Hechos 2:40 - Kaxinawá Bíblia (BR)

⁴⁰ ana hãtxa itxapawẽ Jesus mekenãkiri shabakabi yusĩ pewatã Pedrõ hatu yusĩkĩ yuikĩ: —Ha yurabu hiwe txakabu anua pasharikãwẽ— hatu wa

Kashinawa : Diosun Jesúswen taexun yuba bena yiniki

⁴⁰ ana jancha ichapawen Jesús mekenankidi xabakabi yusin pewatan Pedron jatu yusinkin yuikin: —Ja yudabu jiwe chakabu anua paxadikanwen— jatu wa

Hechos 2:40 Referencias Cruzadas

Provérbios 9:6

Tapĩhairanika hãtxa ana danãma tapĩhairatã hiwekubaĩkãwẽ, haska tapĩhairai hiwemisbu keskai hiweirã, hatu atãkãwẽ”, aka bushũ

Mateus 12:34

Hakia maturã, mã paranã dunubuaibuki. Matũ huĩti txakabukẽ haska xinãkĩ kaĩmai hãtxakĩ hawara pepa yuiama txakabu besti mã yuikubaĩmiski.

Mateus 16:4

Nukunabu na habiatiã hiweaburã, mã txakabuki. Hamapai Deus anua unãti tsuã atiruma uĩkatsi mã ea yukabiamisrã, Deusũ Jonas bakawã sheamabiaxĩshũ ana hiwemakĩ kaĩmanirã, haska keska besti Deusũ matu uĩmakĩ matu ashũriashanikiki. Xinãkãwẽ— hatu watã henebaini

Mateus 17:17

Jesusũ mapuabu hatu yuikĩ: —Ikũwaĩsbuma inũ txakabubuũ, hatiki matu merabewai ana ẽ matube hiweyushanai? Neri iwekãwẽ, ha bakerã— aka

Mateus 23:33

Hamẽ maturã, mã paranã dunu pianã keskabuwẽ taeshũ Deusũ matu kupihairakĩ txi merã matu urẽa mã hawawẽ taea pashatirubumaki.

Marcos 8:38

Haska inũ, tsuabura na yurabu txakabu bebunua eki inũ ẽ hãtxaki dakemisburã, ẽ Epã kuxipaya hawẽ nai tsuma pepabube hua habiaskariai ẽ hatuki dakeriashanaii— iwanã,

Lucas 21:36

Hamẽ matunã, ẽ hãtxa txibãkĩ heneama Deusbe bari tibi hãtxakubaĩshãkãwẽ. Haska mese tibi tashnishanai binutã mã ma pewẽ taea hanu matũ Hutxi Kayabi Iuwa ẽ matuki nukuaitiã ea bebũ mã mapushãkanaii— hatu wanikiaki.

Hechos 10:42

Hanua bari hawẽ heneaitiã haska yura dasibi mawabu tibi inũ hiweabu tibi Jesus shanẽ ibukĩ hatu unãti washanai nũ hatu yusĩkubaĩshanũbũ Jesus habitũ nuku yunubaĩyamaki.

Hechos 15:32

Jesusũ kuxipayakĩ Judas inũ Silasĩ Deusũ hãtxa pe hatu meshtamamiswẽ taeshũ ikũwaĩbu hatu merabewakĩ hatu benimawaya ikũwaĩbũ habũ hãtxa abuhairaibũ

Hechos 20:11

Paulo ana nukube inakaĩ Jesus nuku mawashuni xinãmati misi tũkeshũ nuku pimatã ana nuku yusĩ nukube hãtxaxini ma shabaya hãtxa menetã nũ kaya

Hechos 20:2

hanushũ hatu uĩkubaũkĩ ikũwaĩbu yusĩ hatube hãtxakĩ hatu benimawakĩ xinã txãkãwãkĩ keyutã, hanua huni betsa betsapa hatu iyui atimas Grécia mai pakea anu Corinto dapi hikitã

Hechos 20:21

Haska inũ, Deuskiri txakabumisbũ hau xinã betsa watã nukũ Shanẽ Ibu Jesus inũ Deuskiri xinã betsa watã mã ikũwanũbũ judeubu inũ judeubuma ẽ matu yusĩhairaniki.

Hechos 20:24

Habiaskabiakẽ earã, ẽ hiweawẽ nui yauxiama ẽ daya Jesusũ ea yununiwẽ taeshũ Deus yurabuwẽ nuikĩ haska wakĩ hawenabu hatu wakatsis ikaikiri punu nukama benimai heneama ẽ hatu yusĩkĩ keyukatsis ikũkainaii.

Hechos 20:9

hiwe keyatapa tapa dabe inũ besti uĩti shui anu berunã hawẽ kena Êutico tsaushũ Paulõ yusĩ txaipawai nĩkai usha tenei hanua ushatxakayama manaũria kawani tĩ ikaya beninũ ika hawaira butukirã ma mawa betxiabu

Hechos 28:23

hawatiãra ana itxashanaibu shaba katutã: —Hanu nuku ashãwẽ— abaĩxinabu judeu itxapabu hanu Paulo hiwe anu itxai beabu Deus shanẽ ibuaikiri yusĩkubaĩkĩ Moisés inũ Deusũ hãtxa yuishunika betsabũri kenenibuwẽ Deusũ Messias Jesuskiri Paulõ hatu ikũwãmakatsis ikĩ bari txai hatu tanamakĩ hatu yusĩbaiaya

Hechos 4:36

Haskanibu betsakiri mia yuinũ nĩkawe. Hanua Levĩ baba betsa natukã Chipre anua kaĩni hawẽ kena Josẽ hatubetã ikũwãyã Jesusũ kuxipayabũ kena betsa wakĩ Barnabé wanibukiaki, nukũ hãtxawẽ kenarã: “Xinã txãkãwanika bakeki”, akinã.

2 Coríntios 5:20

Haskakẽ Cristõ kuxipa nũ hayawẽ taea nũ hawẽ hãtxa bushunikabuki. Nukuwẽ Deus hãtxai keskaya Cristo ea ashũkĩ nũ matu yukashũmiski. Eskaki. Matu yuinũ nĩkakãwẽ. Nukuwẽ taeshũ Deusũ hãtxa ikũwaĩ Cristo matu mawashuniwẽ Deus daewai habe haibunamekãwẽ.

2 Coríntios 6:17

ikaya kene betsawẽ ana habias hãtxawẽ Deus Yavẽ yuikĩ: “Habũ ea danaĩbu anua kaĩbaĩkĩ henebaĩkĩ ana txakabu mei atimapayamakãwẽ. Mã haskakũkainaya matuwẽ benimakĩ ẽ matu beyawashanaii,

Gálatas 5:3

Ana matu shabakabi yuinũ ea nĩkakãwẽ. Tsuabura judeubũ hatũ beya matu txibãmanũ, iwanã, Moisés yusĩniwẽ matu nĩkamas kemumakĩ matũ hina kubitxi matu meshtemaiburã, haska Moisés yununi inũ nemani mã hawẽ pepakatsis ikairã, hatubetã haska besti menekĩ txibãkubaĩkãwẽ.

Efésios 4:17

Nukũ Shanẽ Ibũ kenawẽ eska ẽ matu yuikĩ yunuai ea nĩkakãwẽ. Habũ Deus unãma benuabu ikaibu keskai ana hiweyamakãwẽ, habũ xinã txakabu benuawẽ haska hiwea unãma hamakiri kane kane akanikikirã.

Filipenses 2:15

Mã haskai hiwea matu tibi mã txakabuma inũ mã kaneisma haska Deusũ bakebui ha yura txakabubu inũ atimapabu anua mexu nea keskama mã hatube hiwearã, bixĩ kuxipa txashai hawẽ unãbaĩti keskakĩ

1 Tesalonicenses 2:11

Nũ matu eska wani mã unãriaii. Bestibu tibi matu benimawakĩ nũ matu pewakubainirã, haska epabũ hatũ bakebũ txakabuwai nemamis keska wakĩ mã Deus hiweshũkĩ haska abuai keska maturi mã inũbũ nũ matu yunua matũ txakabu unãtã mã henekubainimaki. Haska Deusũ hawẽ mae kayabi pepa anu matu hiwemakatsi ikai ma bebũkiri matu kenani haskakiri nũ matu merabewakubainimaki.

1 Timóteo 4:16

Mimebi pe mekekĩ uĩrawe, haska betsabu mĩ hatu yusĩakirirã. Dasibi xinã pe bestiwai txĩtũyamakũkaĩwẽ. Mĩ haskakũkainaya mia inũ mĩ hãtxa habũ nĩkaibu hatube Deusũ pewẽ mia manakushanikiki, hiwe kayabimakinã.

1 Pedro 5:12

Nukũ betsa Silvano txĩtuĩsma ẽ yunua na ẽ hãtxa eskarabes matu keneshũshu ẽ matu anu bumai nĩkakĩ uĩshãkãwẽ. Na haska Cristo ikũwãkĩ hawẽ matu nuimai mã ikairã, txanima Deus matuwẽ nuikĩ hawẽ pepa matu uĩmaikiki. Haskakẽ hawa txĩtuĩ niti ikama mã ikubainũbũ matu merabewakĩ keneshũkĩ ẽ matu yusĩshu inũ ẽ matu mestẽwãshu hawẽ taeshũ Deusũ pepa bikubaĩkãwẽ, ha nui pae mã hayawẽ taearã.