DUNGWVNC 6:7 - Hawa Naga Bible 2001

⁷ Ngaz rueq nuimshiq kuex ngvy miqsaz muex thvl wvnc phaungx, ngaz kuex nuimshiq Tishox muex yaungx taungx. Nuimshiq kuex dax muex tvyaungc jix Ejip yauk wawc ngaz rueq tvdung wvnc ruiux yuq, ngaz kuex nuimshiq Yehowa Tishox rvtauk kuex nuimshiq rueq tuiuz wvnc wuez shuinz.

ASII LAKDAP Bible (BSI)

⁷ Ngi raq namshiq ka isenginok shaq miishe mitiija wanha. Lata Ngi ka namshiq Shiikeawe miishe mija wanha. Kiimaq namshiq raq Ngi ka Tatiwe namshiq Shiikeawe nguta misap han. Arka ümtiikiiwa Ngi raq namshiq ka Ejip mung na dikong ma jatlan kriiwa dokda wan tiikang akhing niishe misap wan han.

DUNGWVNC 6:7 Referencias Cruzadas

RAPHA HIQWA LAK 26:3

Majuiuc httax vtuiux vyuq lawx httax kuiuz, ngaz kuex mnoz rulc vdvmz httax vtueq ruimrix kuq phaungx. Vruex hong lotlaz kuex mnoz muex nuiyc msuiuz msaz htenc muex ngaz rueq kuq phaungx. M-waz Abraham muex ngaz rueq bomkhvmc kuq tauk rulc rv-ngvlc ngaz rueq ruez shaungx.

RAPHA HIQWA LAK 28:13

Kvkaq Yehowa kuex piq httoarc nuex jvp vtueq, “Ngaz kuex Abraham nuiyc Esak Yehowa Tishox rvtauk. Mnoz majuiuc woalc vtuiux baung kuex mnoz nuiyc msuiuz msaz htenc muex ngaz kuq phaungx.

1 HOKHVMX 20:28

Shvmmax washiz kuex Hokhvmx Ahab kox nuex kaz vtueq, “Yehowa rueq vkhoc jungx yaq: ‘Ngaz ngoc kuz vkanx wawc tishox vshiz rvtueq, ngoz tueq Siria miqsaz rueq ngoz yaq ningkhvnc nuex ngaz kuex Yehowa rvtauk lvmz mnoz nuiyc mmiqsaz htenc rueq tuiuz wvnc laz juing, tsuingshiq nolaungx daungx kuex taungx gay lot juing laungc kuex ngaz rueq mnoz muex kuq phaungx,’ ngoz tueq jungx yaq,” ngoz tueq.

1 HOKHVMX 8:60

Kvkhoc rvtueq Yehowa vshiz dvyx Tishox rvtueq lvmz nuiyc vganc tishox vguez lvmz kuex mungkawx miqsaz rueq tuiuz wvnc shuex.

NEHEMIA 1:10

“Yehowa lex, vruex kuex mnvrc waz, mmiqsaz shauk htenc rvtueq. Mnoz rueq Tsuinghez kuex mluimc vkawc yunghvlc nuiyc hungc vlaungc httaz hvlc maq palc wvnc toq.

Tvtsvmc 100:3

Yehowa kuex Tishox rvtueq ngoz tueq kvjungc wuez kuinz. Vpiq kuex naungshiq tvdungc sungc jix rvtueq, naungshiq muinz vpiq nuex seng yaq hez rvtiq; naungshiq kuex vpiq miqsaz htenc rvtiq, vpiq khelbuenx kung htenc rvtiq.

Tvtsvmc 81:6

“Nuimshiq ruiykhuix wawc gurc htenc kuex ngaz rueq tvsvt kuq ruiux, nuimshiq rueq lung pic juing boarx htenc kuex tvdvy gay tauk.

DUNGWVNC 13:14

Yimaq msaz rueq, yvmx ngoz tueq lac vkhoc ruez vshix ngoz tueq wiz ruiux yuq, mnoz rueq piq muex, ‘Yehowa luimc vkawc yunghvlc maq naungshiq kuex dax muex yaungx tiq Ejip mungx kvwawc tvdung shvlx wvnc phuex.

DUNGWVNC 13:3

Moshe rueq mungx miqsaz htenc muex ngoc, “Vruex raungnuiyq kuex nauk lauk kaz; nuimshiq Ejip mungx maq dax wawc dungc wvnc raungnuiyq rvtueq. Vruex raungnuiyq kuex Yehowa piq luimc vkawc yunghvlc maq nuimshiq tvdung wvnc tueq. Wisiz lomx yaq wanx kuex phuiuz mvy muq.

DUNGWVNC 14:18

Ngaz rueq tsuingshiq kuex taungx gay ningkhvnc nuex, ngaz kuex Yehowa ngoz tueq Ejip miqsaz rueq tuiuz wuez shuex,” ngoz tueq jungx tueq.

DUNGWVNC 14:4

Ngaz rueq piq khux tvtsanc kuy ningkhvnc nuex, piq rueq Israel miqsaz kuex yurc khvt shuex, kvkaq hokhvmx waz nuiyc piq nolaungx bix lotlaz kuex ngaz rueq taungx gay tauk kuex tvtsanc nganc wuez shuex. Kvkaq ngaz kuex Yehowa rvtauk kuex Ejip miqsaz rueq tuiuz wuez shuex,” ngoz tueq jungx tueq. Israel miqsaz rueq muinz vpiq rueq jungx tueq rulc rv-ngvlc kvkhoc rvwuez tueq.

DUNGWVNC 15:16

Kvruex hez kuex tawgawz vtueq hisungx wuez yaq. O Yehowa lex, tsuingshiq rueq mhungc vlaungc kuex khiz vtueq, dax yaungx yaq wawc mnoz rueq tvdung wvnc toq, mmiqsaz htenc lvy wvnc yaq nuex tsuingshiq kuex hiyaz vtueq kuiyqshuik dvyx httax tueq.

DUNGWVNC 15:2

Yehowa kuex ngvy kvwungx juing hungc vlaungc; vpiq kuex ngvy palc jix waz rvtueq. Vpiq kuex ngvy Tishox rvtueq, ngaz rueq vpiq kuex tvtsvmc shaungx, iwaz Tishox ningkhvnc nuex vpiq yungx luz yaq lvmz kuex ngaz rueq tvtsvmc shix taungx.

DUNGWVNC 16:12

“Israel miqsaz rueq ngoz yaq kuex ngaz rueq tay tauk. Tsuingshiq rueq raungyac kox nuex ngvmx kuex phauk wuez shuex, raungnvp nuex wanx kuex roc shuex tanc khvnc lvp shuex. Kvkaq tsuingshiq rueq ngaz Yehowa tsuingshiq Tishox rvtauk lvmz tuiuz wuez shuex,” ngoz tueq jungx tueq.

DUNGWVNC 16:6

Kvkhoc rvtueq Moshe nuiyc Arun rueq Israel miqsaz lotlaz muex ngoc, “Nuimshiq kuex Ejip mungx wawc tvdungc shvlc lvy jix waz kuex Yehowa rvtueq lvmz nuimshiq rueq majuiuc raungyac tuiuz shuinx.

DUNGWVNC 2:11

Moshe kuex peluz wvnc vtueq piq phvnx vmaq Hebre miqsaz kox nuex khuemx shamx guilc kaz tueq, tsuingshiq rueq yauk shuimc gvrc hvlc hunnyex shuimx yaq kuex piq rueq khiz tueq. Ejip miq washiz rueq piq phvnx Hebre miqsaz washiz wungthvt yaq kuex khiz tueq.

DUNGWVNC 6:6

Kvkhoc rvtueq Israel miqsaz muex vkhoc jungx kuq shuiuz, ‘Ngaz kuex Yehowa rvtauk; Ejip miqsaz kox nuex dax muex yaungx vtuinx kvwawc ngaz rueq nuimshiq kuex tvdung wvnc phaungx. Ngvy yauk phumz hungc vlaungc tvlanc vtueq, tsuingshiq htauk nuex vhiz juing murx tvgurc ruiux, nuimshiq kuex palc wvnc phaungx.

DUNGWVNC 7:17

Taungjix hokhvmx waz lex, Yehowa rueq ngoc ngaz Yehowa rvtauk lvmz mnoz rueq yvmx khoc maq tuiuz juing lac ngoz ruiux lec, majuiuc ngaz rueq shuimx shaungx vruex maq tuiuz lvp shuiux. Ngaz rueq ngvlhtulc maq yuix ruilx kuex wung ruiux yuq, yuix kuex tvguiy muex yaungx wvnc tuex.

ISAIA 41:20

Miq htenc rueq vruex khiz ruiux yuq Ngaz, Yehowa rueq shuimx wvnc tauk kuex tuiuz wvnc wuez shuex. Tsuingshiq kuex Israel muex vsawc Tishox rueq kvruex tvhungx tvyaungx wvnc tueq lvmz tuiuz tay wvnc shuex.”

ISAIA 49:23

Hokhvmx bix kuex mnoz tvkoc vwaz tamx muex yaungx tuex; hokhvmx nyuiuz rulx kuex vnyuiuz tamx muex yaungx tuex. Tsuingshiq kuex mkhaungkac nuex bumx vtueq mnoz muex tvtsanc nganc shuex; tsuingshiq gvnz tvyomx vtueq mnoz muex tvtsanc nganc shuex. Kvkaq tsuingshiq rueq ngaz Yehowa rvtauk kuex tuiuz wuez shuex; ngaz rueq romc kuy tvkoc bvmc jix kuex washiz muinz thuinbac tuex rvmuq,” ngoz tueq.

ISAIA 49:26

Ngaz rueq mnoz guirguenc jix kuex vdvmz dvmz tvthvt gay shaungx; tsuingshiq kuex nuingx pawx vtueq miq thvy nuiyc thuinkhvy phuk wuez tuex. Kvkaq ngaz kuex nuimshiq palc daungc wvnc jix, Yehowa rvtauk kuex miq lotlaz rueq tuiuz wuez shuex. Ngaz kuex Israel muex luimc vkawc yunghvlc Tishox rvtauk kuex tsuingshiq rueq tuiuz wuez shuex,” ngoz tueq.

ISAIA 51:15

“Ngaz kuex Yehowa nuimshiq Tishox rvtauk; Ngaz rueq svmuktvrax kuex tvbvruik vtueq yuix daungx tvruingc tvdung tauk. Ngvy muingc kuex Tvphaungc Tvsuip Yehowa rvtauk!

ISAIA 60:16

Vnyuiuz rueq vsaz muex puix tvnuingc tsvp kvp yaq ikhoc Miq phvnx htenc hokhvmx bix rueq mnoz muex lawc mawc kv-phux. Ngaz, Yehowa rueq mnoz palc wvnc tauk lvmx muinz, Israel lotlaungc Tishox rueq mnoz kuex dax rullungx wawc tvdung wvnc tueq lvmz muinz mnoz rueq tuiuz wvnc shuiux.

ISAIA 63:8

Yehowa rueq, “Tsuingshiq kuex ngvy miqsaz htenc rvtueq; tsuingshiq rueq ngaz muex laulawc phuex rvmuq,” ngoz tueq. Kvkhoc rvtueq vpiq rueq tsuingshiq kuex

JEREMIA 31:33

Israel miqsaz rulc taq shaungx bomkhvrc vnyalx kuex vkhoc rvtueq: Ngaz rueq tsuingshiq nyuing nuex ngvy tvrac kuex taq vtueq kvruex tsuingshiq thuinz vmungx nuex wuiyq taq shec shaungx. Ngaz kuex tsuingshiq Tishox muex yaungx ruiux tsuingshiq kuex ngvy miqsaz muex yaungx tuex.

EJEKIEL 20:19

Ngaz kuex Yehowa nuimshiq Tishox rvtauk. Ngvy tvrac htenc nuiyc ngaz rueq nvr phaungx kuex phvnx shuinz.

Hosea 1:10

Israel miqsaz kuex svmuktvrax wawc kumtsvy ikhoc vwvlc vhtaz lot miq laz juing paung wvnc tuex. Majuiuc Tishox rueq tsuingshiq muex jungx tueq, “Nuimshiq kuex ngvy miqsaz rvmuq,” yuq muinz kvruex raungnuiyq httuiuc wvnc tuex nuex vpiq rueq tsuingshiq muex jungx shuex, “Nuimshiq kuex vtvraungx httax yaq Tishox suiuz vsaz hez rvtuit!” ngoz tueq ngoz shuex.

LEWI 11:44

Ngaz kuex Yehowa nuimshiq Tishox rvtauk, nuimshiq shauk pumz kuex vsawc taq shuinz, yvmx khoc lac ngoz ruiux lec ngaz kuex vsawc rvtauk.

LEWI 11:45

Ngaz kuex Yehowa rvtauk, Ejip mungx wawc nuimshiq tvdungc shvlc wvnc jix nuimshiq Tishox rvtauk. Nuimshiq vsawc yaungc rax, yvmx khoc lac ngoz ruiux lec ngaz kuex vsawc rvtauk.

JEKERIA 13:9

Ngaz rueq tvraungx kvjungx yaq mvnshiz kuex wvr maq tvsawc shix kuimphox ikhoc tsuingshiq kuex tvsawc vtueq talx lawc shaungx. Ngaz rueq kuimshawx talx lawc shix ikhoc tsuingshiq kuex talx lawc shaungx. Kvkaq tsuingshiq rueq ngvy kox wawc thoz ruiux yuq ngaz rueq tsuingshiq muex tvralc shaungx. Tsuingshiq kuex ngvy miqsaz rvtueq lvmz ngaz rueq tsuingshiq muex jungx shaungx, ngaz kuex tsuingshiq Tishox rvtauk lvmz tsuingshiq kvjungc wuez tuex,” ngoz tueq jungx tueq.

WEAWEA 15:41

Ngaz kuex Yehowa nuimshiq Tishox rvtauk; ngaz kuex nuimshiq Tishox yaungc muex nuimshiq kuex Ejip mungx wawc tvdung shvlx laq phaungx. Ngaz kuex Yehowa rvtauk,” ngoz tueq jungx tueq.

Matthew 22:32

‘Ngaz kuex Abraham Tishox, Esak Tishox, Yaku Tishox rvtauk,’ ngoz tueq jungx tueq.”

Romans 8:31

Kvkhoc ngoz ruiux kuex vtanc khvnc maq lawc vtueq naungshiq rueq yvmx jungc lot juing lac? Tishox kuex naungshiq kox nuex httax ruiux yuq, uraq lac naungshiq kuex khawx lvlx gay lot phvnx?

TRI CHONGKE 14:2

Yehowa rueq ghaq htauk nuex httax yaq miqphvnx htenc wawc nuimshiq kuex vpiq miqsaz muex thvl wvnc tueq ningkhvnc nuex nuimshiq kuex Yehowa nuimshiq Tishox rueq guimz yaq.

TRI CHONGKE 26:18

Vpiq rueq nuimshiq muex bomkhvmc taq rulc rv-ngvlc, vsawc miqsaz tvyaungc tvkoc muinz, vpiq rueq nuimshiq muex nvr yaq tvrac lotlaz kuex phvnc tvkoc muinz Yehowa rueq nuimshiq kuex majuiuc raungnuiyq lvp lvmz wvnc tueq shex.

TRI CHONGKE 29:12

Yehowa nuimshiq Tishox rulc nuimshiq rueq tvhungx wvnc tuit vruex bomkhvrc nuiyc kvruex yauk shuimc htenc kuex lvp wvnc tvkoc majuiuc raungnuiyq phvnc tvhungx wvnc shuinz.

TRI CHONGKE 29:13

Kvkhoc rvtueq nuimshiq jix vwaz tamx rvtueq Abraham, Esak, Yaku muex vpiq rueq bomkhvmc kuq shec tueq rulc rv-ngvlc, vpiq miqsaz tvyaungc tvkoc nuiyc nuimshiq muex Tishox yaungc tvkoc Yehowa rueq majuiuc nuimshiq kuex tv-phaungx ngaungx shec tueq.

TRI CHONGKE 29:5

Yehowa rueq nuimshiq kuex kumtsvy tvnx lvmx maq raungwawc rok bvlic tup shvlx wvnc tueq nuex, nuimshiq khoz vkhvy nuiyc yapaungc htenc kuex mkaq muinz jez muq, sung muq.

TRI CHONGKE 4:20

Yuq muinz nuimshiq kuex wvrkez kalc ikhoc kalx yaq Ejip mungx wawc Yehowa rueq vtvdung shvlx wvnc miqphvnx rvtuit. Vpiq miqsaz muex tvyaungc tvkoc nuimshiq kuex tvdung shvlx wvnc tueq, kvkhoc rvtueq nuimshiq kuex vpiq miqsaz ngoz tueq majuiuc raungnuiyq jvp wuez vtuinx.

TRI CHONGKE 7:6

Yvmx khoc lac ngoz ruiux lec Yehowa nuimshiq Tishox rueq nuimshiq kuex guimz yaq ningkhvnc nuex vkhoc shuimc rax. Ghaq htauk nuex httax yaq miqsaz htenc wawc nuimshiq kuex htep vpiq miqsaz muex thvl wvnc tueq.

Hebrews 11:16

Yuq muinz tsuingshiq rueq kvruex mungx htauk nuex muinz vhvlx raungx mungtan kuex rvnphvnx wuez yaq. Kvkhoc rvtueq Tishox kuex tsuingshiq Tishox ngoz tueq gvl yaq kvmac yvlc sac muq, yvmx khoc lac ngoz ruiux lec vpiq rueq tsuingshiq httaz juing ghaqyungx vshiz tvhungx shec tueq.

1 Peter 2:10

Nuimshiq kuex mvnnuex laukshiz Tishox miqsaz htenc rvmuit, yuq muinz majuiuc kuex vpiq miqsaz htenc shex rvtuit, mvnnuex laukshiz nuimshiq kuex Tishox menjenc kuex tuiuz wvnc muit, yuq muinz majuiuc kuex vpiq menjenc lvp wvnc tuit.

Revelation 21:3

Ngaz rueq hoc daungraungc maq jungx yaq kvjaz yunghvlc vshiz tay tauk kuex: “Majuiuc Tishox kuex miqsaz rulc vdvmz nuex httax yaq! Vpiq kuex tsuingshiq rulc vdvmz nuex httax tuex, tsuingshiq kuex vpiq miqsaz muex yaungx wuez tuex. Tishox vpiq shauk pumz kuex tsuingshiq rulc vdvmz nuex httax vtueq vpiq kuex tsuingshiq Tishox muex yaungx tuex.

Revelation 21:7

Taungx wvnc lvp jix waz rueq vruex bomkhvmc rulc rv-ngvlc lvp wvnc vtueq, ngaz kuex piq Tishox muex yaungx taungx, nuiyc piq kuex Isaz muex yaungx tuex.