2 ФЕСАЛОНІКІЙЦАЎ 2:13 - Кнігі Святога Пісання - Біблія - Біблія — пераклад Чарняўскага (выданне 2017 года)

Нам жа належыць заўжды дзякаваць Богу за вас, умілаваныя Госпадам браты, бо ад пачатку, праз асвячэнне Духа і веру праўды Бог вас выбраў на збаўленне,

Біблія (пераклад А.Бокуна)

А мы заўсёды павінны дзякаваць Богу за вас, улюбёныя Госпадам браты, што Бог ад пачатку, праз асьвячэньне Духа і веру праўдзе, выбраў вас на збаўленьне,

Біблія (пераклад В. Сёмухі)

А мы заўсёды павінны дзякаваць Богу за вас, любасныя Богу браты, што Бог ад пачатку, праз асьвячэньне Духа і веру ісьціне, выбраў вас на ратаваньне,

2 ФЕСАЛОНІКІЙЦАЎ 2:13 Крыжаваныя спасылкі

БЫЦЦЁ 1:1

Спачатку стварыў Бог неба і зямлю.

2 ЦАРСТВАЎ 12:25

і паслаў да яго, і праз прарока Натана даў яму імя Едыдыя па загадзе Госпада.

ВЫСЛОЎІ 8:23

ад вечнасці ўзнікла я і ад старадаўніх часоў, перш чым зямля ўзнікла.

ІСАІ 46:10

Я абвяшчаю ад пачатку тое, што ў канцы, ды ад даўніх часоў тое, што яшчэ не адбылося, кажучы: “Намер Мой усталюецца, і здзейсню Я ўсю волю Сваю”.

ЕРАМІІ 31:3

Госпад аб’явіўся мне здалёк: «Я ўзлюбіў цябе любоўю вечнаю, дзеля таго прыгарнуў цябе з міласэрнасцю.

ЕЗЭКІІЛЯ 16:8

І прайшоў Я каля цябе, і ўбачыў цябе; і вось, твой час, і час кахаючых. І расцягнуў Я плашч Свой над табою, і закрыў твой сорам; і звязаўся з табою прысягай, і ўвайшоў з табою ў запавет, — кажа Госпад Бог, — і стала ты Маёю.

ДАНІІЛА 10:11

і сказаў мне: «Даніэлю, муж пажаданняў, зразумей словы, якія я кажу табе, і стань на ногі свае; бо я цяпер пасланы да цябе». І калі ён гаварыў мне гэтыя словы, я, дрыжачы, стаяў.

ДАНІІЛА 10:19

і сказаў: «Не бойся, чалавек пажаданняў; супакой табе! Узмацуйся і будзь дужы». І калі ён гаварыў са мною, я падужэў і казаў: «Гавары, гаспадару, са мною, бо ўздужыў ты мяне».

ДАНІІЛА 9:23

Ад пачатку маленняў тваіх выйшла слова; я ж прыбыў, каб паведаміць табе, бо ты чалавек пажаданняў, дык звярні ўвагу на слова і зразумей бачанне.

ЛУКАША 1:75

ў святасці і справядлівасці перад Ім ва ўсе дні жыцця нашага.

ЯНА 1:1

На пачатку было Слова, і Слова было ў Бога, і Богам было Слова.

ЯНА 14:6

Кажа яму Ісус: «Я – дарога, і праўда, і жыццё. Ніхто не прыходзіць да Айца, як толькі праз Мяне.

ДЗЕІ 13:48

Пагане ж, чуючы гэта, цешыліся ды славілі слова Госпадава, і ўсе, прызначаныя да жыцця вечнага, уверылі.

ДЗЕІ 15:9

і не зрабіў ніякай розніцы між намі і імі, ачышчаючы сэрцы іх верай.

РЫМЛЯНАЎ 6:17

Дзякуй Богу, што вы, якія былі нявольнікамі граху, ад шчырага сэрца паслухаліся таго ладу навукі, у якую вы аддалі сябе.

РЫМЛЯНАЎ 8:33

Хто будзе вінаваціць выбраннікаў Божых? Бог апраўдвае іх.

РЫМЛЯНАЎ 9:11

Калі яны былі яшчэ не народжаны ды нічога не ўчынілі: ані дабра, ані зла, – каб заставаўся Божы намер адносна выбрання, –

1 КАРЫНФЯНАЎ 1:21

Калі ж свет мудрасцю не пазнаў Бога ў мудрасці Божай, дык спадабалася Богу праз вар’яцтва прапаведніцтва збавіць веруючых.

ГАЛЯТАЎ 3:1

О неразумныя галаты! Хто зачараваў вас, каб вы не пакараліся праўдзе, вас, перад вачамі якіх апісаны быў Ісус Хрыстос, як бы між вамі укрыжаваны?

ЭФЭСЯНАЎ 2:8

Бо ласкаю вы збаўлены праз веру, і гэта не ад вас, але Божы дар;

ДРУГІ ЗАКОН 33:12

Пра Бэньяміна сказаў: «Улюбёны Госпадам будзе пражываць упэўнена з Ім, Узвышні будзе апекавацца над ім увесь дзень, і супачыне ён на руках Яго».

КАЛАСЯНАЎ 1:5

дзеля надзеі, якая прыгатавана для вас у небе, аб якой чулі вы раней у слове праўды Евангелля,

КАЛАСЯНАЎ 3:12

Дык апраніцеся як выбраннікі Божыя, святыя і ўлюбёныя, у сэрца спагаднае, ласкавасць, пакорлівасць, сціпласць, доўгацярплівасць,

1 ФЕСАЛОНІКІЙЦАЎ 1:4

ведаючы, улюбёныя Богам браты, выбранне ваша,

1 ФЕСАЛОНІКІЙЦАЎ 2:12

просячы і пацяшаючы, пераконвалі жыць дастойна Бога, Які паклікаў вас да Валадарства Свайго і славы.

1 ФЕСАЛОНІКІЙЦАЎ 4:7

Бо паклікаў нас Бог не да нячыстасці, але да святасці.

1 ФЕСАЛОНІКІЙЦАЎ 5:9

Бо не прызначыў нас Бог на гнеў, але на атрыманне збаўлення праз Госпада нашага Ісуса Хрыста,

2 ФЕСАЛОНІКІЙЦАЎ 1:3

Дзякаваць павінны мы заўсёды Богу за вас, браты, як і належыць, бо вера ваша вельмі ўзрастае ды ўзаемная любоў між вамі ўзмацняецца,

2 ФЕСАЛОНІКІЙЦАЎ 2:10

і з усякім нягодным ашуканствам для тых, якім ісці на загубу, бо яны не прынялі любові праўды, каб збавіцца.

2 ФЕСАЛОНІКІЙЦАЎ 2:12

Так будуць асуджаны ўсе, што не ўверылі праўдзе, а ўзлюбілі беззаконне.

2 ФЕСАЛОНІКІЙЦАЎ 2:16

Хай жа Сам Госпад наш Ісус Хрыстос і Бог, Айцец наш, Які ўзлюбіў нас і даў вечнае суцяшэнне і добрую надзею ў ласцы,

2 ЦІМАФЕЯ 1:9

Які збавіў нас і паклікаў святым пакліканнем не паводле нашых спраў, але паводле пастановы Сваёй і ласкі, якая дадзена нам у Хрысце Ісусе спрадвеку,

2 ЦІМАФЕЯ 2:15

Пільна рупся паказацца годным перад Богам, працаўніком беззаганным, які даносіць з павагай слова праўды.

2 ЦІМАФЕЯ 3:15

бо з дзіцячых гадоў пазнаў ты Пісанні Святыя, якія могуць цябе навучыць на збаўленне праз веру ў Хрыста Ісуса.

ГАБРЭЯЎ 1:10

І: «Госпадзе, напачатку заснаваў Ты зямлю, і неба – стварэнне рук Тваіх.

ЯКАВА 1:18

Нарадзіў Ён нас словам праўды з уласнай волі, каб былі мы першакамі Яго стварэнняў.

1 ЯНА 4:10

Любоў у тым, што не мы палюбілі Бога, але што Ён палюбіў нас ды паслаў Сына Свайго ва ўміласціўленне за нашы грахі.

1 ЯНА 4:19

Мы любім Яго, бо Ён першы палюбіў нас.