DUNGWVNC 13:2 - ASII LAKDAP Bible (BSI)

² “Chhikhu setiim maiqwe sere tlotli ka Ngi ma kiinong kuqlaq. Jamkhano ngukla Israilnok sere chhikhu setiim loweatek kra kiimaq nyamse chhikhu nyungtlaq loweatek thun kriika Ngi rii.”

Hawa Naga Bible 2001

² “Israel miqsaz wawc jawc phaungc miqwaz nuiyc nyvmx saz nyuiuz phaungc vpung htenc kuex ngaz rueq guimz yaq ningkhvnc nuex, jawc phaungc miqwaz nuiyc nyvmx saz nyuiuz phaungc vpung lotlaz kuex ngaz muex lekuy rax,” ngoz tueq jungx tueq.

DUNGWVNC 13:2 Referencias Cruzadas

NEHEMIA 10:36

Kiimaq, nashiq raq, nase chhikhuse hum wan tiikai kra, Thungtri na chong tlaq kra phanphan, Shomjam na boqho laita, ramwebi phana boqho lili mirii rong i. Laita, Shiikeawe ma kiinong kuq wan lili mirii rong i. Kiimahali, nashiq jam na jam nyamse sitlaq kiiwa, minsaü kaütiim raq ase chhikhu nyungtlaq kra lo, sku kaü raq ase chhikhuse nyung tlaq kra lo, kiimaq chhechhi kaü raq ase chhikhuse nyungtlaq kra, Shiikeawe ma kiinong kuq wan lili mirii rong i.

NEHEMIA 10:37

Kiimaq, nashiq raq, tsamnye apha shaq shaq jut siq wan tiikai kiiwa, hai awong kra, kiimaq winsii lum laita, kiimaq laihin honglu, che, olip tai, kiimaq phanphan petsi pan wan tiikai kriiwa, kra thun ka Shomjam na hupsam thü wan chang khok kiijaq adam na lamho lili laita, ramwebi jaq na kuq wan lili mirii rong i. Kiimaq, nashiq raq, nashiq wak ajam na dong man wantlaq tü atsam kriiwa, honglu hiwanti Lewinok watlaq kra jaq na, aroqkhu wa kra kuq wan lili mirii rong i.

DUNGWVNC 13:1

Tatiwe raq Mosheq ma nguto,

DUNGWVNC 22:28

“Shiikeawe ma abi naq bomkiq. Kiimaq ümnok ümta rümti welawe ma man naq sonkiq.

DUNGWVNC 23:19

“Rawiitek ümniiraq bunwong jut pha shaq shaq jut tlaü kra Tatiwe üm Shiikeawe jam na kewan ratlo. “Skuse aran se riimakla chhechhise ka akaü nyakpü maq lumphaq maimak.

DUNGWVNC 4:22

Kra riihaüla, ümniiraq apaiq ma akha chongraatlo, Ngi, Tatiwe raq akha ngutiikang, ‘Israil ka ise chhikhuwe.

EJEKIEL 16:20

“Kriithun kra laütiishe, Ngi miitu ümsetiim maiq wesere kiimaq jechak sere thun hum wan laü kra, ümniiraq sumla phra thun kiima honglu na takuq wan laü. Riita atinkhan ümniiraq Ngi shummii wan laü arka abi pinthum riimak sha? Kra hongmak dea sha?

EJEKIEL 16:21

Isetiim kra sumla phra thun ma honglu na take wan hü maq ümniika siwan maimak dea sha?

LEWI 27:26

Jam nyamse chhikhu nyungtlaq kriika Tatiwe rii dongdii. Kra ningkhan jurmin chhikhu nyung phati kriika maiqmii tsantsii honglu na Tatiwe ma kiinong kuqmak raüjaq ahea. Minsaü se ngu i, skuse ngu i, riimakla chhechhi se ngu i, wiita ka Tatiwe rii siisaq.

WEAWEA 18:15

“Ase chhikhuse riimakla nyamse chhikhuse Israilnok raq Ngi ma kiinong kuqtlaq kriithun ka ümnii riishe. Shatmaq ümniiraq maiqse chhikhuse loweatek daa wan miitu ari athii kuqtlaq kriika ajaü ratlo. Kiimaq nyamse ashe phan chhikhuse nyungtlaq kra daa wan miitu ari, athii kuqtlaq kra kampho kiimin ümniiraq jaü ratlo.

WEAWEA 3:12

“Lewi phan ka ümchaü Ngi rii she. Ümtiikiiwa Ngi raq Ejip mung wa maiq chhikhu setiim kra jiipbaiq kang, Ngi raq Israilnok phan wa maiq takitek wa chhikhusetiim ka ise chhikhu she nguta iramkham maq tiibok wan kang. Kiimaq tsangshiq nyamse chhikhu ümchuwa nyungtlaq kriimin Ngi rii she nguta ramkham maq tiibok wan kang. Riita ümchaü ka Ngi raq Israilnok sere chhikhu setiim ka Ngi rii she nguta lang wan la na, Ngi raq Lewi phan kriishe ise chhikhuse ma tsea wan kang. Tsangshiq ka Ngi riishe. Ngi ka Tatiwe.”

Luke 2:23

Arka, Tatiwe Tri na, “Rawü chhikhu maiqwe se angu khumtek kriika, Tatiwe ma kiinongke chang,” nguta chongtaq kra phanphan kloto.

TRI CHONGKE 15:19

“Tatiwe üm Shiikeawe rii üm minsaü kong raq nai üm sku kong raq ase chhikhu ümchuwa nyungtlaq kra wiita, pong na rai laüta thübaiqlaq. Arthun minsaü setiim kriima jaq naq tiishamkiq. Kiimaq skusetiim bin kra asi maimak.

Hebrews 12:23

Namshiq ka, ümchaü sanha, Shiikeawe setiim, chhikhu se kong sitlaq, kra triitam hea tlaq akhing poi ajong ranaiq lom dam ngutiishe saü wan tlan. Kiijaq watlaqti mang ka, ramungtan na awaiq thü wishe. Namshiq ka ümchaü sanha, maiqse angu kunli khaphoketi we, Shiikeawe wokhong niishe sitlan. Kiimaq man na, tsaitaq phong wa maiqshaq shaqti ka, Shiikeawe raq kechu maiqsetiim miishe tiija wanto. Namshiq ka tsangshiq rai adam misi wan han.