DUNGWVNC 15:26 - Hawa Naga Bible 2001

²⁶ Vpiq rueq, “Mkhoc shoc maq nuimshiq rueq ngaz rueq nvr shaungx htenc nuiyc ngvy tvrac kuex tvkhvlc muit maq phvnx ruiux yuq, ngaz rueq Ejip miqsaz htauk nuex tvhttuiuc kuq tauk thuimkux kuex nuimshiq htauk nuex tvhttuiuc mauk rvshaungx. Ngaz kuex nuimshiq tvhvlc jix Yehowa rvtauk,” ngoz tueq jungx tueq.

ASII LAKDAP Bible (BSI)

²⁶ Apaiq raq nguto, “Namshiq raq ibom ka kunli phaqchii nichii maq tai hanla, lanta Ngi raq jamlaiwa riikhaqli nguta thapthi tiikang kra klo hanla, kiimaq Ngi raq akuqha aming thun ka wiita lang hanla, Ngi raq namshiq ma mo ka tiiho mang mirha, Ejip mung khuthaq na thadong tiisaü kaü thun ka, namshiq khuthaq na ashi ra dongdii min tiisaü mang mirha. Ngi ka Tatiwe, namshiq thatsi tiiheaketi.”

DUNGWVNC 15:26 Referencias Cruzadas

1 HOKHVMX 11:33

Solomon rueq ngaz kuex tvdux gay ruiux pungmungx tishox htenc rvtueq Sidon tishox nyuiuz Astarte kvmuinz, Moba tishox Kemosh kvmuinz, Ammon tishox Molek kvmuinz nawk palx yaq ningkhvnc nuex, vruex ngaz rueq shuimx vshaungx. Solomon kuex vwaz Dawid rueq shuimx tueq ikhoc ngvy kvjaz kuex phvnx muq; piq rueq vyaq shuimx kaz vtueq, ngvy tvrac htenc nuiyc vnvrc vruez kvjaz kuex phvnx muq rvtueq.

1 HOKHVMX 11:38

Ngvy kvjaz kuex mnoz rueq tvlot laz phvnx vtueq ngvy tvrac htenc nuex rvwak httax ruiux, ngvy khaungkac nuex tsuingrux yauk shuimc vtueq ngvy nvrc waz Dawid rueq shuimc kaz tueq rulc rv-ngvlc ngaz rueq nvr shaungx kuex shuimx kaz ruiux yuq, ngaz kuex mnoz rulc vdvmz nuex mkaq muinz httax taungx. Ngaz rueq mnoz kuex Israel hokhvmx muex tvyaungc ruiux, Dawid muex ngaz rueq ruez kuq tauk ikhoc mnoz yix nuex muinz msuiuz msaz hez rueq vsuingc suing guimz lawc wvnc shuex.

2 HOKHVMX 2:21

piq kuex yuix jumx nuex kaz vtueq, yuix jumx kvyuq shumz kuex tuip htawc ruiux, “Yehowa rueq vjungx bomc kuex vkhoc rvtueq, ‘Ngaz rueq vruex yuix kuex tvsawc nawc gay tauk shex, vthueyc vmvy muinz, saz loc gay muinz mkaq muinz yaungx tuex rvmuq shex,’ ” ngoz tueq.

2 HOKHVMX 20:5

piq muex ngoc, “Mjix m-waz Dawid Tishox ngaz, Yehowa rueq mnoz vjux thoz bomc kuex tay tauk, mmuik phic kuex khiz tauk. Ngaz rueq mnoz kuex nuiyq thuimx hvlwvl vyuq tvhvlc kuq ruiux, kvkaq Shomc Yuimx nuex mnoz kaz lot tuiux.

2 HOKHVMX 22:2

Josia kuex Yehowa rueq raungc raq yaq yauk shuimc shuimx vtueq, piq jix vwaz Dawid layx kuex phvnx ruiux Tishox tvrac lotlaz kuex phaungx duing maq phvnx tueq.

YOBA 5:18

Tishox rueq mnoz kuex tvthuiuz sac ruiux muinz vmac htenc kuex vyop ruez kuq yaq; vpiq yauk maq tvthuiuz sac ruiux, vpiq yauk kvmaq tvhvlc kuq yaq.

Tvtsvmc 103:3

Vpiq rueq ngvy mvrax htenc lotlaz kuex dawc kuq gay ruiux ngvy thuiuz vsac htenc muinz tvhvlc kuq phuex.

Tvtsvmc 147:3

Vpiq rueq thuinz vmungx bunx jix htenc muex tvhvlc kuq ruiux tsuingshiq mac vtsac htenc kuex yop kuq tueq.

Tvtsvmc 81:9

Nuimshiq rueq vganc tishox kuex mkaq muinz nawk palx mvy muq.

DUNGWVNC 12:29

Raungwvrx htungx nuex Yehowa rueq Ejip mungx wawc miqwaz saz pekhux lotlaz maq phaungc vtueq hokhvmx hoc nuex duic jix hokhvmx waz saz pekhux waz maq, khoktep nuex httaz yaq jix saz pekhux waz nuex httuiuc laz muinz, nyvmx saz kungkhux vnyuiuz lotlaz muinz thvt gay tueq.

DUNGWVNC 19:5

Nuimshiq rueq ngvy kvjaz tay vtueq, ngvy bomkhvrc kuex phvnx ruiux lec ngvy miqsaz shauk muex yaungx tuinx. Ghaq lotlaz ngaz rueq guimz vshaungx, yuq muinz nuimshiq kuex ngaz rueq vthvl wvnc miqsaz yaungx tuinx,

DUNGWVNC 19:6

nuimshiq kuex ngvy tvkoc pungx tvy vtaq shec miqphvnx, ngvy yauk shuimc jix shomc waz bix muex yaungx tuinx, ngoz tueq Israel miqsaz muex jungx shuiux,” ngoz tueq jungx tueq.

DUNGWVNC 20:2

“Ngaz kuex Yehowa nuimshiq Tishox rvtauk, nuimshiq Ejip mungx nuex dax muex yaungx vtuinx wawc tvdungc shvlc wvnc jix rvtauk.

DUNGWVNC 23:25

Nuimshiq rueq ngaz muex nawk palx kuq ruiux yuq, Ngaz, Yehowa nuimshiq Tishox rueq nuimshiq muex ruimruimx kuq vtueq, phuiuz vsvy nuiyc yuix kuex phoay laz tv-phauk saq phaungx, vmac vtsac lotlaz lvmz kuq gay phaungx.

ISAIA 55:3

“Ngvy miq hez lex, majuiuc tay vtueq, ngaz kox nuex kaz luit; ngaz kox nuex kaz ruiux nuimshiq rueq rullungx lvp shuinx! Ngaz rueq nuimshiq rulc pattup bomkhvrc tvhungx ruiux, Dawid muex bomkhvmc kuq tauk ruimrix htenc kuex nuimshiq muex kuq phaungx.

ISAIA 57:18

“Tsuingshiq rueq yvmx lac ruez yaq nguinx ngaz rueq khiz tauk, yuq muinz ngaz rueq tsuingshiq muex tvhvlc kuq shaungx. Ngaz rueq shvlx vtueq tsuingshiq muex romc kuq ruiux tsuingshiq muex tvlenc lauk shaungx.

JEREMIA 11:7

Ngaz rueq tsuingshiq jix vwaz tamx kuex Ejip mungx wawc shvlx wvnc tauk nuex, ngvy kvjaz phvnc tvkoc ngaz rueq tsuingshiq muex tuemc kuq ruiux khvmc kuq tauk, ngaz rueq majuiuc raungnuiyq nuex httuiuc laz miq htenc muex tvhttoarc vtueq honc tvsvmz kuq vshaungx.

JEREMIA 17:24

“Tsuingshiq muex ngaz rueq nvr tauk lotlaz kuex phvnc tvkoc vruex miq htenc muex jungx shuiuz. Tsuingshiq rueq Vguilc Raungnuiyq vruex ghaqyungx kaluix lvmx vmaq yvmx muinz gurc pic lvy mvy muq. Tsuingshiq rueq vsawc raungnuiyq ikhoc Vguilc Raungnuiyq kuex phvnx vtueq yvmx yauk muinz shuimc mvy muq.

JEREMIA 30:17

Nuimshiq muex ralx hez rueq, ‘Zion kuex vgay shec rvhumc tueq; vshiz raung rueq muinz piq kuex lawc mawc shuex rvmuq,’ ngoz tueq ngoz wuez ruiux muinz, Ngaz rueq nuimshiq muex lauk shiz tvhvlc kuq yek phaungx; nuimshiq mac vtsac htenc kuex tvgungc phaungx. Ngaz, Yehowa rueq jungx vshaungx,” ngoz tueq.

JEREMIA 33:6

Yuq muinz ngaz rueq vruex ghaqyungx nuiyc kvkhoc miq htenc kuex tvhvlc kuq vtueq gvnhttuingc tvyaungc shaungx. Ngaz rueq tsuingshiq muex nomic nuiyc kvhttuiyq kvwungx juing tvkhic kuq shaungx.

JEREMIA 7:23

Yuq muinz ngaz kuex tsuingshiq Tishox rvtauk tsuingshiq muinz ngvy miqsaz yaungx muex ngvy kvjaz phvnc tvkoc ngaz rueq nvr tauk. Phvnx ruip saz nuex hvlc wvnc muex ngaz rueq jungx phaungx lvmx kuex phvnc tvkoc ngaz rueq nvr vphaungx.

JEREMIA 8:22

Gilead nuex phumz vwaq vguez shex haz? Kvyuq phumz tawk jix vguez shex haz? Yvmx ngoz tueq lac ngvy miqsaz htenc muex tvhvlc kuq muq rvtvnx?

EJEKIEL 18:5

“Mkhoc shoc maq vsuing miq hvlx, tsuingrux nuiyc kenrix waz vhttax ngoz ix.

Hosea 11:3

Yuq muinz ngaz kuex Israel muex vkhuemc tvluingc kuy jix waz rvtauk. Ngvy yauk phumz maq ngvy miqsaz htenc kuex tenpix tauk, yuq muinz ngaz rueq tsuingshiq tvwungx vshaungx kuex tsuingshiq kvjungc wuez muq.

Hosea 6:1

Miq htenc rueq, “Yehowa kox nuex yek wuez ix! Vpiq rueq naungshiq tvthuiuz sac phuex, yuq muinz vpiq rueq naungshiq kuex vsuingc suing tvhvlc kuq phuex; vpiq rueq naungshiq nuex vmac tvkop kuq phuex, yuq muinz vpiq rueq naungshiq mac vtsac htenc kuex yop kuq phuex, vpiq rueq shuimx shuex rvmuq haz?

LEWI 26:13

Nuimshiq kuex dax muex yaungx vtuinx Ejip mungx wawc tvdungc shvlc wvnc jix waz Ngaz, Yehowa nuimshiq Tishox rvtauk. Ngaz rueq nuimshiq kandaungc kuex tv-ngawk gay ruiux, nuimshiq kuex lanx juit tvkhuemc vphaungx,” ngoz tueq jungx tueq.

LEWI 26:3

“Nuimshiq kuex ngvy tvrac htenc nuex httax vtueq ngaz rueq nvr phaungx kuex phvnx ruiux yuq,

WEAWEA 12:13

Kvkhoc rvtueq Moshe rueq Yehowa muex ngoc, “O Tishox lex, Miriam mac tsac kuex tvhvlc kuq shuiuz!” ngoz tueq guyc sez thoz tueq.

TRI CHONGKE 12:25

Vruex vnvrc kvjaz kuex phvnx ruiux yuq, Yehowa rueq raungc raq wvnc vtueq nuimshiq nuiyc nuimshiq suiuz vsaz htenc rungwanx wvnc wuez tuinx.

TRI CHONGKE 12:28

Ngaz rueq nuimshiq muex nvr phaungx phvnx htenc kuex tvmtuing maq raz tueq phvnx shuinx. Nuimshiq rueq rvkhauk laz shuimx vshuinx kuex Yehowa nuimshiq Tishox rueq raungc raq yaq ningkhvnc nuex, nuimshiq nuiyc nuimshiq suiuz vsaz lotlaz kuex rungwanx wvnc tuinx.

TRI CHONGKE 28:27

Yehowa rueq Ejip miqsaz ikhoc nuimshiq nuex muinz vtsuimx mac tsac tvkop shuex. Nuimshiq gvnz kvyuq vmac tvmac shuex. Nuimshiq gvnz nuex phumz vwaq maq phemc mvy muq, rvmpunx nuiyc gvntsuik htenc kuex tvkop kuq kv-phuinx.

TRI CHONGKE 28:58

“Nuimshiq rueq vruex luik dvp vyuq wuiyq shec tueq Tishox rueq vtvluing kuq htenc lotlaz kuex tvkhvlc muit maq phvnx muit ngoz ruiux nuiyc, Yehowa nuimshiq Tishox muex hiz juing vpiq muingc jungc kuex tvtsanc nganc muit ngoz ruiux yuq,

TRI CHONGKE 28:60

Ejip mungx maq nuimshiq rueq khiz wvnc tuit vhiz juing vthuiuz vsac htenc kuex nuimshiq kox nuex laukshiz hulawx tvhttuiuc kuq yek vtueq nuimshiq kuex yuing lot tuinx rvmuq.

TRI CHONGKE 32:39

“‘Ngaz nuiyc ngaz washiz dvyx, Tishox rvtauk; Ngaz maq lvy vtueq vganc tishox vguez. Ngaz rueq thvt gay ruiux tvyuing wvnc tauk, ngaz rueq tvmac vtueq ngaz rueq tvhvlc tauk, Ngaz rueq shuimx shaungx kuex uraq muinz tuing lot muq.

TRI CHONGKE 5:1

Moshe rueq Israel miqsaz htenc kuex gvl vtueq tsuingshiq muex vkhoc jungx kuq tueq, “Israel miqsaz htenc lex, majuiuc raungnuiyq nuimshiq muex ngaz rueq kuq phaungx tvrac lotlaz kuex tay wuez shuinz. Kvruex tvrac htenc kuex tvluing vtueq phvnc tvkoc honc lvmz wuez shuinz.

TRI CHONGKE 7:15

Yehowa rueq nuimshiq kox wawc vthuiuz vsac phvnx htenc kuex lvmz kuq gay kv-phuinx, Ejip mungx wawc vhiz juing thuimkux kuex nuimshiq htauk nuex kop tuex rvmuq, yuq muinz nuimshiq muex ralx yaungc jix htenc rueq thuimkux lvp shuex.