DUNGWVNC 13:2 - Hawa Naga Bible 2001

² “Israel miqsaz wawc jawc phaungc miqwaz nuiyc nyvmx saz nyuiuz phaungc vpung htenc kuex ngaz rueq guimz yaq ningkhvnc nuex, jawc phaungc miqwaz nuiyc nyvmx saz nyuiuz phaungc vpung lotlaz kuex ngaz muex lekuy rax,” ngoz tueq jungx tueq.

ASII LAKDAP Bible (BSI)

² “Chhikhu setiim maiqwe sere tlotli ka Ngi ma kiinong kuqlaq. Jamkhano ngukla Israilnok sere chhikhu setiim loweatek kra kiimaq nyamse chhikhu nyungtlaq loweatek thun kriika Ngi rii.”

DUNGWVNC 13:2 Referencias Cruzadas

NEHEMIA 10:36

Naungshiq rueq naungshiq wawc vphaungc vjawx pekhux saz htenc kuex tay wvnc tueq Tvrac rulc rv-ngvlc Shomc Yuimx nuex httax yaq shomc waz bix kox nuex shvlx laq vtueq Tishox muex lekuq vshix. Naungshiq rueq manx kuiux hez wawc nyuiuz phaungc manx saz nuiyc naungshiq khelbuenx khelkhix htenc wawc nyuiuz phaungc khelbuenx, khelkhix sahez muinz shomc kuq vshix.

NEHEMIA 10:37

Naungshiq rueq vphaungc shauk yut shix tuiuz vtsvmz maq tvhungx shix wungwanx, vganc shomc kuy juing svpiq tix, olip puiz nuiyc pulx thuey phvnx ruip saz kuex Shomc Yuimx wawc shomc waz bix kox nuex wawc tek lvmz laq vshix. Naungshiq rueq naungshiq wuik vnax shuimc jix miqghaq htenc wawc mvnz rokshiz wawc mvnshiz tvjomx jix Lewi miqsaz kox nuex naungshiq rueq miqmac wuik vnax wawc vthuey vngoz mvnz rokshiz wawc mvnshiz kuex lvmz laq vshix.

DUNGWVNC 13:1

Yehowa rueq Moshe muex ngoc,

DUNGWVNC 22:28

“Tishox muex layx vbac kvjaz nauk kvjak kaz, mmiqsaz htenc wawc walaungx waz muex mvnhttonc mvy muq.

DUNGWVNC 23:19

“Wawc tek nuimshiq wuik vnax htenc wawc vphaungc tvjomx shuinx vthuey vngoz htenc kuex Yehowa nuimshiq Tishox yuimx kvyuq laq wuez shuinz. “Khelbuenx saz rvmuq ngoz ruiux, khelkhix saz kuex vkuiux puix maq lumc mvy muq.

DUNGWVNC 4:22

Kvruex yimaq mnoz rueq hokhvmx waz muex jungx shuiuz, Ngaz Yehowa rueq ngoc, ‘Israel miqsaz kuex ngvy saz pekhux rvtueq.

EJEKIEL 16:20

“Kvruex yimaq mnoz rueq ngaz rulc vlvp miqwaz yalxjuik sahez kuex lvmz vtueq shomc nawk kuy juing ikhoc yac yuimx htenc muex shomc kuq vshuiux. Mnoz kuex ngaz muex tvmtuing vguez kvmac muinz hungx muq,

EJEKIEL 16:21

yvmx ngoz tueq lac isaz hez kuex lvmz vtueq yac yuimx muex shomc nawk kuq vshuiux?

LEWI 27:26

Nyvmx saz nyuiuz phaungc shauk shauk kuex Yehowa rueq guimz yaq ningkhvnc nuex, uraq muinz kvruex kuex vkuy roc thuinz maq shomc kuq lvp muq; manx saz, khelbuenx saz, khelkhix saz htenc kuex Yehowa laung rvtueq,

WEAWEA 18:15

“Miqsaz rvmuq ngoz ruiux nyvmx saz kuex ngvy tvkoc ngoz tueq Israel miqsaz rueq lekuq yaq pekhux saz kuex mnoz muex seng yaq. Yuq muinz pekhux sahez kuex nuimshiq rueq daungc ruiyx wvnc lvp shuinz, sawc muq nyvmx saz nyuiuz phaungc htenc muinz nuimshiq rueq daungc ruiyx wvnc yaq kuex thoz tvy shec rax.

WEAWEA 3:12

“Lewi phvnx kuex ngaz rueq guimz vshaungx. Ngaz rueq Ejip miqsaz pekhux sahez htenc kuex thvt gay tauk nuex, Israel miqsaz wawc pekhux sahez nuiyc nyvmx saz wawc nyuiuz phaungc htenc kuex ngvy tvkoc thvl wvnc tauk. Majuiuc Israel miqsaz pekhux sahez pumhttungx Lewi phvnx kuex ngvy tvkoc thvl wvnc tauk; tsuingshiq kuex ngaz rueq guimz vshaungx. Ngaz kuex Yehowa rvtauk,” ngoz tueq jungx tueq.

Luke 2:23

Taungjix tvrac nuex wuiyq shec tueq rulc rv-ngvlc: “Pekhux miqwaz saz vngoz kuex Taungjix muex lekuq yaq,” ngoz tueq.

TRI CHONGKE 15:19

“Nuimshiq suiux vngac nuiyc khelbuenx nyuiuz phaungc saz vpung vngoz htenc kuex Yehowa nuimshiq Tishox tvkoc pungbaung nuex tvy rax; nyuiuz phaungc sahez manx kuex yauk shuimc nvrc mvy muq, khelbuenx muinz vmulsulc mvy muq.

Hebrews 12:23

Nuimshiq kuex raungmungx wvlwvlc nuex lomx jix pekhux sahez vkoz vkez maq rvtuimx kvyuq httuiuc wvnc wuez vtuinx. Nuimshiq kuex miq lotlaz muex khac phoc kuy jix waz Tishox kox nuex muinz, tvhungx tvhtaungx rvhumc tueq tsuingrux jix htenc siyac kox nuex muinz httuiuc wvnc wuez vtuinx.