Hebreus 9:10 - Kaxinawá Bíblia (BR)

¹⁰ Ha inũ, hawẽ yubati hãtxa bena Deusũ yuiriama haska wakĩ hau pishanũbũ inũ, haska wakĩ hau nushushanũbũ inũ, haskai pepai hau datxukishanũbũ yusĩkĩ hatũ yura bestikiri Deusũ hatu yununi hawẽ hatu merabewayuniki. Hakia natiã na habias hãtxa txibãkĩ tsuã ibubis hatũ xinã mekekĩ pewatirubumaki.

Kashinawa : Diosun Jesúswen taexun yuba bena yiniki

¹⁰ Ja inun, jawen yubati jancha bena Diosun yuidiama jaska wakin jau pixanunbun inun, jaska wakin jau nuxuxanunbun inun, jaskai pepai jau dachukixanunbun yusinkin jatun yuda bestikidi Diosun jatu yununi jawen jatu medabewayuniki. Jakia natian na jabias jancha chibankin tsuan ibubis jatun shinan mekekin pewatidubumaki.

Hebreus 9:10 Referencias Cruzadas

Gálatas 4:9

Hakia natiã Deus mã unaĩ bestima Deusũri duawakĩ matu unãriaikiki. Haska unãbiakĩ ana txĩtũkirã hawãra matu pepawatirubuma txibaĩ mã ana hatũ dayaru escravo ikatsis ikimẽkaĩ?

Efésios 1:10

Deusũ hanu menenũbarikatsi haska bebũkiri yubakani kaneama aniki. Haskawẽ taeshũ Deusũ Cristo shanẽ ibuwani ha mekemakĩ keyushũ yunumakatsi dasibi nai anua inũ mai anua haki dasiwatã tsumamashanikiki, Deusũ hatu itxawanũbariaitianã.

Efésios 2:15

Deusũ Moisés yunua hawẽ hãtxa kenekĩ hawẽ yunuti inũ hawẽ nemati haska txibaĩ nũ danãnanãrabei hiweshũ xinaĩ nũ ibiakubaĩmisbũ ana nuku haska hiwemakatsi ikama natiã yura shuku dabe wama hawenabu bestitxai keska nuku waniki, yura bena nuku wakinã, nũ judeubu inũ mã judeubumarã. Haska wakĩ nuku unãnuma hiwetiwaniki.

Colosenses 2:16

Judeubu hatũ beya tibi hayabuki. Haska inũ, hatũ beya betsa txibãkĩ piti dasibi pitirubumabia piti betsa besti pitirubuki. Haska inũ, hatũ beya betsa txibãkĩ hawẽ nushuti betsa atirububia betsa atirubumaki. Haska inũ, hatũ beya betsa txibaĩ itxatã besi betsa betsapawẽ besimisbuki, ushe benatiã inũ huĩrukũti sábado tibitianã. Haska tibi txibãkĩ amisbunã, hau matukiri haska xinaĩ ha iyamakubainũbũwẽ.

Hebreus 10:22

Haskawẽ taea nukuri Deusbe hãtxanũ ika nukũ xinã txakabũ nuku mekemis ana mekemama ũpashwẽ txuki keskatã nukũ huĩti shũpĩtã txanima kayabi ikũ kayabi wai Deusbe hãtxakubainãkãwẽ.

Hebreus 13:9

Haskakẽ yusĩa betsa betsapa benawakĩ matu yusĩaĩbu hatu hawa nĩkayamakubaĩshãkãwẽ. Hamẽ nũ Deus xinãkubainaibu nukuwẽ nuikĩ merabewakĩ nuku kuxipa wamiski. Hakia habu parananãkĩ betsa kaya hatũ beya pitikiri matu yusĩkĩ bikawaibu hatu nĩkayamakãwẽ, piti beya betsakiri txibãkĩ matũ huĩti tsuã ana kuxipa watirumakirã.

Hebreus 2:5

Bawaitiã na mai anu Deusũ damiwani anu yurabu hiwebaũshanaibu anushũ hau Deusũ nai tsumabũ yunuyamashanũbũ Deusũ hanu hatu yunuama iniki, na haskakiri nũ hãtxairã.

Hebreus 6:2

hatu naximakatsi hatu yusĩakirirã, habũ Cristo ikũwaĩbuki mapepishũ hatu Deus yukashũtikirirã, mawabu ana bestẽshanaibukirirã, Deusũ hatu unãti watã hanu hatu bika tenemapakeshanaikiri haskas yusĩawẽ besti nũ matu yusĩtirumaki.

Hebreus 7:12

Hanua Jesus Deusbe nuku hãtxashunika yunukĩ nukunabu Deusbe nuku hãtxashunikabu hatu binumakĩ hatu hamẽ waniki. Ha dikabi hawẽ yunuti inũ hawẽ nemati hãtxa betsa wakĩ Deusũ maewarianiki.

Hebreus 7:16

Haska hunibu hau nukunabu Deusbe hãtxashunika binua ikũkaĩshanũ Levĩ bababu anua katumisbu keska wakĩ ha hãtxa yununi txibãkĩ nukũ Shanẽ Ibu Deusũ katuama iniki. Hakia hiwea kuxipa haya tsuã yamawatirumawẽ taea niti ikama nuku hãtxashũpakeikiki.

Hebreus 9:1

Haska inũ, Deusũ Moisés ha dukũ yubakĩ yunukinã, na mai anu ha hiwe merãshũ haska wakĩ Deus kẽwãkĩ daewakubaĩtirubu hatu amaniki, haska wakubiranibu inũ natiã nuku ashũmisburã.