Hebreus 10:29 - Kaxinawá Bíblia (BR)

²⁹ Matubunã, xinãkãwẽ. Tsuabũ meshanimẽkaĩ, ha hawa hatuwẽ nuiama Deusũ hatu kupitxakayamashanairã. Jesus Cristõ himiwẽ hawẽ hatu yubani Deusũ Yushĩnĩ hawẽ taeshũ hatu abubia tsuabũra Deusũ bakeki hameĩ haki kashekĩ hawẽ himi hatu habashũbiani danãkĩ itxakanikiki, hawẽ taea habũ ikũwaĩbu pepati wabianikenã.

Kashinawa : Diosun Jesúswen taexun yuba bena yiniki

²⁹ Matubunan, shinankanwen. Tsuabun mexanimenkain, ja jawa jatuwen nuiama Diosun jatu kupichakayamaxanaidan. Jesucriston jimiwen jawen jatu yubani Diosun Yushinin jawen taexun jatu bechipaibia tsuabunda Diosun bakeki jamein jaki kaxekin jawen jimi jatu jabaxunbiani danankin ichakanikiki, jawen taea jabun ikunwainbu pepati wabianikenan.

Hebreus 10:29 Referencias Cruzadas

Salmos 91:13

Inu betsa leão anu inũ, yuinaka mese atimapa anu inũ, dunu pianãbu anu mĩ nibiakauanai mia habũ meama ishãkanikiki.

Êxodo 24:8

hanushũ Moisés himi kẽtxa betsa anua tsumatã ni peiwẽ himi pukushũ hawenabu basha basha akubaũkĩ habiatiãri hatu yuikĩ: —Na yuba hãtxa ẽ matu yuishu na himiwẽ Senhor Deus matube yubakaikiki, na hawẽ hãtxa ẽ matu yuishu tushkutima mã hawẽ shinãpakeshanũbunã— hatu watã

Isaías 28:3

Efraimnẽ mae hawẽ maiti hawẽrua keska anua paeĩ hawẽ kẽmisburã, hawẽ taewẽ pema pema akĩ yamawashanikiki.

Isaías 63:10

Hatu haska wabia Israelbũ Senhor Deusũ Yushĩ sinatamakĩ dananibuki, nukũ mekenika meribi itxakinã. Haskawẽ taea ha danaĩbuki sinatakĩ hau hatu detenũbũ nawabuwẽ hatube detenamekũkainiki.

Jeremias 1:5

“Mĩ ibubũ mia bikĩ naneriama bebũkiri ẽ mia katuniki. Minabu shukuabu tibi hiwebaunabu anu ẽ hãtxa ea yuishunika mĩ ikũkaĩshanũ mĩ kaĩriama eã mia meribi wakĩ ẽ mia pashkaniki”, ea wa

Miquéias 7:10

Eki sinataibũ ea bika wakĩ yukakĩ: “Mĩ Mekenika Senhor Deusrã, hanimẽ? Huama daka? mia merabewairã”, ea akubainimabũ Senhor Deusũ hatu maemai uĩriashãkanikiki, haska hãtxa txakabu kaĩkaĩkĩ hatu dakewarã. Baiwẽ kakĩ pupus pema pema aka keska wakĩ hatu kupiaya hatu haska wai uĩ ẽ shinã txãkãshanaii.

Mateus 7:6

—Haska inũ, hawara pepa Deusuna kamã pubẽ mã inãtirumaki, hawẽ unãti watã matu keyutiruwẽ taeshunã. Habiaskari wakĩ ina yawa pubẽ mã mabu pepa inãtirumariki, txakabuwakĩ hau matu pema pema akãyamanunã. Habiaskari wakĩ tsuabũra Deusũ hãtxa danãhairamistũ hau matu deteyamanũbũ hatu ana yusĩyamakubaĩshãkãwẽ— iwanã,

Lucas 12:10

Hamẽ tsuabũra ẽ matũ Hutxi Kayabi Iuwa ea yuãbiaibũ Deusũ hatũ txakabu buashũtiruki. Hamẽ betsarã, tsuabũra Deusũ Yushĩ Pepa yuaĩbu hatũ txakabu Deusũ buaismaki.

João 10:36

Deusũ ea meribi washũ yurabu anu ea yununirã, eã yuikĩ: “Ẽ Deusũ bakeki”, ẽ ikaiwẽ taeshũ: “Mĩ Deus itxaii”, ikĩ ea txitekĩ mã kaneaii.

João 17:19

Hatuwẽ taea ea dukũ iki ẽ hatu meribishũshanaii. Haskawẽ taea txanima haburi hau mĩ hãtxa txanima kayabiwẽ meribirianũbunã, hawa kanetimarã.

Hechos 7:51

Estêvãonẽ Sinédrio ana hatu yuikubaĩkĩ: —Dasibi kuxipa Deus haya mesebiakẽ matũ shenipabu ipaunibu keskai matuburã, matũ besu inũ, matũ huĩti inũ, matũ pabĩki kuxikẽ Deusũ Yushĩ Pepatũ matu yusĩbiakubainaya mã nĩkaisbumaki, nawabũ Deus unãbuma keskarã.

Romanos 16:20

Mã haskai hiweawẽ taeshũ nukũ Epa Deusũ nuku unãnuma hiwemamistũ matu merabewaya mã Satanás txitekĩ ha aka hawaira babutã matũ mae anua kaĩkaĩshanikiki. Mã haska waya nukũ Shanẽ Ibu Jesus Cristõ hawẽ pepawẽ hau matu unãnuma hiwemakubainũwẽ.

1 Coríntios 11:27

Haskakẽ tsuabũra Jesus nuku mawashuni xinãmati uva vinho inũ misi pikĩ haska nukũ Shanẽ Ibũ xinãmati nuku washuniki meseama hawẽ yura inũ hawẽ himi atxakai mã ibubis atimapakubaĩkanaii.

1 Coríntios 15:27

Dasibi Deusũ damiwani Cristõ hatu maemamakĩ keyutã haska habe yubakai yuinameni hawẽ Epa Deuski shanẽ ibuama Epa Deusũ ha damiwani mekekubaĩmisshũ yunua Cristõ hatu maemakĩ binumatã dasibi betsa betsapa habetã damiwani Epa Deusũ mekekĩ dasibibu binui ha besti shanẽ ibuhairashanikiki, Epa Deusrã.

1 Coríntios 6:11

Maturã, betsabu ha ikaibu keska hiwebiakũkaĩkĩ Jesus Cristo mã ikũwaĩbu nukũ Shanẽ Ibu Jesus Cristõ kuxipa inũ Deusũ Yushĩ Pepatũ kuxipawẽ matu xinã betsa wamaya ikũwaĩ betsã matu naximabu matũ txakabu detsis dashkia keska wakĩ meribi habias besu keska wakĩ Deusũ Yushĩ Pepatũ matu pepawaniki.

Efésios 4:30

Haskakẽ habe matu hiwemakatsis ikĩ hamebi Deusũ nai anu matu iyushanũ, iwanã, hawenabu wakĩ matu unãti wakatsi matu inãni hawẽ Yushĩ Pepa ma hayarã, ana txakabukĩ hawẽ Yushĩ Pepa punu nukawayamakubaĩkãwẽ.

Efésios 5:26

Cristõ nuku haska wakatsi ikĩ nũ hawẽ ikũwaĩbu nuku mawashũkĩ hawena meribi txakabuma nũ shũpinũbũ hawẽ kakape nũ ikũwaĩwẽ taeshũ nuku naximamisbuki.

Hebreus 10:10

Hanua Deusũ xinã besti txibaĩ bestiwai hawẽ yura Deus inaĩ nuku mawashũtã ana besteniki, ana betsatiã mawatimairã. Haska wakĩ Jesus Cristõ Deusunabu nuku wakĩ ma nuku meribi waniki.

Hebreus 12:25

Ha inũ, Mati Sinai anushũ Deusũ hawẽ yunua hatu yuibia nĩkama hawẽ kupiti pashama inibuki. Ikis nai anushũ Deusũ hawẽ bakebetã nuku yusĩaĩ haskanibu keskakĩ nũ nĩkama nukuri nũ haskatã pashatirubumawẽ taeshũ hawara Deusũ nuku unãmai haki petxitã danãma uĩrakubainãkãwẽ.

Hebreus 13:20

Nukũ Shanẽ Ibu Jesusũ himiwẽ Deusũ yuba bena ikibi ika ma pewani hawẽ bake txashuwã mekenika pepa keska nukũ mekenã bestẽwanitũ unãnuma hawẽ kuxipawẽ nuku hiwemakubaĩkatsis ikikiki.

Hebreus 2:11

Dasibibũ nũ Deus abukĩ txibaĩburã, nukũ Epa Deus meribitũ nuku hawẽ bakebu wakĩ nuku meribi wamiski. Haskawẽ taea hawẽ bake Jesus Cristo nukuki dakeama nuku kenakĩ: “Ẽ betsabuki”, ikĩ nukukiri yuimiski.

Hebreus 2:3

Uĩwẽ. Ha dukũ nukũ Shanẽ Ibũ hamebi hawẽ pashati hakiri ibubis bebũkiri txani taeniki. Hanushũ nuku yubakĩ tsuabũra hakiri nĩkai txanima Deusũ hãtxa nũ unãkubainibuki. Nukuburã, hawẽ pashati ewapa txanima hubianikẽ mekei peama hiwe kayabikatsi ikamarã, haskatã ibubis nũ pashatirubumaki.

Hebreus 4:14

Deusũ bake Jesus iwãni ana hawẽri naiuri kani hawẽ Epabe nuku hãtxashunika binua nũ ikũwaĩwẽ taeshũ nukũ xinãwẽ mestẽwãtã txibãkĩ heneyamakubainãkãwẽ.

Hebreus 6:4

Tsuabura Deusũ hawenabu wakatsi hatu katushũ hawẽ Yushĩ Pepa hatu inãkĩ hatu merabewamapakeaya hawẽ hãtxa pepa unaĩ Jesus ana huaitiã haskasnũbariai keskai hiwei taekĩ habũ Jesus ikũwãkĩ txibãbiai putai txĩtũtã hatũmebi ana xinã betsa watirubumaki. Habu Deusũ bakẽ hãtxaki kashekĩ danãkĩ ana cruzki masta keska wakĩ hatunaburi Jesuski kashemaibuwẽ taeshũ hatu yusĩkĩ nukũri hatũ xinã hatu betsa wamakĩ nũ hatu pewatirumaki.

Hebreus 9:13

Txanima Deusbe nukunabu hãtxashunika dayakĩ ina awa bene inũ txashuwã himi baxa baxa akĩ inũ ina awa bake yushã menua hawẽ mapu ũpashki mutsashũ ha mapu pae watã hatuki baxa baxa ariakĩ tsuabũra txakabu waxina hawẽ txakabu tushkuakĩ ana hawenabubetã tari inũ bitxi hiwe inũ txipu Templo anushũ ana Deus kẽwãtiru wakĩ hatu pewakubaĩkanikiki, bemakis besti wakinã.

Hebreus 9:20

hatu yuikĩ: “Matu yuinũ nĩkakãwẽ. Na hãtxa ẽ matu yuishuwẽ Deusũ matu ma yubashuki. Ha inũ, na himirã, hawẽ Deusũ matu yubashu xinãmati himiki”, atã

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.