Hosea 12:10 - ASII LAKDAP Bible (BSI)

¹⁰ “Ngi raq shammibi ma phanrap tiichhikuq wan kang. Tsangshiq raq Israilnok ma tiithai tiimai, honlam tsii pahea chongkuq wanto. Shatmaq tsangshiq raq tai wan mak.

Hawa Naga Bible 2001

¹⁰ “Ngaz rueq shvmmax bix muex kvjaz jungx tauk, tsuinghez muex romzyac tvkhic muinz paunghvlc kuq tauk, ngaz rueq shvmmax bix maq raz tueq ngvy miqsaz htenc muex honc tvsvmz kuq tauk.

Hosea 12:10 Referencias Cruzadas

1 HOKHVMX 13:1

Tatiwe aming maq Juda mung wa shammiwe ashi ka Bethel na wato. Raüta apaiq ka kiijaq Jeroboam ka berong-wacha tho na chapraü honglu takeho namnam she kiijaq saüwato.

1 HOKHVMX 17:1

Shammiwe Elija, apaiq ka Gilead wang wa Tishbe hiqti raq Hokhamwe Ahab ma nguto, “Tatiwe mang na, atra Israilnok Shiikeawe mang na, ngi raq shomnoq tiikangwe mang na, ngi raq ümniima chongtiikang, armung na, ngi raq inübok maq minguha shaq wiiwii wiinai riimakla wiitsam na saüli ra wa bangtsi min rok mak miraq, kiimaq ra min junmak miraq.”

1 HOKHVMX 19:10

Kiijiishe apaiq raq treto, “Tatiwe Ajong Pinthum Shiikeawe lei, ngi raq irilung wiilü ümniili shiililii wan kang, ümniili dongdii shomnoq wan kang. Shatmaq Israilnok raq ümniirai tongshong bomtsi athü wan ka wiita she jinbaiq wanto. Raüta ümnaq shomnoq chang berong-wacha thun wiita runbaiqto. Raüta ümshammibi thun min wiitashe tsatbaiqto. Ngi lamlam se li she tiichong tiikang. Kiimaq tsangshiq raq ngi tseabaiq tantlo!”

2 HOKHVMX 17:13

Tatiwe raq akiimwetiim nai ashammibi thun tiiki raüta Israil mungti nai Juda mungti ma honlam tsütsa akha tiichonghoto: “Namshiq raq ajiq lam phan tlan kra miimbaiq ronglaq. Lanta ngi raq akuqha aming thun kra lang rong laq. Kriithun ka ngi raq namtitiim ma Thungtri lakdap kuqkang kriijaq asi kiimaq kriika ngi raq namshiq ma ijaqshisetiim shammibi lümaq kuq wan kang.”

NEHEMIA 9:30

Li jiimin, ümniiraq tsangshiq ma, rawiitek tsan tiibum laüta, hon kam wan tsii chongkuq laü. Ümniiraq ümshammibi tiiki laüta, tsan achhü maq ümbomtsi, tiichong kuq laü. Shatmaq ümsenginok ka nitangnok. Kriikha niishe ümniiraq tsangshiq ka, maiq mung ahinti ma, tiikhat laüta rewe jaqkhon mong na, kiinong kuq wan laü.

DUNGWVNC 20:2

“Ngi ka Tatiwe üm Shiikeawe ümniika Ejip mung na maiqdi asihaü wa shea wanti.

JEREMIA 19:1

Tatiwe raq ngi ma hamlii tak ashi rikikiq nguta thaüto. Kiimaq apaiq raq ngi nangnga shiilangbi wiijam kiimaq ramwebi phongwa nyungwere wiijam kri sheaho laüta kilaq nguta thaüto.

JEREMIA 19:10

Kiijiishe Tatiwe raq ngi nangnga ngi rai kidamtaq maiqwere kra makki na hamlii tak kra tiibun bukbaiq laq nguta thaüto.

JEREMIA 25:4

Tatiwe riika apaiq jaqshisetiim shammibi tiikiruq raüta namshiq ma apaiq bomtsi tiichong kuq wanto. Shatmaq namshiq raq apaiq bomchong ka taiman riiwan lan kiimaq tsan na shaq wan man riilan.

JEREMIA 7:25

Namtitiim pat na Ejip mung maq laüwantaq ranaiq maq pha wan raüta, ümchaü ranaiq niitaq saüli, ngi raq ngi ijaqshisetiim shammibi ka namshiq pha na tiiki ruqli tiikitiikang.

EJEKIEL 17:2

“Maiqse lei, Israilnok ma uqkhiima bom ashi chongkuqlaq.

EJEKIEL 20:49

Shatmaq ngi raq atiiwin riikang, “Tati Rakaü Hiqwe lei; Ngi ma akhnok jaq ka naq tiishamkiq! Maiq wiitarü raq bot tsaü wanto, ngi raq tsangshiq ma traho bom chongke ka wranaiqshe uqkhiima bomtsi maq siisaq chongtlo nguta.”

Hosea 13:4

Tatiwe raq ngutlo, “Ngi ka namshiq Shiikeawe. Namshiq ka Ejip mung wa sheawan kang. Namshiq Chhiiwanti Shiikeawe ka ngi arli. Ngi tlea raüta ahin Shiikeawe ahü.

Hosea 3:1

Tatiwe raq ngi ma, “Ümniika kinong laq. Laüta, ümchak sethoq nyung phana sikikiq. Laüta apaiq shutphit heali jiimin lungwii nong laq. Arka Israilnok raq Ngi miimthü raüta, sumla phra shomnoq hotaq. Raüta honglu kuq wantlaq. Li jiimin, Ngi raq tsangshiq ka lungwii nong tiikang kiikhiisii lungwiilaq,” nguta thaüto.

Yoel 2:28

Arjai niishe, ngi raq iwenyi ka isenginok khuthaq na miraükuqha. Kra akhing namsetiim maiqwesere, kiimaq jechaksere raq riisham bom maq itsütsa ka, chiiriim raüta michongkuq wan. Namwetiim tikiibi riimin rawa ma maq michhi wan. Kiimaq namsetiim jerobi riimin, riisham mak maq michhi wan.

LEWI 23:42

Israilnok mungmaiqse kunli ka joli tiip na ramiishi na saüli jap wan ratlo.

AMO LUIK DVP (AMOS) 7:14

Kiijiishe Amos raq, ramwejong Amajia bom ka akhiishe treto, “Ngi ka shammiwe jaq maq phaqsiq lata siwanti ka riimang. Kiimaq iwe kiimin shammi jaqsham wanti ka riimak. Shatmaq ngi ka jam nyamse rüm lata phaqseati. Kiimaq Sikamor pero kra chhintsii lata phaqseati.

WEAWEA 12:6

Kiimaq Tatiwe raq nguto, “Ümchaü Ngi raq jamlai bom wa chongtiikang ara tai ronglaq! Namshiq phong na shammibi siraüla, Ngi ka tsangshiq rai isham ka riisham makchhi maq tiichhikuq tiikang. Kiimaq tsangshiq rai rawa ma maq riibom dam tiikang.

Acts 2:17

‘Shiikeawe raq akha chongtlo, Ngi raq phangthum wan akhing na akha mirha: Ngi raq i Wenyi ka pheanyin pheanyi kaütak rishi, maiq loweatek ma asho awo miraü kuq ha. Namsetiim jechak aja maiqwe aja wiitarü raq, rinkinku maq changriim chiiriim, i tsütsa ara michong kuq wan. Namsetiim jerobi ka shammibi ma mija. Kiimaq nyungwere raq ra wa ma ka, machha khaqkhaq mima.

2 Corinthians 12:1

Ngi riika jamkha riita jiimin tiishomra rai chang li she dongdii riishatshat. Tiishomra rai lata ngi ma jamlai liip rai chang riiwe kla ahüli jiimin, tiishomra rai chang ka sikito. Shatmaq, ümchaü riiwe tiina, ngi ma, riisham raq jamlai wa tiichhikuq taq, kiimaq ngi ma Tati Jesuq Khristo raq jamlai wa tiichhikuqtaq, kriishe chongkuq pha.

2 Corinthians 12:7

Riita ara chong tiikang awang chang riisham mak maq chhi tai wan kang thun kriiraq, ngi ka ashkong tsii thü jiiq ngo maq, ngi ka han-ngam na, Shiikeawe raq i khum na phanshi hanho thatsi kuqto. Ara hanho thatsi arka, Thawe wekii ikha, i khum na shukshaq tlo. Raüta wenyi lam na shiikong wan chang wiimin, ningkun ka atiinun riibaiq tlo.