Hechos 2:38 - Kaxinawá Bíblia (BR)

³⁸ Pedrõ hatu kemakĩ: —Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ. Haska watã mã Jesus Cristo ikũwaĩwẽ taeshũ hawẽ kenawẽ matu tibi nũ matu naximaya matũ txakabu buatã hawẽ Yushĩ Pepa Deusũ matu inã mã bishanairã.

Kashinawa : Diosun Jesúswen taexun yuba bena yiniki

³⁸ Pedron jatu kemakin: —Dios man chibankatsis ikaidan, matun chakabu jenetan matun shinan betsa watan Dios anu bedikanwen. Jaska watan man Jesucristo ikunwainwen taexun jawen kenawen matu tibi nun matu nashimaya matun chakabu buatan jawen Yushin Pepa Diosun matu inan man bixanaidan.

Hechos 2:38 Referencias Cruzadas

Isaías 32:15

Senhor Deus dasibi damiwanikatũ hawẽ kushipa ana nuku anu yunua huaya hanu hawa mibã hayamabiakẽ betsa maewakĩ mai anu dayati pepa wakĩ hanu mibã pepa benemis anu ana bimihairati hayashanikiki.

Mateus 28:19

Haskawẽ taeshũ matu yununũ nĩkakãwẽ. Kakũkaũkĩ dasibi ẽ matu yusĩmis nawa betsa betsapa shukuabu tibi yusĩriakĩ ẽ tsumabu ea hatu washũkubaĩshãkãwẽ. Hanushũ ea ikũwãkĩ hawenabu hau hatu unãti wamanũbũ Epa Deus inũ ea hawẽ bake inũ hawẽ Yushĩ Pepa kena dayuikĩ hatu naximakubaĩshãkãwẽ.

Mateus 3:6

habũ ikũwãkĩ hatũ txakabu Joãoki txanikĩ hatũ txakabu henekatsi ikĩ xinã betsa waibu hawẽ unãti wakĩ Jordão hene anu Joãonẽ hatu naximapakeaya

Mateus 4:17

Hanushũ Jesusũ yusĩkĩ taewakĩ hatu yuikĩ: —Nukũ Shanẽ Ibu nai anua matuki bayui ma kemaikiki. Mã Deuskiri txakabumis henetã xinã betsa watã hanũ bekãwẽ— hatu wakubainiki.

Marcos 1:15

taewakĩ: —Na habiatiã Deus ma nenu shanẽ ibuikiki. Haskakẽ mã Deuskiri txakabumis henetã ẽ kakape ekiri ikũwãkubaĩkãwẽ— hatu wanikiaki.

Marcos 16:16

Habũ ea ikũwaĩ henewẽ mã hatu naximaya ẽ hatu mekeshanaii. Hakia habũ ea ikũwãkĩ xinã betsa wabuma ẽ hatu kupishanaii.

Lucas 24:47

Haskawẽ taeshũ hawẽ kuxipawẽ hatu yusĩshãkanikiki, hau hatũ txakabu Deuskiri txakabumisbu hau henetã habũ xinã betsa waibu Deusũ buashũshanikiki. Nawa shukua tibi nĩkashanaibu yuini matũ Jerusalém anushũ taewakĩ

Lucas 3:10

hanushũ yurabũ João haskai nĩkatã yuka ikĩ: —Haskakenã, Deus daewakinã, haska washãpa?— akeakeabu

Hechos 10:43

Haska inũ, uatiã habias Jesuskiri Deusũ hãtxa yuishunika dasibibũ bebũkiri hatu yusĩkĩ: “Deusũ Messias tsuabũra ikũwaĩbu hawẽ taeshũ habũ txakabu Deusũ hatu buashunũbarikiki”— akĩ

Hechos 10:48

dasibi Jesus Cristo habũ ikũwãkãshu hau hawẽ kenawẽ taeshũ hatu naximanũbũ Pedrõ hatu yunua hatu naximanibukiaki. Hanushũ Pedro ea akĩ hau usha eskarabes hatube hiweyunũ baxiyunibukiaki.

Hechos 13:38

—Enabuũ, Moisés nuku keneshuniwẽ nukũ txakabu buakĩ nukũ xinã xarabu pewatirumaki. Hakia Jesuswẽ taeshũ Deusũ hau matũ txakabu matu buashũshanũ unãkĩ ha txibãkãwẽ. Hanushũ tsuabũra Jesus habũ ikũwaĩbu Deusũ hatũ txakabu buashũkĩ hatu pepawakĩ keyushanikiki.

Hechos 16:15

hanushũ habubetã hawẽ hiwetãshũ ikũwaĩbuwẽ taeshũ unãtã nũ hatu naximakĩ keyua Lídiã nuku yuikĩ: —Txanima nukũ Shanẽ Ibu Jesus ẽ ikũwaĩ mã ea xinaĩnã, ẽ hiwe anu iyui bekãwẽ— akĩ nuku ea akĩ ana nuku ena wanũ ikaya —Peki— itã hari ka nũ habe hiweyuniki.

Hechos 17:30

Ũ unu bari betsatiã yura betsa betsapabũ hawa unãbumakẽ Deusũ hatu beruwẽs uĩyukubainiki. Hakia natiã ana haska wama mai hirabi anu hiwebaunabũ hau hatũ xinã betsa watã hakiri hau xinãnũbũ Deusũ hatu yunuikiki.

Hechos 20:21

Haska inũ, Deuskiri txakabumisbũ hau xinã betsa watã nukũ Shanẽ Ibu Jesus inũ Deuskiri xinã betsa watã mã ikũwanũbũ judeubu inũ judeubuma ẽ matu yusĩhairaniki.

Hechos 22:16

“Haskakenã, ana hatishuĩra manama mĩ Deuskiri txakabukũkaĩmis hau mia buashunũ Jesusũ kenawẽ taeshũ ẽ mia naximai kanũ beniriwe”, ea waniki.

Hechos 26:18

Habu anu ẽ mia yunua kashũ hatu xinã betsa wamakĩ hau unaĩsmapakĩ Satanás ana txibãyamanũbũ ẽ Epa Deusũ hãtxa mĩ hatu yusĩkubaunũ judeubuma betsa betsapabu anu ẽ mia yunuaii. Harishũ hatu beru bepesha keska watã ana mexu merã kama keska hakia bĩwẽ kai keskaibu mĩ hatu waya hatiritũ ea ikũwaĩbũ hatũ txakabu ẽ hatu buashunaya Deusũ hatu hiwekuĩmashanikiki, hawa hatu kupiamarã, hawenabu meribi wakinã”, ea waniki.

Hechos 26:20

Harishũ Damasco anushũ dukũ kakape hatu yusĩ taewatã txipu Jerusalém anushũ yusĩriatã Judéia mai pakea hirabi anuabu judeubu inũ judeubuma ẽ hatu yusĩkĩ: “Xinã betsa wakãwẽ”, ẽ hatu wa tsuãra xinã betsa watã Deusũ bake ikũwãkĩ hatũmebi hatũ hiwea bena hayakĩ uĩkubainimabuki, ẽ hatu unãmakubainarã.

Hechos 3:19

Haska xinãma Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ, hau matũ txakabu matu buashununã.

Hechos 5:31

Deusũ haska watã nai anu ainitã hawẽ yusiuri nuku tsaũshunimakẽ ha nukũ mekenã inũ nukũ yusĩnã nũ ma hayaki. Haskawẽ taea nũ Israelbu shukua tibi tsuabũra nukũ txakabu henetã Deus anu txĩtuĩ nũ xinã betsaibu nuku hawenabu wakĩ Deusũ nukũ txakabu buatã ana xinãmaki.

Hechos 8:12

hakia Deus shanẽ ibuaikiri inũ Jesus Cristõ kakapekiri Filipẽ hatu yuiai nĩkatã ana Simão nĩkama huni itxapabu inũ aĩbu itxapabũri Jesus ikũwaĩbu Filipẽ hatu naximaya

Hechos 8:20

hanushũ Pedrõ kemakĩ: —Deusũ kuxipa inãkuĩki. Peiwẽ taeshũ mĩ bikatsis ikaiwẽ taea mĩ peiya hanu txiwẽ ikũwãbuma Deusũ hatu kupishanai anu mĩ katiruki.

Romanos 6:3

Haska inũ, Jesus Cristo nũ ikũwãkubainaya yura betsã nuku naximaburã, Jesuski nũ dasia habe mawani keska Deusũ nukukiri pe xinãmis matunã, mã unãmamẽ?

Efésios 1:7

Haskakẽ Jesus mawakĩ hawẽ himi habaniwẽ taeshũ Deus nuku daewashũkĩ nukũ txakabu ana xinãma buaniki, hawẽ xinã duapa nũ haya tsuã beshtetiruma hawẽ taeshũ nuku mekekinã.

Tito 3:5

Nukubũ hawa wakĩ nũ peshunamabia hawẽ nui pepas hawa husiamawẽ nuku mekekĩ piskumaniki, nukũ txakabu txuka keska wakĩ. Nuku ana kaĩ bena wakĩ hawẽ hiwea bena nuku inãniki, hawẽ Yushĩ Pepawenã.

1 Pedro 3:21

Hanushũ natiã Jesus mã ikũwãyã ha henewẽ Deusũ hatu kupini mã xinãyã habũ matu naximakĩ matũ yura detsis txukaisbumaki. Hakia nukũ txakabu Deusũ buatã nukũ xinã hau nuku pewashũkubainũ nuku imamisbuki. Hakia nukubu pashairã, Jesus Cristo besteni ha besti txibãkubaini nũ ishãkanaii.