DUNGWVNC 6:6 - ASII LAKDAP Bible (BSI)

⁶ Kra ningkhan Israilnok ma Ngi raq tsangshiq ma akha chongtiikang nguta chongkuqlaq, ‘Ngi ka Tatiwe; Ngi raq namshiq ka midok dawanha. Lata namshiq ka Ejipnok dikong sitlan kiiwa wasetiim miishe mitiija wanha. Ngi raq ijaq phum aheng honghea pinthum ara tsangshiq khuthaq niishe midoha. Lata phiiptsi chang chamchao mo ka tsangshiq ma mitiihoha. Lata Ngi raq namshiq ka mitiichhii kuqha.

Hawa Naga Bible 2001

⁶ Kvkhoc rvtueq Israel miqsaz muex vkhoc jungx kuq shuiuz, ‘Ngaz kuex Yehowa rvtauk; Ejip miqsaz kox nuex dax muex yaungx vtuinx kvwawc ngaz rueq nuimshiq kuex tvdung wvnc phaungx. Ngvy yauk phumz hungc vlaungc tvlanc vtueq, tsuingshiq htauk nuex vhiz juing murx tvgurc ruiux, nuimshiq kuex palc wvnc phaungx.

DUNGWVNC 6:6 Referencias Cruzadas

2 HOKHVMX 17:36

Namshiq ka iwokhong na silanta ibom mitai han. Ngi ka Tatiwe, namshiq ka Ejip mung wa ningkun jonghea kiimaq arang jonghea lümaq tsuq wan kang. Namshiq ka ijichong na bum lanta ngi ma honglu hongtan take wan ratlo.

1 KAÜWA WERAÜ 17:21

Mangjong hiq na Israilnok ka maiqdi mong wa dokda wan lata ümsenginok ma tiija wan laü kiikha maiq mung ahin ka ahü. Ümniiraq tsangshiq miitu jaqsham jonghea pinthum kiimaq awang chang jaqsham kuq wan laü kra lümaq ümmang chong tsaki kra mangjong tlotli niishe nyam wanto. Ümniiraq ümsenginok ka Ejip mung wa dokda wan laü. Laüta ümsenginok ka sinkhu na wawantlaq kra phan phan maiqmung thun ka ümniiraq mungshi shi maq wiita jobaiq wan laü.

NEHEMIA 1:10

“Riita, Tatiwe lei, tsangshiq ka ümsengi, kiimaq ümjaqshise kong. Ümningkun ajong nai aheng maq tsangshiq ka dokda wan laü.

Tvtsvmc 77:16

Ümtiikiiwa khamjong chum raq ümnaq chhitaq, O Shiikeawe lei, tsangshiq ka ahai riito, kiimaq khamjong chum tsaü hea thun ka atiikhai rokrok haito.

Tvtsvmc 81:11

“Shatmaq isenginok raq ibom chong ka taimak riito; Israilnok raq ibom taimak riito.

Tvtsvmc 81:6

“Ngi raq namraikhü wa homa laihea dobaiqkang; ngi raq namraikhü wa kiitelong homa lambaiqkang.

Tvtsvmc 81:7

Namshiq ma chamchao akhing na, namshiq raq ngi ma chonglan, kiimaq ngi raq namshiq tiichhiikang. Rathaiq mong na ngi tiipaü chang maq, ngi raq namshiq achujaü trekang, Ngi raq Meriba hiq jüserai tsiim ba maq namshiq maitaikang.

DUNGWVNC 1:11

Kra ningkhan she Ejip mungti raq tsangshiq tsaiji kra tiijom baiq ma nguta dikong rümtinok raq tsangshiq ma ningkun maq shiitep raüta jaqsham holai henghea she tiishamto. Israilnok raq Pithom chela nai Rameses chela hokhamwe ma rai awong thun lunke chang nyungchong chela kra teito.

DUNGWVNC 12:41

Rawii 430 ka nyito she angu ranaiq na, Tatiwe sengi maiq phan thun raq Ejip mung ka miimthüto.

DUNGWVNC 12:51

Kra ranaiq Tatiwe raq Israilnok maiqphan thun ka Ejip mung wa tiidong tsuq wanto.

DUNGWVNC 13:14

Rawiichii pat na ümse maiqwese raq ara poi lang tiikai arka jamlai liichum wiinya nguta wai raüla, ümniiraq apaiq ma akha bom ka mitre haü, ‘Tatiwe raq apaiq ningkun jonghea wokhong maq, nashiq ka Ejip mung na maiq dikong sikai kriiwa ana tsuq wanto.

DUNGWVNC 13:16

Ara poi klo tiikai arka nashiq ma tsan na tiitsang wan miitu, najaq dang na jaqkhaq raü atiipakuq ikha. Riimakla nashiq khakam na apaq ikha sitlo. Ara lümaq nashiq raq tsan na tiitsang wan tiikai Tatiwe raq apaiq ningkun jonghea maq nashiq ka Ejip mung wa tsuq wanto nguta takwan tiikai.’”

DUNGWVNC 13:3

Mosheq raq mungmaiqse ma nguto, “Ümchaü ranaiq ara tsan na tiitsang ronglaq. Namshiq ka Ejip mung wa laü wan lan ranaiq kra. Namshiq ka maiq dikong ma jalanta silan mung kra. Ara ümchaü ranaiq akhing na Tatiwe raq apaiq ningkun jonghea wokhong maq namshiq ka tsuq wanto. Ümchaü ranaiq akhing na Pi maq shoje winsii phaq maimak.

DUNGWVNC 15:13

Ümkiq kham bomtsi tsapkapkap thülaü, ümniiraq atiichhii haü mungmaiqse ümniiraq shea wan laü; ümningkun maq tsangshiq ka ümmungtan asii mung na tsuq wan laü.

DUNGWVNC 16:6

Krai mren Mosheq nai Aron raq Israilnok tlotli ma akha chongto, “Athi raji namshiq ka Ejip mungwa ana shea wanti ka Tatiwe dea nguta misap han.

DUNGWVNC 18:1

Midia mungti ramwe Mosheq huchhi Jethro raq Mosheq raq Israilnok ka Ejip mung wa tsuq wantaq akhing na Shiikeawe raq apaiq miitu nai Israilnok miitu jaqsham kuqtaq thun kra tsütsa ka kunli tai wanto.

DUNGWVNC 2:11

Ümtiikiiwa Mosheq ka maiqla she riitaq, apaiq ka maiqmiinok ahiq Hibrunok rai riihumkai kihoto. Tsangshiq nok ka ningkun maq shiitep raüta jaqsham henghea tiishamtlaq kra apaiq raq chhito. Kiimaq apaiq raq Ejipnok maiq weshi raq Hibruwe, Mosheq apaiq kra nok phan maiq weshi tseabaiq kra chhito.

DUNGWVNC 3:17

Ngi raq tsangshiq ka Ejip mung na ümtinkhan wa haihii raüta tiichamchaotlaq kiiwa ahin niishe mitsuq wanha nguta thimi wankang she. Lata tsangshiq ka hiqpo hiqwin mung niishe Kanannok sichang, Hitaiqnok sichang, Amoraiqnok sichang, Perijaiqnok sichang, Hiwaiqnok sichang, kiimaq Jebusaiqnok sichang mung niishe mitsuq wanha.

DUNGWVNC 3:8

Kra ningkhan Ngi ka tsangshiq kra Ejip mungti jaqkhon mong wa tiichhiike kai satki kang. Lata tsangshiq ka Ejip mung wa tsuq wan lata binlu binli hiqshong rahai, hiqpo hiq win mung na, ümchaü Kanannok, Hitaiqnok, Amoraiqnok, Perijaiqnok, Hiwaiqnok, kiimaq Jebusaiqnok sitlaq mung niishe mitsuq wanha.

DUNGWVNC 32:11

Shatmaq Mosheq raq Tatiwe apaiq Shiikeawe ma tiipaiq neato raüta akha nguto, “Tatiwe riita ümniika ümsenginok, ümniiraq Ejip mung wa üm ningkun henghea kiimaq arang jonghea maq tiichhii wan laü kra miika, atinkhan ümtsan ka jaram wa tiikhiqho laü?

DUNGWVNC 6:2

Shiikeawe raq Mosheq rai riibomto. Raüta akha nguto, “Ngi ka Tatiwe.

DUNGWVNC 6:29

apaiq raq akha nguto, “Ngi ka Tatiwe. Ngi raq ümniima bom chongkuq kang kra wiita Ejip mung hokhamwe ma chonglaq.”

DUNGWVNC 6:8

Ngi raq namshiq ka Ngi raq sinkham ramkham tiibok lata, Abraham ma, Isak ma, kiimaq Jakob ma armung ara mikuq kang nguta kiqkham kuq kang, kra mung kiiniishe namshiq ka mishea wan kang. Kiimaq Ngi raq kra mung ka namshiq ma tachong hupsam miitu she mikuq kang. Ngi ka Tatiwe.’”

DUNGWVNC 7:5

Ngi raq ijaq ka tsangshiq khuthaq na dolata, mo tiiho latiishe Israilnok ka tsang mung wa tsuq wan tiikang kra chhi raütiitiq, Ejip mungti raq Ngi ka Tatiwe dea nguta misap.”

ISAIA 9:12

Siria mungti raq shedong nü maq kiimaq Philistain mungti raq shenyap nü maq Israilnok phaq wan miitu tsangnü tiikiraq khetlo. Kiitinkhan taü maq dongdii min, Tati tsankhiq ka mishi shaqli. Apaiq jaq ka tsangshiq khuthaq na tiinyishatli, tsangshiq ma mo tiihoke miitu.

ISAIA 9:17

Arningkhan na, Tati raq jerobi thun ka weshi ra dongdii min tiijulap mak miraq. Kiimaq apaiq raq manti-nyungre miimin kiimaq jechisetiim miimin, atiihang mangchan ka tiitsi mak miraq. Jamkhano ngukla maiqse angu kunli ka ra weahü kong siisaq kiimaq abi kiimaq tsangshiq nübok maq ümchu wa bomtlaq ka ashut siisaqli bomtlo. Atinkhan mo tiiho wanlot jai min, Tati tsankhiq ka shimakli riishat shat miraq. Apaiq jaq ka ra na doshat maq tsangshiq ma mo tiiho miitu khekhamli miraq.

ISAIA 9:21

Manase phan nai Ephraim phan liipan na wesang ralii riikhattlo. Kiimaq tsangshiq noknai ri ka adam na pong raüta Juda mungti ka khattlo. Atinkhan arjai miimin, Tatiwe tsankhiq ka shimakli riishatshat. Apaiq jaq ka tsangshiq ma mo tiihoke miitu tsangshiq phanü na tiinyishatli sitlo.

JEREMIA 21:5

Ngi raq iningkun wiita shoq lata, itsankhiq kriimaq, kiimaq itsankhiq moktlaq kriimaq, kiimaq itsankhiq sru waniitu nyaitlaq kriimaq ümniika mikhat-ha.

JEREMIA 27:5

“Ngi arang jonghea riimtiikang kra lümaq kiimaq iningkun jonghea hotiikang kra lümaq, Ngi raq ara mangjong hiq ara, maiqphan kra, kiimaq ngamsaü ngiqse phan hiq raikhü na diimtlaq thun kra klowan kang. Kiimaq Ngi raq juma ke wan wa rotiikang, kriiwe ma arthun ara kuq tiikang.

JEREMIA 32:21

Awangchang nai amao chang thun jaqsham wan laüta, naishiq jaqti rewe thun ka tiikiinyii wan laü. Ümniiraq ümsengi Israilnok ka ümningkun jong nai ümmang chong arang ajong maq Ejip mung wa tsuq wan laü.

EJEKIEL 20:33

“Tengteng. Ngi, Tati Rakaü Hiqwe atra Shiikeawe raq, namshiq ma honlam bom chongtiikang, Ngi raq itsankhiq walü nyai hengtlaq kriimaq namshiq ka ijaq khon mong na iningkun wiita maq mipeng wanha.

Acts 13:17

Israilnok Shiikeawe raq natitiim pat na, tsangshiq ka tsea tsiiq wanto. Raüta, tsangshiq ka Ejip mung na wansha we ma ja raüta shong wantaq pat na, maiq mung ajong ashi ma tiijonglu wanto. Raüta, Shiikeawe raq tsangshiq ka Ejip mung wa, ningkun ajong jaqkhong maq tiidong tsuq wanto.

TRI CHONGKE 11:2

Ümchaü ranaiq namshiq raq tsan na tiitsang ronglaq, Tatiwe raq namshiq ma awokhong maq akaiq ake maq tran tsii wantaq thun sap wan lan kra. Kra akaiq ake ahea abi ümchuwa leawan kriika namshiq raq leawan lan. Namsetiim riika riimak. Namshiq raq Tatiwe jonglu kra chhi wan lan she. Apaiq ningkun jong kiimaq apaiq hongla kra wiita chhi wan lan she.

TRI CHONGKE 15:15

Ümtsan na tiitsang laq, man na namshiq ka Ejip mung na maiqdi ma jalanta silan. Kiiwa Tatiwe üm Shiikeawe raq namshiq ka dokda wanto. Raüta wase ma tiija wanto. Kra ningkhan, ümchaü Ngi raq ümniima ara aming kuq tiikang ara.

TRI CHONGKE 26:8

Apaiq ningkun heng hea maq kiimaq ahong ala jong hea kriimaq apaiq raq nashiq ka Ejip mung jaq khon mongwa tiichhii wanto. Apaiq raq awang chang pahea jaq shamto. Kiimaq amao chang pahea jaq shamto. Raüta phiiptsi chang pahea klo wanto.

TRI CHONGKE 4:23

Namtsan na pharang rang tiitsang ronglaq Tatiwe namshiq Shiikeawe raq namshiq rai tongshong wantaq kra laqbaiq raamak. Apaiq raq namshiq rii jamlai phan sumla min haihun maimak nguta aming kuqtaq kra lang ronglaq.

TRI CHONGKE 4:34

Tatiwe namshiq Shiikeawe raq apaiq ka Ejip mung na kiraüta namshiq ka asengi ma tiija wan miitu shea wantaq kiikha, phra ashi ra raq maiq mung mungshi ra na kiraüta, maiq phan phanshi ra ka asengi ma tiija wan miitu tsuq wan ka kham tiisha? Namshiq makki na apaiq raq apaiq ningkun jonghea kiimaq apaiq hong ala jonghea kra lang wanto. Apaiq raq thabi pahea tiisaüto. Kiimaq re tiidongto. Kiimaq awang chang jaqsham pahea shamto. Kiimaq amao chang jaqsham pahea kloto. Raüta phiiptsi chang jaqsham pahea shamto.

TRI CHONGKE 5:15

Üm tsan na tiitsang laq, man na ümniika Ejip mung na di ma jalaüta silaü. Kiimaq Ngi, Tatiwe üm Shiikeawe raq iningkun henghea maq nai ihong ila maq ümniika tiichhii wan kang. Kra ningkhan Ngi raq ümniima Asii Niitiitsak Ranaiq ka langlaq nguta ümniima aming kuq tiikang.

TRI CHONGKE 6:12

Kra akhing na namtsan na tiitsang dada thüshat ronglaq, namshiq raq Tatiwe, namshiq ka Ejip mung na dikong sitlan kiiwa dokda wantiwe kra naq laq rongkiq.

TRI CHONGKE 7:19

Tsan na tiitsang ronglaq, namshiq raq maiqmii mak maq chhiwan lan pinthum phiiptsi chang thabitsi tiidong wantaq thun ira. Kiimaq awang chang thun nai amao chang thun jaqsham kuq wantaq thun ira. Kiimaq ningkun henghea maq kiimaq ahong ala henghea maq Tatiwe raq namshiq Shiikeawe raq namshiq dokda wan raüta wasetiim miishe tiija wantaq kra. Apaiq raq Ejip mungti miq chup tsatbaiq wantaq kra niqriri sii hali ümchaü namshiq hairaitlannok kriimin apaiq raq wiita miqchup mijiipbaiq wan.

TRI CHONGKE 7:8

Shatmaq Tatiwe raq namshiq ka lungwii wanto. Kiimaq apaiq raq namtitiim ma kiqkham kuqtaq kra tiiku wan rotlo. Kra ningkhan tiina apaiq raq namshiq ka Ejip mung hokhamwe jaqkhon mong na dikong asi han wa apaiq ningkun jonghea kriimaq namshiq ka dokda wan raüta wasetiim ma tiija wanto.

TRI CHONGKE 9:29

Riita ija, ümniiriili arnok ka ümsenginok she nguta tseatsiiq wan laü kata. Kiimaq ümniiraq tsangshiq ka Ejip mung wa ümningkun henghea maq kiimaq ümhong ümla heng hea maq tsangshiq ka arjaq tsuq wan laü ahata.’