DUNGWVNC 15:25 - Hawa Naga Bible 2001

²⁵ Moshe rueq Yehowa kox wawc daungdaungx vjux thoz koq tueq, Yehowa rueq piq muex pulx htaq vshiz tvkhic kuq tueq, piq rueq pulx htaq kvruex yuix nuex tuip koq tueq, yuix khuip kuex yuix ruimx muex yaungx kaz tueq. Yehowa rueq kvruex hong kvmaq, tsuingshiq rueq phvnc tvkoc tvrac htenc kuex kuq tueq, vpiq rueq tsuingshiq kuex taruiyx lawc tueq.

ASII LAKDAP Bible (BSI)

²⁵ Kiimaq Mosheq raq atsan tiitsi raüta Tatiwe ma achu jaüto. Kiimaq Tatiwe raq apaiq ma pepan ashi tiichhi kuqto. Apaiq raq kra pepan ka kham mong na baiqto. Kiimaq kham ka anyang ma amai ahea she riito. Kiijaq Tatiwe raq tsangshiq ma asi wan miitu tri raütu kuqto. Kiimaq kiijaq apaiq raq tsangshiq ka maitaito.

DUNGWVNC 15:25 Referencias Cruzadas

2 HOKHVMX 2:21

piq kuex yuix jumx nuex kaz vtueq, yuix jumx kvyuq shumz kuex tuip htawc ruiux, “Yehowa rueq vjungx bomc kuex vkhoc rvtueq, ‘Ngaz rueq vruex yuix kuex tvsawc nawc gay tauk shex, vthueyc vmvy muinz, saz loc gay muinz mkaq muinz yaungx tuex rvmuq shex,’ ” ngoz tueq.

2 HOKHVMX 4:41

Elisha rueq phuiuz vsvy raungluingx thoz vtueq tuik kvyuq tuip htawc ruiux, “Vphuiuz muex raungluingx htawc shuinz,” ngoz tueq jungx tueq. Kvkaq kvyuq vyaq yvmx muinz httax muq.

2 HOKHVMX 6:6

Elisha rueq, “Mruex baung nuex lac dvy kaz vtvnx?” ngoz tueq wiz tueq. Kvruex waz rueq vdvy juing baung kuex piq muex tvkhic kuq tueq, Elisha rueq janx htaq vshiz kuex soalc vtueq yuix nuex tuip koq tueq, muingkix khux kuex raungx nuex phuiz kaz tueq.

Tvtsvmc 50:15

Kuilc daz rvhumc tuiux nuex ngaz kuex gvl koq, ngaz rueq mnoz kuex palc wvnc phaungx, nuiyc mnoz rueq ngaz muex tvtsvmc phux,” ngoz tueq.

Tvtsvmc 66:10

O Tishox lex, mnoz rueq wvr maq kuimphox tvyuimx shuz tvsawc shix ikhoc nuiyshiq kuex talx lawc vphux, kvkhoc mnoz rueq nuiyshiq kuex talx lawc phux shex.

Tvtsvmc 81:7

Nuimshiq kuilc daz rvhumc tuit nuex, ngaz gvl phuinx tueq, ngaz rueq nuimshiq kuex palc wvnc phaungx. Raunghtiq raungguil mungx nuex ngaz kvhttuiyq yaq baung maq, ngaz rueq nuimshiq muex tvralc phaungx. Meriba yuix ruilx maq ngaz rueq nuimshiq muex taruiyx phaungx.

Tvtsvmc 91:15

Tsuingshiq rueq ngaz gvl ruiux yuq, ngaz rueq tvralc shaungx; tsuingshiq kuilc daz rvhumc tuex nuex ngaz kuex tsuingshiq rulc vdvmz httax taungx. Ngaz rueq tsuingshiq kuex palc wvnc vtueq tvtsanc nganc shaungx.

Tvtsvmc 99:6

Moshe nuiyc Arun kuex vpiq shomc waz nueyc rvtueq, Samuel muinz vpiq kox wawc vjux thoz jix waz rvtueq; tsuinghez rueq Yehowa kuex gvl wuez koq tueq vpiq rueq muinz tsuinghez muex tvralc kuq tueq.

DUNGWVNC 14:10

Israel miqsaz rueq hokhvmx waz nuiyc piq nolaungx bix kaz yaq kuex khiz vtueq, tsuingshiq kuex pinhtumc hiyaz ningkhvnc nuex vromc kuy tvkoc Yehowa kox wawc guyc sez thoz wuez tueq.

DUNGWVNC 16:4

Yehowa rueq Moshe muex ngoc, “Ngaz rueq nuimshiq lotlaz tvkoc raungx maq phuiuz vsvy kuex tvdvy kuq phaungx. Tsuinghez rueq wvraungx nuiyq tek kaz vtueq, raungnuiyq shiz laung humc laz dvyx mtvjomx kaz kueq. Ngaz rueq jungx shaungx kvkhoc tsuingshiq rueq phvnx yaq shuex phvnx muq lac kuex ngaz rueq taruiyx lawc shaungx.

DUNGWVNC 17:4

Moshe rueq Yehowa muex, “Ngaz rueq miq hez vmac yvmx khoc ruec kuy lot juing lac? Tsuingshiq rueq ngaz kuex lung maq tuip gay khvmz khvmz shex,” ngoz tueq kvmenc jenc thoz tueq.

DUNGWVNC 20:20

Moshe rueq, “Nauk hiyaz kaz; nuimshiq kuex talc lawc muinz, nuimshiq rueq mvrax yaq muit maq vpiq kvjaz phvnx tvkoc muinz, Tishox kuex httuiuc kaz tueq,” ngoz tueq jungx tueq.

TAKSU LAK 17:3

Kuimshawx nuiyc kuimphox kuex wvr maq jenc lawc yaq ikhoc Yehowa rueq miqsaz thuinz vmungx kuex talx lawc yaq.

JEREMIA 15:1

Yehowa rueq ngaz muex jungx phuex, “Moshe nuiyc Samuel kuex vyuq jvp vtueq ngaz muex kvmenc jenc tvtay ruiux doc muinz, ngaz rueq vruex miq htenc htauk nuex menjenc thuinz tvkhic shaungx rvmuq. Tsuingshiq kuex tvkaz gay shuiuz, tsuingshiq kuex ngvy khaungkac wawc tvdung gay shuiuz.

JEREMIA 9:7

Vruex lvmz ningkhvnc nuex Tvphaungc Tvsuip Yehowa rueq, “Ngaz rueq ngvy miqsaz kuex tvyuimx rvyaq phvnx ikhoc jenx shaungx, tsuingshiq kuex ngaz rueq taruiyx lawc shaungx. Ngvy miqsaz htenc vbac yauk shuimc shuimx gay tueq- tsuingshiq kuex ngaz rueq yvmx khoc lac rvlot shaungx?

EJEKIEL 47:7

kvyuq ngaz httuiuc waung tauk nuex yuix ruilx samx wvguip nuex pulx paunghvlc kemz yaq kuex ngaz rueq khiz tauk.

EJEKIEL 47:8

Piq rueq ngaz muex, “Vruex yuix kuex taung maq yanz vtueq shaldungc kox nuex kaz wvnc ruiux, Yodan Warc nuiyc yuix Maungx Jumx kox nuex kaz wvnc tueq. Yuix kvruex yuix Maungx Jumx nuex kaz wvnc koq tueq svmuktvrax shumz yuix kuex yuix hvlc muex yaungx wvnc tueq.

1 Corinthians 1:18

Yvmx khoc lac ngoz ruiux lec yauk juinc bulx nuex Christu vthueyc khvmc tueq ngoz yaq bomjungc kuex, vmoz vmaq wvnc jix bix tvkoc vlvmz vguez muex yaungx yaq; yuq muinz palc daungc wvnc rvhumc jix naungshiq tvkoc kuex Tishox luimc vkawc hungc rvtueq.

TRI CHONGKE 13:3

piq kvjaz kuex tay mvy muq. Nuimshiq rueq Yehowa kuex miqmac thuinz vmungx maq lungwawx yaq shuex lungwawx muq lac kuex tuiuz lot tvkoc Yehowa nuimshiq Tishox rueq kvruex waz kvmaq nuimshiq kuex tvtaruiyx lawc yaq.

TRI CHONGKE 8:16

Kumtsvy tvnx maq nuimshiq jix vwaz tamx rueq phauk saq muq doc phvnx manna wanx kuex tvsaq tueq. Vtvsuip nuex nuimshiq rueq ruimrix lvp wvnc tvkoc nuimshiq kuex kuilc daz htemc rvmc tvrvhumc kv-phuinx, kvkhoc kuilc daz tvrvhumc kv-phuinx lvmz kuex nuimshiq taruiyx lawc tvkoc rvtueq.

TRI CHONGKE 8:2

Nuimshiq kuex taruiyx lawc tvkoc ngoz tueq, vgvrx vtsvrx phvnx htenc kuex tvkaz ruiux vpiq rueq nvr yaq kvjaz htenc kuex tay phvnx vtueq shuimc kay thuinz httax yaq httax muq tuiuz lot laz juing, lvy wvnc tueq wawc rok bvlic tup Yehowa nuimshiq Tishox rueq kumtsvy tvnx lvmx luz kuex mkhoc lac shvlx kv-phuinx rvwvl shuinz.

PHOWEBI 2:22

Tsuingshiq jix vwaz tamx rueq phvnx tvhungx tueq ikhoc Israel miqsaz htenc rueq ngvy lvmx htenc kuex phvnx wuez shuex shuex, phvnx wuez muq wueq, ngaz rueq tsuingshiq kuex shuimx vtueq thuiyx tvkhic shaungx,” ngoz tueq jungx tueq.

PHOWEBI 3:1

Kvkhoc rvtueq Kanaan mungx ralx lungc nuex lomx muq shauk Israel miqsaz kuex taruiyx lawc tvkoc ngoz tueq, kvruex mungx kvyuq miqphvnx wvyvmc kuex Yehowa rueq tvjungx taq tueq.

PHOWEBI 3:4

Moshe maq raz tueq tsuingshiq jix vwaz tamx muex Yehowa rueq nvr tueq kvjaz htenc kuex Israel miqsaz rueq phvnx yaq shuex, phvnx muq lac kuex tuiuz lvp laz juing Israel kuex taruiyx lawc tvkoc tsuingshiq kuex tvjungx shec tueq.