Hebreus 10:28 - Kaxinawá Bíblia (BR)

²⁸ Nukũ shenipabũ Deusũ Moisés yusĩa hãtxa nĩkama txakabuwaibu dabe kasmai dabe inũ besti habias hakiri yui kaneabumakẽ hatu unãti watã hawa hatuwẽ nuiama kupikĩ tenãpaunibukiaki. Natiã ha yununi mese hayayuaki.

Kashinawa : Diosun Jesúswen taexun yuba bena yiniki

²⁸ Nukun xenipabun Diosun Moisés yusian jancha ninkama chakabuwaibu dabe kasmai dabe inun besti jabias jakidi yui kaneabumaken jatu unanti watan jawa jatuwen nuiama kupikin tenanpaunibukiaki. Natian ja yununi mese jayayuaki.

Hebreus 10:28 Referencias Cruzadas

2 Samuel 12:13

e itã haskaima Natã bebushũ Davĩ yuikĩ: —Senhor Deus danãkĩ txakabu betsa betsapa ẽ akimaki— ikaya kemakĩ Natãnẽ yuikĩ: —Mĩ txakabuwaimawẽ taeshũ Senhor Deusũ mia kupia mĩ mia mawama ishanaii.

2 Samuel 12:9

Haskakĩ mĩ ẽ hãtxa ea nĩka pewama ikimashũ ẽ haska betxipaiai keska mĩ akama danaĩmamẽ? Amom nawabu Heteu nawa Urias hatu tenãmanũ, iwanã, hau Urias nitxĩshanũ mĩ Joabe yunua Urias hatu tenãmaimaki, hatu haska wamatã hawẽ aĩ mina wakĩ bikatsirã.

Mateus 18:16

Hakia mia nĩkamakẽ hanushũ ea ikũwaĩ bestitxai kasmai dabe hatu kenatã hariri mia txakabuwaxina habias hãtxari haturi banabimatã hatũ mia txakabuwaxina anu hatu iyuwe, hau habũri mia merabewanũbunã.

João 8:17

Hanushũ Deusũ Moisés yuia matu keneshunirã, ha uĩkĩ hawara hakiri huni dabe habias hãtxa txaniaibu hawẽ hãtxa mã ikũwãtiruki, ikũkenã.

2 Coríntios 13:1

Yurabu mai hirabi anu mekẽnũ ika Jesus babuyunikẽ hunibũ atxishũ cruzki netãtã tenaĩbu Jesusũ hatu nemamakẽ hanua ma tenãbu Deusũ hawẽ kuxipawẽ ana bestẽwaniki. Haskakẽ nukũ Shanẽ Ibu keska babuyui hawẽ kuxipa Deusũ nukuwẽ matu unãmamiswẽ taea niti ikama Cristobe nũ hiwekuĩkũkaĩshanaii. Habiaskabiakẽ Cristõ kuxipawẽ ẽ matu yunumismẽkaĩ mã unãkatsis ikaibu matu anu ana kashũ Cristõ hãtxa txanima kuxipawẽ ẽ matu ha atiru ẽ matu uĩmai kashanaii. Ẽ matu yusĩtani ana matu yusĩ matube ana ka hiwea ẽ yubakayama keska txai hiwebia matu dapishũ ẽ yuiai keska ana ẽ matu banabimai nĩkairakãwẽ. Haratubũra ikũwaĩbũ txakabuwakĩ hatũ huĩti ana pewariabuma ẽ ana hatuwẽ nuiama iki kashanaii. Eska Deusũ yunua Moisés hatu yununiwẽ besti nũ hatu unãti watiruki: “Tsuãra txakabuwai hawẽ hãtxa unãkĩ yura dabe kasmai dabe inũ bestitũ hakiri txanii pikuaibũ habũ hãtxa ikũwãtirubuki”, ini ha yusĩa txibaĩ matũ itxati anu itxashũ habu txakabumẽkaĩ haska unãtinaĩ txitenamei penamebukũkãwẽ.

Deuteronômio 19:15

Shanẽ ibu bebũshũ yura betsaki sinatakĩ kũyã akĩ shanẽ ibu yuikĩ: “Natunã, ma txakabuwashuki”, akĩ bestitxaitũ haska hawara hakiri txakabu yuibiaya shanẽ ibubũ hau nĩkayamanũbũwẽ. Hakia dabetũ kasmai, dabe inũ bestitũ habias hãtxawẽ txitekĩ yuiaibu nĩkashũ unãti watã shanẽ ibubũ kupitirubuki.

Hebreus 12:25

Ha inũ, Mati Sinai anushũ Deusũ hawẽ yunua hatu yuibia nĩkama hawẽ kupiti pashama inibuki. Ikis nai anushũ Deusũ hawẽ bakebetã nuku yusĩaĩ haskanibu keskakĩ nũ nĩkama nukuri nũ haskatã pashatirubumawẽ taeshũ hawara Deusũ nuku unãmai haki petxitã danãma uĩrakubainãkãwẽ.

Hebreus 2:2

Ha inũ, hawẽ nai tsumabu hãtxamakĩ uatiã Deusũ hawẽ hãtxa hawẽ nai tsumabuwẽ hatu yusĩmapauniki. Ha Deusũ yunuti inũ hawẽ nemati kuxipa hayaniburã, tsuãra nĩkakĩ txibãma txakabu waibu hawẽ taeshũ hawa kaneama Deusũ hatu kupikubainiki.

Santiago 2:13

Deusũ nuku eska washanikiki. Matu yuinũ nĩkakãwẽ. Tsuabura nũ hatuwẽ nuisbuma Deusũri nuku unãti wai nuiama ishanikiki. Hamẽ tsuabura nũ hatuwẽ nuikubaĩmisburã, hanu kupikĩ unãti waitiã hawa nuku itxakawama hatu binumakĩ nuku pasha wakĩ binumashanikiki.