Hosea 12:11 - ASII LAKDAP Bible (BSI)

¹¹ Kra taümaq dongdii min, tsangshiq raq phra sumla, Gilead chela maq noq wanto. Kriikha na tsangshiq tsailam she mirhum wan. Tsangshiq raq minsaü pongwetiim, Gilgal chela na phra sumla ma takuq wanto. Krai mren, berong-wacha thun ka, re raq wiita mitiibunbaiq wan. Raüta longkaü rongli she miraq.”

Hawa Naga Bible 2001

¹¹ Yuq muinz Gilead mungx nuex yac yuimx htenc nawk palx wuez yaq, kvruex nawk palx jix hez kuex vthueyc rvtuex. Gilgal ghaq nuex manx pung htenc maq shomc nawk wuez yaq, kvyuq httax yaq shomrawx htenc kuex tvnx vnax htenc nuex lung phungc muex yaungx tuex.”

Hosea 12:11 Referencias Cruzadas

1 HOKHVMX 17:1

Shammiwe Elija, apaiq ka Gilead wang wa Tishbe hiqti raq Hokhamwe Ahab ma nguto, “Tatiwe mang na, atra Israilnok Shiikeawe mang na, ngi raq shomnoq tiikangwe mang na, ngi raq ümniima chongtiikang, armung na, ngi raq inübok maq minguha shaq wiiwii wiinai riimakla wiitsam na saüli ra wa bangtsi min rok mak miraq, kiimaq ra min junmak miraq.”

2 HOKHVMX 17:13

Tatiwe raq akiimwetiim nai ashammibi thun tiiki raüta Israil mungti nai Juda mungti ma honlam tsütsa akha tiichonghoto: “Namshiq raq ajiq lam phan tlan kra miimbaiq ronglaq. Lanta ngi raq akuqha aming thun kra lang rong laq. Kriithun ka ngi raq namtitiim ma Thungtri lakdap kuqkang kriijaq asi kiimaq kriika ngi raq namshiq ma ijaqshisetiim shammibi lümaq kuq wan kang.”

JEREMIA 10:15

Tsangshiq ka thiihü hiq tili krai mren shipoqpoq no na tsuqbaiq changli; Tsangshiq ka Tatiwe saühotlaq akhing na wiita ashthen mirbaiq.

JEREMIA 10:8

Tsangshiq tlotli ka maiqjiq kiimaq angikong. Pe sumla phong kriiwa tsangshiq raq jamlai wa misap tsin?

JEREMIA 2:20

Ajong Pinthum Tatiwe raq ngutlo, “Israil lei, rathup niiphü ümniiraq ngi arang ka no na tsuqbaiqlaü; ümniiraq ibom taimaü riilaü, Ngi shomnoq maü riilaü. Kin diilu aweatek na kiimaq pejaq nüm chong aweatek chongji na ümniiraq ase keti phra thun noq laü.

JEREMIA 2:28

“Namshiq raq namshiq miitu phra kong atiiq han thun ka ümbano? Namshiq ma chamchao akhing na tsangshiq raq mitiichhiikuq liina— tsangshiq raq mitiichhiilot jiiha! Juda lei, ümchela thun ümchuwa, kiichu üm phra kong asi.

EJEKIEL 17:2

“Maiqse lei, Israilnok ma uqkhiima bom ashi chongkuqlaq.

Hosea 10:1

Israilnok ka spiqtsi tsung jonghea, atsi ango wanrang wiira. Chiithe lüwa arong awin. Shatmaq chiithejong ma jawan wan, phra sumla noq wan chang, berong-wacha, apa hai wanwan riito. Kiimaq ngi raq akuq wanha, hiqpo hiqwin tsanghiq shong chang, phra sumla shomnoq wan ma, tsomhea berong-wacha, pahea haiwan wan riito.

Hosea 10:2

Tsangshiq tsantsii laopha tsii. Kriikha na chamchao raa dongdii. Tsangshiq phra sumla noqwan chang, berong-wacha thun, Shiikeawe raq wiita mitiibun baiq wan.

Hosea 4:15

“Riita namshiq Israilnok ka, mephe-nyung pha na kitlan jiimin, Juda mungti ka sethoq ngarai na naq tiidea rongkiq. Namshiq Gilgal chela na naq nyapkiq, Bethawen chela na naqwakiq, lanta sumla phra naqnoq rongkiq. Kiijaq kilanta Atra Tatiwe mang na, naqtiitum rongkiq.

Hosea 6:8

Gilead chelati ashut kloti siisaq, Matsaü tsase siisaq.

Hosea 8:11

“Israilnok raq tsangshiq ngarai tiisii miitu, phra sumla apapa shong wanto. Raüta noq wanto. Kriika tsangshiq ngarai tiipa wan li riito.

Hosea 9:15

Tsangshiq ka ashut ashai wiita raüchong, Gilgal chela maq shampha wanto, Kriikha na ngi raq saisi wan kang, tsangshiq ka Ijamjong wa, mijobaiqha. Ngi raq tsangshiq lungwii mang she. Mungtu shiilangbi ngi ngengti siisaq.

AMO LUIK DVP (AMOS) 4:4

Ajong Thaq Na Ajong Tatiwe raq ngutlo, “Israilnok lei, warong ra Bethel chela na Shiikeawe shomnoq wa, namshiq ngarai kra apapa tiipa ma. Warong riita Gildel chela na, namshiq ngarai ka apapa tiipa ma. Ranaptek nyamse honglu take wan chang kuq rong liita, namshiq ngarai apapa tiipa ma, ranaiq tsamtsam na kechang aroq khu wa honglu kra, kuq wan rong liita, namshiq ngarai kra apapa tiipa ma.

AMO LUIK DVP (AMOS) 5:5

Beersheba hiq na naqshomkiq, Bethel hiq na ngi hummaü. Bethel ka athum mirki, Gilgal hiq na naqkikiq, Tsangshiq ka shumwi ma mitsuq wan.”

Jona 2:8

Khanhü phra sumla shomnoq wantibi ka, ümwokhong wa donghoto she.

WEAWEA 12:6

Kiimaq Tatiwe raq nguto, “Ümchaü Ngi raq jamlai bom wa chongtiikang ara tai ronglaq! Namshiq phong na shammibi siraüla, Ngi ka tsangshiq rai isham ka riisham makchhi maq tiichhikuq tiikang. Kiimaq tsangshiq rai rawa ma maq riibom dam tiikang.