Êxodo 7:17 - Kaxinawá Bíblia (BR)

¹⁷ Mĩ haska waiwẽ taeshũ Senhor Deusũ yuikĩ: Na habiatiã ẽ shanẽ ibu Senhor Deus mĩ ea tapiaiĩ, mia waikiki. Haska hakiri mĩ unãmakẽ ea yunushu mĩ uinũ na mestẽtinĩ ẽ hene bekusha dasibi hene himi keyuikiki.

Êxodo 7:17 Referencias Cruzadas

2 Reis 19:19

Senhor Deusuũ, mia besti mĩ mekenika Deuski”, iwanã, “Mai hirabi anu yurabu shukua betsa betsapabũ hau mia unãkĩ tapĩkubaĩshanũbũ Senhor Deusuũ, mĩ nukũ mekenika Deuswẽ taeshũ ikis Assíria nawabu kushipabu nuku nemashũkĩ nuku mekekubaĩshãwẽ”, ikaya

Êxodo 1:22

Ana hawawẽ hatu nematima Egito shanẽ ibu Faraónẽ hawenabu dasibi yunukĩ: —Hebreu huni bakebu tibi kaĩyaĩ hatu mebĩtã nukũ hene anu pukukubaĩkãwẽ, hakia hatũ aĩbu bakebu besti kaĩyaĩ ha hatu heneshũkubaĩkãwẽ, hau hiwenũbunã— hatu wa haska hatũ shanẽ ibũ ma hatu yunua akĩ taewabainaibũ

Êxodo 4:9

Hakia ha dami dabe mĩ hatu ashũbia mia hawa ikũwãbumakẽ ana hatu dami betsa washũkĩ Egitõ hene anua ũpash shumuki bitãshũ mai metu anu mĩ hukaya ũpashbia hawaira dami himishanikiki, ha dami dabe inũ besti hau ikũwanũbunã— aka

Êxodo 5:2

hatũ hãtxa nĩkabiakĩ hawa hatu tapĩkatsis ikama Faraónẽ hatu yuikĩ: —Matũ mekenika Senhor Deus tsuamẽ? ha nĩkatã eã Israelĩ enabu ẽ nitxinunã. Ha matũ mekenika ẽ unãma inũ matunabu besi buaibu ẽ hatu nitxiãmahairaki— hatu wa

Êxodo 7:20

Senhor Deusũ yunua kashũ hau haska wanũ Moisĩ Arão ama hawẽ merabewanika shanẽ ibububetã Faraónẽ uiãyã Arãonẽ hawẽ mestẽti binikĩ sanãtã hatũ henewã bekusha hene dasibi dami himi keyuaya

Êxodo 7:5

Ẽ kushipawẽ Egito nawabu kupitã hatu anua Israelĩ enabu ẽ hatu tashnimabainai eã ẽ matu haska wabainai Egito nawabũ ea ẽ matũ shanẽ ibu Senhor Deus ea unãshãkanikiki— akĩ Senhor Deusũ Moisés yuia

Daniel 4:17

Deus kushipahaira dasibi hatu binuatũ yurabu tsumashũ tsuara shanẽ ibubu wakatsi ikĩ ibubis katutiruki, yura shukua betsa anu huni hawauma hatu shanẽ ibu wamiski, hatu yunukubaĩti wakinã. Na kupiti hiweabu dasibibũ hau tapĩshanũbũ hawẽ nai tsuma meribibu yununiwẽ taeshũ ha nai tsuma uinikatũ mekenikabũ nũ mia ma banabimaii, ea wa ẽ nĩkashinaki.

Daniel 4:32

Tari mĩ benãta hiwenũ minabũ mia nitxĩshãkanikiki. Inabube hiweshũ ina awa keskakĩ basi mĩ pikubaĩshanaii. Deus kushipahaira dasibi hatu binuatũ yurabu shukuabu tibi manibaunabu yunukĩ tsuabura shanẽ ibu wakatsi ikĩ ibubis katutiru mĩ tapĩriama yuinaka keska 7 ano hiwekũkaĩkĩ atimas tapĩtã mĩ unãshanaii”, akaya

Daniel 4:37

Ibubis kẽkubainaibu hatu nese wakĩ pepa wamis inũ txanima akubaĩmiswẽ taeshũ nai anu shanẽ ibu Deus duawakĩ hawẽ hãtxa nĩkakĩ ea ẽ Nabucodonosorĩ pepawakĩ shabakabi ẽ kẽwãkubainaii”, hatu wani unanuma hiwekũkaini mawanikiaki.

Daniel 5:21

hau tari hiweyukũkaĩshanũ nitxiãbu dami betsai yuinaka keskai jumento inamabe hiweshũ ina awa keskakĩ basi pikubaini basnũmã hawẽ yura txa akubaina Deus kushipahaira dasibi hatu binuatũ yurabũ shanẽ ibu hatũ tsuara shanẽ ibu wakatsis ikĩ hatu betxipaikĩ katumis tapĩriama yuinaka keskai hiwekũkaĩkĩ atimas mĩ hutxĩ tapĩkĩ unaniki.

Daniel 5:23

Hakia nai anua Senhor Deuski kashekĩ hawẽ Templo anua hawẽ kẽwãti kẽtxa itxapa hau bitanũbũ mĩ hatu yunua bitãshũ ha besiaibubetã Senhor Deusũ kẽtxawẽ uva vinho akubaĩkĩ matũ dami yushĩ ouro inũ, prata inũ, bronze inũ, ferro inũ, hi inũ, nẽkati dami itxapa wanibu habũ hawa uiãbuma inũ, hawa nĩkabuma inũ, hawa unãbumahaira mĩ hatu kẽwãmashuki. Hakia betsarã, Deusũ besti mia hiwemakubaĩkĩ dasibi mĩ hiwea mia tsuma keyubia mĩ ha kẽwaĩsmaki.

Apocalipse 11:6

Ha inũ, Deusũ hawẽ kuxipa hatu yunua hawẽ hãtxa yusĩkubaĩkĩ hau ana ui iyamayunũ nai beputirubuki. Ha inũ, habũ hene dami wakĩ himi watirubuki. Ha inũ, hawatiãra hatu dasibi tenemakatsis ikĩ hamapai isĩ inũ hamapai betsa xarabu mai anu hiweabu hatu bika tenemakeaketirubuki, Deusũ kuxipa hayabuwẽ taeshunã.

Apocalipse 8:8

hanushũ nai tsuma ha segundõ hawẽ trombeta txã akaya tsuãra iãnẽwã hatiubukũs watã pake dabe inũ besti habiatiubus wakẽ mati ewapa menuai keska iãnẽwãnu Deusũ puta pukukĩ iãnẽwã pakea betsa himiwaya