DUNGWVNC 6:6 - Hawa Naga Bible 2001

⁶ Kvkhoc rvtueq Israel miqsaz muex vkhoc jungx kuq shuiuz, ‘Ngaz kuex Yehowa rvtauk; Ejip miqsaz kox nuex dax muex yaungx vtuinx kvwawc ngaz rueq nuimshiq kuex tvdung wvnc phaungx. Ngvy yauk phumz hungc vlaungc tvlanc vtueq, tsuingshiq htauk nuex vhiz juing murx tvgurc ruiux, nuimshiq kuex palc wvnc phaungx.

ASII LAKDAP Bible (BSI)

⁶ Kra ningkhan Israilnok ma Ngi raq tsangshiq ma akha chongtiikang nguta chongkuqlaq, ‘Ngi ka Tatiwe; Ngi raq namshiq ka midok dawanha. Lata namshiq ka Ejipnok dikong sitlan kiiwa wasetiim miishe mitiija wanha. Ngi raq ijaq phum aheng honghea pinthum ara tsangshiq khuthaq niishe midoha. Lata phiiptsi chang chamchao mo ka tsangshiq ma mitiihoha. Lata Ngi raq namshiq ka mitiichhii kuqha.

DUNGWVNC 6:6 Referencias Cruzadas

2 HOKHVMX 17:36

Luimc vkawc yunghvlc maq muinz, hungc vlaungc maq muinz Ejip mungx wawc nuimshiq shvlc wvnc jix ngaz Yehowa kvjaz kuex phvnc rax yaq; ngaz kuex nuimshiq rueq bumx vtueq nawk ruiux ngaz muex shomc nawk kuy shomc kuy rax.

1 KAÜWA WERAÜ 17:21

Mmiqsaz shauk tvyaungc tvkoc ngoz tueq tsuingshiq kuex dax muex yaungx yaq wawc mnoz rueq palc wvnc toq, vruex Israel miqsaz rulc rv-ngvlc yaq miqphvnx vganc kuex ghaq htauk nuex vguez shex. Tsuingshiq tvkoc mnoz rueq shuimx wvnc toq yunghvlc nuiyc vwangc juing htenc rueq mungkawx nuex mmuingc jungc kuex tv-nyvmc wvnc vshuex. Ejip mungx wawc mmiqsaz htenc kuex mnoz rueq tvdung wvnc vtueq, kvruex miq htenc waung wvnc tueq nuex vganc phvnx miq htenc kuex mnoz rueq yurc gay toq.

NEHEMIA 1:10

“Yehowa lex, vruex kuex mnvrc waz, mmiqsaz shauk htenc rvtueq. Mnoz rueq Tsuinghez kuex mluimc vkawc yunghvlc nuiyc hungc vlaungc httaz hvlc maq palc wvnc toq.

Tvtsvmc 77:16

O Tishox lex, yuix rueq mnoz khiz tueq nuex tsuingshiq vhiz rvtueq, svmuktvrax yuix thuiuz hvlc htenc muinz rvhtux lak wuez yaq.

Tvtsvmc 81:11

“Yuq muinz ngvy miqsaz htenc rueq ngvy kvjaz kuex tay wuez muq; Israel rueq ngvy kvjaz phvnx wuez muq.

Tvtsvmc 81:6

“Nuimshiq ruiykhuix wawc gurc htenc kuex ngaz rueq tvsvt kuq ruiux, nuimshiq rueq lung pic juing boarx htenc kuex tvdvy gay tauk.

Tvtsvmc 81:7

Nuimshiq kuilc daz rvhumc tuit nuex, ngaz gvl phuinx tueq, ngaz rueq nuimshiq kuex palc wvnc phaungx. Raunghtiq raungguil mungx nuex ngaz kvhttuiyq yaq baung maq, ngaz rueq nuimshiq muex tvralc phaungx. Meriba yuix ruilx maq ngaz rueq nuimshiq muex taruiyx phaungx.

DUNGWVNC 1:11

Kvkhoc rvtueq Ejip miqsaz rueq tsuingshiq htauk nuex dax yauk shuimc lawc jix kuex thvl taq vtueq, vgvrx vtsvrx yauk shuimc nuiyc tsuingshiq thuinz htenc kuex tvnulx tawk gay tueq. Israel miqsaz htenc rueq hokhvmx tvkoc taungx vwawx tvy juing baung Pithom nuiyc Ramese ghaqyungx kuex Israel miqsaz muex tvguirc tueq.

DUNGWVNC 12:41

Wawc 430 mvrc tueq raungnuiyq kvkaq Yehowa miqsaz htenc rvtueq miqphvnx lotlaz Ejip mungx maq dung wvnc wuez tueq.

DUNGWVNC 12:51

Kvruex raungnuiyq dvyx Yehowa rueq Israel phvnx htenc kuex Ejip mungx wawc tvdung shvlx wvnc tueq.

DUNGWVNC 13:14

Yimaq msaz rueq, yvmx ngoz tueq lac vkhoc ruez vshix ngoz tueq wiz ruiux yuq, mnoz rueq piq muex, ‘Yehowa luimc vkawc yunghvlc maq naungshiq kuex dax muex yaungx tiq Ejip mungx kvwawc tvdung shvlx wvnc phuex.

DUNGWVNC 13:16

Vkhoc ruez vshix kuex m-yauk nuex tvtsuingc juing hakhix nuiyc mkhaungx nuex vmenc taq tvtsuingc juing hakhix ikhoc, Yehowa luimc vkawc yunghvlc maq naungshiq Ejip mungx wawc tvdung shvlx wvnc phuex kuex honc tvsvmc tvkoc rvtueq,’ ngoz tueq jungx shuiux,” ngoz tueq.

DUNGWVNC 13:3

Moshe rueq mungx miqsaz htenc muex ngoc, “Vruex raungnuiyq kuex nauk lauk kaz; nuimshiq Ejip mungx maq dax wawc dungc wvnc raungnuiyq rvtueq. Vruex raungnuiyq kuex Yehowa piq luimc vkawc yunghvlc maq nuimshiq tvdung wvnc tueq. Wisiz lomx yaq wanx kuex phuiuz mvy muq.

DUNGWVNC 15:13

Mbomkhvmc tvmtuing rvtueq rulc rv-ngvlc, mnoz rueq vpalc wvnc miq htenc kuex shvlx wvnc toq; Vsawc mmungtan kuex mhungc vlaungc maq mnoz rueq tsuinghez kuex shvlx toq.

DUNGWVNC 16:6

Kvkhoc rvtueq Moshe nuiyc Arun rueq Israel miqsaz lotlaz muex ngoc, “Nuimshiq kuex Ejip mungx wawc tvdungc shvlc lvy jix waz kuex Yehowa rvtueq lvmz nuimshiq rueq majuiuc raungyac tuiuz shuinx.

DUNGWVNC 18:1

Tishox rueq Moshe nuiyc Israel miqsaz htenc kuex Ejip mungx wawc tvdung shvlx wvnc vtueq, phvnx ruip saz rvkuq wvnc tueq lvmz Moshe gupez Midian shomc waz Jethro rueq tay tueq.

DUNGWVNC 2:11

Moshe kuex peluz wvnc vtueq piq phvnx vmaq Hebre miqsaz kox nuex khuemx shamx guilc kaz tueq, tsuingshiq rueq yauk shuimc gvrc hvlc hunnyex shuimx yaq kuex piq rueq khiz tueq. Ejip miq washiz rueq piq phvnx Hebre miqsaz washiz wungthvt yaq kuex khiz tueq.

DUNGWVNC 3:17

Ngaz rueq tsuingshiq kuex Ejip mungx wawc tvdungc shvlc wvnc tvkoc htvp htaz wuez shex, tsuingshiq guirguenz yaq kvwawc shvlx wvnc vtueq, puix nuiyc nyaq ngurx dung yaq mungx, Kanaan, Hitti, Amori, Perizi, Hiwi nuiyc Jebusi phvnx htenc httax yaq mungx nuex shvlx wvnc tvkoc htvp htaz tauk shex.

DUNGWVNC 3:8

kvkhoc rvtueq Ejip miqsaz yauk wawc tsuingshiq kuex palc wvnc vtueq, Ejip mungx maq tvdung wvnc ruiux, puix nuiyc nyaq ngurx dung yaq mungx nuex tsuingshiq kuex shvlc wvnc tvkoc ngaz svt kaz tauk. Kvruex mungx kvyuq Kanaan, Hitti, Amori, Perizi, Hiwit nuiyc Jebusi phvnx htenc majuiuc httax wuez yaq,

DUNGWVNC 32:11

Yuq muinz Moshe rueq Yehowa piq Tishox muex kvmenc jenc jungx tueq kuex, “Yehowa lex, mnoz rueq Ejip mungx wawc kvmungx yunghvlc luimc vkawc maq palc daungc wvnc toq mphvnx miq htenc muex yvmx ngoz tueq lac khaq vtuiux?

DUNGWVNC 6:2

Tishox rueq Moshe muex ngoc, “Ngaz kuex Yehowa rvtauk.

DUNGWVNC 6:29

“Ngaz kuex Yehowa rvtauk, ngaz rueq jungx vphaungx phvnx ruip saz kuex Ejip hokhvmx waz muex jungx shuiuz,” ngoz tueq jungx tueq.

DUNGWVNC 6:8

Abraham, Esak, Yaku hez muex kuq phaungx ngoz tueq ngaz rueq khvmc kuq tauk mungx kvyuq nuimshiq kuex tvhttuiuc phaungx; ngaz rueq kvruex mungx kuex nuimshiq muex kuy tvlanc kuq phaungx. Ngaz kuex Yehowa rvtauk,’ ngoz tueq jungx shuiuz,” ngoz tueq.

DUNGWVNC 7:5

Kvkaq ngvy yauk tvlanc vtueq Israel miqsaz kuex tsuingshiq mungtan wawc tvdung wvnc shaungx nuex, ngaz kuex Yehowa rvtauk lvmz Ejip miqsaz rueq tuiuz wvnc wuez shuex,” ngoz tueq jungx tueq.

ISAIA 9:12

Shaldungc kox wawc Siria mungx nuiyc shalx nyuip kox wawc Philistin mungx rueq Israel kuex yuk gay tvkoc tsuingshiq nuix htenc tvkac wuez yaq. Kvkhoc rvyruiux doc muinz, Yehowa vpiq thuinkhvy kuex shiz muq; vpiq yauk kuex murx tvgurc muex tenz hvt dvyx doc.

ISAIA 9:17

Kvkhoc rvtueq Taungjix rueq yalxrox waz washiz muinz tvdung gay shuex rvmuq, nojix saz tamx nuiyc mvntix nyuiuz tamx muex muinz menjenc shuex rvmuq, yvmx khoc lac ngoz ruiux lec miq lotlaz kuex tishox vguez, layx bac nuiyc tsuingshiq kvjak tuex ruip rawx kuex vshuy vshac kvjaz dvyx rvtueq. Kvkhoc rvtueq Yehowa vpiq thuinkhvy kuex htumx muq, murx tvgurc muex vyauk kuex tenz hvt dvyx.

ISAIA 9:21

Manase miqsaz nuiyc Ephraim miqsaz kuex vdvmz dvmz rvkhvt wuez tueq yix maq, vdvmz nuex kvruiuz vtueq Yuda kuex khvt tueq. Kvkhoc rvtueq Yehowa thuinkhvy kuex htumx muq, murx tvgurc muex vyauk kuex tenz hvt dvyx.

JEREMIA 21:5

Ngaz rueq mnoz kuex ngvy hungc lotlaz, ngvy thuinkhvy, ngvy kvbuit nuiyc ngvy thuinz phez vtueq khvt gay shaungx.

JEREMIA 27:5

“Ngaz yungx luz vtaungx luimc vkawc nuiyc hungc vlaungc maq ngaz rueq mungkawx muinz, miq muinz, ghaq htauk nuex httax yaq ngvmx saz lotlaz muinz tvdung sung taq tauk; ngaz rueq vthvl wvnc miq ukhaq muex muinz ngaz rueq kuq vshaungx.

JEREMIA 32:21

Nuiyshiq muex ralx hez kuex vwangc juing nuiyc vyac kvtsuing rawx htenc tvkhic vtueq tvhiz tvkhuirc shuiuz, mnoz rueq mluimc vkawc nuiyc hungc vlaungc maq mmiqsaz Israel htenc kuex Ejip mungx wawc tvdung shvlx wvnc toq.

EJEKIEL 20:33

“Ngaz kuex Johvlc Yehowa, vtvraungx Tishox rvtauk, ngvy thuinz tvkhaq vtueq nuimshiq kuex ngvy hungc vlaungc yauk, ngvy luimc vkawc lotlaz maq guimz lawc phaungx, ngoz tueq ngaz rueq nuimshiq muex tharc tvsvmz vphaungx.

Acts 13:17

Israel miqsaz htenc muex Tishox rueq naungshiq jix vwaz htenc Ejip mungx nuex wuinz waz ikhoc httax tueq nuex tsuingshiq kuex thvl vtueq, miqphvnx yunghvlc muex tvyaungc kuq tueq, luimc vkawc yunghvlc maq kvruex mungx kvwawc tvdung shvlx wvnc vtueq,

TRI CHONGKE 11:2

Yehowa rulc vdvmz nuex nuimshiq rvhumc wvnc tuit lvmz khiz tuiuz wvnc tuit shex ningkhvnc nuex, nuimshiq rueq vpiq lvmz tvluing wvnc tuit kuex majuiuc raungnuiyq rvwvl wuez shuinz. Vpiq yungx luz yaq luimc vkawc nuiyc vpiq hungc vlaungc mvrc yaq,

TRI CHONGKE 15:15

Nuimshiq kuex Ejip mungx nuex dax muex yaungx tuit wawc Yehowa nuimshiq Tishox rueq nuimshiq tvdung wvnc tueq kuex rvwvl wuez shuinz; kvkhoc rvtueq vruex nvrc kvjaz kuex majuiuc ngaz rueq nuimshiq muex kuq vphaungx.

TRI CHONGKE 26:8

Vpiq luimc vkawc httaz hvlc maq nuiyc yauk phumz raungkawx hungc maq naungshiq kuex Ejip mungx wawc palc daungc wvnc phuex. Vpiq rueq vwangc juing nuiyc vkawc yawc juing phvnx htenc kuex tvkhic vtueq miqhiz vsac thuimkux htenc kuex tvhttuiuc tueq.

TRI CHONGKE 4:23

Kvkhoc rvtueq Yehowa nuimshiq Tishox rueq taq shec tueq bomkhvrc kuex lauk gay ruiux raz tueq, vpiq rueq vtvwanc taq hup vsvmx shvmx vrvmx rulc rv-ngvlc laz guirx yaq yac yuimx kuex nauk tvhungx kaz, miqmac mac rueq honc lvmz wuez shuinz.

TRI CHONGKE 4:34

Yehowa nuimshiq Tishox rueq nuimshiq tvkoc Ejip mungx maq shuimx wvnc tueq ikhoc, vganc phvnx wawc miqsaz kuex shvlx wvnc vtueq piq miqsaz muex tvyaungc khvmc jix tishox httax tueq haz? Vpiq rueq nuimshiq muik lawc nuex luimc vkawc yunghvlc nuiyc hungc vlaungc kuex shuimx vtueq, vmac vtsac nuiyc ralx rvkhvt, vwangc juing nuiyc romzyac htenc nuiyc kvhiz juing phvnx htenc tvdung tueq.

TRI CHONGKE 5:15

Nuimshiq kuex Ejip mungx nuex dax muex yaungx wvnc tuit nuex Ngaz, Yehowa nuimshiq Tishox rueq luimc vkawc httaz hvlc maq nuimshiq tvdung shvlx wvnc phaungx kuex rvwvl wuez shuinz. Kvkhoc rvtueq Vguilc Raungnuiyq kuex phvnc tvhungx tvkoc ngaz rueq nuimshiq muex nvr vphaungx.

TRI CHONGKE 6:12

dax muex yaungx tuit Ejip mungx kvwawc tvdungc shvlc wvnc jix Yehowa kuex lauk gay muit juing honc lvmz wuez shuinz.

TRI CHONGKE 7:19

Nuimshiq miqmac rueq khiz wvnc tuit vhiz juing thuimkux htenc, vkawc yawc vwangc juing phvnx htenc, nuimshiq tvdungc shvlc lvy jix Yehowa nuimshiq Tishox luimc vkawc nuiyc vpiq yauk phumz kuex rvwvl lvp wuez shuinz. Yehowa rueq Ejip miqsaz htenc tvbac gay tueq kvkhoc, majuiuc nuimshiq hisungx vtuinx miq htenc kvmuinz tvbac gay shuex.

TRI CHONGKE 7:8

Yuq muinz Yehowa rueq nuimshiq lungwawx vtueq nuimshiq jix vwaz tamx muex bomkhvmc vkuq kuex tv-phaungx ngaungx roc ningkhvnc nuex Ejip hokhvmx waz dax muex yaungx yaq wawc vpiq hungc vlaungc maq nuimshiq kuex tvdung wvnc tueq.

TRI CHONGKE 9:29

Rvkhauk laz jungx ix ngoz ruiux yuq, mnoz luimc vkawc yunghvlc nuiyc hungc vlaungc maq Ejip mungx wawc mnoz rueq shvlx wvnc vtueq, mmiq saz shauk yaungc tvkoc mnoz rueq vthvl wvnc miq htenc juex rvtvnx,’ ngoz tueq thoz tauk.