DUNGWVNC 6:7 - ASII LAKDAP Bible (BSI)

⁷ Ngi raq namshiq ka isenginok shaq miishe mitiija wanha. Lata Ngi ka namshiq Shiikeawe miishe mija wanha. Kiimaq namshiq raq Ngi ka Tatiwe namshiq Shiikeawe nguta misap han. Arka ümtiikiiwa Ngi raq namshiq ka Ejip mung na dikong ma jatlan kriiwa dokda wan tiikang akhing niishe misap wan han.

Hawa Naga Bible 2001

⁷ Ngaz rueq nuimshiq kuex ngvy miqsaz muex thvl wvnc phaungx, ngaz kuex nuimshiq Tishox muex yaungx taungx. Nuimshiq kuex dax muex tvyaungc jix Ejip yauk wawc ngaz rueq tvdung wvnc ruiux yuq, ngaz kuex nuimshiq Yehowa Tishox rvtauk kuex nuimshiq rueq tuiuz wvnc wuez shuinz.

DUNGWVNC 6:7 Referencias Cruzadas

RAPHA HIQWA LAK 26:3

Arjaq shonglaq. Kiimaq Ngi ka ümniirai misi kang. Kiimaq ümniika mishman kuq kang. Ngi raq armung thun tlotli ka ümniima mikuqha kiimaq ümsaü ümsetiim ma mikuq kang. Ngi raq ümwe Abraham ma kiqkham raüpot khakuq kang kra mitiikuha.

RAPHA HIQWA LAK 28:13

Kiimaq Tatiwe ka apaiq tho na achap raü chhito. Kiimaq apaiq raq nguto, “Ngi ka Tatiwe, Abraham Shiikeawe kiimaq Isak Shiikeawe. Ngi raq ara ümnaq kon rai tlaü mung arka ümniima kiimaq ümsaü ümsetiim ma mikuqha.

1 HOKHVMX 20:28

Shammiwe ashi ka Hokhamwe Ahab phana wato. Raüta akha nguto, “Tatiwe raq akha ngutlo: ‘Sirianok raq Ngi ka pum na siti phrakaü, hiq thung na siti phrakaü riimak. Arningkhan Ngi raq ümniima Sirianok phenlabi pahea ra ma hiq ma kra ümniima mitiitang kuqha. Krai mren ümniiraq nai ümsenginok raq Ngi ardea Tatiwe nguta misap han.’”

1 HOKHVMX 8:60

Krai mren, mangjong hiq na maiqmung thun sitlaq tlotli raq, Tatiwe apaiq kli dea Shiikeawe ka ngutiishe misap wan. Apaiq ka tlea raüta shiikea ahin ka ahüshe.

NEHEMIA 1:10

“Riita, Tatiwe lei, tsangshiq ka ümsengi, kiimaq ümjaqshise kong. Ümningkun ajong nai aheng maq tsangshiq ka dokda wan laü.

Tvtsvmc 100:3

Saprong laq Tatiwe kiidea nashiq Shiikeawe. Apaiq ka nashiq tiiqti, kiimaq nashiq ka apaiq rii; nashiq ka apaiq sengi, nashiq ka askusekong.

Tvtsvmc 81:6

“Ngi raq namraikhü wa homa laihea dobaiqkang; ngi raq namraikhü wa kiitelong homa lambaiqkang.

DUNGWVNC 13:14

Rawiichii pat na ümse maiqwese raq ara poi lang tiikai arka jamlai liichum wiinya nguta wai raüla, ümniiraq apaiq ma akha bom ka mitre haü, ‘Tatiwe raq apaiq ningkun jonghea wokhong maq, nashiq ka Ejip mung na maiq dikong sikai kriiwa ana tsuq wanto.

DUNGWVNC 13:3

Mosheq raq mungmaiqse ma nguto, “Ümchaü ranaiq ara tsan na tiitsang ronglaq. Namshiq ka Ejip mung wa laü wan lan ranaiq kra. Namshiq ka maiq dikong ma jalanta silan mung kra. Ara ümchaü ranaiq akhing na Tatiwe raq apaiq ningkun jonghea wokhong maq namshiq ka tsuq wanto. Ümchaü ranaiq akhing na Pi maq shoje winsii phaq maimak.

DUNGWVNC 14:18

Riita ümtiikiiwa Ngi raq tsangshiq ka khat lata mitangha, kiitiikaq Ejip mungti raq Ngi ardea Tatiwe nguta misap.”

DUNGWVNC 14:4

Ngi raq apaiq ka wanshak shak mitiitsin baiqha. Kiimaq apaiq raq namshiq ka mijoho. Kiimaq Ngi raq hokhamwe nai asengi phen phung khat lata mitangha. Kra lümaq ikhushü ka mitiijong. Kiijiishetiq Ejip mungti raq Ngi ka Tatiwe ngutiishe misap wan.” Tsangshiq ma chongkuqtaq kra phan phan Israilnok raq kloto.

DUNGWVNC 15:16

Aphiip ajiip kiinyii wanto. Tsangshiq raq ümningkun jong chhito, Tatiwe lei, raüta haisitsi ma tsaihü jihü ngatlo ümsenginok milea wan shaq wiiwii, ümniiraq dikong wa adokda wan nok kra.

DUNGWVNC 15:2

Tatiwe ka ningkun aheng ngi tiiwongti; apaiq raq ngi khupwongto. Apaiq ka ngi Shiikeawe, kiimaq ngi raq apaiq mitiitsamha, iwe ma Shiikeawe, kiimaq ngi raq apaiq jonglu mishiha.

DUNGWVNC 16:12

“Israilnok bot-nyantrang ka Ngi raq taikang she. Tsangshiq ma chonglaq raji raban raprap na tsangshiq raq ngam aphaq chang milap. Kiimaq ranap na tsangshiq raq aphaq asea lot mak winsii ka milap. Kiijiishetiq tsangshiq raq Ngi, Tatiwe ardea tsangshiq Shiikeawe ngutiishe misap wan.”

DUNGWVNC 16:6

Krai mren Mosheq nai Aron raq Israilnok tlotli ma akha chongto, “Athi raji namshiq ka Ejip mungwa ana shea wanti ka Tatiwe dea nguta misap han.

DUNGWVNC 2:11

Ümtiikiiwa Mosheq ka maiqla she riitaq, apaiq ka maiqmiinok ahiq Hibrunok rai riihumkai kihoto. Tsangshiq nok ka ningkun maq shiitep raüta jaqsham henghea tiishamtlaq kra apaiq raq chhito. Kiimaq apaiq raq Ejipnok maiq weshi raq Hibruwe, Mosheq apaiq kra nok phan maiq weshi tseabaiq kra chhito.

DUNGWVNC 6:6

Kra ningkhan Israilnok ma Ngi raq tsangshiq ma akha chongtiikang nguta chongkuqlaq, ‘Ngi ka Tatiwe; Ngi raq namshiq ka midok dawanha. Lata namshiq ka Ejipnok dikong sitlan kiiwa wasetiim miishe mitiija wanha. Ngi raq ijaq phum aheng honghea pinthum ara tsangshiq khuthaq niishe midoha. Lata phiiptsi chang chamchao mo ka tsangshiq ma mitiihoha. Lata Ngi raq namshiq ka mitiichhii kuqha.

DUNGWVNC 7:17

Chaü lei, ümchaü, Tatiwe raq ümniima ngutlo, apaiq ka juwa kra ümniiraq apaiq jaqsham kra chhi laütiishetiq misap haü nguta chongtlo. Liilaq, ümchaü ngi raq jurai wa kham ka ara nyeakii armaq mitsat-ha, kiimaq jürai wa kham ka tiijai ma mijaki.

ISAIA 41:20

Maiqse raq arthun ara michhi, raüta arka Ngi Tatiwe raq kloto nguta misap. Tsangshiq raq mitak wan arthun arka Israilnok asii Shiikeawe riidea kloto nguta misap wan.”

ISAIA 49:23

Hokhambi ka ümniima awe ma mija wan; hokham nyungre ka ümniima anyung re ma mija wan. Tsangshiq ka ümkhaki na hiq na bum raüta ümnaq minoq; tsangshiq ka aransetiim ja raüta ümniima shreng manto mikuq. Kiijiishetiq ümniiraq Ngi ardea Tatiwe nguta misaphaü; ijaq wa khrum jaü khetiti ka ju min jaqmii tiijangbaiq mak miraq.”

ISAIA 49:26

Ngi raq ümnaq tlitkotti ka tsangshiq liipan na mitriijiipbaiqha; Tsangshiq ka riitsea riita tsankhiq watrangli miraq. Kiijiishetiq maiqse angu tarü raq Ngi ardea Tatiwe nguta misap, ümnaq chhiiti kiimaq ümniika wase ma tiijati. Tsangshiq raq Ngi ka Israilnok Shiikeawe ningkun ajong riimti nguta misap wan.”

ISAIA 51:15

“Ngi ka Tatiwe, üm Shiikeawe; Ngi raq khamjong chum ka shotshaqshaq tiibrak tiikang, lata atso jonghea tiimok tiikang. Imang ka Ajong Thaq Ajong Tatiwe!

ISAIA 60:16

Maiq mung thun nai hokhambi raq ümniika mishli, Anyung raq ase noshiise shiilitlaq ikha. Ümniiraq misap haü, Ngi, Tatiwe riidea ümniika tiichhiikuq kang nguta misap haü, Ajong pinthum Israilnok Shiikeawe raq ümniika wase ma tiijato nguta misap haü.

ISAIA 63:8

Tatiwe raq nguto, “Tsangshiq ka isenginok. Tsangshiq raq Ngi laomak she miraq.” Kiimaq apaiq raq tsangshiq ka chhiikuqto.

JEREMIA 31:33

Ngi raq Israilnok rai tongshong anye shong tiikang kriika, akhiishe miraq: Ngi raq itri raütu ka tsangshiq khum niishe mithüha kiimaq tsangshiq mongjii na miwaiq kuqha. Ngi ka tsangshiq Shiikeawe miraq. Kiimaq tsangshiq ka isengi miraq.

EJEKIEL 20:19

Ngi ka Tatiwe namshiq Shiikeawe. Ngi raq akuqha thungtri raütu kra lang ronglaq. Kiimaq Ngi raq akuqha aming raütu thun kra lang ronglaq.

Hosea 1:10

Israilnok ka puchi wan raüta khamjong phii na kumtsai riiphong tlaq ikha miraq. Awealot chang riimak miraq. Riita ümchaü ka Shiikeawe raq tsangshiq ma, “Namshiq ka isengi riimak” nguta ngutlo. Shatmaq akhing ashi misaü wan, “Namshiq ka atra Shiikeawe setiim!” nguta apaiq raq tsangshiq ka mihea wan.

LEWI 11:44

Ngi ka Tatiwe namshiq Shiikeawe. Krai mren namshiq raq maiqmii khum ka asii thü raa dongdii. Jamkhano ngukla Ngi ka asii.

LEWI 11:45

Ngi ka Tatiwe namshiq ka Ejip mung wa shea wanti. Kriika Ngi ka namshiq Shiikeawe ma ja miitu shea wan kang. Namshiq ka asii siraa dongdii. Jamkhano ngukla Ngi ka asii.

JEKERIA 13:9

Kiimaq ngi raq mantsam wa manshi tiichong tlaq kra, wa mong maq mitleaha, lata kampho ikha wa na michenha. Chaq chentlaq ikha tsangshiq ka michenha. Kiijiishe tsangshiq raq, ijaq wa achu mijaü. Kiimaq ngi riimin mitreha, Ngi raq, ‘Tsangshiq ka isengi,’ nguta minguha, Kiimaq tsangshiq raq mingu, Tatiwe ka nashiq Shiikeawe.”

WEAWEA 15:41

Ngi ka Tatiwe namshiq Shiikeawe. Ngi raq namshiq ka Ejip mung wa tsuq wan kang. Arka Ngi ka namshiq Shiikeawe ma jawan miitu tsuq wan kang. Ngi ka Tatiwe.”

Matthew 22:32

‘Ngi ka Abraham Shiikeawe, Isak Shiikeawe kiimaq Jakob Shiikeawe.’ Krai mren, Apaiq ka maiqse amati sitlaq kra Shiikeawe ka riimak. Maiq atrati siwan tlaq kra Shiikeawe.”

Romans 8:31

Riita, arthun chong wan kai arthaq na seng laita, nashiq raq jamlai she wa mingu rong i? Nashiq raq ong wan tiikai arka achong lot mai pahea she sitlo! Shiikeawe ri nashiq rai she jiika, nashiq ngeng wanti ka jushe wa misi? Ahü she!

TRI CHONGKE 14:2

Namshiq ka Tatiwe namshiq Shiikeawe rii. Apaiq raq namshiq ka mangjong hiq raikhü na maiq phan ümchuwa sitlaq kra phong wa namshiq ka asengi ma nguta tsea wanto.

TRI CHONGKE 26:18

Ümchaü ranaiq Tatiwe raq ümniika apaiq raq kiq kham kuqtaq kra phan phan asenginok she nguta, awura maq tiiham wanto. Kiimaq apaiq raq ümnii ma apaiq tri raütu thun ka kun kun langlaq nguta aming kuqtlo.

TRI CHONGKE 29:12

Ümchaü ranaiq namshiq ka arjaq Tatiwe nam Shiikeawe raq namshiq rai tongshong wantlaq kra phum ram kham maq tiibok wan miitu riitam tlan. Lanta namshiq kra tongshong bom kham raütu thun kra tao wan miitu chap tlan. Kiimaq kra kiqkham bomtsi kra milang hai nguta sinkham wan tlan.

TRI CHONGKE 29:13

Krai mren ümchaü sanha Tatiwe raq namshiq ka apaiq sengi she dea nguta mirai riiwan. Kiimaq apaiq ka namshiq Shiikeawe miishe mija wan. Arka namshiq ma jamkho kiq kham kuqtaq, kiimaq namtitiim Abraham, Isak, kiimaq Jakob ma kiq kham kuqtaq kra phan phan she apaiq raq kiqkham bomtsi ka pharang rang she mikha kuq wan.

TRI CHONGKE 29:5

Tatiwe raq namshiq ka kumtsaiphii bintang jüngi mung maq shun shea wanto. Shatmaq namshiq dü na asamhan khu akhea thun nai hok na patlan sandal thun ka chüki mak dea.

TRI CHONGKE 4:20

Shatmaq namshiq ka Ejip mung na watum nyairaitlaq kra mong wa apaiq raq achhii wannok. Apaiq raq namshiq ka ümchaü jamkho apaiq sengi ma jalanta sitlan, kra miitu shun shea wanto.

TRI CHONGKE 7:6

Namshiq raq akha shiithenbaiq ratlo. Jamkhano ngukla namshiq ka Tatiwe namshiq Shiikeawe rii she sitlan. Mangjong hiq raikhü tlotli na maiq phan sitlaq kiiwa apaiq raq namshiq kli apaiq sengi ma nguta dadüdü atiitsang raüta tseatsiiq wanto.

Hebrews 11:16

Kra rii na, tsangshiq ka ramungtan na tsangshiq miitu hiqshong rahai, athuk atsom thü tlaq kiijaq saü tlo hai jiilei nguta maklii khamthii maq siwanto. Krai mren, Shiikeawe raq tsangshiq ka apaiq sengibi ma tiija wan dam miitu Shiikeawe ka jeasi mak. Kiimaq krai mren, Shiikeawe raq tsangshiq miitu tsangshiq siwan chang hiqshong rahai chela ashi tei kuqto.

1 Peter 2:10

Man na akhing ashi na, namshiq ka Shiikeawe sengi ka riiman. Shatmaq, ümchaü sanha, namshiq ka apaiq sengi she jawan lan. Man na akhing ashi na, namshiq ka Shiikeawe kaphap mangchan, namshiq ma thü tlaq kriika sap man riilan. Shatmaq, ümchaü ka, namshiq apaiq kaphap wokhong mong niishe nyap wan lan. Apaiq raq namshiq tsea wantaq arka, apaiq raq awang chang tiichhii wan jaqsham wantaq, kra nanok ma chongke wan miitu she tseatsiiq wanto.

Revelation 21:3

Ngi raq hokham ngachang ngacho maq tiihong raüta abom, maiq bom ashi akha taikang, “Ümchaü Shiikeawe jam ka maiqse rai she! Apaiq ka tsangshiq raishe misi. Kiimaq tsangshiq ka apaiq sengi she miraq. Shiikeawe apaiq ka tsangshiq rai nong nong she misi wan dam. Kiimaq apaiq ka tsangshiq Shiikeawe miraq.

Revelation 21:7

Jurwa rekhat tang tlaq kriiti raq i jaq wa ara milap: Ngi ka apaiq Shiikeawe miraq. Kiimaq apaiq ka i se miraq.