Hebreus 6:2 - Kashinawa : Diosun Jesúswen taexun yuba bena yiniki

² jatu nashimakatsi jatu yusiankididan, jabun Cristo ikunwainbuki mapepixun jatu Dios yukaxuntikididan, mawabu ana bestenxanaibukididan, Diosun jatu unanti watan janu jatu bika tenemapakexanaikidi jaskas yusianwen besti nun matu yusintidumaki.

Kaxinawá Bíblia (BR)

² hatu naximakatsi hatu yusĩakirirã, habũ Cristo ikũwaĩbuki mapepishũ hatu Deus yukashũtikirirã, mawabu ana bestẽshanaibukirirã, Deusũ hatu unãti watã hanu hatu bika tenemapakeshanaikiri haskas yusĩawẽ besti nũ matu yusĩtirumaki.

Hebreus 6:2 Referencias Cruzadas

Mateus 28:19

Jaskawen taexun matu yununun ninkakanwen. Kakunkaunkin dasibi en matu yusinmis nawa betsa betsapa xukuabu tibi yusindiakin en tsumabu ea jatu waxunkubainxankanwen. Januxun ea ikunwankin jawenabu jau jatu unanti wamanunbun Epa Dios inun ea jawen bake inun jawen Yushin Pepa kena dayuikin jatu nashimakubainxankanwen.

Mateus 3:14

nemanun, iwanan, yuikin: —Mian ea binuxun min ea nashimatibia ¿jaskai eanu min juxumen?— aka

Marcos 16:16

Jabun ea ikunwain jenewen man jatu nashimaya en jatu mekexanaii. Jakia jabun ea ikunwankin shinan betsa wabuma en jatu kupixanaii.

Marcos 7:8

Jaska waniwen taea Diosun yunua shinankin chibanma yudabun beya besti man chibanmisbuki— iwanan,

Lucas 11:38

fariseon uin metsayamas katan yuikin: —Nukun xenipabun beya chibankin ¿pidiama min mepanuamamen?— aka

Lucas 12:50

Jaskaken Diosun ea unanti wakin jatu ea tenanmakin ea nuitapawaxanaibu manai en yumanyuaii.

Lucas 14:14

jaska waxun mia ixun jabundi mia pimatidubumawen taexun pepabu mawa ana besteaintian min pepawen Epa Diosun mia manakua min benimaxanaii— akaya

Lucas 3:16

jaskaibu Juanen jatun shinan unankin dasibi jatu nemakin yuikin: —Chanima, eanan jawen matu unanmati wakin jenewen besti en matu nashimakubainaii. Jakia ja man jakidi shinainan, kushipajaidatun ea binuan chipu juikiki. Kushipajaida mesetun ea binujaidawen taexun en jawen jawaumajaidatun jaska waxun jawen bichi tae mexpun pekakin medabewakin jawen dayadu itsakin kushipa midintun en axuntidumaki. Jakia jatun matu pepawakin Diosun Yushin Pepa matu inantan bika matu tenemakin matun chakabu buakin yamawa keska waxanikiki, jawada chakabu bechipaiama chiwen kua keska wakinan.

João 5:29

mai anua janida jatu maiwanibu taxnibidanxankanikiki. Pepabu jiwekuiainbun jabu chakabumisbu ana bestenbiatan ana jawendi kai bika tenejaidai ikibi ixankanikiki— iwanan,

Hechos 10:47

judiobu jabe bekanxu Pedron jatu yuikin: —Na judiobuma jaskaibudan, “Na yudabu jatu nashimayamananwen”, iki nemai nun itidumaki. Nuku keskadi wakin Diosun jawen Yushin Pepa ma jatu inanxuki— itan,

Hechos 13:3

januxun samakeyabi jau Diosun jatu mekekubainxanun jabun jatu yunuaibun yukaxuntan jau dayatanunbun medibi wakin mamepixun jatu nichianbu

Hechos 16:15

januxun jabubetan jawen jiwetanxun ikunwainbuwen taexun unantan nun jatu nashimakin keyua Lidian nuku yuikin: —Chanima nukun Xanen Ibu Jesús en ikunwain man ea shinainan, en jiwe anu iyui bekanwen— akin nuku ea akin ana nuku ena wanun ikaya —Peki— itan jadi ka nun jabe jiweyuniki.

Hechos 16:33

ninkatan meshubiaken jatu kushshinabu su ika jene jabaibu jawaida unpaxwen jatu chukatan januxun jabe jiweabubetans Jesús mekenan ikunwankanxuwen taexun Pablo inun Silasin jatu nashimabu

Hechos 17:18

janua juni betsa unanepabu epicúreobun yuikin: “Tsuawen nuiama jawada min bechipaiai besti aki pe jiwekunkaintiki”, ikin shinanmisbu inun juni betsa unanepabudi estoicobun yuikin: “Jawawen benimama, jawen yudawen nuiama pe jiwekunkaintiki”, ikin shinanmisbu Pablobe yuinamei kemanamediaibun jabu betsan chitekin yuikin: —Na chikish janchanwainan, ¿jadakidi janchai ikimenkain?— ikaya betsan yuikin: —Pablonan, eska yui ikikiaki. Diosun Mesías Jesúskidi inun yudabu dasibi mawa ana bestenxanaibukidi chanidan— ikaya jaskakenan —¿Mekenika yushin betsa betsapa nun jawa unandiabumakidi jawen nuku benimawanun ika ikidaka?— ikaibun

Hechos 2:38

Pedron jatu kemakin: —Dios man chibankatsis ikaidan, matun chakabu jenetan matun shinan betsa watan Dios anu bedikanwen. Jaska watan man Jesucristo ikunwainwen taexun jawen kenawen matu tibi nun matu nashimaya matun chakabu buatan jawen Yushin Pepa Diosun matu inan man bixanaidan.

Hechos 2:41

januxun ja xabatian jawen jancha ninkakin ikunwankin shinan betsa waibu 3,000 yudabu nashimabu jati ana jatubetan ikunwain jatuki dasinibukiaki.

Hechos 23:6

xanen ibubu ichabu Junta Suprema anu jatidi saduceobu inun jatidi fariseobu Pablon unankin jui kushipawen jatu yuikin: —En betsabuun, eadan, en fariseoki. En epa inun en xenipabu fariseobu idianibuki. Mawa ana jiwexanaibu ikunwankin en manaya ea unanti wakin man daka ea danain ikai— jatu wa

Hechos 24:15

Jaska wakin yuda pepabu inun chakabubu kupikatsi Diosun jatu ana bestenwanxanai ikunwankin en manaii. Jabiasdi na judiobu nukube ichabun jabiaskadi manadiakanikiki.

Hechos 24:21

Jakia Junta Suprema xanen ibun jatun besuudi nixun jancha kushipawen jatu yuikin: “Mawabu ana bestenxanaibu en ikunwainwen taexun natian man ea unanti waii”, akin Jerusalén anuxun en jatu yuishinawen taea eki sinatai ikanimenkain. Jatu yukawe— aka

Hechos 24:25

jiwea pepatikidi inun ibubis pe meketikidi inun dasibi chakabu Diosun kupixanaikidi Pablon jatu jancha wakin yusiain ninkai datekin Félixin nichinkin yuikin: —Kayuwe, shinanxun ana en daya jayamatian ana mia ninkakatsis ikin en mia ana kenaxanaidan— atan

Hechos 26:8

—¿Jaskakin man ikunwanbumamen, matubunan, mawabu Diosun ana jatu bestenwanxanaidan?— iwanan

Hechos 4:2

Pedro inun Juanen yudabu yusinkin Jesús mawa ana bestenkainima jatu unanmai ninkatan jatuki sinatabain

Hechos 6:6

Jesúsun kushipayabu anu jatu iyuabu januxun jatu unanti wakin mamepixun Dios jatu yukaxunkin jatun medabewanikabu jatu wanibukiaki.

Romanos 2:16

Jaskawen taea janu badi jawen jeneaitian Diosun Jesucristowen taexun jaska judiobu inun judiobuma jawada chakabu inun pepa june akubainmisbu dasibi jatu unanti wakin keyuxanikiki. Na jaska waxanaikidi jawen kaka pepa jawen meketi Jesucristokidi en jatuki chanikunkainaii.

1 Coríntios 10:2

Janua Diosun jatu yunua kuin pueaiwen inun, Ian Tashipa pukeaibuwen ja dabewen taea dasibibu Moiséski jau chiti inunbun Diosun jatu nashimabainikiaki.

1 Coríntios 12:13

Jabiaskadi wakin nun jabun ikunwain tibi judiobu inun judiobuma inun, esclavo dayadu inun tsuan dayaduman nun Jesús ikunwanyan nuku duawakin jabias Yushin Pepa Diosun ma nuku inan akeakeken ikunwain betsabuki dasinun nun ikaya jenewen nuku nashimabu ja Yushinin nukun yuda bestichai keska wamiski.

Filipenses 3:21

Janua juxun jabiaskadi kushipawen jamapai dasibi meke keyumistun nukun yuda babu atimapa betsa wakin benawaxanikiki, jawen yuda chaxa keska nuku wadiakinan.

Colosenses 2:12

Jaska inun, Cristo man ikunwanyan yuda betsabu jatu unanti wamai man nashinibudan, eska tibi jawen shinanmatiki. Ninkaidakanwen. Nashimakin matu jenen bichiabudan, Cristobe matu mai wanibu keskaki. Januxun jene anua matu benibidankin taxnimakin kainmaibudan, Cristobe bestean keska wakin matu akawanibuki, jaska wakin Diosun jawen kushipawen Cristo bestenwani ja kushipa man ikunwainwen matu imakinan.

2 Timóteo 2:18

chanima jancha jenetan ma jamakidi jatun shinan benuabuki. Jabun jatu yusinkin yuikinan: “Ikunwainbu mawadan, ana bestenxanaidan, nun ma jayaki”, iki mapubaunkin jatu padankin Jesús ikunwain jatidi chintunmakanikiki.

Hebreus 11:35

Ja inun, betsadan, ainbu betsabun jatun bakebu mawa manukin Dios ikunjaidawaibu Diosun jatu bestenwanxunikiaki. Jamen juni betsabun Diosun jancha chibankubainaibuwen taexun jatuki sinatakin jatu ichakawakin jaska jabun bechipai keska biama paxama jakia mawa ana bestentan jiwea pepa bixanai shinain mawakubainibukiaki.

Hebreus 9:10

Ja inun, jawen yubati jancha bena Diosun yuidiama jaska wakin jau pixanunbun inun, jaska wakin jau nuxuxanunbun inun, jaskai pepai jau dachukixanunbun yusinkin jatun yuda bestikidi Diosun jatu yununi jawen jatu medabewayuniki. Jakia natian na jabias jancha chibankin tsuan ibubis jatun shinan mekekin pewatidubumaki.

2 Pedro 3:7

Jakia nai inun mai natian jayayuadan, jabiaskadi wakatsi Diosun mekeyukubainikiki. Janu badi jawen jenei keyuaitian unanti wakin yuda chakabubu kupikatsi Diosun jawen janchawen yunukin nai inun mai chiwen yamawakin jabun Dios dananmisbu janu jatu benu keyuxanikiki.