DUNGWVNC 6:8 - Hawa Naga Bible 2001

⁸ Abraham, Esak, Yaku hez muex kuq phaungx ngoz tueq ngaz rueq khvmc kuq tauk mungx kvyuq nuimshiq kuex tvhttuiuc phaungx; ngaz rueq kvruex mungx kuex nuimshiq muex kuy tvlanc kuq phaungx. Ngaz kuex Yehowa rvtauk,’ ngoz tueq jungx shuiuz,” ngoz tueq.

ASII LAKDAP Bible (BSI)

⁸ Ngi raq namshiq ka Ngi raq sinkham ramkham tiibok lata, Abraham ma, Isak ma, kiimaq Jakob ma armung ara mikuq kang nguta kiqkham kuq kang, kra mung kiiniishe namshiq ka mishea wan kang. Kiimaq Ngi raq kra mung ka namshiq ma tachong hupsam miitu she mikuq kang. Ngi ka Tatiwe.’”

DUNGWVNC 6:8 Referencias Cruzadas

RAPHA HIQWA LAK 14:22

Abram rueq, “Raungx nuiyc ghaq tvdungc jix Waz, Johvlc Pinhtumc Yehowa Tishox khaungkac nuex ngvy yauk tenz vtueq kvtuemc vtaungx,

RAPHA HIQWA LAK 15:18

Kvruex yimaq Yehowa rueq Abram rulc bomkhvrc taq tueq. Vpiq rueq, “Ejip mungx ghaqruiy maq Euphrat ruilx nuex httuiuc laz,

RAPHA HIQWA LAK 26:3

Majuiuc httax vtuiux vyuq lawx httax kuiuz, ngaz kuex mnoz rulc vdvmz httax vtueq ruimrix kuq phaungx. Vruex hong lotlaz kuex mnoz muex nuiyc msuiuz msaz htenc muex ngaz rueq kuq phaungx. M-waz Abraham muex ngaz rueq bomkhvmc kuq tauk rulc rv-ngvlc ngaz rueq ruez shaungx.

RAPHA HIQWA LAK 28:13

Kvkaq Yehowa kuex piq httoarc nuex jvp vtueq, “Ngaz kuex Abraham nuiyc Esak Yehowa Tishox rvtauk. Mnoz majuiuc woalc vtuiux baung kuex mnoz nuiyc msuiuz msaz htenc muex ngaz kuq phaungx.

RAPHA HIQWA LAK 35:12

Ngaz rueq Abraham nuiyc Esak muex kuq tauk mungtan kuex mnoz muex muinz, msuiuz msaz phvnx muex muinz kuq phaungx,” ngoz tueq jungx tueq.

NEHEMIA 9:15

“Tsuingshiq rvmc svy rvhumc wuez tueq nuex, mnoz rueq raungmungx wawc phuiuz vsvy kuq toq, tsuingshiq khvmx sac kv-phux lung rauk wawc yuix kuq toq. Mnoz rueq kuq phaungx ngoz tueq bomkhvmc taq toq mungx kuex lvp wvnc tvkoc tsuingshiq muex nvr toq.

DUNGWVNC 13:5

Yehowa rueq nuimshiq jix vwaz tamx muex kvtuemc khvmc kuq tueq Kanaan, Hitti, Amori, Hiwi nuiyc Jebusi miqsaz htenc httax yaq mungx kuex nuimshiq muex kuq phaungx ngoz tueq. Vpiq rueq tvkaz vtueq puix nuiyc nyaq ngurx dung yaq mungx nuex nuimshiq httuiuc kaz ruiux yuq, wawc tek vphaungc yapix nuex vkhoc moalx kuex moalx wuez shuinz.

DUNGWVNC 32:13

Mnvrc waz hez Abraham, Esak nuiyc Yaku kuex rvwvl tvmaung shuiuz. Mnoz rueq tsuingshiq suiuz vsaz htenc kuex raungwawc ruiysuiyq ikhoc tvpux paung shuiux lvmz nuiyc mnoz rueq tuemc khvmc kuq toq mungx htenc kuex tsuingshiq suiuz vsaz htenc rueq pattup lvp wvnc tvkoc bomkhvmc vkuq kuex rvwvl tvmaung shuiuz,” ngoz tueq thoz tueq.

DUNGWVNC 6:2

Tishox rueq Moshe muex ngoc, “Ngaz kuex Yehowa rvtauk.

DUNGWVNC 6:4

Kvdvyx rvmuq tsuingshiq kuex wuinz waz ikhoc dvyx httax wvnc tueq Kanaan mungx kuex tsuingshiq muex kuq phaungx ngoz tueq, ngaz rueq tsuingshiq rulc bomkhvrc taq tauk.

DUNGWVNC 6:6

Kvkhoc rvtueq Israel miqsaz muex vkhoc jungx kuq shuiuz, ‘Ngaz kuex Yehowa rvtauk; Ejip miqsaz kox nuex dax muex yaungx vtuinx kvwawc ngaz rueq nuimshiq kuex tvdung wvnc phaungx. Ngvy yauk phumz hungc vlaungc tvlanc vtueq, tsuingshiq htauk nuex vhiz juing murx tvgurc ruiux, nuimshiq kuex palc wvnc phaungx.

EJEKIEL 20:15

Kvkhoc rvtueq tsuingshiq tvkoc ngoz tueq ngaz rueq kuq tauk, lotlaz htauk nuex vhvlx pinhtumc ghaq vraungx, puix nuiyc nyaq ngurx svrc yaq mungtan nuex tsuingshiq kuex shvlx wvnc mauk ngoz tueq ngaz rueq kumtsvy tvnx maq bomkhvmc tvhungx taq tauk.

EJEKIEL 20:23

Kvkhoc rvtueq ngaz rueq kumtsvy tvnx maq bomkhvmc vganc tvhungx taq tauk. Tsuinghez kuex mungkawx lotlaz nuex tvpanc nyanc gay shaungx ngoz tueq tuemc taq shec tauk.

EJEKIEL 20:28

Tsuingshiq muex kuq phaungx ngoz tueq bomkhvmc taq tauk mungtan nuex tsuingshiq kuex shvlx wvnc tauk. Tsuingshiq rueq johvlc ghaqluimx htenc nuiyc wuiljuit wuiljaungx pulx htenc kuex khiz vtueq, kvruex htenc lotlaz nuex shomc nawk kuy juing shomc kuq tueq. Tsuingshiq rueq kvruex yuq vhomc vtumc phvnx jauk shomc nawk kuy nuiyc svpiq tix shvy vtueq shomc kuy ningkhvnc nuex ngvy thuinz tvkhaq phuex.

EJEKIEL 20:42

Nuimshiq jix vwaz tamx muex kuq shaungx ngoz tueq ngaz rueq bomkhvmc taq tauk Israel mungx nuex nuimshiq kuex shvlx wvnc yek ruiux yuq, ngaz Yehowa rvtauk kuex nuimshiq rueq tuiuz wvnc shuinx.

EJEKIEL 36:7

Ngaz, Johvlc Yehowa rueq tvroz wawc miqphvnx htenc yvlc svy nguiuc shuex lvmz bomkhvmc maq tuemc vshaungx.

EJEKIEL 47:14

Ngaz rueq nuimshiq jix vwaz tamx muex bomkhvmc tuemc kuq tauk rulc rv-ngvlc, vruex mungtan kuex tsuingshiq muex kuq tauk, majuiuc kuex nuimshiq rueq phvlc rv-ngvlc phok rv-phvlc wuez kuinz.

WEAWEA 10:29

Moshe rueq Midian phvnx Jethro saz vguz Hobab muex ngoc, “Yehowa rueq nuiyshiq muex kuq phaungx ngoz tueq mungx nuex nuiyshiq majuiuc kaz vtix. Piq rueq Israel miqsaz muex tvrungx wanx kuq phaungx ngoz tueq bomkhvmc httax yaq ningkhvnc nuex nuiyshiq rulc vdvmz kaz naungx loq, mnoz rueq muinz nuiyshiq rulc rv-ngvlc lvp luz shuiux,” ngoz tueq jungx tueq.

WEAWEA 11:12

Tsuinghez kuex ngvy wuk nuex gurx vtueq vjawx hez haz rvtvnx! Mnoz rueq tsuingshiq jix vwaz muex kuq phaungx ngoz tueq bomkhvmc taq toq mungx nuex kay juing lvmx wvlex nuex nox tvguilc jix waz rueq ikhoc, yvmx rvtueq lac ngaz rueq tsuinghez kuex tenpix vshaungx nguinx?

WEAWEA 14:30

Nuimshiq kuex tvhttax phaungx ngoz tueq bomkhvmc vtaq mungx kvyuq Kaleb nuiyc Yoshua maq lvy vtueq ukhaq muinz nyuip lvp muit.

WEAWEA 23:19

Tishox kuex miqsaz ikhoc vrot vkaq kvjak muq; Miqsaz ikhoc thuinz kvlec lauz muq. Bomkhvmc rulc rv-ngvlc shuimx yaq; Jungx shuex rulc rv-ngvlc yaungx woz yaq.

TRI CHONGKE 32:40

Ngaz kuex vsuingc suing tvraungx Tishox rvtauk rulc rv-ngvlc, ngvy yauk kuex tenz vtueq tuemc ruiux,

TRI CHONGKE 4:31

Vpiq kuex menjenc kuq yaq Tishox rvtueq. Vpiq rueq nuimshiq kuex tvbac gay muq, tuip gay muq, vpiq pumz maq nuimshiq jix vwaz tamx rulc vtaq bomkhvrc kvmuinz lauk gay muq.

JOSHUA 24:13

Nuimshiq rueq vlix vlaung mkaq muinz max khic yuingc shauk ghaq vraungx, nuimshiq rueq max guirx max tec shauk ghaqyungx htenc ngaz rueq nuimshiq muex kuq phaungx. Majuiuc nuimshiq kuex kvruex yuq httax vtueq, nuimshiq rueq khic yuingc muit svpiq sunc wawc svpiq thuey, nuimshiq rueq khic yuingc muit olip jungx wawc olip thuey kuex phauk saq lvp shuinx,’ ngoz tueq jungx tueq.

Revelation 10:6

pattup pat-sac tvraungx httax vtueq raungmungx, ghaq nuiyc svmuktvrax maq phaungc vtueq httax yaq lotlaz tvdungc sungc jix waz Tishox muingc kuex ruingc vtueq tuemc tueq. Raungkamx waz rueq, “Kvyix httvmx tuex rvmuq!

1 SAMUEL 15:29

Muingc jungc khushec vhttax Israel Tishox kuex vrot rvyaq rvmuq, vpiq thuinz kvlayc muq. Vpiq kuex miqsaz washiz rvmuq, vpiq thuinz kvlayc kaz yaq rvmuq,” ngoz tueq jungx tueq.