Lucas 12:48 - Kaxinawá Bíblia (BR)

⁴⁸ Hakia betsarã, shanẽ ibũ yunuama kakẽ hawẽ xinã haska abuai unãma kanemisbu ha mawaira hatu kupiama ishanikiki. Hanushũ tsuara Deusũ hãtxa itxapa inãxina hawẽ taeshũ hawẽ daya itxapari yukashanikiki. Tsuara Deusũ itxapa mekemamis hani haska wamis itxapari yukariakubaĩshanikiki— iwanã,

Kashinawa : Diosun Jesúswen taexun yuba bena yiniki

⁴⁸ Jakia betsadan, xanen ibun yunuama kaken jawen shinan jaska bechipaiai unanma kanemisbu ja mawaida jatu kupiama ixanikiki. Januxun tsuada Diosun jancha ichapa inanshina jawen taexun jawen daya ichapadi yukaxanikiki. Tsuada Diosun ichapa mekemamis jani jaska wamis ichapadi yukadiakubainxanikiki— iwanan,

Lucas 12:48 Referencias Cruzadas

Mateus 13:12

Hakia tsuabũra ẽ hãtxa besti nĩkakĩ txibaĩbu itxapa ẽ ana hatu shabakabi yusĩkubaĩshanaii. Hamẽ tsuabũra eskarabes nĩkabiakĩ ea txibaĩsbuma ha eskarabes ẽ hatu mebĩshanaii, hakimawakinã— iwanã

Lucas 12:41

hanushũ Pedrõ Jesus yukakĩ yuikĩ: —Yusĩnaã, na miyuiwẽ mĩ nuku yusĩaĩnã, nukuna bestimẽ? Dasibitunaraka?— aka

Lucas 12:49

Jesusũ ana hawẽ tsumabu yusĩkĩ yuikĩ: —Ea ikũwaĩbu inũ ea ikũwãbuma hawẽ unãti wakĩ hatu pashkakĩ unãti wanũ ika ẽ huniki. Haskakẽ ewẽ taea hau pashkanũbũ ẽ manayuaii.

Lucas 16:2

hawẽ tsumapã kenashũ yuikĩ: “Mikiri yuiaibu ẽ nĩkairã, ikũmẽ? Ẽ pei inũ ẽ mabu mĩ ubisita wamiskiaki. Haskakẽ haska nuku deveabu conta tibi pewashũ ea inãtã ana ea dayashunama hanira kaĩrikaĩtãshãwẽ”, aka

João 15:22

Ẽ yusĩ hua hãtxamakẽ habu na mai anu hiweabũ ibubis xinaĩ: “Ẽ pepaki”, itirububia eskatiã ana haska washũ hatũ txakabu ibubis hũtãtirubumaki, mekeirã.

Hechos 17:30

Ũ unu bari betsatiã yura betsa betsapabũ hawa unãbumakẽ Deusũ hatu beruwẽs uĩyukubainiki. Hakia natiã ana haska wama mai hirabi anu hiwebaunabũ hau hatũ xinã betsa watã hakiri hau xinãnũbũ Deusũ hatu yunuikiki.

1 Timóteo 1:11

Na nemati tibi hayawẽ Deusũ kaka pepa hawẽ bakekiri Deus duapahairatũ ea yusĩtã haska ẽ txanikũkaunũ ea yununiki.

1 Timóteo 1:13

Ha dukunã, Jesus Cristokiri txakabu yui haki shetxakakĩ ha ikũwaĩbu danãkĩ ẽ hatu itxakawayuniki. Haskati dabanẽ Jesus Cristo ẽ ikũwãriama haska ẽ xinaĩ inũ haska ẽ akubainai Deus ẽ benimawai dabanẽ ẽ ibiaya ha ẽ kaneaiwẽ taea Deus ewẽ nuitxakayamaniki.

1 Timóteo 6:20

Timóteoõ, mĩ xinã mekeirawe, haska Jesus Cristoki mĩ txiti ikawẽ taearã. Haskai betsabu tatimai unãnepanũ ika kemanamei ana Jesus Cristo ikũwãma hatũ xinã meribi watã ma txĩtuãbuki. Haskakẽ mianã, ha hãtxatxakaiburã, hatũ yusĩa txakabuwẽ parananaĩ: “Nukũ hãtxa unãnepati kayabiki”, ikĩ yusĩa pepa beshtenũ ikaibu hamẽ hatu nĩkayamakubaĩwẽ. Nukũ Shanẽ Ibũ hau hatube mia duawakubainũwẽ. Hatiski, ẽ hãtxarã. Paulo

Tito 1:3

Natiã hanu ma menekĩ hanu ati wani anu hawẽ bakekiri kakape nũ unãshanũbũ nukũ Epa Deus mekenãtũ nuku unãmani haska wanishũ eki txiti ikaya hawẽ yunuawẽ hawẽ hãtxa ẽ hatu tapĩmakubainaii.

Santiago 3:1

Ẽ betsabu inũ ẽ puibuũ, matuwẽ nuikĩ ana matu yusĩnũ nĩkakãwẽ. Hatira itxapa matũmebi hatũ yusĩnanũ ika hawẽ kemuyamakãwẽ. Na hiwea nũ unãmabia nũ Deus dayashunũ ikaiburã, haska tibi hatu merabewai nũ hãtxakĩ hatu yusĩbiamis habiawẽ taeshũri hawa kaneama Deusũ nuku tibi unãti washanikiki.