Mĩ haska waiwẽ taeshũ Senhor Deusũ yuikĩ: Na habiatiã ẽ shanẽ ibu Senhor Deus mĩ ea tapiaiĩ, mia waikiki. Haska hakiri mĩ unãmakẽ ea yunushu mĩ uinũ na mestẽtinĩ ẽ hene bekusha dasibi hene himi keyuikiki.
Apocalipse 16:6 - Kaxinawá Bíblia (BR) Mĩ hãtxa yuishunikabu inũ Jesus txibaĩbu itxakawakĩ habũ himi habawakĩ tenãkubaĩmisbu haburi hatu kupikĩ himi mĩ hatu amaii. Haska mẽnũ ika imisburã, hau haskanũbũwẽ”, akaya Kashinawa : Diosun Jesúswen taexun yuba bena yiniki Min jancha yuixunikabu inun Jesús chibainbu ichakawakin jabun jimi jabawakin tenankubainmisbu jabudi jatu kupikin jimi min jatu amaii. Jaska menun ika imisbudan, jau jaskanunbunwen”, akaya |
Mĩ haska waiwẽ taeshũ Senhor Deusũ yuikĩ: Na habiatiã ẽ shanẽ ibu Senhor Deus mĩ ea tapiaiĩ, mia waikiki. Haska hakiri mĩ unãmakẽ ea yunushu mĩ uinũ na mestẽtinĩ ẽ hene bekusha dasibi hene himi keyuikiki.
Habũ matu yunu yunu akĩ bika tenemamisburã, ibubis hatunabubetãri bika teneshãkanikiki, hatũ nami ibubis piai keska wakinã. Ibubis hatũ himiwẽ paẽshãkanikiki, vinhowẽ paeã keskairã. Haskaibũ ha dasibi yura hiwebaunabũ ea ẽ Senhor Deus matũ mekenã piskumanika inũ ea ẽ Jacó kushipahaira inũ ea ẽ matũ mebikinanika habũ ea unãshãkanikiki”, itã,
Matũ bakebu ẽ hatu yusĩbia hawa tapiãbumabiakẽ hamẽ ẽ hatu kupimiski. Maturã, pubenepa mã inu betsa leão keskabuki. Ẽ hãtxa yuishunikabu ẽ matu yunua hatuki sinatakĩ mã hatu tenãkubaĩmisbuki.
Jeremias hatu bebũ iweshũ ha shanẽ ibubu inũ yurã kaiã dasibi itxabu hatu nĩkamakĩ hawenabu Deusbe hãtxashunikabu inũ Deusũ hãtxa yuishunika txakabubũ hatu yuikĩ: “Na huninã, nukũ maewã atimapa washanaibukiri txanitxakashuwẽ taeshũ hatu yunukãwẽ, hau tenanũbunã, haskai dasibibũ ma nũ nĩkakãshuwẽ taeshunã”, akaibũ
hanua shanẽ ibubu inũ yura kaianẽ hawenabu Deusbe hãtxashunikabu inũ Deusũ hãtxa yuishunika txakabubu hatu yuikĩ: “Nukũ mekenã Senhor Deusũ kena kushipawẽ nuku hãtxa waikiki. Ha huni hau tenanũbũ hawawẽ taeshũ nũ hatu yunutirumaki”, ikaibũ
Hamẽ hatuwẽ nuiama txitekĩ mã hatu ha amiskẽ habiaskari wakĩ Deusũ ha mã hãtxai ha imiswẽ Deusũ matu ha akĩ txiteriashanikiki. Ha inũ, habias xinãwẽri mĩ hatu unãti wamiswẽ Deusũ maturi unãti washanikiki, kaneamarã.
Hakia betsarã, shanẽ ibũ yunuama kakẽ hawẽ xinã haska abuai unãma kanemisbu ha mawaira hatu kupiama ishanikiki. Hanushũ tsuara Deusũ hãtxa itxapa inãxina hawẽ taeshũ hawẽ daya itxapari yukashanikiki. Tsuara Deusũ itxapa mekemamis hani haska wamis itxapari yukariakubaĩshanikiki— iwanã,
Matubunã, xinãkãwẽ. Tsuabũ meshanimẽkaĩ, ha hawa hatuwẽ nuiama Deusũ hatu kupitxakayamashanairã. Jesus Cristõ himiwẽ hawẽ hatu yubani Deusũ Yushĩnĩ hawẽ taeshũ hatu abubia tsuabũra Deusũ bakeki hameĩ haki kashekĩ hawẽ himi hatu habashũbiani danãkĩ itxakanikiki, hawẽ taea habũ ikũwaĩbu pepati wabianikenã.
Ha dukũ mai hirabi anuabũ mia abuama mia danã paepawai miki sinatakubainimabuki. Hakia miari natiã hatuki sinatariai hanu hatu kupinũ ika mĩ ma tashniaki. Hanushũ mawabu bestẽwãtã hatu unãti wakĩ mĩ tsumabu mĩ hãtxa yuishunikabu inũ, minabu wakĩ meribi mĩ hatu wani habu dasibi shanẽ ibubu inũ shanẽ ibubumã mia txibãkĩ mia kẽwãkubaĩmisbu habũ pepawẽ mĩ hatu manakushanaii. Hakia habũ hawara mai anushũ pepa yamawakĩ mia txibãkubainama mia danãmisbu habũ txakabuwẽ hatu unãti watã manakuriakĩ habũ txakabuwẽ miãri mĩ hatu yamawai kaii”, akaibu ẽ nĩkaya
“Tsuara bitxiti hiwe anu iyukatsi ikĩ bitxiti hiwe anu hatu bitxishãkanikiki. Hanushũ tsuara nupe txaipawẽ hatu tenãkatsis ikĩ nupewẽ hatu debuwashãkanikiki”, habũ txanima Deus ikũwãkĩ habũ hawa xinã betsa wama hatũ kuxipa hatu uĩmashãkanikiki, ikũwaĩ meribibunã.
ma damiwabũ yuinaka ha katxukeatũ ha ha dukũ yuinaka mese kuxipa inã ha damiwabu hiwemakĩ hãtxamaya habũ ha kẽwãbuma hau hatu tenãnũ
haskaya hui betsa kaĩ txani: “Nai anuabu inũ, mã Deusunabu meribibu inũ, mã hawẽ hãtxa yuishunikabu inũ, mã Jesusũ kuxipayaburã, Deusũ na mae ewapa txakabuhaira kupikĩ matuwẽ dabanã shũska sinatakĩ ashanaiwẽ taea maturã, benimai xinã txãkãkubaĩshãkãwẽ”, ikai nĩkatã ẽ matu keneshunaii.
“Ha mae Babilônia anushũ Deusũ hãtxa yuishunikabu inũ ikũwaĩbu betsabũ Jesus txibaĩbu inũ yura betsabu hatu tenãkĩ habũ himi haba wamisbuwẽ taeshũ na mae ewapa haki sinatakĩ Deusũ kupikĩ yamawashanikiki”, ea wa
Ha inũ, yura dasibibu unãshũ kaneama kupimiswẽ taeshũ mae ewapa aĩbu hininipa keskatũ yurabu dasibi txakabuwamakubainai ma kupikiki. Ha inũ, aĩbu hininipa keskatũ Deusũ tsumabu tenãkubaĩmiswẽ taeshũ Deusũ hawẽ mae ewapa haki sinata paepakĩ yamawaikiki”, itã