Hechos 2:41 - Kaxinawá Bíblia (BR)

⁴¹ hanushũ ha shabatiã hawẽ hãtxa nĩkakĩ ikũwãkĩ xinã betsa waibu 3.000 yurabu naximabu hati ana hatubetã ikũwaĩ hatuki dasinibukiaki.

Kashinawa : Diosun Jesúswen taexun yuba bena yiniki

⁴¹ januxun ja xabatian jawen jancha ninkakin ikunwankin shinan betsa waibu 3,000 yudabu nashimabu jati ana jatubetan ikunwain jatuki dasinibukiaki.

Hechos 2:41 Referencias Cruzadas

Salmos 110:3

Ha shabatiã hatube detenamekĩ mĩ hatu maemashanũ minabũ mia merabewai mia anu beshãkanikiki. Mĩ mati meribihaira hatu dami wanirã, habũ nibi inũ penaya hawẽruahaira peshekirãmis keska bari tibi pei mĩ benaskũkaĩshanaii, berunãsi kushipairã.

João 14:12

Txanima ẽ matu yuiai nĩkakãwẽ. Tsuabũra ea ikũwãkĩ ẽ haska amis mã ariakubaĩshanaii. Ha inũ, ẽ Epa Deus anu ẽ kashanaiwẽ taeshũ ẽ kuxipayabũ ea merabewakĩ hatu ikũwãmakĩ dami atimaska ewapa wakĩ ea binushãkanikiki.

João 21:11

hanua Simão Pedro kakaĩ shashũ inatã hisĩmã baka itxapa bia ninikĩ sharabirãkĩ maxĩ mapema 153 hati baka ewapabu nanea hisĩ bashnekeamakẽ

Hechos 1:15

Ha shaba tibi haskakubaĩkĩ shaba betsatiã 120 ikũwaĩbu hatube itxa maniabu Pedrõ hatu yuinũ ika benitã hatu yuikĩ:

Hechos 13:48

hanushũ hatu haska wai nĩkatã judeubumã nĩkai xinã txãkaĩ benimakĩ yuikĩ: —Deusũ kakape pehairaki— ikaibu dasibi habu Deusũ katushũ hiwekuĩa hatu inãshanai habuã Jesus ikũwãnibukiaki.

Hechos 2:37

hanu hatube itxabũ nĩkai haskatimẽ? ika hatũ huĩti nixmahairai bika tenekĩ xinãkĩ Pedro inũ Jesusũ tsuma kuxipaya betsabu hatu yukakĩ: —Betsabuũ, haskatã nũ haskatirumẽ?— hatu wabu

Hechos 2:47

Deus kẽwaĩbũ dasibibũ hatukiri pe xinãkubainaibũ shaba tibi betsabũ Jesus ikũwaĩ yurã kaiã itxai hatuki dasiaibu Deusũ hawenabu hatu wakĩ kenakubainikiaki, habu hiwei mekekatsi ikaiburã.

Hechos 27:37

ha shashuwẽ nukubu nũ buaiburã, 276 yura nũ iniki.

Hechos 3:23

Hakia hawenabu bababũ tsuabũra Deusũ hãtxa yuishunika Messias nĩkakatsi ikabuma Deusũ kupikĩ hatu yamawashanikiki, ana hawenabuma wakinã”, aniki.

Hechos 4:4

ha haskaibutiã itxapabũ habũ Pedrõ hãtxa nĩkakĩ kaka pewẽ taeshũ Jesus ikũwãkĩ taewaibu hatu tanakĩ aĩbu tanama hunibu besti 5.000 tananibukiaki.

Hechos 7:14

txipu betsatiã José shanẽ ibuwẽ taeshũ hau hawẽ epa inũ dasibi hawenabu hau ishũtanũbũ hatu yunua hawenabu 75 ishũtãkĩ Egito anu iwenibukiaki.

Romanos 13:1

Ẽ betsabu inũ ẽ puibuũ, unãnuma nũ hiwenũbũ haska huni kuxipabu matũ shanẽ ibubu mã nĩkakubainũbũ matu yusĩnũ nĩkakãwẽ. Haska Deusũ amis habũ unãbumabiakẽ dasibi shanẽ ibu betsa betsapa mai anua katushũ Deusũ hawẽ kuxipawẽ hatu yunukĩ mistukubaĩmiski. Haskawẽ taeshũ hatũ yusĩa txibãkĩ hatũ yunuti inũ hatũ nemati dasibibũ nĩkakĩ hau txibãkubainũbũwẽ.

1 Tesalonicenses 1:6

Txanima nuku nũ ikai keskai inũ nukũ Shanẽ Ibu Jesus hiweni keskai matũri mã nuku txibãyã matu itxakawakĩ matu nuitapawabiaibũ Deusũ Yushĩ Pepatũ matu benimawakubainaya Deusũ kakape mã ikũwãkubainimabuki.

1 Pedro 3:20

Hamẽ nukũ shenipabu Noẽ hawẽ nunuti waya habias habu yushĩ patapanibu nitxĩriama hau Deusũ hãtxa nĩkanũbũ hĩ hĩ, iwanã, hawaira hatu kupikatsi ikama Deusũ hatu manayuaya hawẽ hãtxa danãnibukiaki. Ha inũ, ui heneama hene ewa wakĩ yura betsa betsapabu hatũ txakabuwẽ taeshũ ha henewẽ hatu kupikĩ Deusũ dasibi yamawanikiaki. Hanushũ yura eskarabes oito besti nunuti merã Deusũ hatu kupiama Noéwẽ besti pashai mekenibukiaki.

Apocalipse 16:3

hanua nai tsuma ha segundo kashũ hawẽ kẽtxaki Deus sinatamis mata iãnẽwanu hukaya huni pubẽ hatuki sinatakĩ hatu txatxia mawai himi habamis keskai hene pisiwa hene merã hiweabu dasibi mawaibũ