1 КАРЫНФЯНАЎ 6:11 - Кнігі Святога Пісання - Біблія - Біблія — пераклад Чарняўскага (выданне 2017 года)

І такімі былі некаторыя з вас. Але вы абмыліся, але вы асвяціліся, але вы апраўдаліся ў імя Госпада нашага Ісуса Хрыста і праз Духа Бога нашага.

Біблія (пераклад А.Бокуна)

І гэткімі былі некаторыя, але вы абмытыя, але вы асьвячоныя, але вы апраўданыя ў імя Госпада нашага Ісуса Хрыста і ў Духу Бога нашага.

Біблія (пераклад В. Сёмухі)

І такімі былі некатроыя з вас, але абмыліся, але асьвяціліся, але апраўдаліся імем Госпада нашага Ісуса Хрыста і Духам Бога нашага.

1 КАРЫНФЯНАЎ 6:11 Крыжаваныя спасылкі

ПСАЛТЫР 51:2

Калі прыбыў да яго прарок Натан, пасля таго як учыніў ён грэх з Бэтсэбай.

ПСАЛТЫР 51:7

Вось жа нарадзіўся я ў правіннасці, і ў граху пачала мяне маці мая.

ВЫСЛОЎІ 30:12

Ёсць род, які здаецца сабе чыстым, але не адмыты ад бруду свайго.

ІСАІ 1:16

Абмыйцеся, будзьце чыстымі! Прыміце ліхасць учынкаў вашых з вачэй Маіх! Перастаньце рабіць зло!

ІСАІ 45:25

У Госпадзе апраўдаецца і ўславіцца кожны нашчадак Ізраэля.

ІСАІ 53:11

На подзвіг душы Сваёй Ён будзе глядзець з задавальненнем, насыціцца веданнем Сваім. «Слуга Мой справядлівы апраўдае многіх, і несправядлівасці іх Сам Ён будзе несці.

ЕРАМІІ 4:14

Ачысці ад ліхоты сэрца сваё, Ерузалім, каб стаўся збаўлены! Дакуль жа будуць у табе ліхія задумы?

ЕЗЭКІІЛЯ 36:25

і пакраплю вас чыстаю вадой, каб сталі вы чыстымі ад усіх вашых агіднасцей ды ачышчу вас ад усіх вашых ідалаў.

ЛЯВІТ 14:48

Калі вось святар прыйдзе і агледзіць, што зараза не разраслася ў гэтым доме па новым абтынкаванні, дык прызнае гэты дом чыстым, бо зараза была вылечана.

ЛЯВІТ 8:6

І ў той жа момант прывёў Аарона і сыноў яго. І калі абмыў іх вадою,

МАЦЬВЕЯ 20:4

і сказаў ім: “Ідзіце і вы ў вінаграднік, і, што будзе справядліва, дам вам”.

ЛУКАША 18:14

Кажу вам: гэты вярнуўся дамоў больш апраўданым, чым той: бо кожны, хто ўзвышаецца, будзе прыніжаны, а хто прыніжаецца, будзе ўзвышаны».

ЯНА 13:10

Кажа яму Ісус: «Хто памыты, не патрабуе нічога, як толькі ногі памыць, бо ўвесь чысты; вы таксама чыстыя, але не ўсе».

ЯНА 13:8

Кажа Яму Пётра: «Увек не будзеш мне мыць ног». Адказаў яму Ісус: «Калі Я цябе не абмыю, не будзеш мець удзелу са Мной».

ЯНА 5:4

Бо Анёл Госпадаў час ад часу сыходзіў у купальню і ўзрушваў ваду, і той, хто першы ўваходзіў па ўзрушэнні вады, аздараўляўся, якой бы ні быў апанаваны немаччу.

ДЗЕІ 13:39

у Ім кожны, хто ўверыць, апраўдаецца.

ДЗЕІ 22:16

Дык чаму ж ты цяпер марудзіш? Прымі хрост і абмый грахі твае, прызваўшы імя Госпада”.

ДЗЕІ 26:18

каб адкрыў ты ім вочы, каб павярнуліся ад цемры да святла і ад улады шатана да Бога, каб атрымалі адпушчэнне грахоў і ўдзел са святымі праз веру ў Мяне”.

РЫМЛЯНАЎ 3:24

апраўданы ж дарма праз ласку Яго, праз адкупленне, якое ў Ісусе Хрысце;

РЫМЛЯНАЎ 4:5

Таму, аднак, хто не працаваў, але верыць у Таго, Хто апраўдвае бязбожніка, яго вера залічваецца за справядлівасць.

РЫМЛЯНАЎ 5:1

Дык, апраўданыя вераю, мы маем мір з Богам праз Госпада нашага Ісуса Хрыста,

РЫМЛЯНАЎ 5:9

Дык тым больш цяпер, апраўданыя Крывёй Яго, будзем збаўлены праз Яго ад гневу.

РЫМЛЯНАЎ 8:30

Тых жа, якіх прызначыў, тых і паклікаў, а якіх паклікаў, тых і апраўдаў, а якіх апраўдаў, тых і ўславіў.

РЫМЛЯНАЎ 8:33

Хто будзе вінаваціць выбраннікаў Божых? Бог апраўдвае іх.

1 КАРЫНФЯНАЎ 1:2

Божай царкве, што ў Карынце, асвечаным у Ісусе Хрысце ды пакліканым святым разам з усімі, што прызываюць імя Госпада нашага Ісуса Хрыста ў кожным месцы, у іх ды ў нас:

1 КАРЫНФЯНАЎ 1:30

Дзякуючы Яму і вы ёсць у Хрысце Ісусе, Які ад Бога стаўся для нас мудрасцю, справядлівасцю, пасвячэннем і адкупленнем,

1 КАРЫНФЯНАЎ 12:2

Бо вы ведаеце, як вы былі паганамі, дык хадзілі да нямых ідалаў, быццам вялі вас.

ГАЛЯТАЎ 2:16

ведаючы ж, што чалавек апраўдваецца не праз выкананне закону, а праз веру ў Ісуса Хрыста, і мы паверылі ў Ісуса Хрыста, каб апраўдацца верай у Хрыста, а не выкананнем закону, бо выкананнем закону не апраўдаецца ніводнае цела.

ГАЛЯТАЎ 3:11

А калі ж законам ніхто не апраўдваецца перад Богам, ясна, што справядлівы з веры жыць будзе.

ГАЛЯТАЎ 3:24

Таму закон быў нашым настаўнікам у Хрысце, каб з веры былі мы апраўданы.

ГАЛЯТАЎ 3:8

Таму прадбачыла Пісанне, што будзе Бог апраўдваць народы з веры, і прадвесціла Абрагаму: «У табе будуць дабраславёны ўсе народы».

ЭФЭСЯНАЎ 5:26

каб асвяціць яе, ачышчаючы лазняй воднаю ў слове,

ЭФЭСЯНАЎ 5:8

Бо былі вы калісьці цемраю, а цяпер вы – святло ў Госпадзе, дык і жывіце, як сыны святла.

2 ФЕСАЛОНІКІЙЦАЎ 2:13

Нам жа належыць заўжды дзякаваць Богу за вас, умілаваныя Госпадам браты, бо ад пачатку, праз асвячэнне Духа і веру праўды Бог вас выбраў на збаўленне,

ГАБРЭЯЎ 10:22

прыступайма са шчырым сэрцам, у паўнаце веры, крапленнем ачысціўшы сэрцы ад усякай свядомасці ліхой і з абмытым чыстаю вадою целам.

ГАБРЭЯЎ 10:29

Падумайце самі, наколькі ж страшнейшых кар варты той, які Сына Божага патаптаў, ці кроў запавету, якой быў асвечаны, за звычайную лічыў і Духа ласкі зняважыў?

ГАБРЭЯЎ 2:11

Бо Той, Хто ўсвячае, і тыя, якія ўсвячаюцца, ад Аднаго ўсе. Дзеля таго Ён не саромеецца называць іх братамі,

1 ПЯТРА 1:2

наканаваннем Бога Айца пры асвячэнні Духам, дзеля паслухмянасці і пакраплення Крывёй Ісуса Хрыста: хай ласка і супакой будуць вам шчодра памножаны.

1 ПЯТРА 1:22

Ачысціўшы душы вашы паслухмянасцю праўдзе праз Духа дзеля здабыцця шчырай братняй любові, ад чыстага сэрца любіце адзін аднаго,

1 ПЯТРА 3:21

На падабенства таго і нас цяпер збаўляе хрост, не праз абмыццё бруду цела, але праз абяцанне Богу добрага сумлення, праз уваскрэсенне Ісуса Хрыста,

1 ЯНА 2:12

Пішу вам, дзеткі: адпушчаны вам грахі ў імя Яго.

АДКРЫЦЦЁ 1:5

і ад Ісуса Хрыста, Які ёсць сведка верны, Першародны з памерлых і Валадар валадароў зямных. Яму, Які ўзлюбіў нас, і абмыў нас ад грахоў нашых Крывёю Сваёй,

АДКРЫЦЦЁ 7:14

А я сказаў яму: «Гаспадару мой, ты ведаеш». І ён сказаў мне: «Гэта тыя, якія выйшлі з вялікага ўціску, і абмылі свае вопраткі, і выбелілі іх у Крыві Ягняці.