DUNGWVNC 13:3 - ASII LAKDAP Bible (BSI)

³ Mosheq raq mungmaiqse ma nguto, “Ümchaü ranaiq ara tsan na tiitsang ronglaq. Namshiq ka Ejip mung wa laü wan lan ranaiq kra. Namshiq ka maiq dikong ma jalanta silan mung kra. Ara ümchaü ranaiq akhing na Tatiwe raq apaiq ningkun jonghea wokhong maq namshiq ka tsuq wanto. Ümchaü ranaiq akhing na Pi maq shoje winsii phaq maimak.

Hawa Naga Bible 2001

³ Moshe rueq mungx miqsaz htenc muex ngoc, “Vruex raungnuiyq kuex nauk lauk kaz; nuimshiq Ejip mungx maq dax wawc dungc wvnc raungnuiyq rvtueq. Vruex raungnuiyq kuex Yehowa piq luimc vkawc yunghvlc maq nuimshiq tvdung wvnc tueq. Wisiz lomx yaq wanx kuex phuiuz mvy muq.

DUNGWVNC 13:3 Referencias Cruzadas

RAPHA HIQWA LAK 15:16

Ümsaü ümsetiim ka armung arjaq mijang wan shaq liipan na maiqpat ka patblai mithum. Jamkhano ngukla Amoraiqnok ngarai ka aman she, pinthum bihea she, tsangshiq ma imo tiiho akhing mihong shaq wiiwii ka, Ngi raq tsangshiq ka armung wa jobaiq mang mirha.”

1 KAÜWA WERAÜ 16:12

Namshiq ka Shiikeawe jaqshi Jakob saüsetiim, Shiikeawe raq atsea wan Israil saüsetiim, Shiikeawe raq awang chang sham wantaq kra tsan na tiitsang ronglaq, kiimaq apaiq raq khapho kuq wantaq thun kra, tsan na tiitsang ronglaq.

NEHEMIA 1:10

“Riita, Tatiwe lei, tsangshiq ka ümsengi, kiimaq ümjaqshise kong. Ümningkun ajong nai aheng maq tsangshiq ka dokda wan laü.

NEHEMIA 9:10

Ümniiraq Pharao khuthaq na, apaiq jaqthü wanti welabi khuthaq na, asengi mungmaiqse khuthaq na, awang chang jaqsham tiichhikuq wan laü. Jamkhano ngukla tsangshiq raq, ümsengi Israilnok ka pinthum, tiichamchao wanto nguta asap haü. Kra laüta ümkhushü tiijong laü ihata, kra ümkhushü jong ka ümchaü min asi.

Tvtsvmc 105:5

Namshiq ka Abraham saüsetiim, ajaqshi se; namshiq ka Jakob saüsetiim, apaiq raq atsea wanwe; Shiikeawe raq awangchang jaqshamtaq thun kra tiitsang ronglaq kiimaq apaiq raq kha photaq thun kra tiitsang ronglaq

Tvtsvmc 114:1

Ümtiikiiwa Israilnok ka Ejip mung wa laüwantaq; ümtiikiiwa Jakob saüse phan raq pongmung wa laüwantaq,

Tvtsvmc 136:11

Apaiq raq Israilnok ka Ejip mung wa tsuq wanto; apaiq lungwii ka pattup pat-sa;

Tvtsvmc 136:12

ajaq hong henghea maq, kiimaq ajaqphum honghea maq; apaiq lungwii ka pattup pat-sa.

Tvtsvmc 89:14

Ümmungtan kechu jaqsham nai tingting kappe kham maq ashong wan; lungwii tsantsii nai tsapsaü kapse kli ümjaqsham kunli na tiichhitlaü.

DUNGWVNC 12:15

Tatiwe raq nguto, “Ramiishi na saüli namshiq raq pi maq joshe winsii ka phaq maimak. Pi maq shohü winsii kli phaq ronglaq. Apha wan ranaiq na namshiq jam wa pi ka tiisiirai lambaiq ronglaq. Kra ramiishi liipan na maiq ashi ra raq winsii ka pi maq shoje phaq raüla, kriiwe ka isenginok wa weshi nguta wea dam mak she miraq.

DUNGWVNC 12:17

Ara poi arka namshiq raq lang ronglaq. Jamkhano ngukla ara ranaiq na Ngi raq namshiqnok maiq phan thun ka Ejip mung wa tiidong wan kang. Pattup pat-sa na saüli namshiq raq ümchaü ranaiq arka poi klo lanta lang ratlo.

DUNGWVNC 12:19

Kra ramiishi liipan na namshiq jamkun thun na pi ka akhiismin si maimak. Jamkhano ngukla juli jiimin, noktiwe lo riimakla wanshawe lo, jurwa kra bala winsii ka pi maq shoje phaq raüla, apaiq ka isenginok phong wa weshi nguta weadam mak she miraq.”

DUNGWVNC 12:2

“Ümchaü jipi arka namshiq ma rawii phawan jipi lü miraq.

DUNGWVNC 12:41

Rawii 430 ka nyito she angu ranaiq na, Tatiwe sengi maiq phan thun raq Ejip mung ka miimthüto.

DUNGWVNC 12:42

Kra rawa ka Tatiwe raq tsangshiq ka Ejip mungwa kheshat maq tsuq wan akhing rawa riito. Kiimaq ara rawa arka Israilnok raq pattup pat-sa miitu Tatiwe ma kiinong kuqto. Arka Israilnok raq rawa minru kheshat nga rawa.

DUNGWVNC 12:8

Raüta kra rawa ngam ka wa na shechang, raüta rum wa sangjaq akhap wiq phan nai pi maq shohü winsii alum krai phaq chang.

DUNGWVNC 13:14

Rawiichii pat na ümse maiqwese raq ara poi lang tiikai arka jamlai liichum wiinya nguta wai raüla, ümniiraq apaiq ma akha bom ka mitre haü, ‘Tatiwe raq apaiq ningkun jonghea wokhong maq, nashiq ka Ejip mung na maiq dikong sikai kriiwa ana tsuq wanto.

DUNGWVNC 13:9

Ara poi lang wan tlan arka namshiq ma tsan na tiitsang wan miitu jaq na jaqkhaq raü apaq ikha riimakla nam khakam na phanshi ra atiipakuq ikha miraq. Ara poi klotlan ara lümaq namshiq ma Tatiwe Thungtri raütu kra riishrii maq phat wan nong miitu kiimaq atsaü maq sidi raüta phat wan miitu akhing lam wan ashi miraq. Jamkhano ngukla Tatiwe raq apaiq ningkun jonghea maq namshiq ka Ejip mung wa tsuq wanto.

DUNGWVNC 20:2

“Ngi ka Tatiwe üm Shiikeawe ümniika Ejip mung na maiqdi asihaü wa shea wanti.

DUNGWVNC 20:8

“Asii Niitiitsak Ranaiq ka aheawiq maq langlaq. Laüta asii thülaq.

DUNGWVNC 23:15

Abib jipi lü na, ümniiraq Ejip mung wa laü wan laü jipi lü na, Pi Maq shohü winsii phaq poi kra langlaq. Kriika Ngi raq aming kuqkang kra phan phan langlaq. Ara poi klotlan ramiishi liipan na pi maq asho winsii ka nü na thii maimak. Kiimaq Ngi shomnoq wa watlan na honglu kechang ahü jaqmii maq wa maimak.

DUNGWVNC 3:20

Shatmaq Ngi raq iningkun maq Ejip mung na phiiptsi chang thun jaqsham lata imo mitiihoha. Kra jai miitiq apaiq raq namshiq ka mitiiwa.

DUNGWVNC 34:18

“Pi Maq Shohü Winsii Phaq Poi kra lang ronglaq. Ngi raq jamkho aming kuq kang, kra phan phan Abib jipi lü na ramiishi na saüli Pi Maq Shohü Winsii kra phaq ronglaq. Jamkhano ngukla kra jipi lü na namshiq ka Ejip mung wa laüwan lan.

DUNGWVNC 6:1

Kiijiishe Tatiwe raq Mosheq ma nguto, “Ümchaü Ngi raq hokhamwe khuthaq na jamlai jaq wa mishamha kriishe ümniiraq michhi haü. Ngi raq apaiq ka shiitep lata isenginok ka mitiiwa baiqha. Atiiwa baiq siika jawa michong. Ngi raq apaiq ka tiichop lata isenginok ka amungtan wa atiijo mirbaiqha.”

DUNGWVNC 6:6

Kra ningkhan Israilnok ma Ngi raq tsangshiq ma akha chongtiikang nguta chongkuqlaq, ‘Ngi ka Tatiwe; Ngi raq namshiq ka midok dawanha. Lata namshiq ka Ejipnok dikong sitlan kiiwa wasetiim miishe mitiija wanha. Ngi raq ijaq phum aheng honghea pinthum ara tsangshiq khuthaq niishe midoha. Lata phiiptsi chang chamchao mo ka tsangshiq ma mitiihoha. Lata Ngi raq namshiq ka mitiichhii kuqha.

DUNGWVNC 6:7

Ngi raq namshiq ka isenginok shaq miishe mitiija wanha. Lata Ngi ka namshiq Shiikeawe miishe mija wanha. Kiimaq namshiq raq Ngi ka Tatiwe namshiq Shiikeawe nguta misap han. Arka ümtiikiiwa Ngi raq namshiq ka Ejip mung na dikong ma jatlan kriiwa dokda wan tiikang akhing niishe misap wan han.

JEREMIA 34:13

Israilnok Shiikeawe raq, ngi nangnga mungmaiqse ma akha chonglaq nguta thaüto: “Ngi raq ümtiikiiwa namtitiim ka Ejip mung wa dokda wan kang, lata wasetiim ma tiija wan kang akhing na, tsangshiq rai itongshong wan kang. Ngi raq tsangshiq ma akha chongkuq kang.

DANIEL 9:15

“O, Tatiwe lei, naishiq Shiikeawe lei, ümniiraq ümsenginok ka Ejip mung wa tsuq wan laüta üm ningkun jong kra tiichhikuq wan laü. Krai mren, ümningkun jong ka ümchaü min tsan na tiitsang shat thütlo. Naishiq raq ngarai tang wankai; naishiq raq ashut klo wan kai.

Matthew 10:12

Namshiq ka ümtiikiiwa namshiq tao wanti wandü jam na düwan tlan, adü wan lam maq, nam wanti ta ma, ‘Namshiq ma hansang mirlaq,’ nguta ram ramkuq rong laq.

Luke 22:19

Kiimahali, apaiq raq winsii ka ashi tsunto. Raüta, Shiikeawe ma kechu tumto. Raüta kra tiiphanto, kiimaq kra tsangshiq ma ake lam maq akha nguto, “Arka i ngam phu. Namshiq miitu akuq. Ngi ka tiima lanta ara klo ronglaq.”

1 Corinthians 11:24

Raüta Shiikeawe ma kechu tumto. Raüta winsii ka atiiphan riito. Raüta akha nguto, “Ara i khum, namshiq miitu. Ngi ka tiimai lanta ara lang ronglaq.”

1 Corinthians 5:8

Ara ningkhan, nashiq raq Tiichhii Wan Poi klo rong i. Riita ara Poi klo arka, nashiq ngarai achü pi maq sho raüta atiija winsii phu nai ashut winsii phu kra phaq laita ka riimak. Shatmaq pi maq shohü winsii, siirairai nai tengman tlaq winsii phu kra phaq laita poi ka klo rong i.

Ephesians 1:19

Kiimaq ara apaiq ningkun tu, nashiq apaiq ma kamtiikaitibi khum na sitlaq ariiraq, jaqshamtlo. Riita, ara ningkun jonghea, nashiq khum na sham wan tlaq ara ningkun miisii li,

TRI CHONGKE 13:10

Apaiq ka long maq tiinamtok tiiqbaiq ronglaq! Apaiq raq ümniika Ejip mung na maiqdise kong asi han wa dokda wanti Tatiwe namshiq Shiikeawe wokhong mong wa lamjiq na kiholaq nguta tiishonho danto.

TRI CHONGKE 13:11

Kra riihantiq, Israilnok tlotli raq jamlai mra wa pintaq kra wiita raq mitai. Raüta tsangshiq ka ahai she miraq. Kiimaq maiq ahinti jurmin akha ashut aphit jaqsham ka klo mak she miraq.

TRI CHONGKE 13:5

Shatmaq rawa ma liichum chongketi ka atsea riibaiq ronglaq kiimaq namshiq ka Ejip mung na maiqdi kong asi han wa, dokda wanti Tatiwe wokhong wa dongholaq nguta, namshiq ma chongketi ka atsea riibaiq ronglaq. Akhnok maiq arka abi pinthum. Akhnok maiq raq ümniika Tatiwe aming wokhong na silaüta rilung lam phantlaü kiiwa lamjiq nü na sheaho dantlo. Apaiq ka atsea baiq raa dongdii. Ara abi kiimung arwa ümniika traishat siraatlo.

TRI CHONGKE 13:6

“Ümphu ümno shaq riilo, ümse maiqwe se riilo, riimak la ümse jechak se riilo, riimakla, ümchak ümtsan ümmong po paqchang riilo, riimakla, ümtsanwa we ümluwe shaq riilo, raq ahukse maq ümniima laihin sumla phra thun kra shomnoq i nguta, phra thun ümniiraq kiimaq namtitiim raq ümtiikiimin shomnoq mak thun kra shomnoq i nguta molao moraq miraq.

TRI CHONGKE 15:15

Ümtsan na tiitsang laq, man na namshiq ka Ejip mung na maiqdi ma jalanta silan. Kiiwa Tatiwe üm Shiikeawe raq namshiq ka dokda wanto. Raüta wase ma tiija wanto. Kra ningkhan, ümchaü Ngi raq ümniima ara aming kuq tiikang ara.

TRI CHONGKE 16:1

Mosheq raq Israilnok ma nguto, “Tatiwe üm Shiikeawe ka Tiichhiiwan Poi ka Abib jipi lü na lang laüta shrenglaq. Kra jipi lü na rawa shi akhing na apaiq raq nashiq ka Ejip mungwa tiichhii kuq wanto.

TRI CHONGKE 16:12

Ümtsan na atsi dada maq tiitsang laüta thülaq. Laüta ara aming thun ara langlaq. Namshiq ka Ejip mung na maiqdi ma jalanta siwan lan kra naq laq rongkiq.

TRI CHONGKE 16:3

Ümtiikiiwa ümniiraq ara dung siq tlaü akhing na, pi maq sho raüta alum winsii rai naq phaqkiq. Ramiishi na saüli ümniiraq pi maq shohü winsii ka phaq laq. Arka man na namshiq raq Ejip mung wa taülaü khiq maq alaü wan akhing na phaqsiq lan ikha phaq sea chang. Laüta ara winsii ka phaq laq. Ara winsii ka chamchao winsii phu nguta mingu. Krai mren, ümniika atra sitlaü wiiwii, ümniiraq Ejip mung wa chamchao litkot mung wa dong wan laü kra ranaiq ka ümtsan na tiitsang shat mirhaü.

TRI CHONGKE 24:18

Ümtsan na tiitsangshat riilaq, man na ümniika Ejip mung na maiqdi siwan laü. Kiimaq Tatiwe üm Shiikeawe raq ümniika dokda wan raüta wase ma tiija wanto. Kra ningkhan Ngi raq ümniima ara aming ara kuqtiikang.

TRI CHONGKE 24:22

Ümtiikiimin naq laqkiq man na ümniimin Ejip mung na maiqdi ma jalaüta silaü. Kra ningkhan Ngi raq ümniima ara aming kuq tiikang ara.

TRI CHONGKE 26:8

Apaiq ningkun heng hea maq kiimaq ahong ala jong hea kriimaq apaiq raq nashiq ka Ejip mung jaq khon mongwa tiichhii wanto. Apaiq raq awang chang pahea jaq shamto. Kiimaq amao chang pahea jaq shamto. Raüta phiiptsi chang pahea klo wanto.

TRI CHONGKE 4:34

Tatiwe namshiq Shiikeawe raq apaiq ka Ejip mung na kiraüta namshiq ka asengi ma tiija wan miitu shea wantaq kiikha, phra ashi ra raq maiq mung mungshi ra na kiraüta, maiq phan phanshi ra ka asengi ma tiija wan miitu tsuq wan ka kham tiisha? Namshiq makki na apaiq raq apaiq ningkun jonghea kiimaq apaiq hong ala jonghea kra lang wanto. Apaiq raq thabi pahea tiisaüto. Kiimaq re tiidongto. Kiimaq awang chang jaqsham pahea shamto. Kiimaq amao chang jaqsham pahea kloto. Raüta phiiptsi chang jaqsham pahea shamto.

TRI CHONGKE 5:15

Üm tsan na tiitsang laq, man na ümniika Ejip mung na di ma jalaüta silaü. Kiimaq Ngi, Tatiwe üm Shiikeawe raq iningkun henghea maq nai ihong ila maq ümniika tiichhii wan kang. Kra ningkhan Ngi raq ümniima Asii Niitiitsak Ranaiq ka langlaq nguta ümniima aming kuq tiikang.

TRI CHONGKE 5:6

‘Ngi ka Tatiwe üm Shiikeawe. Namshiq ka Ejip mung na dikong asi han wa daa chhii wankang.

TRI CHONGKE 6:12

Kra akhing na namtsan na tiitsang dada thüshat ronglaq, namshiq raq Tatiwe, namshiq ka Ejip mung na dikong sitlan kiiwa dokda wantiwe kra naq laq rongkiq.

TRI CHONGKE 6:21

Kra nguraüla, tsangshiq ma akha chongkuq rong laq, ‘Nashiq ka Ejip mung hokhamwe dikong siwan kai. Kriiwa Tatiwe raq nashiq ka apaiq ningkun henghea kriimaq tiichhii kuq wanto.

TRI CHONGKE 7:8

Shatmaq Tatiwe raq namshiq ka lungwii wanto. Kiimaq apaiq raq namtitiim ma kiqkham kuqtaq kra tiiku wan rotlo. Kra ningkhan tiina apaiq raq namshiq ka Ejip mung hokhamwe jaqkhon mong na dikong asi han wa apaiq ningkun jonghea kriimaq namshiq ka dokda wan raüta wasetiim ma tiija wanto.

TRI CHONGKE 8:14

raüla tsan na tiitsang ronglaq, namshiq ka ashkong maimak kiimaq Tatiwe namshiq Shiikeawe, namshiq ka Ejip mung na dikong asi han wa tiichhiike wantiwe ka laqbaiq raa mak.

TRI CHONGKE 9:12

“Kiitiikaq Tatiwe raq ngi ma nguto, ‘Ümniika tiidolaq. Laüta pumji na jaqlo thit sat kikiq. Jamkhano ngukla, ümsenginok, ümniiraq Ejip mung wa atsuq wan thun ka ashut she jakito. Raüta abi she kloto. Ngi raq tsangshiq ma aming akuqha kra jin raüta lamjiq niishe kihoto. Raüta tsangshiq raq tsangshiq miitu sumla phra she tiiqto.’

JOSHUA 24:17

Tatiwe nashiq Shiikeawe raq nawetiim nai nashiq ka Ejip mung a maiqdi asi haiwa tiidong tsuq wanto. Kiimaq apaiq raq awang chang jaqsham wantaq thun kra chhi wankai. Kiimaq apaiq raq nashiq ka maiqmung ümtinkhan lam mo laü wan kai kiiwa khup wongkuq shat maq shea wanto.

PHOWEBI 2:12

Tsangshiq raq Tatiwe, tsangtitiim Shiikeawe, tsangtitiim ka Ejip mung wa tsuq wan raüta shunshea wanti Shiikeawe shomnoq ka athaq she riibaiqto. Raüta tsangshiq raq phra ahin thun kriishe shomnoq wanto. Tsangshiq tro na sitinok phrakong kriishe shomnoq hoto. Tsangshiq ka kra phrakong khaki niishe bum wanto. Raüta Tatiwe tsan ka tiikhiqto.

PHOWEBI 6:8

Kra riikiitiishe, Tatiwe raq tsangshiq phana shammi weshi tiikito. Apaiq raq tsangshiq ma Tatiwe, Israilnok Shiikeawe tsütsa ka akha lamhoto: “Ngi raq namshiq ka Ejip mung na maiqdikong asi han wa tsuq wan kang.