Hechos 24:25 - Kaxinawá Bíblia (BR)

²⁵ hiwea pepatikiri inũ ibubis pe meketikiri inũ dasibi txakabu Deusũ kupishanaikiri Paulõ hatu hãtxa wakĩ yusĩaĩ nĩkai datekĩ Félixsĩ nitxĩkĩ yuikĩ: —Kayuwe, xinãshũ ana ẽ daya hayamatiã ana mia nĩkakatsis ikĩ ẽ mia ana kenashanairã— atã

Kashinawa : Diosun Jesúswen taexun yuba bena yiniki

²⁵ jiwea pepatikidi inun ibubis pe meketikidi inun dasibi chakabu Diosun kupixanaikidi Pablon jatu jancha wakin yusiain ninkai datekin Félixin nichinkin yuikin: —Kayuwe, shinanxun ana en daya jayamatian ana mia ninkakatsis ikin en mia ana kenaxanaidan— atan

Hechos 24:25 Referencias Cruzadas

1 Reis 21:27

Eliasĩ hãtxa dasibi Acabẽ nĩkatã hawẽ shanẽ ibukĩ sawemis tari mayunepa ushnikĩ putatã hawẽ nui bika tenei unãmati tari besha sawea, samakei, habias tari tubeya ushakũkaini ana kanekatsi ikama huĩti nishmahairakũkainaya

Jó 29:14

Ẽ hãtxawẽ ẽ tsua parãma inũ, ẽ yunuti kushipa pepa bestiwẽ taeshũ ea duawabu haska uĩ ẽ hiwekũkainimaki.

Provérbios 16:12

Shanẽ ibuhaira txakabutũ yunutxakaibu Deusũ hatu danãhairamiski. Hakia shanẽ ibuhaira pepatũ hawẽ yunuti kushipawẽ hatu pe yunumisrã, haburã, pepaki.

Isaías 1:18

Senhor Deusũ ana matu yuiai nĩkakãwẽ: “Matube hãtxakĩ matũ hiwea ẽ matu pewakatsis ikai nenu ea anu bekãwẽ. Matũ txakabu huni dama tenã himi shana biri ikai keskabiakẽ matu txuka pewakĩ matũ txakabu matu buashũkĩ hushupa keska ẽ matu henekatsis ikaii. Mã txakabumis atimapahairabiakẽ matu txuka pewakĩ matũ txakabu matu buashũkĩ hushupa keska ẽ matu henekatsis ikaii.

Isaías 1:21

Haskatã maewã nĩkanikabia haskai shinã txakai mĩ ma aĩbu hininipa keskamẽ? Uatiã dasibi minabu pe hiweshũ pe besti aki hiwekubainibuki. Hakia eskatianã, mã huni sinatapabu bestiki.

Isaías 32:11

Mã aĩbuaibu nuima hiweabuũ, datei saki saki ikãwẽ. Matuki txiti ishũ mã aĩbuaibu matu kẽwãmisbuũ, ana haska shinãma date paepakĩ matũ batxi hawẽrua pekatã hawẽ nui bika tenei unãmati batxi besha sawerikãwẽ.

Isaías 41:21

Senhor Deus Jacó Shanẽ Ibuhairatũ yuikĩ: “Damibuũ, beshũ matũ kushipakiri ea uĩmai bekãwẽ. Hawara mã amis beshũ akĩ ea uĩmakãwẽ.

Isaías 55:6

Isaíasĩ hatu yuikĩ: “Mã Senhor Deuski nukukatsis ikairã, menã kenarikãwẽ, na habia txaima matu dapi nia mã haki nukutirukirã.

Isaías 61:8

Deusũ hatu yuikĩ: “Yunuti kushipa pepa ea Senhor Deusũ ẽ betxipaimiski. Hakia habu yumetsumisbu inũ yura betsa tenãmisbu danaĩ ẽ hatuki sinatamiski. Ẽ shinã haskawẽ taea enabu habu duawakĩ heneama pewẽ hatu manakukatsi iki ẽ hatube yubakakĩ mestẽwãkĩ ẽ akibi ashanaii.

Isaías 66:2

Dasibi betsa betsaparã, eã besti dami wakĩ ẽ keyuniki. Haska wakĩ ẽ taewa hayai hiwenibuki. Eã hunibu uĩkĩ merabewakinã, habu keĩsbuma inũ hatũ txakabu henetã ẽ hãtxaki mesekĩ nĩkamisbu ẽ hatu amiski, ikĩ ea Senhor Deusũ ẽ hãtxa ẽ mestẽwaiĩ”, iniki.

Jeremias 36:16

nĩkai hawẽ datehairai beisinã akeaketã Baruque ana yuikĩ: —Na haska hãtxa dasibi nũ nĩkairã, nukũ shanẽ ibuhaira Jeoaquim yuinũ kawe— iwanã,

Daniel 4:27

Haskawẽ taeshũ shanẽ ibuũ, ẽ hãtxa mĩ ea txibãtirumẽkaĩ, ea nĩkawe. Ana nĩkaismama pepas akubaĩwẽ. Mĩ txakabu henekubaini nuitapaibuwẽ nuikũkaĩshãwẽ. Haska wakubaini unanuma hiwei mĩ mabuyapakeshanimẽkaĩ, mia kupiamarã”, anikiaki.

Daniel 5:30

habias meshu merã Média nawabu detenamenikabu maewã Babilônia anu hikishũ Caldéia nawa shanẽ ibuhaira Belsazar tenãtã

Amós 5:24

Matu anua ẽ yunuti pepa kaiaĩ ẽ matu uĩkatsis ikaii, hene habai heneisma keskarã. Huni pepakĩ mã ana hatu parãbuma ẽ matu uĩkatsis iriaii, matũ pepa txatxa ũpash hawa netsuisma keskarã.

Amós 6:12

Matubunã, hawa shabakabi unãma benimakĩ yuikĩ: “Nukũ kushipawẽ hatu binukĩ maematã ikis nũ yunuti kushipa hayaki”, mã ibiamis ha hãtxa pepa yuibiakĩ betsa wakĩ tenãti dau keska mã wakubainaii. Ana betsa wakĩ maewakinã, ha yunuti pepa mã hawẽ sinatati txakabu wakubainaii. Kushikaini mishki mati matipa anu cavalo kai hawama ishtxuakeakekaĩtirumẽ? Itirubumahairaki. Hanua ianẽwã ukebukũ tsispukĩ pashkabaĩkĩ tsuã atirumẽ? Atirumahairaki. Haska keskariai Deusũ kupiti mã betsa watirumaki.

Habacuque 3:16

Mĩ haska washanai nĩkatã ẽ datehairaii. Ẽ kesha tari tari iki ẽ yura hirabi ẽ kushipa benui babui ẽ kishi mestẽtiruma ikimaki. Haskabiashanaya nukuki sinataibu tsakanamenikabu ha shabatiã Deusũ hatu bika tenemabiashanaya haskabiaya eã unanuma ẽ manakubaĩshanaii.

Mateus 22:5

hawa bekatsi ikama betsa hawẽ bai anu katanũ betsa hawẽ mabu hiwe anu dayai kakẽ

João 16:8

Ha Mekenã Bena hushunã, yurabu mai anuabu shabakabi Deuskiri txakabuwamisbu inũ, habũ Deuskiri txakabuwama pepa wamisbuma inũ, tsuabura Deusũ unãti watã kupishanai hatu unãmashanikiki.

Hechos 10:42

Hanua bari hawẽ heneaitiã haska yura dasibi mawabu tibi inũ hiweabu tibi Jesus shanẽ ibukĩ hatu unãti washanai nũ hatu yusĩkubaĩshanũbũ Jesus habitũ nuku yunubaĩyamaki.

Hechos 17:13

hatu haska wamaya Beréia anushũ Deusũ Messias kakapekiri Paulõ hatu yusĩaĩ judeubu Tessalônica anuabũ nĩkakĩ unãtã hawairabirani beshũ Paulokiri txani txakabaũkĩ Beréia anu hiweabu hatu xinã betsa wamakĩ yurabu hatu itimaska wai berukubaunaibũ

Hechos 17:2

Paulo ma haskamis beyawẽ taea hanu sábadotiã semana dabe inũ besti Paulo judeubube itxashũ Messiaskiri Deusũ hãtxa yuishunikabũ kenenibu betsa betsapa yuiaibube hatube yuinamekĩ:

Hechos 17:32

mawa ana bestẽtirubukiri nĩkatã betsabũ kashe waibũ hanushũ betsabũ kashe wama yuikĩ: —Nũ ma haska nĩkashuki. Betsatiã nũ ana mia nĩkatiruki— akaibũ

Hechos 2:37

hanu hatube itxabũ nĩkai haskatimẽ? ika hatũ huĩti nixmahairai bika tenekĩ xinãkĩ Pedro inũ Jesusũ tsuma kuxipaya betsabu hatu yukakĩ: —Betsabuũ, haskatã nũ haskatirumẽ?— hatu wabu

Hechos 24:15

Haska wakĩ yura pepabu inũ txakabubu kupikatsi Deusũ hatu ana bestẽwãshanai ikũwãkĩ ẽ manaii. Habiasri na judeubu nukube itxabũ habiaskari manariakanikiki.

Hechos 24:26

Félixsĩ Paulokiri xinã betsa wairã: “Ẽ hawa wama nitxĩshanũ pei itxapa hau ea inãshanũwẽ”, ikĩ Félixsĩ Paulo hawẽtxaĩs kenai habe hãtxabiakũkaĩkĩ

Hechos 26:28

Agripã kemakĩ: —Mĩ xinãnẽ, mĩ hawaira ea Cristo txibãmakatsis ikai?— aka

Hechos 9:6

Benikaini kai Damasco anu karitãwẽ, harishũ mĩ haskakũkaĩshanai tsuãra mia yuishanikikirã— akaya

Romanos 12:1

Ẽ betsabu inũ ẽ puibuũ, nukuwẽ dabanã ikĩ Deusũ nuku duawakubaĩmiswẽ taeshũ hawara xinãkĩ abuai natiã mã ashũkubainũbũ shabakabi ẽ xinaĩ matu yununũ nĩkakãwẽ. Haska Deus kẽwãkĩ yuinaka detetã menukĩ inãkĩ apaunibu keskama hakia natiã matũ hiweawẽ Deus duawanũ, iwanã, meribi pashkai pepatã Deus matũ yura inãkuĩa keska wakĩ hawẽ kemutapai benimawakubaĩkãwẽ. Haska wakinã, txanima kayabi mã Deus kẽwaiĩ.

Romanos 2:16

Haskawẽ taea hanu bari hawẽ heneaitiã Deusũ Jesus Cristowẽ taeshũ haska judeubu inũ judeubuma hawara txakabu inũ pepa hune akubaĩmisbu dasibi hatu unãti wakĩ keyushanikiki. Na haska washanaikiri hawẽ kaka pepa hawẽ meketi Jesus Cristokiri ẽ hatuki txanikũkainaii.

1 Coríntios 4:5

Hanu unãtiwati iriamabiakẽ matũmebi nuku tibi unãti wakĩ ha akĩ nuku txiteyamakubaĩkãwẽ. Hanu nukũ Shanẽ Ibu huaitiã mananãkãwẽ. Hatũ besti dasibi hune nũ amis shabakabi tashnimashanikiki, na haska huĩti merã nũ haya nuku bepẽshũ uĩmakinã. Hanushũ Deusũ nukũ daya unãkĩ betsa kẽhairawakĩ betsa beshmas kẽwãkĩ ikũwaĩbu tibi Deusũ kẽwãkeakeshanikiki, manakukinã.

Gálatas 3:22

Deusũ hãtxa Moisés keneni uĩkĩ dasibibũ txakabuwakubainaibukiri ibubis unãbiai pe hiwetirubumakẽ haska Deusũ hatu yubani Jesus Cristo ikũwãmisbũ besti hiwea kayabi bishãkanikiki.

Gálatas 5:23

babutã hãtxaisma inũ shetxakaismarã, hamebi hawẽ yura pe mekemisrã. Mã haskakũkainaiwẽ taeshũ Moisés yusĩawẽ tsuã matu hawa nematirubumaki.

2 Timóteo 4:1

Epa Deus inũ Jesus Cristo ha shanẽ ibuhairai hawẽ kuxipawẽ hushũ mawabu inũ hiweabu unãti washanaitũ nuku shabakabi uĩaĩbũ ẽ mia yunutxakayamai ea nĩkairawe.

Tito 1:8

Eskabu mĩ hatu atiruki. Nĩkawe, bai mapuabu inũ ikũwaĩbu beaibu hatu itã duawamisbu inũ, hawara pepa besti ikaibu abumisbu inũ, hawara ariama pe xinãmisbu inũ, hawara hãtxatã kanekatsi isbuma inũ, duapai Deuski datemisbu inũ, hatũ hiwea pe mekekubaĩmisburã.

Hebreus 12:21

Deusũ hawẽ kuxipa tashnima mesehaira uĩaĩbũ habiaskariai Moisés hatu yuikĩ: “Eari datei ẽ saki saki ikaii”, inikiaki.

Hebreus 3:13

Haskama matuburã, haska Deusũ hãtxa natiã txaniaya natiã besti matũ xinã mã hawaira pewatirubuki. Haskawẽ taea manama benimarabe bestinãkãwẽ, bari tibirã, hau tsuã taska betsa matu parãyamanũbũ inũ txakabũ matu meshtea txĩtuĩ matũ huĩti mã kuxiyamanũbunã.

Hebreus 4:1

Ha haskanibukiri natiã nũ yuikubainairã, hawẽ mae pepa haska Deus yubakani hanu huĩrukuĩ hikikatsi iki nũ ikaiburã, haska keskariki. Uĩrakãwẽ. Betsabũ matũ xinã mã betsa wamakẽ haskawẽ taea mã hikitirumariki.

Hebreus 6:2

hatu naximakatsi hatu yusĩakirirã, habũ Cristo ikũwaĩbuki mapepishũ hatu Deus yukashũtikirirã, mawabu ana bestẽshanaibukirirã, Deusũ hatu unãti watã hanu hatu bika tenemapakeshanaikiri haskas yusĩawẽ besti nũ matu yusĩtirumaki.

Hebreus 9:27

Yurabu dasibi besti wai mawamiskẽ hanushũ txipu Deusũ hatu unãti washanikiki.

Santiago 2:19

Hanushũ matu betsãri xinãkĩ yuikĩ: “Epa Deus ha besti kuxipakẽ ha besti ẽ ikũwaiĩ”, ikĩ mã pe xinãkĩ yuiaii. Haskabiakẽ yushĩ txakabubũ habiaskari ikũwãbiai Deuski datei hawẽ yura txuruĩ saki saki iriamisbuki, kupishanaiki dateirã.

1 Pedro 3:15

Hamẽ Cristo matũ Shanẽ Ibu ashũkinã, matũ hiwea inãkĩ kẽwãkubaĩkãwẽ. Matũ hiwea mã ma pewakẽ tsuãra haska mã Cristokiri kakape ikũwaĩ matu yukaibu mã hatukiri pe shabakabi txanikĩ mã hatu kematiruki,

2 Pedro 1:6

ibubis matũ yurakiri xinã pewatã mekekubaĩkãwẽ. Haskai mã hĩ hĩ imis tapĩ beshtekekubaĩkãwẽ. Haskai Deusbe mã haibunamehairai

1 João 3:10

Deusũ bakebu inũ Satanásã bakebu mã unãti watirurã. Tsuãra pepa akubainama inũ ikũwaĩbube abunameamarã, Deusunabumaki.

1 João 3:7

Ẽ bake keskabuũ, hau tsuã matu parãyamanũ ẽ matu yuiai nĩkakãwẽ. Jesus Cristo pepa ikũkaini keskakĩ tsuãra txibãkĩ pepa akubainairã, ha hunirã, hawẽ xinã pepariki.

1 Samuel 12:7

Haskawẽ taeshũ matũ shinã pewakĩ ea nĩkahairakubaĩkãwẽ. Senhor Deusũ nuku nĩkaya haska wakĩ matũ shenipabu inũ maturi Senhor Deusũ duawakubirãmiskiri yuikĩ ẽ matu shabakabi washunai ea nĩkakãwẽ.