Jeremias 26:16 - Kaxinawá Bíblia (BR)

¹⁶ hanua shanẽ ibubu inũ yura kaianẽ hawenabu Deusbe hãtxashunikabu inũ Deusũ hãtxa yuishunika txakabubu hatu yuikĩ: “Nukũ mekenã Senhor Deusũ kena kushipawẽ nuku hãtxa waikiki. Ha huni hau tenanũbũ hawawẽ taeshũ nũ hatu yunutirumaki”, ikaibũ

Jeremias 26:16 Referencias Cruzadas

Provérbios 16:7

Tsuara hiwei pekũkaĩkĩ Senhor Deus benimawaibũ hanushũ hatuki sinataibu Senhor Deusũ hatu daewashũtiruki, hau ana habe sinatama ha dabe hau hiwei pekubainũbunã.

Jeremias 26:11

Jeremias hatu bebũ iweshũ ha shanẽ ibubu inũ yurã kaiã dasibi itxabu hatu nĩkamakĩ hawenabu Deusbe hãtxashunikabu inũ Deusũ hãtxa yuishunika txakabubũ hatu yuikĩ: “Na huninã, nukũ maewã atimapa washanaibukiri txanitxakashuwẽ taeshũ hatu yunukãwẽ, hau tenanũbunã, haskai dasibibũ ma nũ nĩkakãshuwẽ taeshunã”, akaibũ

Jeremias 36:19

hanushũ habũ Baruque yuikĩ: —Na haskawẽ taearã, irui mia inũ Jeremias hanira butãkãwẽ, hau tsuã matu unãyamanũbũ huneirã— akabu, hunetanũ ika Baruque kakẽ

Jeremias 36:25

Una sebi hau meshtetã kuakĩ haska wayamanũ Elnatã inũ, Delaías inũ, Gemariasĩ nemabiabu Jeoaquimnẽ hawa hatu nĩkamahaira kuakubaĩkĩ keyunikiaki.

Jeremias 37:15

“Tashnikainũ ikaya ẽ iweshuki”, hatu wa habu Jeremiaski sinatahairakĩ hau bitxinũbũ shanẽ ibu beshmasbũ hatu yunua kusha kusha atã keneshunika Jônatasã hiwebiakẽ ma bitxiti hiwe washiãbu anu iyushũ bitxiabu

Mateus 27:54

Hanua Romano capitão inũ habũ Jesus mekekĩ mai patxa sakui betsa betsai uĩ datehairakĩ yuikĩ: —Ikũ kayaki. Na hunirã, Deusũ bakeki— ikaibũ

Lucas 23:47

hanushũ Romano soldado capitão Jesus haskai uĩtã Deus kẽwãkĩ yuikĩ: —Ikũki. Na huni txakabumaki— akaya

Hechos 23:29

hatũ shenipabũ yusĩni Paulõ betsa wamis haki sinatakĩ txitekĩ kũyã akaibu ẽ nĩkaxinaki. Hakia hawa txakabu hayamawẽ taeshũ haska ha huni tenãtima inũ haska bitxiti hiwe merã bitxitimakẽ ẽ hatu nemaxinaki.

Hechos 23:9

haskaibũ unãshubima dasibibũ yui kemanamei keketikubaunaibũ hanua Deusũ hãtxa kenenibu yusĩnanãmisbu fariseubu betsa benitã fariseubu hãtxashunũ, iwanã, hatu yuikĩ: —Na huninã, hawa txakabuwamaki. Yushĩ kasmai nai tsuma habe hãtxai daki ixiãki— hatu waibũ

Hechos 25:25

Hakia haska hakiri yuibiaibũ eã ẽ nĩkaxinarã, haskawẽ dabanã ẽ tenãtiruma xinãtã ẽ haskara wayupanã hamebi ea yukakĩ: “Hau matũ shanẽ ibu kaya Césarn Roma anushũ hau ea unãti washanũ ea hari yunuwe”, ea waxina hari yunukatsi ẽ xinãxina ẽ yunushanaii.