Apocalipse 16:5 - Kaxinawá Bíblia (BR)

⁵ nai tsuma hene hatũ mekemistũ Deus yuikĩ: “Mai hayariama mĩ hiweni inũ natiãri Deus meribi hiwemistũ hawa kaneama habis hatu unãti wakĩ mĩ amisrã, mĩ mia besti nũ unaiĩ.

Kashinawa : Diosun Jesúswen taexun yuba bena yiniki

⁵ nai tsuma jene jatun mekemistun Dios yuikin: “Mai jayadiama min jiweni inun natiandi Dios medibi jiwemistun jawa kaneama jabis jatu unanti wakin min amisdan, min mia besti nun unaiin.

Apocalipse 16:5 Referencias Cruzadas

Gênesis 18:25

Mĩ hatu haska wayarã, txakabubu inũ pepabu habiaskas txakabu wamisbu keska wakĩ mĩ hatu tenã keyushanai? Mianã, mĩ hatu haska watirumaki, huni txakabubu inũ pepabu habiaskas kupi keyukinã. Mĩ mai hirabi anu uinikaki. Mĩ pewanikawẽ taeshũ mĩ hatu haska yunuismaki— aka

João 17:25

—Epaã, mĩ kaneismaki. Mai hirabi anu yura hiweabũ mia unãbumabiakẽ eã, ẽ mia unaiĩ. Na ebe mapuabũ mĩ ea yununi unãkanikiki.

Romanos 2:5

Haska inũ, mã hatiritũ txakabu betsa betsapa akĩ henekatsi ikama Deus xinãma txakabu ibubis matsãkeakebaĩkĩ Deus sinatamamisbuwẽ taeshũ yurabu dasibi unãti washanaitiã ana manama Deusũ matu kupishanikiki.

Romanos 3:5

Yura betsã xinã txakai hãtxatiru keska matu xinãmanũ nĩkakãwẽ. Yura betsã ea yukakĩ: “Nũ txakabu betsa betsapa wamiswẽ taeshũ Deusũ hawẽ yubakawẽ nukuwẽ nuibiai haskai Deus pepama ikaskĩ nuku kupimismẽ? Haskakenã Deusrã, txakaburaka”, ikaya

Apocalipse 1:4

Mã Jesus txibaĩbu ha sete yusĩnanaĩ itxamisbu tibi Ásia mai pakeanuabuũ, ẽ Joãonẽ, ẽ matu kene bumai nĩkairakãwẽ. Ha ini inũ, ikũkainai inũ, ana hushanaitũ, nukũ Deusunã, hau matu duawakĩ hawẽ pepa matu inãkĩ unãnuma matu hiwemakubainũwẽ. Habiaskari wakĩ ha sete yushĩ pepa hawẽ shanẽ ibu tsauti bebũ mapuabu hau habũ habiaskari matu wanũbũwẽ.

Apocalipse 1:8

Hanua mai hayariama nukũ Shanẽ Ibu Deus dasibi kuxipahaira hiwea haya inũ, natiã hiwekũkainai inũ, ana hushanaitũ ea yuikĩ: “Ea dukũ ẽ hiweni inũ ẽ hawẽ henea debesekeaki”, ea washuki.

Apocalipse 11:17

yuikĩ: “Yavé Deusuũ, mĩ pehairaki. Mai hayariama mĩ hiwenirã, natiã betsama habias mĩ hiweaki. Shanẽ ibu betsa yamawatã mĩ kuxipa mĩ hayakũkaĩmiswẽ yura dasibibu mekei mia besti mĩ ma shanẽ ibui taeaii. Mia besti kuxipa dasibi binu keyua mĩ pepa nũ mia kẽwaiĩ.

Apocalipse 16:4

hanua nai tsuma ha terceiro kashũ hawẽ kẽtxaki Deus sinatamis mata hene kayabi dasibi inũ txatxa dasibi anu hukaya hene dami himi keyuaya

Apocalipse 16:7

hanushũ Deus kẽwãkĩ tapu hanu hawẽ inãkuĩti hanamisbu anushũ tsuãra yuikĩ: “Shanẽ Ibu Epa Deus dasibi binuatuũ, hanuki. Dasibi kuxipayakĩ kaneisma yurabu unãti watã txanima mĩ xinã kayatapiawẽ miã besti mĩ hatu kupiaii. Mĩ pehairaki”, akaya

Apocalipse 19:2

Ha inũ, yura dasibibu unãshũ kaneama kupimiswẽ taeshũ mae ewapa aĩbu hininipa keskatũ yurabu dasibi txakabuwamakubainai ma kupikiki. Ha inũ, aĩbu hininipa keskatũ Deusũ tsumabu tenãkubaĩmiswẽ taeshũ Deusũ hawẽ mae ewapa haki sinata paepakĩ yamawaikiki”, itã

Apocalipse 4:8

hatibu seis pũyã peiya habũ yura hirabi hawẽ berunati txasha dakabũ bariri inũ mexu merã Deus kẽwãkĩ habũ heneisbumã yuikĩ: “Mĩ pepahairaki. Mĩ dasibi kuxipa binuaki. Mai hayariama nukũ Shanẽ Ibu Deus dasibi kuxipahaira hiwea haya inũ, natiã hiwekũkainai inũ, ana mĩ butushanai nũ unaiĩ”, ikĩ

Apocalipse 6:10

habũ hãtxa kuxipawẽ yuikĩ: “Mĩ nukũ Shanẽ Ibu binu keyua meribi mĩ txanima kayabiki. Haskakẽ mai anushũ habũ nuku tenãniburã, hatiã mĩ hatu unãti watã hatu nuku kupishũshanai?” akabu