Hebreus 6:2 - Kaxinawá Bíblia (BR) hatu naximakatsi hatu yusĩakirirã, habũ Cristo ikũwaĩbuki mapepishũ hatu Deus yukashũtikirirã, mawabu ana bestẽshanaibukirirã, Deusũ hatu unãti watã hanu hatu bika tenemapakeshanaikiri haskas yusĩawẽ besti nũ matu yusĩtirumaki. Kashinawa : Diosun Jesúswen taexun yuba bena yiniki jatu nashimakatsi jatu yusiankididan, jabun Cristo ikunwainbuki mapepixun jatu Dios yukaxuntikididan, mawabu ana bestenxanaibukididan, Diosun jatu unanti watan janu jatu bika tenemapakexanaikidi jaskas yusianwen besti nun matu yusintidumaki. |
Haskawẽ taeshũ matu yununũ nĩkakãwẽ. Kakũkaũkĩ dasibi ẽ matu yusĩmis nawa betsa betsapa shukuabu tibi yusĩriakĩ ẽ tsumabu ea hatu washũkubaĩshãkãwẽ. Hanushũ ea ikũwãkĩ hawenabu hau hatu unãti wamanũbũ Epa Deus inũ ea hawẽ bake inũ hawẽ Yushĩ Pepa kena dayuikĩ hatu naximakubaĩshãkãwẽ.
Habũ ea ikũwaĩ henewẽ mã hatu naximaya ẽ hatu mekeshanaii. Hakia habũ ea ikũwãkĩ xinã betsa wabuma ẽ hatu kupishanaii.
fariseũ uĩ e iki tekuitã yuikĩ: —Nukũ shenipabũ beya txibãkĩ piriama mĩ mepanuamamẽ?— aka
haska washũ mia ishũ habũri mia pimatirubumawẽ taeshũ pepabu mawa ana besteaĩtiã mĩ pepawẽ Epa Deusũ mia manakua mĩ benimashanaii— akaya
haskaibu Joãonẽ hatũ xinã unãkĩ dasibi hatu nemakĩ yuikĩ: —Txanima, eãnã hawẽ matu unãmati wakĩ henewẽ besti ẽ matu naximakubainaii. Hakia ha mã hakiri xinaĩnã, kuxipahairatũ ea binũa txipu huikiki. Kuxipahaira mesetũ ea binuhairawẽ taeshũ ẽ hawẽ hawaumahairatũ haska washũ hawẽ bitxi tae meshpũ pekakĩ merabewakĩ hawẽ dayaru itsakĩ kuxipa mirĩtũ ẽ ashũtirumaki. Hakia hatũ matu pepawakĩ Deusũ Yushĩ Pepa matu inãtã bika matu tenemakĩ matũ txakabu buakĩ yamawa keska washanikiki, hawara txakabu abuama txiwẽ kua keska wakinã.
mai anua hanira hatu maiwanibu tashnibirãshãkanikiki. Pepabu hiwekuĩaĩbũ habu txakabumisbu ana bestẽbiatã ana hawẽri kai bika tenehairai ikibi ishãkanikiki— iwanã,
judeubu habe bekãshu Pedrõ hatu yuikĩ: —Na judeubuma haskaiburã, “Na yurabu hatu naximayamanãwẽ”, iki nemai nũ itirumaki. Nuku keskari wakĩ Deusũ hawẽ Yushĩ Pepa ma hatu inãshuki— itã,
hanushũ samakeyabi hau Deusũ hatu mekekubaĩshanũ habũ hatu yunuaibũ yukashũtã hau dayatanũbũ meribi wakĩ mamepishũ hatu nitxiãbu
hanushũ habubetã hawẽ hiwetãshũ ikũwaĩbuwẽ taeshũ unãtã nũ hatu naximakĩ keyua Lídiã nuku yuikĩ: —Txanima nukũ Shanẽ Ibu Jesus ẽ ikũwaĩ mã ea xinaĩnã, ẽ hiwe anu iyui bekãwẽ— akĩ nuku ea akĩ ana nuku ena wanũ ikaya —Peki— itã hari ka nũ habe hiweyuniki.
nĩkatã mexubiakẽ hatu kuxaxinabu su ika hene habaibu hawaira ũpashwẽ hatu txukatã hanushũ habe hiweabubetãs Jesus mekenã ikũwãkãshuwẽ taeshũ Paulo inũ Silasĩ hatu naximabu
hanua huni betsa unãnepabu epicureubũ yuikĩ: “Tsuawẽ nuiama hawara mĩ abuai besti aki pe hiwekũkaĩtiki”, ikĩ xinãmisbu inũ huni betsa unãnepaburi estóicobũ yuikĩ: “Hawawẽ benimama, hawẽ yurawẽ nuiama pe hiwekũkaĩtiki”, ikĩ xinãmisbu Paulobe yuinamei kemanameriaibũ habu betsã txitekĩ yuikĩ: —Na txikix hãtxãwainã, harakiri hãtxai ikimẽkaĩ?— ikaya betsã yuikĩ: —Paulonã, eska yui ikikiaki. Deusũ Messias Jesuskiri inũ yurabu dasibi mawa ana bestẽshanaibukiri txanirã— ikaya haskakenã: —Mekenika yushĩ betsa betsapa nũ hawa unãriabumakiri hawẽ nuku benimawanũ ika ikiraka?— ikaibũ
Pedrõ hatu kemakĩ: —Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ. Haska watã mã Jesus Cristo ikũwaĩwẽ taeshũ hawẽ kenawẽ matu tibi nũ matu naximaya matũ txakabu buatã hawẽ Yushĩ Pepa Deusũ matu inã mã bishanairã.
hanushũ ha shabatiã hawẽ hãtxa nĩkakĩ ikũwãkĩ xinã betsa waibu 3.000 yurabu naximabu hati ana hatubetã ikũwaĩ hatuki dasinibukiaki.
shanẽ ibubu itxabu Sinédrio anu hatiri saduceubu inũ hatiri fariseubu Paulõ unãkĩ hui kuxipawẽ hatu yuikĩ: —Ẽ betsabuũ, earã, ẽ fariseuki. Ẽ epa inũ ẽ shenipabu fariseubu irianibuki. Mawa ana hiweshanaibu ikũwãkĩ ẽ manaya ea unãti wakĩ mã daka ea danaĩ ikai— hatu wa
Haska wakĩ yura pepabu inũ txakabubu kupikatsi Deusũ hatu ana bestẽwãshanai ikũwãkĩ ẽ manaii. Habiasri na judeubu nukube itxabũ habiaskari manariakanikiki.
Hakia Sinédrio shanẽ ibũ hatũ besuuri nishũ hãtxa kuxipawẽ hatu yuikĩ: “Mawabu ana bestẽshanaibu ẽ ikũwaĩwẽ taeshũ natiã mã ea unãti waii”, akĩ Jerusalém anushũ ẽ hatu yuixinawẽ taea eki sinatai ikanimẽkaĩ. Hatu yukawe— aka
hiwea pepatikiri inũ ibubis pe meketikiri inũ dasibi txakabu Deusũ kupishanaikiri Paulõ hatu hãtxa wakĩ yusĩaĩ nĩkai datekĩ Félixsĩ nitxĩkĩ yuikĩ: —Kayuwe, xinãshũ ana ẽ daya hayamatiã ana mia nĩkakatsis ikĩ ẽ mia ana kenashanairã— atã
Pedro inũ Joãonẽ yurabu yusĩkĩ Jesus mawa ana bestẽkainima hatu unãmai nĩkatã hatuki sinatabaĩ
Jesusũ kuxipayabu anu hatu iyuabu hanushũ hatu unãti wakĩ mamepishũ Deus hatu yukashũkĩ hatũ merabewanikabu hatu wanibukiaki.
Haskawẽ taea hanu bari hawẽ heneaitiã Deusũ Jesus Cristowẽ taeshũ haska judeubu inũ judeubuma hawara txakabu inũ pepa hune akubaĩmisbu dasibi hatu unãti wakĩ keyushanikiki. Na haska washanaikiri hawẽ kaka pepa hawẽ meketi Jesus Cristokiri ẽ hatuki txanikũkainaii.
Hanua Deusũ hatu yunua kuĩ pueaiwẽ inũ, Iãnewã Taxipa pukeaibuwẽ ha dabewẽ taea dasibibu Moiséski hau txiti inũbũ Deusũ hatu naximabainikiaki.
Habiaskari wakĩ nũ habũ ikũwaĩ tibi judeubu inũ judeubuma inũ, escravo dayaru inũ tsuã dayarumã nũ Jesus ikũwãyã nuku duawakĩ habias Yushĩ Pepa Deusũ ma nuku inãkeakekẽ ikũwaĩ betsabuki dasinũ nũ ikaya henewẽ nuku naximabu ha Yushinĩ nukũ yura bestitxai keska wamiski.
Hanua hushũ habiaskari kuxipawẽ hamapai dasibi meke keyumistũ nukũ yura babu atimapa betsa wakĩ benawashanikiki, hawẽ yura txasha keska nuku wariakinã.
Haska inũ, Cristo mã ikũwãyã yura betsabu hatu unãti wamai mã naxiniburã, eska tibi hawẽ xinãmatiki. Nĩkairakãwẽ. Naximakĩ matu henẽ bitxiaburã, Cristobe matu mai wanibu keskaki. Hanushũ hene anua matu benibirãkĩ tashnimakĩ kaĩmaiburã, Cristobe besteã keska wakĩ matu akawanibuki, haska wakĩ Deusũ hawẽ kuxipawẽ Cristo bestẽwani ha kuxipa mã ikũwaĩwẽ matu imakinã.
txanima hãtxa henetã ma hamakiri hatũ xinã benuabuki. Habũ hatu yusĩkĩ yuikinã: “Ikũwaĩbu mawarã, ana bestẽshanairã, nũ ma hayaki”, iki mapubaũkĩ hatu parãkĩ Jesus ikũwaĩ hatiri hatu txĩtũmakanikiki.
Ha inũ, betsarã, aĩbu betsabũ hatũ bakebu mawa manukĩ Deus ikũhairawaibu Deusũ hatu bestẽwãshunikiaki. Hamẽ huni betsabũ Deusũ hãtxa txibãkubainaibuwẽ taeshũ hatuki sinatakĩ hatu itxakawakĩ haska habũ abuai keska biama pashama hakia mawa ana bestẽtã hiwea pepa bishanai xinaĩ mawakubainibukiaki.
Ha inũ, hawẽ yubati hãtxa bena Deusũ yuiriama haska wakĩ hau pishanũbũ inũ, haska wakĩ hau nushushanũbũ inũ, haskai pepai hau datxukishanũbũ yusĩkĩ hatũ yura bestikiri Deusũ hatu yununi hawẽ hatu merabewayuniki. Hakia natiã na habias hãtxa txibãkĩ tsuã ibubis hatũ xinã mekekĩ pewatirubumaki.
Hakia nai inũ mai natiã hayayuarã, habiaskari wakatsi Deusũ mekeyukubainikiki. Hanu bari hawẽ henei keyuaitiã unãti wakĩ yura txakabubu kupikatsi Deusũ hawẽ hãtxawẽ yunukĩ nai inũ mai txiwẽ yamawakĩ habũ Deus danãmisbu hanu hatu benu keyushanikiki.