwe, ümti Dawit Shiikeawe raq, ümnaq achu jaü ka taikang. Kiimaq ümmak phai satlaq kriimin chhikang she. Ngi raq ümthatsi ka mitiihea kuq kang. Kiimaq ranaiq tsam sijai na ümniika Shomjam na miki haü.

2 HOKHVMX 22:2

Josia raq Tatiwe tiichochi chang jaq shamto. Apaiq raq ati Hokhamwe Dawit jai phan phan jaqsham wanto. Kiimaq Shiikeawe thungtri raütu ka pinthum tingting maq stiq raüta langto.

YOBA 5:18

Shiikeawe raq apaiq raq atiimi ka ajop riikuq tlo; ajaq miili ümkhum na tiimi tsi tlo, kiimaq ajaq miili ümmitsi ka mitiihea kuq nong.

Tvtsvmc 103:3

Apaiq raq ingarai thun wiita diibaiqto kiimaq ithatsi thun kunkun tiiheatlo.

Tvtsvmc 147:3

Apaiq raq tsantsi mongtsiti thun ka, tiiheakuq wantlo, kiimaq tsangkhum wa ami atsi thun ka phum raüta job kuqto.

Tvtsvmc 81:9

Namshiq raq laihin phra noq wan maimak.

DUNGWVNC 12:29

Rawa wathung wakham na Tatiwe raq Ejip mung wa chhikhusetiim ka wiita tsat baiqto. Hokhamwe se hokham ma shong chang kriimaq phaho raüta longsha phaqtek mong na sitiwe shumwiwe se miitaq kun kun tsatbaiqto. Kiimaq nyamse chhikhu anyung thun kriimin wiita tsat baiqto.

DUNGWVNC 19:5

Riita ümchaü min, namshiq raq ibom ara tai lanta itongshong wokhong na sihan jiila, namshiq ka isenginok shaq ma mijahan. Mangjong hiq tlotli ka Ngi rii dongdii. Shatmaq namshiq ka Ngi raq tingsang atsea arwanha isenginok ma mijahan.

DUNGWVNC 19:6

Ngi miituli dongdii akiinongkuq wan maiqphan ashi mirhan. Kiimaq namshiq ka iramwenok ma jalanta Ngi mishkumpan han.”

DUNGWVNC 20:2

“Ngi ka Tatiwe üm Shiikeawe ümniika Ejip mung na maiqdi asihaü wa shea wanti.

DUNGWVNC 23:25

Kiimaq ümniiraq Ngi, Tatiwe, üm Shiikeawe ka shomnoq haüla, Ngi raq ümniika phaq nai sea chamtraq kiimaq khu akham chamtraq mishman kuqha. Kiimaq ümthatsi thun ka wiita alam mirbaiqha.

ISAIA 55:3

“Taironglaq ümchaü, isenginok lei, lantea Ngi phana warong ra; warong ra, raüla namshiq raq rilung milap han! Ngi raq namshiq rai pattup pat-sa miitu tong mishongha, lata achu shiiman mikuqha, Ngi raq Dawit ma kiq akham kuqha kra.

ISAIA 57:18

“Tsangshiq raq jamlai wa klowantaq thun ka Ngi raq chhikang she. Shatmaq Ngi raq tsangshiq tsisi ka atiihea she mirkuqha. Ngi raq tsangshiq ka mishun shea wanha. Lata tsangshiq ka mikhrum kuqha. Kiimaq juwa aho ajii sitlaq kra atiijaiq mirkuqha.

JEREMIA 11:7

Ngi raq tsangtitiim ka Ejip mungwa tsuq wan kang akhing na, Ngi raq tsangshiq ma atsidada maq Ngi aming wokhong na siraajo nguta sinkham kuq wan kang. Krai mren ümchaü ranaiq niitaq saüli Ngi raq mungmaiqse ma hon lam wan tsü phathak nithak maq trantsii chongkuq wan ruq li riitiikang.

JEREMIA 17:24

“Arnok ma chonglaq, tsangshiq raq Ngi raq kuqtiikang aming thun ka tlotli lang ratlo. Tsangshiq raq Asii Niitiitsak Ranaiq na arthun kilamchong maq hupsam ho raüta wa maimak. Tsangshiq raq Asii Niitiitsak Ranaiq ka asii ranaiq nguta lang ratlo. Kiimaq kra ranaiq na jamlai phan jaqsham min maimak dongdii.

JEREMIA 30:17

Ngi raq namkhum ka atiihea mirkuq nongha, Ngi raq namkhum wa mopung thun kra atiihea mirha, namjaqtinok riikla, ‘Jajon ka miimbaiqto she; jurmin kriinyung shiiliti ka ahü she,’ nguta ngutlo. Arka Ngi, Tatiwe raq toqtan tiikang.”

JEREMIA 33:6

Shatmaq Ngi raq ara chela tsisitlaq kra nai ara chelati mungmaiqse tsisitlaq thun ka atiihea mirkuqha. Lata tsangshiq ka man na jamkho hansang sitaq kiikha khusang miishe mirüm wanha. Ngi raq tsangshiq ka khusang rakhang maq nai kiimaq kiqkap jaqshap miishe mirüm wanha.

JEREMIA 7:23

Shatmaq ngi raq tsangshiq ma ibom tai raüta iwokhong na siraa nguta aming kuqkang. Krai mren ngi ka tsangshiq Shiikeawe miraq. Kiimaq tsangshiq ka isengi miraq. Kiimaq tsangshiq ka ngi raq jamkho aming kuq tiikang kraphan phan siwan ronglaq. Raüla tsangshiq ma rilung na phanrap ka aheawiq miraq nguta chongkuq kang.

JEREMIA 8:22

Gilead wang na tsiq ka ahü shea? Kiijaq tsiqtoqti phumshra ka ahü ahü shea? Ikhiijiika isenginok tsisi ka jamto tiiheakuq mak?

EJEKIEL 18:5

“Bom shiiton, maiq weshi ka maiqshaq kiimaq kechu maiqse miraq kiimaq tingting.

Hosea 11:3

Shatmaq ngi ka Israilnok tiijong luwanti. Ngi raq tsangshiq ka boq wan kang. Lata tiichhanchhi wan kang, Shatmaq tsangshiq raq sap mak.

Hosea 6:1

Mungmaiqse raq ngutlo, “Ai warong ra nashiq Tati wokhong na, jang wan nong rong i! Apaiq raq nashiq ma mo tiihoto, na mitsi apaiq raq miphumkuq. Apaiq raq nashiq ma mo tsihea tiihoto, apaiq raq nashiq mi ka mijop kuq, riimaksha?

LEWI 26:13

Ngi, Tatiwe, namshiq Shiikeawe raq namshiq ka Ejip mung wa shun shea wan kang. Kriika namshiq ka ümtiikiimin dikong ma jaki man chang miitu tsuq wan kang. Ngi raq namshiq khachang kharü ka chumbaiq wan kang. Lata Ngi raq namshiq ka wase miishe tiija wan kang. Krai mren namshiq ka namtok ra na dolan tiishe khumtlan.”

LEWI 26:3

“Namshiq ka Ngi raq akuqha thungtri thun kra lang lanta shong nga hanla kiimaq Ngi aming thun wokhong na sihan jiila,

WEAWEA 12:13

Kra ningkhan Mosheq raq Tatiwe jaq wa akha achu jaüto, “O, Shiikeawe lei, apaiq thatsi ka tiihea kuqlaq!”

TRI CHONGKE 12:25

Namshiq raq ara aming ara lang hanla, Tatiwe ka namshiq rai tsan ahea miraq kiimaq namshiq ma phanrap na ahea miraq kiimaq namsaü namsetiim ma khusang rakhang ahea miraq.

TRI CHONGKE 12:28

Ngi raq ümchuwa aming kuqkang thun ara wiita tsapkapkap maq lang ronglaq. Kra riihanla, namshiq ma jam min ngusiq mak phanrap na ahea miraq. Kiimaq namsaü namsetiim pat niimin pattup pat-sa ahea hansang miraq. Jamkhano ngukla namshiq raq thungtri na riikhaqli kriili misham han kiimaq Tatiwe namshiq Shiikeawe tsan tiihea chang kli misham wan han.

TRI CHONGKE 13:18

Ümchaü ranaiq ngi raq namshiq ma aming thun kuqkang kra wiita namshiq raq lang hanla kiimaq apaiq raq jamlai wa chongtlaq kra phan phan jaqsham hanla ara chongtlaq shiiman ka mihong wan.

TRI CHONGKE 28:27

Tatiwe raq Ejip mungti ma tsamtsi thawa tiisaütaq ikha üm khuthaq niimin tsamtsi thawa mitiisaü. Apaiq raq üm khum ka atsam tsiwa riili bunlak buncha mitiimi baiq. Üm khum ka atsak miphan tamli miraq. Ümniika hantsak tsi raq mitsai haü. Shatmaq kra thatsi tiihea chang ka tsiq ahü miraq.

TRI CHONGKE 28:58

“Kiimaq ümniiraq ara lakdap na Shiikeawe raq shrinkuqtlaq bomtsi thun ara tsapkapkap maq lang maü raüla, kiimaq ümniiraq awang chang mang kiimaq maiqkha akii haisi chang Tatiwe üm Shiikeawe mang kra shreng maü rii haüla,

TRI CHONGKE 28:60

Apaiq raq ümkhuthaq na ümniiraq Ejip mung maq phiiptsi chang thabi dong chhi wan laü thun kra wiita hali ümkhuthaq na thong shi ri hali mitiisaü nong. Kra raüla, ümniika kra thatsi chamchao mong wa ümtiikiimin chhun wan lot maü she mirhaü.

TRI CHONGKE 32:39

“ ‘Ngi, kiimaq Ngi arli dongdii Shiikeawe ka; laihin phra ka riikhaqli shiikea riimak. Ngi raq atsea riibaiq tiikang, kiimaq Ngi raq tsitsü kuqtiikang, kiimaq Ngi raq tiisho tiikang kiimaq Ngi raq ami ka tiihea kuqtiikang, kiimaq Ngi raq jamlai wa shamtiikang kra tangtati ka jumin ahü.

TRI CHONGKE 5:1

Raüta Mosheq raq Israilnok ka kunli adam na triitam heato. Raüta tsangshiq ma akha chongkuqto, “Israilnok lei, ümchaü ranaiq ngi raq namshiq ma tri raütu thun kuq tiikang ara wiita tiitsang tai ronglaq. Kriithun ka saptsin ronglaq kiimaq tri wokhong na sironglaq.

TRI CHONGKE 7:15

Tatiwe raq namshiq ka phanrap atsi asi wiita wa mikhup wongkuq. Kiimaq apaiq raq Ejip mung maq chhitai wan lan thabi tsi thun ka namshiq khuthaq na phanshi ra thabi tsi min tiisaümak miraq. Shatmaq apaiq raq kriithun thabi tsi ka namshiq jaqtinok khuthaq na mitiisaü kuq wan.