Hechos 23:6 - Kaxinawá Bíblia (BR)

⁶ shanẽ ibubu itxabu Sinédrio anu hatiri saduceubu inũ hatiri fariseubu Paulõ unãkĩ hui kuxipawẽ hatu yuikĩ: —Ẽ betsabuũ, earã, ẽ fariseuki. Ẽ epa inũ ẽ shenipabu fariseubu irianibuki. Mawa ana hiweshanaibu ikũwãkĩ ẽ manaya ea unãti wakĩ mã daka ea danaĩ ikai— hatu wa

Kashinawa : Diosun Jesúswen taexun yuba bena yiniki

⁶ xanen ibubu ichabu Junta Suprema anu jatidi saduceobu inun jatidi fariseobu Pablon unankin jui kushipawen jatu yuikin: —En betsabuun, eadan, en fariseoki. En epa inun en xenipabu fariseobu idianibuki. Mawa ana jiwexanaibu ikunwankin en manaya ea unanti wakin man daka ea danain ikai— jatu wa

Hechos 23:6 Referencias Cruzadas

Mateus 10:16

ana nuku yuikĩ: —Eskawẽ taeshũ ẽ matu yuiai nĩkairakãwẽ. Kamã inu pubẽbu anu mã ẽ 12 tsumabu txashuwã pepa nitxiã keska wakĩ ẽ matu yunuaii, mã ẽ tsumabu ewẽ taea matuki sinataibu anurã. Haskawẽ taea dunu tsuã parãtiruma unãnepai inũ deiwã pepa keskakĩ tsua sinatamayamashãkãwẽ.

Mateus 22:23

hanua saduceubu judeubu pashka betsa: “Ha mawabu hawẽ yura tsua ana besteĩsmaki”, imisbu Jesus anu haburi beshũ yukakĩ:

Mateus 3:7

hanua Joãonẽ hau ea naximanũ ika saduceubu inũ fariseubu bebirã bebiranaibu hatu yuikĩ: “Maturã mã paranãbuki, dunũ hatu pimis keskaburã. Mã haska keska matuki Deus sinatakĩ matu kupihairashanaiwẽ taea matũ xinã betsa wakãwẽ. Haskatã matũ txakabu mã ma beshtekea shabakabi mã ea uĩmaya ẽ matu naximashanaii.

Hechos 22:3

—Earã, ẽ judeuriki. Mai pakea betsa Cilícia anu mae ewapa Tarso anua ẽ kaĩbiani na Jerusalém anu ea iwenishũ na habianushũ ea yumewanibuki. Haska Deusũ hãtxa Moisés nukũ shenipabu yusĩni Gamalielĩ ea yusĩ pehairawakubainai tapĩnishũ ẽ Deus dayashũkatsis ikũkainaii, na habiatiã mã Deus dayashunai keskariairã.

Hechos 22:30

hanua shanẽ ibu comandantẽ ushaxini penaya haskaya Paulo txitexinabumẽkaĩ, iwanã, tapĩhairakatsis ikĩ mane dispi txiwetameyawẽ neshaxinabu comandantẽ hawẽ soldado hatu pekamatã Deusbe hawenabu hãtxashunika shanẽ ibubu inũ Sinédrio dasibi hatu itxawatã Paulo kaĩmabaĩ hatu anu iyushũ hatũ besuuri nitxiã

Hechos 22:5

Ẽ hatu haska waya Damascokiriari Jesus ikũwaĩbu benabaũkĩ atxitã nenu iwetã ẽ hatu kupishanũ ea kuxipa wakĩ Deusbe nukunabu hãtxashunika shanẽ ibuhaira inũ nukũ mekenikabũ Damasco anu shanẽ ibubukiri ea keneshũ ea inãtã hari ea nitxĩnibuki. Na habiabu Deusbe nukunabu hãtxashunika shanẽ ibuhaira inũ nukũ mekenikabũ ea yununibũ ẽ haska akubaini unãkĩ matu yuitirubuki.

Hechos 23:1

Sinédrio itxabu dasibi shabakabi beiskĩ Paulõ hatu yuikĩ: —Ẽ betsabuũ, matu yuinũ nĩkakãwẽ. Ẽ hawa Deuski txakabu nima natiã Deuski dateama unãnuma ẽ hiweaki, Deusũ ea unãyanã— hatu waya

Hechos 23:15

Haskakẽ dasibibũ mã ana unãti pehaira wakĩ Paulo hau ana iwenũbũ beparãtã Romano soldado shanẽ ibu comandante yukakãwẽ. Hanushũ iweaibũ hanu mã itxamisbu anu hikiriama nũ tenãshanaii— iwanã —Nũ yubakakãshu nũ ma peki— ikaibu

Hechos 23:20

berunãtũ yuikĩ: —Paulo ana yukanũ, iwanã, mia beparãtã mexukiri habu Sinédrio anu mĩ Paulo hatu iyushũshanũ mia yukai bekatsi ma shanẽ ibubu yubakakãshuki.

Hechos 23:7

“Mawa ana besteãbuma ishanai inũ Deusũ nai tsuma inũ yushĩ hayamaki”, ikĩ saduceubũ yuimisbũ hanua fariseubu haskama: “Mawabu ana bestẽshanai inũ Deusũ nai tsuma inũ yushĩ hayaki”, akĩ yuimisbukẽ Paulõ ha hamebi haskakiri hatu hãtxa wai nĩkatã fariseubu inũ saduceubu ha iki hanubi kemanamei ha itxabu anua pashkaibũ

Hechos 24:15

Haska wakĩ yura pepabu inũ txakabubu kupikatsi Deusũ hatu ana bestẽwãshanai ikũwãkĩ ẽ manaii. Habiasri na judeubu nukube itxabũ habiaskari manariakanikiki.

Hechos 24:21

Hakia Sinédrio shanẽ ibũ hatũ besuuri nishũ hãtxa kuxipawẽ hatu yuikĩ: “Mawabu ana bestẽshanaibu ẽ ikũwaĩwẽ taeshũ natiã mã ea unãti waii”, akĩ Jerusalém anushũ ẽ hatu yuixinawẽ taea eki sinatai ikanimẽkaĩ. Hatu yukawe— aka

Hechos 28:20

Haskawẽ taeshũ mã ea uĩ ebe hãtxai benũbũ ẽ matu kenaxinaki. Nũ Israelbũ ha Deusũ nuku yubani nũ manakaibuwẽ taeshũ haskarawẽ dabanã ea mane dispi txiwetameyawẽ soldadobe ea meneshxinabumẽkaĩ, mã eki nukuyununã— hatu wa

Filipenses 3:5

Deusũ Abraão yununiwẽ taeshũ ẽ kaĩxina oito shabatiã ẽ hina kubitxi ea meshtenibuki. Ẽ Israelĩ baba betsa Benjamim shukua anua eari ẽ kainiki. Haskawẽ taea ẽ ibubu Hebreokẽ eari ẽ Hebreoki. Ha inũ, hawẽ hãtxa Deusũ Moisés yusĩni txibaĩ dasibi betsabu binui ẽ fariseu iniki.

Colosenses 1:5

Mã haskairã, Jesus Cristokiri kakape txanima nĩkatã benimakĩ matũ hiwea nai anu Deus anu mã haya mã manakaibu nũ matu unaiĩ.

Hebreus 6:19

Na haska ikũwãkĩ nũ manakaiburã, nukũ yushĩ nũ ma mestẽwãbuki, hawẽ shashu tsumakĩ mai betãti shãkama putakĩ mestẽwãkĩ mai pus amamisbu keska wakinã. Nukũ xinã haska mestẽwãwẽ taea Jesusũ ma nuku pewashuni anu hawa dateama nukũ Deus meribi anu nũ kematiruki.