2 ФЕСАЛОНІКІЙЦАЎ 2:13 - Біблія (пераклад В. Сёмухі)

¹³ А мы заўсёды павінны дзякаваць Богу за вас, любасныя Богу браты, што Бог ад пачатку, праз асьвячэньне Духа і веру ісьціне, выбраў вас на ратаваньне,

Біблія (пераклад А.Бокуна)

¹³ А мы заўсёды павінны дзякаваць Богу за вас, улюбёныя Госпадам браты, што Бог ад пачатку, праз асьвячэньне Духа і веру праўдзе, выбраў вас на збаўленьне,

Кнігі Святога Пісання - Біблія - Біблія — пераклад Чарняўскага (выданне 2017 года)

¹³ Нам жа належыць заўжды дзякаваць Богу за вас, умілаваныя Госпадам браты, бо ад пачатку, праз асвячэнне Духа і веру праўды Бог вас выбраў на збаўленне,

2 ФЕСАЛОНІКІЙЦАЎ 2:13 Крыжаваныя спасылкі

БЫЦЦЁ 1:1

На пачатку стварыў Бог неба і зямлю.

2 ЦАРСТВАЎ 12:25

і паслаў прарока Натана, і ён даў яму імя: Едыдыя, паводле слова Госпада.

ВЫСЛОЎІ 8:23

адвеку была я памазаная, ад пачатку, ад правеку зямлі.

ІСАІ 46:10

Я ўзьвяшчаю на пачатку, што будзе ў канцы, і ад старадаўніх часін тое, што яшчэ не зрабілася, кажу: Мая рада адбудзецца, і ўсё, што Мне заўгодна, Я зраблю.

ЕРАМІІ 31:3

Здалёк явіўся мне Гасподзь і сказаў: любоўю вечнаю Я палюбіў цябе, і таму даў табе Маё ўпадабаньне.

ЕЗЭКІІЛЯ 16:8

І праходзіў Я міма цябе, і вось, гэта быў час твой, час любові; і раскінуў Я раскрыльле шатаў Маіх на цябе і накрыў галізну тваю; і прысягнуў табе і ўступіў у спрымірэнства з табою, кажа Гасподзь Бог, - і ты стала Маёю.

ДАНІІЛА 10:11

І сказаў ён мне: «Данііле, муж любасны! пранікні ў словы, якія я скажу табе, і стань проста на ногі твае; бо да цябе я пасланы сёньня». Калі ён казаў мне гэтыя словы, я ўстаў і дрыжаў.

ДАНІІЛА 10:19

і сказаў: «ня бойся, муж любасны! мір табе, будзь мужны, будзь мужны!» І калі ён гаварыў са мною, я ўмацаваўся і сказаў: кажы, спадару мой; бо ты ўмацаваў мяне».

ДАНІІЛА 9:23

На пачатку маленьня твайго выйшла слова, і я прыйшоў абвясьціць яго табе, бо ты - муж жаданьняў; дык вось, пранікні ў слова і ўразумей уяву.

ЛУКАША 1:75

мы служылі Яму ў сьвятасьці і праўдзе перад Ім ва ўсе дні жыцьця нашага.

ЯНА 1:1

На пачатку было Слова, і Слова было ў Бога, і Слова было Богам.

ЯНА 14:6

Ісус сказаў яму: Я - і шлях і праўда і жыцьцё; ніхто ня прыходзіць да Айца, як толькі церазь Мяне.

ДЗЕІ 13:48

Язычнікі, чуючы гэта радаваліся і славілі слова Гасподняе, і ўверавалі ўсе, хто быў наперад вызначаны ў вечнае жыцьцё.

ДЗЕІ 15:9

і не паклаў ніякае розьніцы паміж намі і імі, вераю ачысьціўшы сэрцы іхнія.

РЫМЛЯНАЎ 6:17

Дзякаваць Богу, што вы, якія раней былі рабамі грэху, ад сэрца сталіся паслухмяныя таму вобразу вучэньня, якому аддалі сябе.

РЫМЛЯНАЎ 8:33

Хто будзе вінаваціць выбранцаў Божых? Бог апраўдае іх.

РЫМЛЯНАЎ 9:11

бо калі яны яшчэ не нарадзіліся і не зрабілі нічога добрага альбо благога (каб у пастанове Бог быў вольны выбіраць

1 КАРЫНФЯНАЎ 1:21

Бо калі сьвет сваёй мудрасьцю не спазнаў Бога ў мудрасьці Божай, дык заўгодна было Богу юродзтвам пропаведзі выратаваць веруючых.

ГАЛЯТАЎ 3:1

О, няцямныя Галяты! Хто падбіў вас не скарацца ісьціне, вас, у каго перад вачыма накрэсьлены быў Ісус Хрыстос, як бы сярод вас укрыжаваны?

ЭФЭСЯНАЎ 2:8

Бо мілатою вы ўратаваныя празь веру, і гэта не ад вас, - Божы дар:

ДРУГІ ЗАКОН 33:12

Пра Веньяміна сказаў: любасны Госпаду жыве ў Яго ў бясьпецы, Бог спрыяе яму кожны дзень, і ён пакоіцца паміж плячамі Ягонымі.

КАЛАСЯНАЎ 1:5

маючы надзею на ўгатаванае вам на нябёсах, пра што вы раней чулі ў праўдзівым слове зьвеставаньня,

КАЛАСЯНАЎ 3:12

Дык апранецеся, як выбранцы Божыя, сьвятыя і ўлюбёнцы, у міласэрнасьць, даброць, мудрую пакору, лагоднасьць, доўгую цярплівасьць,

1 ФЕСАЛОНІКІЙЦАЎ 1:4

ведаючы выбраньне ваша, любасныя браты;

1 ФЕСАЛОНІКІЙЦАЎ 2:12

мы прасілі і пераконвалі і ўгаворвалі рабіць годна Бога, Які паклікаў вас у Сваё Царства і славу.

1 ФЕСАЛОНІКІЙЦАЎ 4:7

Бо паклікаў нас Бог не да нячысьціні, а да сьвятасьці.

1 ФЕСАЛОНІКІЙЦАЎ 5:9

таму што Бог вызначыў нас не на гнеў, а на атрыманьне збавеньня праз Госпада нашага Ісуса Хрыста,

2 ФЕСАЛОНІКІЙЦАЎ 1:3

Заўсёды па справядлівасьці мы павінны дзякаваць Богу за вас, браты, бо ўзрастае вера вашая, і памнажаецца любоў кожнага адно да аднаго паміж усімі вамі,

2 ФЕСАЛОНІКІЙЦАЎ 2:10

і з усякім няправедным ашуканствам тых, якія гінуць за тое, што яны не прынялі любові ісьціны дзеля свайго збавеньня.

2 ФЕСАЛОНІКІЙЦАЎ 2:12

хай будуць асуджаны ўсе тыя, што ня верылі ісьціне, а ўпадабалі няпраўду.

2 ФЕСАЛОНІКІЙЦАЎ 2:16

А Сам Гасподзь наш Ісус Хрыстос і Бог і Айцец наш, Які палюбіў нас і даў уцеху вечную і надзею добрую ў мілаце,

2 ЦІМАФЕЯ 1:9

Які выратаваў нас і паклікаў званьнем сьвятым, не за дзеі нашыя, а паводле Свайго волевыяўленьня і мілаты, дадзенай нам у Хрысьце Ісусе раней адвечных часоў,

2 ЦІМАФЕЯ 2:15

Старайся паставіць сябе прад Богам годным, працаўніком бездакорным, які правільна выкладае слова праўды.

2 ЦІМАФЕЯ 3:15

пры гэтым ты змалку ведаеш сьвятыя Пісаньні, якія могуць умудрыць цябе ў збавеньне вераю ў Хрыста Ісуса.

ГАБРЭЯЎ 1:10

І: «у пачатку Ты, Госпадзе, заснаваў зямлю, і нябёсы - дзеля рук Тваіх;

ЯКАВА 1:18

Захацеўшы, спарадзіў Ён нас словам ісьціны, каб сталіся мы нейкім пачаткам Ягоных твораў.

1 ЯНА 4:10

У тым любоў, што ня мы палюбілі Бога, а Ён палюбіў нас і паслаў Сына Свайго, каб умілажаліцца з грахоў нашых.

1 ЯНА 4:19

Будзем любіць Яго, бо Ён раней палюбіў нас.