DUNGWVNC 13:3 - Hawa Naga Bible 2001

³ Moshe rueq mungx miqsaz htenc muex ngoc, “Vruex raungnuiyq kuex nauk lauk kaz; nuimshiq Ejip mungx maq dax wawc dungc wvnc raungnuiyq rvtueq. Vruex raungnuiyq kuex Yehowa piq luimc vkawc yunghvlc maq nuimshiq tvdung wvnc tueq. Wisiz lomx yaq wanx kuex phuiuz mvy muq.

ASII LAKDAP Bible (BSI)

³ Mosheq raq mungmaiqse ma nguto, “Ümchaü ranaiq ara tsan na tiitsang ronglaq. Namshiq ka Ejip mung wa laü wan lan ranaiq kra. Namshiq ka maiq dikong ma jalanta silan mung kra. Ara ümchaü ranaiq akhing na Tatiwe raq apaiq ningkun jonghea wokhong maq namshiq ka tsuq wanto. Ümchaü ranaiq akhing na Pi maq shoje winsii phaq maimak.

DUNGWVNC 13:3 Referencias Cruzadas

RAPHA HIQWA LAK 15:16

Msuiuz msaz hez kuex miqpat pat bvlic nuex httuiuc laz httaz yix maq, vruex mungx vyuq yek waung yek tuex, yvmx khoc lac ngoz ruiux lec Amori miqsaz kuex batac hvlc ningkhvnc nuex murx tvgurc rvhumc vtueq tsuingshiq kuex vruex mungx maq ngaz rueq yurc gay shaungx kvkaq jix rvtuex,” ngoz tueq jungx tueq.

1 KAÜWA WERAÜ 16:12

Tishox nvrc waz Yaku suiuz vsaz hez nuiyc Tishox rueq vthvl wvnc Israel suiuz vsaz hez lex, Tishox rueq shuimx wvnc tueq vwangc juing htenc nuiyc vpiq rueq kuq shec tueq khac phoc lvmz htenc kuex rvwvl wuez shuinz.

NEHEMIA 1:10

“Yehowa lex, vruex kuex mnvrc waz, mmiqsaz shauk htenc rvtueq. Mnoz rueq Tsuinghez kuex mluimc vkawc yunghvlc nuiyc hungc vlaungc httaz hvlc maq palc wvnc toq.

NEHEMIA 9:10

Mnoz rueq Hokhvmx waz muex muinz, piq miq vyungx vlaungx bix nuiyc mungx miqsaz htenc rueq mmiqsaz htenc kuex tuinghtuing ningkhvnc nuex, tsuingshiq muex mnoz rueq vkawc yawc vwangc juing htenc kuex tvkhic vtueq murx tvgurc toq. Mnoz kuex majuiuc raungnuiyq nuex httuiuc laz muingc dung yaq kuex rvhumc vtuiux.

Tvtsvmc 105:5

Vpiq nvrc waz Abraham suiuz vsaz htenc nuiyc vpiq rueq vthvl taq Yaku suiuz vsaz htenc lex: Tishox rueq vtvkhic kuq vwangc juing romzyac htenc nuiyc, vpiq rueq kuq tueq khac phoc kuy lvmx htenc kuex rvwvl wuez shuinz.

Tvtsvmc 114:1

Yaku suiuz vsaz, Israel miqsaz htenc kuex pungmungx Ejip mungx maq dung kaz wvnc tueq nuex,

Tvtsvmc 136:11

Israel miqsaz htenc kuex Ejip mungx wawc vpiq rueq shvlx wvnc tueq; vpiq lungwawc kuex pattup httax yaq;

Tvtsvmc 136:12

vpiq hungc vlaungc httaz hvlc yauk, vpiq luimc vkawc mvrc yaq yauk phumz maq tsuingshiq kuex shvlx wvnc tueq; vpiq lungwawc kuex pattup httax yaq.

Tvtsvmc 89:14

Mmungtan kuex tsuingrux nuiyc tvrac vlvmz maq tvjvp phaungc toq; mnoz rueq shuimx wvnc toq lotlaz nuex lungwawc thuinz nuiyc tvmtuing lvmx kuex tvkhic vshuiux.

DUNGWVNC 12:15

Yehowa rueq, “Nuimshiq rueq raungx mvshix tup wisiz maq vtvhungx wanx kuex nauk phauk kaz, wisiz lomx muq wanx dvyx phauk shuinz. Vphaungc raungnuiyq nuimshiq yuimx htenc wawc wisiz kuex lvmz gay wuez shuinz, raungx mvshix baunglaung vyuq wisiz maq vtvhungx wanx phuiuz jix ukhaq yuq muinz ngvy miq wawc tvdux gay rvhumc tuex.

DUNGWVNC 12:17

Moalx vruex mkaq muinz moalx tvkoc tvtsuingc taq shuinz, yvmx khoc lac ngoz ruiux lec kvruex raungnuiyq ngaz rueq nuimshiq phvnx htenc kuex Ejip mungx wawc tvdung shvlx wvnc phaungx. Nuimshiq rueq mkaq muinz majuiuc raungnuiyq vkhoc moalx wuez shuinz.

DUNGWVNC 12:19

Raungx mvshix tup nuimshiq yuimx htenc kvyuq wisiz tvy mvy muq, wisiz maq vtvhungx wanx phuiuz jix kuex kvruex mungx maq vjawx miq, rvmuq ngoz ruiux pungmungx maq vhttax kaz ruezruez ngvy miqsaz wawc tvdux gay rvhumc tuex,” ngoz tueq jungx tueq.

DUNGWVNC 12:2

“Vruex yapix kuex nuimshiq tvkoc wawc shiz mungx wawc vphaungc yapix rvtueq.

DUNGWVNC 12:41

Wawc 430 mvrc tueq raungnuiyq kvkaq Yehowa miqsaz htenc rvtueq miqphvnx lotlaz Ejip mungx maq dung wvnc wuez tueq.

DUNGWVNC 12:42

Kvruex raungwvrx kuex Yehowa rueq tsuingshiq kuex Ejip mungx maq tvdungc lvy tvkoc tvkhup wungx lawc kuy raungwvrx rvtueq; kvkhoc rvtueq Israel miqsaz rueq kvruex raungwvrx kuex Yehowa rueq tvdungc wvnc raungwvrx kvruex tvtsuingc tvy moalx kuex mkaq muinz moalx wuez yaq.

DUNGWVNC 12:8

Kvruex raungyac ngvmx kuex wvr nuex shuz vtueq wisiz lomx muq wansawx nuiyc namx yauk vkhuip rulc raz tueq mphauk shueq.

DUNGWVNC 13:14

Yimaq msaz rueq, yvmx ngoz tueq lac vkhoc ruez vshix ngoz tueq wiz ruiux yuq, mnoz rueq piq muex, ‘Yehowa luimc vkawc yunghvlc maq naungshiq kuex dax muex yaungx tiq Ejip mungx kvwawc tvdung shvlx wvnc phuex.

DUNGWVNC 13:9

Yehowa vpiq luimc vkawc yunghvlc maq nuimshiq kuex Ejip mungx wawc tvdung wvnc phuinx ningkhvnc nuex, nuimshiq rueq Yehowa Tvrac kuex mkaq muinz wvlc lawc tvkoc, moalx vruex kuex nuimshiq yauk nuex, rvmuq ngoz ruiux khaungkuimx nuex menc taq vshuinx tvtsuingc juing hakhix ikhoc nuimshiq muex honc tvsvmz kuq kv-phuinx.

DUNGWVNC 20:2

“Ngaz kuex Yehowa nuimshiq Tishox rvtauk, nuimshiq Ejip mungx nuex dax muex yaungx vtuinx wawc tvdungc shvlc wvnc jix rvtauk.

DUNGWVNC 20:8

“Vguilc Raungnuiyq kuex vsawc raungc hvlc muex tvyaungc shuinz.

DUNGWVNC 23:15

Ngaz rueq nuimshiq muex nvr phaungx rulc rv-ngvlc Ejip mungx maq dung wvnc tuit Abib yapix nuex Wisiz lomx muq Wantuc Moalx kuex moalx wuez shuinz. Raungx mvshix tup moalx shuinx baunglaung wisiz maq vtvhungx wanx kuex nauk phauk kaz. Shomc kuy juing lvmz laq muq maq ngaz muex nawk palx tvkoc mkaq muinz kay mvy muq.

DUNGWVNC 3:20

Yuq muinz ngvy luimc vkawc maq vhiz sungx juing htenc shuimx lvmz vtueq, Ejip mungx kuex murx tvgurc shaungx. Kvruex yimaq jix piq rueq nuimshiq kuex tvkaz shuex.

DUNGWVNC 34:18

“Wisiz lomx muq Wantuc Moalx kuex moalx shuinz. Ngaz rueq nvr phaungx rulc rv-ngvlc wisiz lomx muq wantuc phuiuz moalx kuex Abib yapix nuex raungx mvshix moalx shuinz, yvmx khoc lac ngoz ruiux lec kvruex yapix nuex nuimshiq kuex Ejip mungx maq dung kaz wvnc tuit.

DUNGWVNC 6:1

Kvkaq Yehowa rueq Moshe muex ngoc, “Hokhvmx waz kuex ngaz rueq yvmx khoc lac ruez shaungx mnoz rueq khiz shuiux. Ngaz rueq ngvy miqsaz htenc tvkay tvkoc piq kuex shvkeng shaungx. Vsuingc suing tsuingshiq kuex piq mungtan wawc yurc gay laz juing ngaz rueq piq kuex ruez shaungx,” ngoz tueq jungx tueq.

DUNGWVNC 6:6

Kvkhoc rvtueq Israel miqsaz muex vkhoc jungx kuq shuiuz, ‘Ngaz kuex Yehowa rvtauk; Ejip miqsaz kox nuex dax muex yaungx vtuinx kvwawc ngaz rueq nuimshiq kuex tvdung wvnc phaungx. Ngvy yauk phumz hungc vlaungc tvlanc vtueq, tsuingshiq htauk nuex vhiz juing murx tvgurc ruiux, nuimshiq kuex palc wvnc phaungx.

DUNGWVNC 6:7

Ngaz rueq nuimshiq kuex ngvy miqsaz muex thvl wvnc phaungx, ngaz kuex nuimshiq Tishox muex yaungx taungx. Nuimshiq kuex dax muex tvyaungc jix Ejip yauk wawc ngaz rueq tvdung wvnc ruiux yuq, ngaz kuex nuimshiq Yehowa Tishox rvtauk kuex nuimshiq rueq tuiuz wvnc wuez shuinz.

JEREMIA 34:13

Israel Tishox rueq, miq htenc muex jungc kuy tvkoc ngaz muex vkhoc jungx phuex: “Ngaz rueq tsuingshiq kuex Ejip mungx wawc daungc wvnc tauk nuiyc dax muex yaungx yaq wawc tsuingshiq tvdung wvnc tauk nuex, mjix m-waz tamx rulc ngaz rueq bomkhvrc taq tauk. Ngaz rueq tsuingshiq muex

DANIEL 9:15

“O Taungjix nuiyshiq Tishox lex, mnoz rueq mluimc vkawc tvkhic vtueq mmiqsaz kuex Ejip mungx wawc shvlx wvnc toq ningkhvnc nuex mluimc vkawc kuex majuiuc nuex httuiuc laz rvwvl hvt. Nuiyshiq rueq mvrax yaq tiq; nuiyshiq rueq vyaq shuimx gay tiq.

Matthew 10:12

Yuimx vshiz shiz nuex duiz woz tuinx kvkaq, ‘Nuimshiq nuex nomic mhttax kueq,’ ngoz tueq ngoz kuq shuinz.

Luke 22:19

Kvkaq vpiq rueq wanx kuex lvmz vtueq Tishox muex kejux vyungx ngoz ruiux, wanx kuex tv-phuinz phux vtueq tsuingshiq muex kuq ruiux, “Vruex kuex nuimshiq tvkoc vkuq gay ngvy ngvmx rvtueq, ngaz lauk gay muit tvkoc vkhoc shuimx shuinz,” ngoz tueq jungx tueq.

1 Corinthians 11:24

Tishox muex kejux vyungx ngoz ruiux, wanx kuex tv-phuinz vtueq, “Vruex kuex nuimshiq tvkoc vkuq gay ngvy shauk pumz rvtueq, ngaz kuex rvwvl hvt tvkoc nuex vkhoc shuimx shuinz,” ngoz tueq.

1 Corinthians 5:8

Kvkhoc rvtueq mvrax nuiyc layx bac ngoz yaq wisiz vkez lomx yaq wanx phux maq rvmuq maq, vsawc thuinz nuiyc tsuingrux ngoz yaq wisiz lomx muq wanx phux maq Tvlvy Wvnc Moalx moalx wuez ix.

Ephesians 1:19

Taungjix muex kvmluimx jix htenc nuex yauk shuimx yaq vpiq luimc vkawc kuex mtanc lac yungx luz yaq nguinx kvmuinz, nuimshiq rueq khic tuiuz tvkoc nuimshiq jungx dungc tharc mkvdaz wvnc kueq, ngaz rueq thoz vshaungx,

TRI CHONGKE 13:10

Piq kuex lung maq tuip vtueq thvy gay rax! Nuimshiq Ejip mungx nuex dax muex yaungx tuit wawc palc tvdungc wvnc jix Yehowa nuimshiq Tishox kuex tvdux gay tvkoc piq rueq tvshonx ronx yaq.

TRI CHONGKE 13:11

Kvruex yimaq Israel miqsaz htenc rueq kvkhoc yaungx wvnc tueq lvmz kuex tay vtueq hiyaz ruiux; kvkhoc layx vbac kuex yix maq uraq muinz ruez khvmc wuez shuex rvmuq shex.

TRI CHONGKE 13:5

Nuimshiq Ejip mungx nuex dax muex yaungx yaq wawc palc tvdungc wvnc jix Yehowa muex khawc lvlc tvkoc htuiuz shuiuz jix shvmmax, rvmuq ngoz ruiux maung jungc kuy jix miq kuex vthueyc murx tvgurc rax. Kvruex waz rueq nuimshiq kuex Yehowa rueq jungx yaq thuiuzthuic tvraungx juing lvmx wawc kvkek kay tvkoc tvshonx ronx yaq. Kvruex layx vbac yauk shuimc kvwawc tvdux gay tvkoc tsuingshiq kuex vthueyc murx tvgurc rax.

TRI CHONGKE 13:6

“Mphuz mnox, msuiuz msaz, mnoz rueq lungwawx vshuiux mjuik nuiyc mnoz muex kungjix shauk miq washiz shiz kvraq doc muinz, mnoz nuiyc mjix m-waz tamx rueq kungkhux nuex nawk palx wvnc muit doc vganc tishox htenc kuex nawk palx tvkoc vyumx samaq tvshonx ronx kv-phuinx.

TRI CHONGKE 15:15

Nuimshiq kuex Ejip mungx nuex dax muex yaungx tuit wawc Yehowa nuimshiq Tishox rueq nuimshiq tvdung wvnc tueq kuex rvwvl wuez shuinz; kvkhoc rvtueq vruex nvrc kvjaz kuex majuiuc ngaz rueq nuimshiq muex kuq vphaungx.

TRI CHONGKE 16:1

“Tvlvy Wvnc Moalx kuex Abib yapix kvkaq raungyac nuex, nuimshiq kuex Ejip mungx wawc palc wvnc kv-phuinx ningkhvnc nuex Yehowa nuimshiq Tishox muex tvtsanc nganc wuez shuinz.

TRI CHONGKE 16:12

Ejip mungx nuex dax muex yaungx wvnc tuit kuex nauk lauk wuez kaz; kvkhoc rvtueq vruex vnvrc kvjaz htenc kuex nuimshiq rueq vsuingc suing phvnc wuez rax.

TRI CHONGKE 16:3

Nuimshiq kuex Ejip mungx maq yauk lox dung kaz wvnc tuit nuex wisiz lomx muq wanx phauk tuit ikhoc, Tvlvy Wvnc Moalx moalx ruiux yuq raungx mvshix tup wisiz lomx muq wanx kuex phuiuz rax. Nuimshiq htemrvmz kuilc daz rvhumc vtueq Ejip mungx maq dung kaz wvnc tuit raungnuiyq kuex pattup rvwvl hvt tvkoc htemrvmc kuilc daz ngoz yaq wisiz lomx muq wanx kuex phauk wuez shuinz.

TRI CHONGKE 24:18

Nuimshiq kuex Ejip mungx nuex dax muex yaungx wvnc tuit lvmz kvmuinz, Yehowa nuimshiq Tishox rueq nuimshiq kuex tvdung wvnc tueq lvmz kvmuinz rvwvl lvp wuez shuinz; kvkhoc rvtueq vruex vnvrc kvjaz kuex ngaz rueq nuimshiq muex kuq vphaungx.

TRI CHONGKE 24:22

Nuimshiq Ejip mungx nuex dax muex yaungx wvnc tuit lvmz kuex mkaq muinz nauk lauk kaz; kvkhoc rvtueq vruex vnvrc kvjaz kuex ngaz rueq nuimshiq muex kuq vphaungx.

TRI CHONGKE 26:8

Vpiq luimc vkawc httaz hvlc maq nuiyc yauk phumz raungkawx hungc maq naungshiq kuex Ejip mungx wawc palc daungc wvnc phuex. Vpiq rueq vwangc juing nuiyc vkawc yawc juing phvnx htenc kuex tvkhic vtueq miqhiz vsac thuimkux htenc kuex tvhttuiuc tueq.

TRI CHONGKE 4:34

Yehowa nuimshiq Tishox rueq nuimshiq tvkoc Ejip mungx maq shuimx wvnc tueq ikhoc, vganc phvnx wawc miqsaz kuex shvlx wvnc vtueq piq miqsaz muex tvyaungc khvmc jix tishox httax tueq haz? Vpiq rueq nuimshiq muik lawc nuex luimc vkawc yunghvlc nuiyc hungc vlaungc kuex shuimx vtueq, vmac vtsac nuiyc ralx rvkhvt, vwangc juing nuiyc romzyac htenc nuiyc kvhiz juing phvnx htenc tvdung tueq.

TRI CHONGKE 5:15

Nuimshiq kuex Ejip mungx nuex dax muex yaungx wvnc tuit nuex Ngaz, Yehowa nuimshiq Tishox rueq luimc vkawc httaz hvlc maq nuimshiq tvdung shvlx wvnc phaungx kuex rvwvl wuez shuinz. Kvkhoc rvtueq Vguilc Raungnuiyq kuex phvnc tvhungx tvkoc ngaz rueq nuimshiq muex nvr vphaungx.

TRI CHONGKE 5:6

‘Ngaz kuex nuimshiq Ejip mungx nuex dax muex yaungx tuit wawc tvdungc shvlc wvnc jix waz Yehowa nuimshiq Tishox rvtauk.

TRI CHONGKE 6:12

dax muex yaungx tuit Ejip mungx kvwawc tvdungc shvlc wvnc jix Yehowa kuex lauk gay muit juing honc lvmz wuez shuinz.

TRI CHONGKE 6:21

vkhoc jungx kuq shuinz, ‘Naungshiq kuex Ejip hokhvmx kox nuex dax muex yaungx tiq wawc Yehowa rueq vpiq luimc vkawc httaz hvlc maq naungshiq kuex palc wvnc phuex.

TRI CHONGKE 7:8

Yuq muinz Yehowa rueq nuimshiq lungwawx vtueq nuimshiq jix vwaz tamx muex bomkhvmc vkuq kuex tv-phaungx ngaungx roc ningkhvnc nuex Ejip hokhvmx waz dax muex yaungx yaq wawc vpiq hungc vlaungc maq nuimshiq kuex tvdung wvnc tueq.

TRI CHONGKE 8:14

nuimshiq kuex ngamc ngax thuinz httax vtueq nuimshiq Ejip mungx nuex dax muex yaungx tuit wawc palc wvnc jix waz Yehowa nuimshiq Tishox kuex lauk gay muit tvkoc honc lvmz hvt rvshuinz.

TRI CHONGKE 9:12

“Kvruex yimaq Yehowa rueq ngaz muex ngoc, ‘Ejip mungx wawc mnoz rueq shvlx wvnc toq mmiq htenc rueq miqsuirc vsac yauk shuimc htenc shuimx wuez yaq ningkhvnc nuex kanx vmaq lvmx lvy svt kaz kuiuz. Tsuingshiq rueq shuimc kay tvkoc ngaz rueq nvr tauk kvwawc kvroz wvnc vtueq, tsuingshiq tvkoc yac yuimx kuex tvhungx guirx wuez yaq ningkhvnc nuex kanx maq yauk lox svt kaz kuiuz,’ ngoz tueq jungx phuex.

JOSHUA 24:17

Yehowa naungshiq Tishox rueq naungshiq waz tamx nuiyc naungshiq kuex dax muex yaungx tiq Ejip mungx wawc palc wvnc phuex. Vpiq rueq shuimx wvnc tueq vwangc juing yauk shuimc htenc kuex naungshiq rueq khiz wvnc tiq shex. Mungtan ruip rawx lvy wvnc tiq lvmx wvlex nuex vpiq rueq naungshiq muex tvkhup wungx kuq wvnc phuex.

PHOWEBI 2:12

Ejip mungx wawc tsuingshiq shvlc wvnc jix Tishox, Yehowa tsuingshiq jix vwaz tamx Tishox muex nawk palx lvmz kuex tuip gay ruiux, tvroz wawc miq htenc rueq nawk palx wuez yaq vganc tishox htenc kuex nawk palx wuez tueq. Tsuingshiq kuex bumx vtueq nawk ningkhvnc nuex, Yehowa thuinz tvkhaq wuez tueq.

PHOWEBI 6:8

Yehowa Israel Tishox rueq tsuingshiq kox nuex vruex bomjungc kuex jungc tvkoc shvmmax washiz kuex tvkaz tueq: “Ngaz rueq nuimshiq kuex Ejip mungx nuex dax muex yaungx tuit wawc shvlx tvdung wvnc phaungx.