Hechos 2:39 - Kaxinawá Bíblia (BR)

³⁹ Nukuna bestimaki. Haska Deus yubakani ma akikiki. Matu dasibibu inũ matũ bakebu inũ txaihaira manibaunabu nukũ Shanẽ Ibu Deus haska matukiri yubakairã, dasibi matukiri iniki. Haskawẽ taeshũ hatira hawenabu wakĩ katukĩ kenakatsis ikikiki— iwanã,

Kashinawa : Diosun Jesúswen taexun yuba bena yiniki

³⁹ Nukuna bestimaki. Jaska Dios yubakani ma akikiki. Matu dasibibu inun matun bakebu inun chaijaida manibaunabu nukun Xanen Ibu Dios jaska matukidi yubakaidan, dasibi matukidi iniki. Jaskawen taexun jatida jawenabu wakin katukin kenakatsis ikikiki— iwanan,

Hechos 2:39 Referencias Cruzadas

Isaías 44:3

Mã haskawẽ taeshũ hanu tsua hiweabumanu mai hawa beneisma anu pashku wakĩ ẽ ũpash tuea habashanikiki. Matũ bababu pepawẽ duawakĩ hiwea bena inãkĩ ẽ hatu yunushanaii.

Isaías 54:13

Hanushũ eanã, mĩ bakebu dasibi ẽ tapĩmashanaii. Habu dasibirã, benimai hawẽruai unanuma hiweshãkanikiki.

Isaías 65:23

Ana hamẽmẽs besti dayama ishãkanikiki. Hatũ bakebu mesteburiama inũ yushaburiama ana mawama ishãkanikiki. Hatũ ibubu inũ, hatũ bakebu inũ, hatũ bababu inũ, dasibi hatunabu pakubainaibu habiaskasri hiwepakeshãkanikiki, eã ẽ hatu duawakubainaiwẽ taearã.

Joel 2:28

Senhor Deusũ ana hatu yuikĩ: “Na eska binukainayarã, ma bari hawẽ henei kaya ẽ Yushĩ Pepa yura dasibi hiwebaunabu anu ẽ hatu yunua hatu atxishanikiki. Matũ huni bakebu inũ matũ aĩbu bakebu ekiri hãtxabaũshãkanikiki. Mestebu inũ yushabubu namawẽ haska ishanai uĩshãkanikiki. Berunãbu inũ txipashburi nama keskawẽ haska ishanai ẽ Yushinẽ hatu uĩmashanikiki.

Joel 2:32

hanushũ tsuabũra: “Ẽ Shanẽ Ibu Senhor Deus kushipaki”, ikĩ ea dayuiaibu habu besti pashakĩ hatũ hiwea ikibi ika bishãkanikiki, mawa kayabi anu kamarã. Haska Senhor Deusũ hatu yubanirã, Mati Sião inũ Jerusalém anu hanu piskuti hayaki. Hanua tsuabura Senhor Deusũ ma hatu katuni hiweriakubaĩshãkanikiki, hawẽ kupiti mawa bika teneabumarã.

Hechos 10:45

nawã hãtxa betsa betsapa tsuã hatu yusĩriamawẽ hãtxai taekĩ Deus kẽwaĩbu ha ikũwaĩbu Jope anua Pedrobe bekãshu hatu nĩkai: “Habaa! Habu judeubumabiakẽ Deusũ hatu haska hãtxamakĩ hawẽ Yushĩ Pepa haburi ma hatu inãshuki”, ikaibũ

Hechos 14:27

keti itã mapekexinabũ hanushũri Jesus ikũwaĩbube itxashũ bukubauni haskatãxinabu inũ habu judeubumã hau habũri Jesus ikũwanũbũ natiã Deusũ hatu kenaya shabakabi haska hatu yusĩkubaũtãxinabu dasibi hatuki txanitã

Hechos 15:14

Jesus ikũwaĩbu Deusũ hawenabu hatu wariakĩ merabewani hau nukube ikubaĩshanũbũ haska bebũkiri tatesmakĩ Deusũ judeubumari katuyama Simãonẽ ma nuku yuishuki.

Hechos 15:3

nitxiãbu bui Fenícia mai pakea inũ Samaria mai pakeakiri bukĩ judeubumã haska hatũ xinã txakabu henetã Jesus txibãxinabukiri hatuki txanikubainaibũ mae tibi anushũ ikũwaĩbũ haska waxinabukiri habũ kaka nĩkai benimatxakayamakubainaibũ

Hechos 15:8

Ha Romano shanẽ ibu Cornéliõ hiwe anushũ ẽ hatu yusĩayã habũ Jesus ikũwaĩbu Deusũ dasibi nukũ xinã unãmistũ ha judeubumari hawenabu wakĩ ikũwãmakĩ nuku keskari wakĩ kuxipa wakĩ hawẽ Yushĩ Pepa hatu inãkĩ hatu atximayamaki.

Romanos 8:30

Haska inũ, tsuabura Deusũ bebũkiri hatu kabẽkĩ katuni Jesuswẽ taeshũ txakabuma wakĩ pewatã hawara Deusũ hawẽ bake Jesus Cristo yunutã ani keska wakĩ haburi duawakĩ Jesus Cristobe hatu shanẽ ibuwashanikiki.

Romanos 9:24

Haska tibi nukukiri akinã, nũ judeubu bestima judeubumari Deus hatuwẽ nuikĩ hatu duawakatsi ikĩ bebũkiri haska tibi nuku dasibi katuniki.

Romanos 9:4

Enabu Israelburã, nukũ shenipabu anua Deusũ ana hatu ibu wakĩ hawẽ bakebu keska watã hatube hiwekĩ hawẽ kuxipa hatu uĩmai hawẽruai hatu bebunua txashahairakũkainikiaki. Hatu haska wakĩ Deusũ hawẽ yunuti inũ hawẽ nemati Moisés yusĩmakĩ hau itxashũ Deus kẽ kayabi wakubainũbũ hatu yusĩkĩ Messiaskiri hatu yubani haska manakakĩ hau txibãkubainũbũ betsa betsapakiri hatube Deus yubakakũkainikiaki.

1 Coríntios 7:14

Haska inũ, mĩ benẽ ikũwãmabiakẽ mĩ ma habe biakananiwẽ taeshũ Deusũ mia danãma hakia mĩ ikũwaĩwẽ taeshũ mĩ benẽ ikũwãtirukẽ duawaikiki. Habiaskari wakĩ mĩ aĩnẽ ikũwãmabiakẽ Deusũ danãma hakia mĩ ikũwaĩwẽ taeshũ mĩ aĩnẽ ikũwãtirukẽ duawariaikiki. Huni inũ aĩbũ Jesus ikũwãbumã bake yumeriabumarã, meribi pepatirubumaki. Hakia hunĩ Jesus ikũwaĩ kasmai aĩbũ ikũwaĩ kasmai ha dabe bakeya hatũ bake yumeriamarã, Deus hatuwẽ nuiaya habũ bakẽ ikũwãtiruki, Deusũ duawaiwẽ taeshunã.

Efésios 1:18

Deus matu yukashũkinã, Deusũ hau matũ xinã hunemawatã shabakabi nĩkamakĩ manakamanũ inũ, hau tsuabura hawenabu kayabi katutã hawẽ pepawẽ duahairawakĩ matu unãmashanũ ẽ matu yukashũmiski.

Efésios 2:12

Uatiã matu hiwearã, Cristouma inũ, Israelbube danãnanaĩ inũ, hawa Deusũ hatu yubakĩ matu yubama iniki. Haska mã hiwea iyuniki, xinãkãwẽ. Haskawẽ taea Deus unãma inũ hawa manakati pepa hayama na mai anu mã hiwepauniki.

Efésios 4:4

Maturã, habias yura matu wakatsis ikĩ Deusũ matu kenanishũ habias Yushĩ Pepa matu inãtã hawẽ kuxipawẽ habias hiwekuĩa matu manakamaikiki, Jesus mã ikũwaĩburã.

2 Tesalonicenses 1:11

Haskawẽ taea Deusbe hãtxakĩ matukiri yukakĩ nũ heneismaki. Deusũ matu kenakĩ katunishũ pepabu matu wakatsis ikaikiri matu yukashũkinã, mã ikũwaĩwẽ taeshũ hawẽ kuxipawẽ hamapai pepa akĩ betsabube merabenamei mã hiwekubainũbũ ẽ matu ea ashũkubainaii.

2 Timóteo 1:9

Eska Deusũ bebũkiri xinãnirã, hawara pepa nũ amiswẽ taeama hakia haska Deusũ na mai anu hawa wariamahairabia bebũkiri hawẽ xinã duapawẽ taeshũ hawẽ hãtxawẽ hiwei nũ hawenabu meribi pepakubaĩshanũbũ nukũ txakabuwẽ nuku kupikatsi ikama haska yubakaniwẽ taeshũ tsuabũra Jesus Cristo ikũwaĩbu nuku katukĩ kenanishũ natiã nuku ma mekekubainikiki.

Hebreus 3:1

Nuku haska wakubainaiwẽ taea ẽ betsabu inũ ẽ puibuũ, nũ ikũwãshanũbũ Deusũ nuku kenakĩ katuniwẽ taea nũ hawenabuki. Haskakẽ Deusũ hawẽ bake hawẽ kuxipaya yununika wakĩ ha Deusbe nuku hãtxashunika Shanẽ Ibu Jesus Cristo dasibi betsabu hatu binunirã, ha besti xinãkubaĩkãwẽ.

Hebreus 9:15

Tsuabura Deusũ hatu katunibu habũ hiwekuĩa ikibi ika bishanaibu Deusũ hatu yubani haska Jesus Cristõ pewanũ ika dasibibu mawashũtã unuri Deuski inũ yurabuki hãtxashunikai dasitã, haskatã Deusũ yuba bena pewakĩ hawẽ taeshũ nukũ txakabu nuku buashuniki, ha dukũ yubani hãtxa txibãma nũ kanei nũ txakabukubaĩmisbu nuku pewairã.

1 Pedro 5:10

Ha dukunã, bari itxapama mã nuitapayuaii. Deusũ haska matu memabiatã habiatũri matu kuxipa wakĩ pashkatima watã ha hawẽ mestẽwãtiwẽ matu pepa wakĩ keyushanikiki. Jesus Cristobe nũ haki dasitã hiwea ikibi iki nũ pepai kuxipashanũbũ habias Deus nuikipatũ hawena wakatsi ikĩ nuku katuniki.

2 Pedro 1:10

Ẽ betsabu inũ ẽ puibuũ, Deusũ matu kenashũ katutã hawena meribis matu wakatsis iniki. Mã hawenabu heneama ikatsis ikaiburã, txanima ikũwaĩ mã haki nukukatsis ikai matũ xinã mestẽtã ikubaĩkãwẽ. Haska tibi ẽ matu yunuai keskairã, mã haskakubainaiburã, babui txakabuwẽ taea kanei mã txĩtuãma ishãkanaii.

2 Pedro 1:3

Deus kuxipa paepatũ haska hatũ abuai keska hawẽ hiwekĩ nũ hakiri xinãkubainũbũ nuku inãki, Jesus Cristo nũ ikũwãyã Deusũ nuku kenatã hawẽ daya pepa nũ hayashanũbũ hawẽ kuxipa meribiwẽ nuku katukinã.

Apocalipse 17:14

txashuwã bakebe detenameshãkanikiki. Hakia txashuwã bake Jesus Cristo dasibi shanẽ ibubu inũ dasibi yununikabu binukĩ keyumiswẽ taeshũ habu Deusũ katushũ hatu kenani txĩtuĩsbumabetã ha dez shanẽ ibubu maemashãkanikiki, nukũ Shanẽ Ibu Jesus Cristobetanã”, ea watã

Apocalipse 19:9

Hanushũ nai tsumã ana ea yuikĩ: “Deusũ hãtxa kayabi ẽ mia yuiai nĩkatã keneriwe, eskarã. Txashuwã bakẽ hawenabu nai anu habe hiwemanũ, iwanã, hatu itxawashũ habetã pirã, benimatxakayamashãkanikiki”, ea haska yuiaya